കൊ​ക്കാ​ലെ​യി​ൽ റോ​ഡ് വെ​ട്ടി​പ്പൊ​ളി​ച്ചു
Wednesday, March 3, 2021 12:31 AM IST
സ്വ​ന്തം ലേ​ഖ​ക​ൻ

തൃ​ശൂ​ർ: ന​വീ​ക​ര​ണ​ത്തി​ന്‍റെ ഭാ​ഗ​മാ​യി കൊ​ക്കാ​ലെ സെ​ന്‍റ​റി​ൽ മു​ന്ന​റി​യി​പ്പി​ല്ലാ​തെ റോ​ഡ് വെ​ട്ടി​പ്പൊ​ളി​ച്ചു. രാ​വി​ലെ ക​ട​ക​ൾ തു​റ​ന്നു ക​ച്ച​വ​ട​ക്കാ​ർ സ​ജീ​വ​മാ​കു​ന്ന​തി​നി​ടെ​യാ​യി​രു​ന്നു വെ​ട്ടി​പ്പൊ​ളി​ക്ക​ൽ.
വെ​ളി​യ​ന്നൂ​രി​ൽ റോ​ഡ് ബ്ലോ​ക്ക് ചെ​യ്ത് വെ​ട്ടി​പ്പൊ​ളി​ച്ചു. അതോടെ ഗ​താ​ഗ​തക്കുരു​ക്ക് രൂ​ക്ഷ​മാ​യി. മു​ന്ന​റി​യി​പ്പു ന​ല്കാ​തെ റോ​ഡ് വെ​ട്ടി​പ്പൊ​ളി​ച്ച​തി​നെ ക​ച്ച​വ​ട​ക്കാ​ർ ചോ​ദ്യം ചെ​യ്തു. വി​വ​ര​മ​റി​ഞ്ഞു സ്ഥ​ല​ത്തെ​ത്തി​യ കൗ​ൺ​സി​ല​ർ​മാ​രും "പൊ​ളി​ക്ക​ൽ' അ​റി​ഞ്ഞി​ട്ടു​ണ്ടാ​യി​രു​ന്നി​ല്ല. പ​ണി നി​ർ​ത്താ​ൻ കൗ​ൺ​സി​ല​ർ​മാ​ർ ഉ​ദ്യോ​ഗ​സ്ഥ​രോ​ട് ആ​വ​ശ്യ​പ്പെ​ട്ടു. വ്യാ​പാ​രി വ്യ​വ​സാ​യി സം​ഘ​ട​നാ നേ​താ​ക്ക​ളും സ്ഥ​ല​ത്തെ​ത്തി​യി​രു​ന്നു.
കൊ​ക്കാ​ലെ ജം​ഗ്ഷ​ൻ ന​വീ​ക​രി​ക്കു​ന്ന​തി​ന്‍റെ ഭാ​ഗ​മാ​യി ടൈ​ൽ ഇ​ടു​ന്ന​തി​നാ​ണ് റോ​ഡ് പൊ​ളി​ക്കു​ന്ന​തെ​ന്നാ​യി​രു​ന്നു ഉ​ദ്യോ​ഗ​സ്ഥ​രു​ടെ വി​ശ​ദീ​ക​ര​ണം. സാ​ധാ​ര​ണ ഇ​ത്ത​രം നി​ർ​മാ​ണ പ്ര​വൃ​ത്തി​ക​ൾ ന​ട​ക്കു​ന്പോ​ൾ ര​ണ്ടോ മൂ​ന്നോ ദി​വ​സം മു​ന്പ് അ​ത​തു പ്ര​ദേ​ശ​ത്തെ കൗ​ൺ​സി​ല​ർ​മാ​രെ അ​റി​യി​ക്കു​ക പ​തി​വു​ണ്ടാ​യി​രു​ന്നു. എ​ന്നാ​ൽ കൊ​ക്കാ​ലെ​യി​ലെ പ്ര​വൃ​ത്തി​ക​ൾ സം​ബ​ന്ധി​ച്ച് അ​റി​യി​പ്പൊ​ന്നും ല​ഭി​ച്ചി​രു​ന്നി​ല്ലെ​ന്നു ക​ണ്ണം​കു​ള​ങ്ങ​ര ഡി​വി​ഷ​ൻ കൗ​ൺ​സി​ല​ർ മു​കേ​ഷ് കു​ള​പ​റ​ന്പി​ൽ പ​റ​ഞ്ഞു. നി​ർ​മാ​ണ പ്ര​വൃ​ത്തി​ക​ൾ തു​ട​ങ്ങു​ന്ന​തി​നു തൊ​ട്ടു​മു​ന്പാ​ണ് തൃ​ശൂ​ർ സോ​ണ​ൽ എ​ഇ ത​ന്നെ വി​ളി​ച്ചു വി​വ​രം പ​റ​ഞ്ഞ​തെ​ന്നു കൊ​ക്കാ​ലെ കൗ​ൺ​സി​ല​ർ വി​നോ​ദ് പൊ​ള്ളാ​ഞ്ചേ​രി പ​റ​ഞ്ഞു.
