ക​ല​ക്ക​വെ​ള്ള​ത്തി​ൽ "മു​ങ്ങി' കോ​ർ​പ​റേ​ഷ​ൻ കൗ​ൺ​സി​ൽ
Wednesday, May 18, 2022 12:50 AM IST
സ്വ​ന്തം ലേ​ഖ​ക​ൻ
തൃ​ശൂ​ർ: ശു​ദ്ധ​മാ​യ കു​ടി​വെ​ള്ളം ത​രാ​ത്ത മേ​യ​ർ രാ​ജി​വ​യ്ക്ക​ണ​മെ​ന്ന് ആ​വ​ശ്യ​പ്പെ​ട്ട് കോ​ർ​പ​റേ​ഷ​ൻ കൗ​ൺ​സി​ലി​ൽ പ്ര​തി​പ​ക്ഷ ബ​ഹ​ളം. ഇ​ട​തു​ വ​ല​തു രാ​ഷ്ട്രീ​യ​മ​ല്ല വി​ക​സ​ന​മാ​ണ് നാ​ടി​നാ​വ​ശ്യ​മെ​ന്നു ബി​ജെ​പി കൗ​ൺ​സി​ല​ർ​മാ​ർ.
ശു​ദ്ധ​മാ​യ കു​ടി​വെ​ള്ളം വി​ത​ര​ണം ചെ​യ്യു​ന്ന​തി​ൽ കോ​ർ​പ​റേ​ഷ​ൻ പ​രാ​ജ​യ​പ്പെ​ട്ടെ​ന്ന് ആരോ​പി​ച്ച് യോ​ഗം തു​ട​ങ്ങി​യ​യു​ട​ൻ പ്ര​തി​പ​ക്ഷ കൗ​ൺ​സി​ല​ർ​മാ​ർ ന​ടു​ത്ത​ള​ത്തി​ലി​റ​ങ്ങി. മേ​യ​റെ മ​റ​യ്ക്കും​വി​ധം ബാ​ന​റു​യ​ർ​ത്തി, കു​പ്പി​ക​ളി​ൽ ക​ല​ക്ക​വെ​ള്ള​വും പ്ല​ക്കാ​ർ​ഡു​ക​ളു​മേ​ന്തി മു​ദ്രാ​വാ​ക്യം വി​ളി​ച്ചു. അ​ര​മ​ണി​ക്കൂ​റോ​ളം ഇ​തു തു​ട​ർ​ന്ന​പ്പോ​ൾ മേ​യ​ർ യോ​ഗം പി​രി​ച്ചു​വി​ട്ട​താ​യി അ​റി​യി​ച്ച് ചേം​ബ​റി​ലേ​ക്കു മ​ട​ങ്ങി.
തു​ട​ർ​ന്ന് യു​ഡി​എ​ഫ് നേ​തൃ​ത്വ​ത്തി​ലു​ള്ള കൗ​ൺ​സി​ല​ർ​മാ​ർ മേ​യ​റു​ടെ ചേം​ബ​റി​നു മു​ന്നി​ൽ കു​ത്തി​യി​രു​ന്നു മു​ദ്രാ​വാ​ക്യ​ങ്ങ​ൾ മു​ഴ​ക്കി. ബി​ജെ​പി കൗ​ൺ​സി​ല​ർ​മാ​ർ കൗ​ൺ​സി​ൽ ഹാ​ളി​നു മു​ന്നി​ൽ കു​ത്തി​യി​രു​ന്നു.
കൗ​ൺ​സി​ലി​ൽ പ​ങ്കെ​ടു​ത്ത​വ​രെ​ക്കൊ​ണ്ട് മി​നി​റ്റ്സ് ബു​ക്കി​ൽ ഒ​പ്പി​ടീ​ക്കാ​തെ മേ​യ​ർ കൊ​ണ്ടു​പോ​യ​തു പ്ര​തി​പ​ക്ഷം ചോ​ദ്യം ചെ​യ്ത​തി​നെതു​ട​ർ​ന്ന് കോ​ർ​പ​റേ​ഷ​ൻ സെ​ക്ര​ട്ട​റി ഇ​ട​പെ​ട്ട് ഒ​പ്പി​ടീ​ച്ചു.
