ചാലക്കുടി: സെന്റ് മേരീസ് ദേവാലയത്തിലെ വിശുദ്ധ സെബസ്ത്യാനോസിന്റെ തിരുനാളിനോടനുബന്ധിച്ച് മർച്ചന്റ് അസോസിയേഷന്റെ നേതൃത്വത്തിൽ ടൗണ് അന്പ് പ്രദക്ഷിണം നടത്തി.
മത സൗഹാർദ സമ്മേളനം നഗരസഭാ ചെയർമാൻ എബി ജോർജ് ഉദ്ഘാടനം ചെയ്തു. ജോയി മൂത്തേടൻ അധ്യക്ഷതവഹിച്ചു. വികാരി ഫാ. ജോളി വടക്കൻ, ഹാജി ഹുസൈൻ ബാഗവി, ബാബു മേൽശാന്തി, ഫാ. ആന്റു ആലപ്പാടൻ, വി.ഒ. പൈലപ്പൻ, സി.എസ്. സുരേഷ്, ജോബി മേലേടത്ത്, ബിനു മഞ്ഞളി എന്നിവർ പ്രസംഗിച്ചു. തുടർന്ന് ടൗണ് അന്പ് പ്രദക്ഷിണം ആരംഭിച്ചു.
ചാലക്കുടി: തിരുനാളിനോടനുബന്ധിച്ച് ടൗണിന്റെ ഭാഗങ്ങളിൽ മർച്ചന്റ് അസോസിയേഷന്റെ നേതൃത്വത്തിൽ ഒരുക്കിയ നഗരകാഴ്ച ആകർഷകമായി.
ഡിവൈഎസ്പി സി.ആർ. സന്തോഷ് ഉദ്ഘാടനം ചെയ്തു. പ്രസിഡന്റ് ജോയി മൂത്തേടൻ അധ്യക്ഷതവഹിച്ചു. ജോബി മേലേടത്ത്, ജോണി മേച്ചേരി, റെയ്സൽ ആലുക്ക, സഗീഷ് ഷണ്മുഖൻ, ഷൈജു പുത്തൻപുരക്കൽ, ചന്ദ്രൻ കൊളത്താപ്പിള്ളി, ജോബി പയ്യപ്പിള്ളി, ജോർജ് വേഴപറന്പിൽ, ജോയി പാനിക്കുളം, എം.എം. മനീഷ്, ദേവസി ക്കുട്ടി പനേക്കാടൻ, എം.ജെ. ജോബി എന്നിവർ പ്രസംഗിച്ചു.
പ്രവാസി അന്പ് നാളെ നടത്തുമെന്ന് സംഘാടകർ അറിയിച്ചു. ബുധനാഴ്ച വൈകിട്ട് ആറിന് സൗത്ത് ജംഗ്ഷനിലെ പന്തലിൽ നിന്ന് ആരംഭിക്കും.
അലങ്കരിച്ച തേരിൽ ബാൻഡ് സെറ്റിന്റെയും ശിങ്കാരിമേളത്തിന്റെയും അകന്പടിയോടെ ടൗണ് ചുറ്റി രാത്രി ഒൻപതിന് പള്ളിയിൽ പ്രവേശിക്കും.
തുടർന്ന് വർണമഴ ഒരുക്കിയതായി വാർത്താസമ്മേളനത്തിൽ പ്രവാസി അന്പ് കമ്മിറ്റി കണ്വീനർ ടി.പി. ജോർജ്, പ്രസിഡന്റ് ലൈജു ആലപ്പാട്ട്, സെക്രട്ടറി ഷാജു ജോസ്, സോജ് ജോസഫ്, ജിമ്മി കിഴക്കുംതല, ഡേവീസ് മാങ്ങൻ എന്നിവർ അറിയിച്ചു.