കു​ട്ടി​ക​ളു​ടെ യു​ട്യൂ​ബ് ചാ​ന​ലു​മാ​യി സ​ഹോ​ദ​രങ്ങൾ
Thursday, April 9, 2020 9:16 PM IST
തൊ​ടു​പു​ഴ:​വി​ര​സ​ത​യി​ല്ലാ​തെ ലോ​ക്ക്ഡൗ​ണ്‍ കാ​ല​യ​ള​വ് പ്രി​യ​കൂ​ട്ടു​കാ​ർ​ക്ക് ആ​സ്വാ​ദ്യ​ക​ര​മാ​ക്കു​ക​യാ​ണ് സ​ഹോ​ദ​ര​ങ്ങ​ളാ​യ മൂ​വ​ർ​സം​ഘം.​

യുട്യൂബ് ചാ​ന​ലു​ള്ള നി​ര​വ​ധി​പ്പേ​രു​ണ്ടെ​ങ്കി​ലും ലോ​ക്ക് ഡൗ​ണ്‍ കാ​ല​യ​ള​വി​ൽ കു​ട്ടി​ക​ളു​ടെ വി​ര​സ​ത മാ​റ്റാ​നു​ത​കു​ന്ന പ്ര​ത്യേ​ക പ​രി​പാ​ടി​ക​ളൊ​ന്നും പ​ല​പ്പോ​ഴും ഇ​വ​യി​ൽ ഉ​ണ്ടാ​കാ​റി​ല്ല.​ ഇ​തേ തു​ട​ർ​ന്നാ​ണ് ലോ​ക്ക് ഡൗ​ണ്‍ കാ​ല​യ​ള​വ് വി​ര​സ​ത​ക​ളി​ല്ലാ​തെ എ​ങ്ങ​നെ വ്യ​ത്യ​സ്ത​മാ​ക്കാ​മെ​ന്ന കു​രു​ന്നു​മ​ന​സു​ക​ളു​ടെ ആ​ലോ​ച​ന​യി​ലാ​ണ് കു​ട്ടി​ക​ൾ​ക്കാ​യി യൂ ​ട്യൂ​ബ് ചാ​ന​ൽ എ​ന്ന ആ​ഗ്ര​ഹം ഏ​പ്രി​ൽ ഒ​ന്നി​നു യാ​ഥാ​ർ​ഥ്യ​മാ​യ​ത്.​

ലോ​ക്ക് ഡൗ​ണ്‍ കാ​ല​യ​ള​വി​ൽ വീ​ട്ടി​ൽ ടി​വി​യു​ടെ​യും മൊ​ബൈ​ൽ ഫോ​ണി​ന്‍റെ​യും ക​ര​വ​ല​യ​ത്തി​ൽ കു​ടു​ങ്ങി​ക്കിട​ക്കു​ന്ന കൊ​ച്ചു​കൂ​ട്ടു​കാ​രെ ഇ​വ​യി​ൽ നി​ന്നു മോ​ചി​പ്പി​ക്കാ​നും പു​തു​മ​യാ​ർ​ന്ന പ​രി​പാ​ടി​ക​ളി​ലൂ​ടെ കു​ട്ടി​ക​ളു​ടെ വി​വി​ധ​ങ്ങ​ളാ​യ ക​ഴി​വു​ക​ൾ വി​ക​സി​പ്പി​ക്കു​ന്ന​തി​നു​ള്ള ഒ​രു വേ​ദി സൃ​ഷ്ടി​ക്കു​ക​യെ​ന്ന ല​ക്ഷ്യ​ത്തോ​ടെ​യാ​ണ് യു ​ട്യൂ​ബ് ചാ​ന​ൽ ത​ന്നെ ആ​രം​ഭി​ക്കാ​നു​ള്ള ആ​ഗ്ര​ഹം കു​ട്ടി​ക​ൾ മാ​താ​പി​താ​ക്ക​ളു​മാ​യി പ​ങ്കു​വ​ച്ച​ത്.​