പ​ള്ളി​ക്കു​ളം ഡി​വി​ഷ​ൻ കൗ​ൺ​സി​ല​ർ സി​ന്ധു ആ​ന്‍റോ ചാ​ക്കോ​ള​യും സ്ഥ​ല​ത്തെ​ത്തി​യി​രു​ന്നു. തു​ട​ർ​ന്നു കൗ​ൺ​സി​ല​ർ​മാ​രും വ്യാ​പാ​രി​ക​ളും ഉ​ദ്യോ​ഗ​സ്ഥ​രു​മാ​യി ച​ർ​ച്ച ചെ​യ്തു നി​ർ​മാ​ണ പ്ര​വൃ​ത്തി​ക​ൾ എ​ത്ര​യും വേ​ഗം തീ​ർ​ക്ക​ണ​മെ​ന്ന വ്യ​വ​സ്ഥ​യി​ലെ​ത്തി. രാ​ത്രി കൂ​ടു​ത​ൽ വേ​ഗ​ത്തി​ൽ പ​ണി​ക​ൾ ന​ട​ക്കു​മെ​ന്നും ഉ​റ​പ്പു​ണ്ടാ​യി. പ​ത്തു ദി​വ​സ​ത്തി​ന​കം നി​ർ​മാ​ണ പ്ര​വൃ​ത്തി​ക​ൾ പൂ​ർ​ത്തി​യാ​ക്ക​ണ​മെ​ന്ന ഉ​റ​പ്പി​ന്മേ​ലാ​ണ് വ്യാ​പാ​രി​ക​ളും കൗ​ൺ​സി​ല​ർ​മാ​രും പി​രി​ഞ്ഞുപോ​യ​ത്. ഇ​തോ​ടെ നി​ർ​മാ​ണ പ്ര​വൃ​ത്തി​ക​ൾ ന​ട​ക്കു​ന്ന ഭാ​ഗ​ത്തെ ക​ച്ച​വ​ട​ക്കാ​ർ ക​ട​ക​ള​ട​ച്ചു പോ​യി.
Fന​വീ​ക​ര​ണം ഇ​ങ്ങ​നെ
ന​വീ​ക​ര​ണ​ത്തി​ന്‍റെ ഭാ​ഗ​മാ​യി കൊ​ക്കാ​ലെ ജം​ക്‌​ഷ​നി​ൽ നാ​ലു റോ​ഡു​ക​ളി​ലേ​ക്കും 15 മീ​റ്റ​ർ ത​ള്ളി​യാ​ണു ടൈ​ൽ വി​രി​ക്കു​ന്ന​ത്. ഭാ​ഗി​ക ഗ​താ​ഗ​തം അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ട​തി​നെ​തു​ട​ർ​ന്ന് ഒ​രു റോ​ഡി​ന്‍റെ പ​കു​തി​ഭാ​ഗം എ​ന്ന രീ​തി​യി​ലാ​യി​രി​ക്കും നി​ർ​മാ​ണ പ്ര​വൃ​ത്തി​ക​ൾ. പ​ത്തു​ദി​വ​സ​ത്തി​നു​ള്ളി​ൽ നി​ർ​മാ​ണ പ്ര​വൃ​ത്തി​ക​ൾ പൂ​ർ​ത്തീ​ക​രി​ക്കു​മെ​ന്നു ക​രാ​റു​കാ​ര​ൻ പ​റ​യു​ന്നു. ടൈ​ൽ ഇ​ട്ടു ന​വീ​ക​രി​ക്കു​ന്ന​തോ​ടെ കൊ​ക്കാ​ലെ ജം​ക്‌​ഷ​നി​ലെ ഗ​താ​ഗ​ത​ക്കു​രു​ക്കി​നു പ​രി​ഹാ​ര​മാ​കു​മെ​ന്നു കൗ​ൺ​സി​ല​ർ​മാ​ർ പ​റ​യു​ന്നു.

4പ​രി​ഹാ​ര​മാ​യി​ല്ല
മ​ഴ​ക്കാ​ല​ത്തു കാ​ന​ക​ളി​ൽ​നി​ന്നും മ​ലി​നജലം ക​ട​ക​ളി​ലേ​ക്ക് അ​ടി​ച്ചു ക​യ​റു​ന്ന​തു ത​ട​യാ​ൻ ഇ​തു​വ​രെ​യും ന​ട​പ​ടി​യാ​യി​ല്ല. മലിനജലത്തി​ൽ ​നി​ന്നു ക​ച്ച​വ​ടം ന​ട​ത്തേ​ണ്ട സ്ഥി​തി​യി​ലാ​ണ് കു​റ​ച്ചു​കാ​ല​ങ്ങ​ളാ​യി കൊ​ക്കാ​ലെ​യി​ലെ വ്യാ​പാ​രി​ക​ൾ. കാ​ന​ക​ൾ റോ​ഡി​നൊ​പ്പം ഉ​യ​ർ​ത്തി സ്ലാ​ബി​ട്ടാ​ൽ മാ​ത്ര​മേ ഇ​തി​നൊ​രു പ​രി​ഹാ​ര​മു​ണ്ടാ​കു​ക​യു​ള്ളൂവെ​ന്ന് കൗ​ൺ​സി​ല​ർ മു​കേ​ഷ് കു​ള​പ​റ​ന്പി​ൽ പ​റ​ഞ്ഞു.