അ​പ​ക​ടം മ​ണ​ത്ത​റി​യാ​ൻ ഇ​നി അജിത്തിന്‍റെ റോ​ബട്ടും
Sunday, July 21, 2019 10:23 PM IST
നെ​ടു​ങ്ക​ണ്ടം: കി​ണ​റു​ക​ളി​ലും ഓ​ട​ക​ളി​ലു​മു​ള്ള വി​ഷ​വാ​ത​ക​ത്തി​ന്‍റെ​യും വി​ഷ​ജ​ന്തു​ക്ക​ളു​ടെ​യും സാ​ന്നി​ധ്യം മ​ന​സി​ലാ​ക്കാ​ൻ ഇ​നി റോ​ബട്ടും. തൂ​ക്കു​പാ​ലം വി​ജ​യ​മാ​ത പ​ബ്ലി​ക് സ്കൂ​ളി​ലെ ഭൗ​തി​ക​ശാ​സ്ത്ര അ​ധ്യാ​പ​ക​നാ​യ അ​ജി​ത് കെ. ​മ​ധു​വാ​ണ് ലൈ​ഫ്ബോ​ട്ട് എ​ന്ന റോ​ബ​ട്ട് നി​ർ​മി​ച്ച​ത്.
കി​ണ​റും ഓ​ട​യും മ​റ്റും വൃ​ത്തി​യാ​ക്കാ​നി​റ​ങ്ങു​ന്പോ​ൾ ശ്വാ​സം​മു​ട്ടി മ​രി​ക്കു​ന്ന ആ​ളു​ക​ളു​ടെ എ​ണ്ണം വ​ർ​ധി​ക്കു​ന്ന സാ​ഹ​ച​ര്യ​ത്തി​ലാ​ണ് അ​ജി​ത് പു​തി​യ ക​ണ്ടു​പി​ടി​ത്ത​വു​മാ​യി രം​ഗ​ത്തെ​ത്തി​യി​രി​ക്കു​ന്ന​ത്. കി​ണ​റി​ലും ഓ​ട​യി​ലും ഇ​റ​ങ്ങു​ന്ന​തി​നു​മു​ൻ​പ് അ​തി​നു​ള്ളി​ലെ വാ​യു​വി​ന്‍റെ ഗു​ണ​മേ​ൻ​മ​യും വാ​യു​വി​ലു​ള്ള വി​ഷ​വാ​ത​ക​ങ്ങ​ളു​ടെ സാ​ന്നി​ധ്യ​വും പാ​ന്പു​പോ​ലെ അ​പ​ക​ട​കാ​രി​ക​ളാ​യ ജ​ന്തു​ക്ക​ളു​ടെ സാ​ന്നി​ധ്യ​വും അ​റി​യു​ന്ന​തി​നാ​ണ് അ​ജി​ത് ലൈ​ഫ്ബോ​ട്ട് വി​ക​സി​പ്പി​ച്ച​ത്.
വാ​യു​വി​ന്‍റെ ഗു​ണ​മേ​ൻ​മ, വി​വി​ധ​ത​രം അ​പ​ക​ട​ക​ര​മാ​യ വാ​ത​ക​ങ്ങ​ളു​ടെ സാ​ന്നി​ധ്യം, ഉൗ​ഷ്മാ​വ്, അ​ന്ത​രീ​ക്ഷ​ത്തി​ലെ ഈ​ർ​പ്പം എ​ന്നി​വ ക​ണ്ടെ​ത്താ​നു​ള്ള വി​വി​ധ സെ​ൻ​സ​റു​ക​ൾ, റോബട്ടി​നെ ച​ലി​പ്പി​ക്കു​വാ​നു​ള്ള മോ​ട്ടോ​റു​ക​ൾ എ​ന്നി​വ​യാ​ണ് ഇ​തി​ൽ ഉ​പ​യോ​ഗി​ച്ചി​രി​ക്കു​ന്ന​ത്. ജീ​വി​ക​ളു​ടെ സാ​ന്നി​ധ്യ​മ​റി​യാ​ൻ ഒ​രു കാ​മ​റ യൂ​ണി​റ്റും ഇ​തി​ൽ പ്ര​വ​ർ​ത്തി​ക്കു​ന്നു.
റോ​ബട്ടി​ന് ര​ണ്ടു ഭാ​ഗ​ങ്ങ​ളാ​ണു​ള്ള​ത്. കി​ണ​റ്റി​ലും മ​റ്റും ഇ​റ​ക്കു​വാ​ൻ സെ​ൻ​സ​റു​ക​ളു​ള്ള മെ​യി​ൻ യൂ​ണി​റ്റും വി​വ​ര​ങ്ങ​ൾ അ​റി​യാ​നു​ള്ള ഒ​രു ഡി​സ്പ്ലേ യൂ​ണി​റ്റും. ഇ​വ​ത​മ്മി​ൽ ബ്ലൂ​ടൂ​ത്ത് ഉ​പ​യോ​ഗി​ച്ചു ബ​ന്ധി​പ്പി​ച്ചി​രി​ക്കു​ന്നു.
ഏ​ക​ദേ​ശം ഒ​രു​മാ​സം എ​ടു​ത്താ​ണ് ഇ​ദ്ദേ​ഹം റോ​ബ​ട്ട് വി​ക​സി​പ്പി​ച്ചെ​ടു​ത്ത​ത്. റോബട്ടി​ലെ മൊ​ത്തം ഘ​ട​ക​ങ്ങ​ൾ​ക്കു​വേ​ണ്ടി ചെ​ല​വാ​യ​ത് 3500 രൂ​പ​യാ​ണ്.