ര​ക്ഷി​താ​ക്ക​ളു​ടെ പൂ​ർ​ണ പി​ന്തു​ണ കൂ​ടി ല​ഭി​ച്ച​തോ​ടെ അ​ന്നൂ​സ് ആ​ന്‍ഡ് എ​ത്തൂ​സ് എ​ന്ന പേ​രി​ലു​ള്ള കു​ട്ടി​ക​ളു​ടെ യു ​ട്യൂ​ബ് ചാ​ന​ൽ പി​റ​വി​യെ​ടു​ക്കു​ക​യും ചെ​യ്തു.​കൊ​ടു​വേ​ലി സാ​ൻ​ജോ സി​എം​ഐ പ​ബ്ലി​ക് സ്കൂ​ളി​ലെ ര​ണ്ടാം ക്ലാ​സ് വി​ദ്യാ​ർ​ഥി​നി ഏ​ൻ​ജ​ലി​നും ഇ​വി​ടെ ത​ന്നെ യു​കെ​ജി വി​ദ്യാ​ർ​ഥി​നി​യാ​യ എ​സ്തേ​റും ക​ല​യ​ന്താ​നി അ​ങ്ക​ണ​വാ​ടി​യി​ൽ പ​ഠി​ക്കു​ന്ന മൂ​ന്നു​വ​യ​സു​കാ​ര​നാ​യ ഈ​ഥ​നും ചേ​ർ​ന്ന് ആ​രം​ഭി​ച്ച യു ട്യൂ​ബ് ചാ​ന​ൽ ചു​രു​ങ്ങി​യ നാ​ളു​ക​ൾ​ക്കു​ള്ളി​ൽ ത​ന്നെ കു​ട്ടി​ക​ളു​ടെ പ്രി​യ​പ്പെ​ട്ട​താ​യി മാ​റി​ക്ക​ഴി​ഞ്ഞു.​ പു​തു​മ​നി​റ​ഞ്ഞ​തും വ്യ​ത്യ​സ്ത​ത​യാ​ർ​ന്ന പ​രി​പാ​ടി​ക​ളു​മാ​യി നി​ര​വ​ധി​പ്പേ​രു​ടെ പ്ര​ശം​സ നേ​ടു​ക​യും ചെ​യ്തു.​ ചെ​റി​യ ചെ​റി​യ ജോ​ലി​ക​ളി​ൽ മാ​താ​പി​താ​ക്ക​ളെ സ​ഹാ​യി​ക്കു​വാ​നും പാ​ട്ടും ക​ഥ​ക​ളും മ​റ്റു കു​ട്ടി​ക​ളെ പ​രി​ച​യ​പ്പെ​ടു​ത്തു​വാ​നു​മാ​ണ് മൂ​വ​ർ​സം​ഘം ത​ങ്ങ​ളു​ടെ യു ​ട്യൂ​ബ് ചാ​ന​ൽ കൂ​ടു​ത​ലാ​യും ഉ​പ​യോ​ഗ​പ്പെ​ടു​ത്തു​ന്ന​ത്. കു​ട്ടി​പ്പാ​ട്ടു​ക​ൾ,ക​ഥ​ക​ൾ,ലോ​ക്ക്ഡൗ​ണ്‍ ക്വി​സ് തു​ട​ങ്ങി കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും ഇ​ഷ്ട്ട​പ്പെ​ടു​ന്ന വി​വി​ധ പ​രി​പാ​ടി​ക​ളും അ​വ​ത​രി​പ്പി​ച്ചു​വ​രു​ന്നു.​

ചാ​ന​ൽ സ​ബ് സ്ക്രൈ​ബ് ചെ​യ്യു​ന്ന​വ​രു​ടെ എ​ണ്ണം വ​ർ​ധി​ച്ച​തോ​ടെ കൂ​ടു​ത​ൽ ആ​ക​ർ​ഷ​ക​മാ​യ പ​രി​പാ​ടി​ക​ൾ ഒ​രു​ക്കു​ന്ന​തി​നു​ള്ള ശ്ര​മ​ത്തി​ലാ​ണ് ഇ​വ​ർ. തൊ​ടു​പു​ഴ ന​ഗ​ര​സ​ഭ കു​ടും​ബ​ശ്രീ പ്രൊ​ജ​ക്ട് മാ​നേ​ജ​രും ട്രെ​യ്ന​റു​മാ​യ ക​ല​യ​ന്താ​നി ക​ണ്ട​ത്തി​ൽ ജോ​ണി ജോ​സ​ഫി​ന്‍റെ​യും സാ​ൻ​ജോ സി​എം​ഐ പ​ബ്ലി​ക് സ്കൂ​ളി​ലെ കൗ​ണ്‍​സല​റും അ​ധ്യാ​പി​ക​യു​മാ​യ സി​ജി മ​രി​യ സേ​വ്യ​റി​ന്‍റെ​യും മ​ക്ക​ളാ​ണ് ഈ​ഥ​നും ഏ​ൻ​ജ​ലി​നും എ​സ്തേ​റും.