ശു​ദ്ധ​മാ​യ കു​ടി​വെ​ള്ളം
ത​രു​ന്ന​തു​വ​രെ സ​മ​രം
ശു​ദ്ധ​മാ​യ കു​ടി​വെ​ള്ളം ന​ല്കു​ന്ന​തു​വ​രെ ചേം​ബ​റി​നു മു​ന്നി​ൽ സ​മ​രം തു​ട​രു​മെ​ന്നു കോ​ർ​പ​റേ​ഷ​ൻ പ്ര​തി​പ​ക്ഷനേ​താ​വ് രാ​ജ​ൻ പ​ല്ല​ൻ പ​റ​ഞ്ഞു. ഏ​പ്രി​ലി​ൽ പൂ​ർ​ത്തി​യാ​ക്കു​മെ​ന്നു പ​റ​ഞ്ഞ, കോ​ർ​പ​റേ​ഷ​ൻ പ​രി​ധി​യി​ലെ തോ​ടു​ക​ൾ വൃ​ത്തി​യാ​ക്കു​ന്ന​തി​ന്‍റെ ടെ​ൻഡർപോ​ലും വി​ളി​ച്ചി​ട്ടി​ല്ല.
പു​തി​യ നി​യ​മ​മ​നു​സ​രി​ച്ചു​ള്ള ഇ ​ടെ​ൻഡർ ന​ട​പ​ടി​ക​ൾ പൂ​ർ​ത്തി​യാ​കാ​ൻ ര​ണ്ടു മാ​സ​മെ​ങ്കി​ലു​മെ​ടു​ക്കും. അ​പ്പോ​ഴേ​ക്കും ആ​യി​ര​ക്ക​ണ​ക്കി​നു വീ​ടു​ക​ൾ വെ​ള്ള​പ്പൊ​ക്ക​ത്തി​ൽ മു​ങ്ങും. മ​ഴ​ക്കാ​ലം ക​ഴി​യു​ക​യും ചെ​യ്യും. അ​ടി​യ​ന്ത​ര സാ​ഹ​ച​ര്യം ക​ണ​ക്കി​ലെ​ടു​ത്തു സ​ർ​ക്കാ​രി​ൽ​നി​ന്ന് പ്ര​തേ്യ​ക അ​നു​മ​തി വാ​ങ്ങി ഇ ​ടെ​ൻഡർ ഒ​ഴി​വാ​ക്കി തോ​ടു​ക​ൾ വൃ​ത്തി​യാ​ക്ക​ണ​മെ​ന്നു രാ​ജ​ൻ പ​ല്ല​ൻ പ​റ​ഞ്ഞു. കൗ​ൺ​സി​ല​ർ​മാ​രെ കാ​ർ ഇ​ടി​പ്പി​ച്ചു കൊ​ല്ലാ​ൻ ശ്ര​മി​ച്ച മേ​യ​റു​ടെ ഡ്രൈ​വ​റെ പു​റ​ത്താ​ക്ക​ണ​മെ​ന്നും ആ​വ​ശ്യ​പ്പെ​ട്ടു.
ജോ​ണ്‍ ഡാ​നി​യൽ, ഇ.​വി. സു​നി​ൽ​രാ​ജ്, കൗ​ണ്‍​സി​ല​ർ​മാ​രാ​യ ലാ​ലി ജെ​യിം​സ്, എ​ൻ.​എ. ഗോ​പ​കു​മാ​ർ, കെ. ​രാ​മ​നാ​ഥ​ൻ, ജ​യ​പ്ര​കാ​ശ് പൂ​വ​ത്തി​ങ്ക​ൽ, മു​കേ​ഷ് കുള​പ​റ​ന്പി​ൽ, ശ്യാ​മ​ള മു​ര​ളീ​ധ​ര​ൻ, ലീ​ല വ​ർ​ഗീ​സ്, എ​ബി വ​ർ​ഗീ​സ്, സ​നോ​ജ് പോ​ൾ, വി​നേ​ഷ് ത​യ്യി​ൽ, നി​മ്മി റ​പ്പാ​യി, ആ​ൻ​സി ജേ​ക്ക​ബ്, സു​നി​ത വി​നു, മേ​ഴ്സി അ​ജി, സി​ന്ധു ആ​ന്‍റോ, മേ​ഫി ഡെ​ൽ​സ​ണ്‍, ശ്രീ​ലാ​ൽ ശ്രീ​ധ​ർ, എ.​കെ. സു​രേ​ഷ്, വി​ല്ലി ജി​ജോ, രെ​ന്യ ബൈ​ജു, റെ​ജി ജോ​യ് എ​ന്നി​വ​ർ സ​മ​ര​ത്തി​ൽ പ​ങ്കെ​ടു​ത്തു.

കു​ടി​വെ​ള്ളം കു​പ്പി​ക​ളി​ലേ​ന്തി
ബി​ജെ​പി കൗ​ൺ​സി​ല​ർ​മാ​ർ

ക​ലങ്ങിയ കു​ടി​വെ​ള്ളം കു​പ്പി​ക​ളി​ലാ​ക്കി യോ​ഗ​ത്തി​നെ​ത്തി​യ ബി​ജെ​പി കൗ​ൺ​സി​ല​ർ​മാ​ർ യു​ഡി​എ​ഫ് പ്ര​തി​ഷേ​ധ​ത്തി​ൽ പ​ങ്കെ​ടു​ക്കാ​തെ കൗ​ൺ​സി​ൽ ഹാ​ളി​നു പു​റ​ത്തു കു​ത്തി​യി​രു​ന്നു. മേ​യ​ർ ചേം​ബ​ർ വി​ട്ടു പു​റ​ത്തി​റ​ങ്ങി​യ​തോ​ടെ​യാ​ണ് ബി​ജെ​പി കൗ​ൺ​സി​ല​ർ​മാ​ർ പ്ര​തി​ഷേ​ധ​മു​യ​ർ​ത്തി​യ​ത്. ഇ​ട​തു​ വ​ല​തു രാ​ഷ്ട്രീ​യ​മ​ല്ല വി​ക​സ​ന​മാ​ണ് നാ​ടി​നാ​വ​ശ്യ​മെ​ന്നും ജ​ന​ങ്ങ​ൾ​ക്കു ഭീ​ഷ​ണി​യാ​യി നി​ൽ​ക്കു​ന്ന കോ​ലോ​ത്തും​പാ​ട​ത്തെ ഒ​ഡ​ബ്ല്യു​സി പ്ലാ​ന്‍റ് നി​ർ​ത്ത​ലാ​ക്ക​ണ​മെ​ന്ന ും ആ​വ​ശ്യ​പ്പെ​ട്ടു. അ​ടി​യ​ന്ത​ര​മാ​യി ച​ർ​ച്ചചെ​യ്തു ന​ട​പ്പാ​ക്കേ​ണ്ട കാ​ര്യ​ങ്ങ​ളു​ള്ള​പ്പോ​ഴാ​ണ് മേ​യ​ർ പൂ​രം ക​ളി​ച്ച് ആ​ളാ​യി ന​ട​ക്കു​ന്ന​തെ​ന്നും കു​റ്റ​പ്പെ​ടു​ത്തി. ബി​ജെ​പി കൗ​ൺ​സി​ല​ർ​മാ​രാ​യ വി​നോ​ദ് പൊ​ള്ള​ഞ്ചേ​രി, എ. ​പ്ര​സാ​ദ് തു​ട​ങ്ങി​യ​വ​ർ പ​ങ്കെ​ടു​ത്തു.