വാ​തി​ലു​ക​ളി​ൽ ഘ​ടി​പ്പി​ക്കു​ന്ന ഓ​ട്ടോ​മാ​റ്റി​ക് സാ​നി​റ്റൈ​സ​ർ സം​വി​ധാ​ന​വു​മാ​യി ബൈ​ജു
Monday, March 30, 2020 9:58 PM IST
ചേ​ര്‍​ത്ത​ല: നി​ര​വ​ധി ക​ണ്ടു​പി​ടിത്ത​ങ്ങ​ളി​ലൂ​ടെ ശ്ര​ദ്ധേ​യ​നാ​യ കെ​എ​സ്ഇ​ബി​യു​ടെ യു​വ എ​ന്‍​ജി​നി​യ​ര്‍ ബൈ​ജു കൊ​റോ​ണ വൈ​റ​സി​ന്‍റെ വ്യാ​പ​നം ത​ട​യാ​ന്‍ പു​തി​യ ഉ​പ​ക​ര​ണ​വു​മാ​യി രം​ഗ​ത്ത്. നി​ര​വ​ധി ത​വ​ണ പ​ല​രും സ്പ​ര്‍​ശി​ക്കാ​ന്‍ സാ​ധ്യ​ത​യു​ള്ള സ്ഥാ​പ​ന​ങ്ങ​ളി​ലെ വാ​തി​ലു​ക​ളു​ടെ കൈ​പ്പി​ടി​ക​ളി​ല്‍ സ്ഥാ​പി​ക്കാ​ന്‍ ക​ഴി​യു​ന്ന ഓ​ട്ടോ​മാ​റ്റി​ക് സാ​നി​റ്റൈ​സ​ര്‍ ആ​ണ് ഈ ​ഉ​പ​ക​ര​ണം. ബാ​ങ്കു​ക​ൾ, ആ​ശു​പ​ത്രി​ക​ള്‍, ഓ​ഫീ​സു​ക​ള്‍ തു​ട​ങ്ങി നി​ര​വ​ധി​യി​ട​ങ്ങ​ളി​ല്‍ ഒ​ട്ടേ​റെ​പ്പേ​ര്‍ ദൈ​നം​ദി​നം സ്പ​ര്‍​ശി​ക്കു​ന്ന വാ​തി​ല്‍ കൈ​പ്പി​ടി​ക​ളി​ലൂ​ടെ​യും കൊ​റോ​ണ വൈ​റ​സ് വ്യാ​പി​ക്കു​ന്ന​തു ത​ട​യാ​ന്‍ ഇ​തി​നു ക​ഴി​യും.

ഇ​ത് സ്ഥാ​പി​ച്ചി​ട്ടു​ള്ള വാ​തി​ലി​ന്‍റെ കൈ​പ്പി​ടി​യി​ല്‍ ഒ​രാ​ള്‍ സ്പ​ര്‍​ശി​ക്കു​ന്ന​തി​നു തൊ​ട്ടു​മു​മ്പാ​യി കൈ​പ്പി​ടി​യി​ല്‍ പൊ​തി​ഞ്ഞി​രി​ക്കു​ന്ന പ്ര​ത്യേ​ക ക​വ​ച​ത്തി​ലേ​യ്ക്ക് കൃ​ത്യ​മാ​യ അ​ള​വി​ല്‍ ആ​ല്‍​ക്ക​ഹോ​ളി​ക് സാ​നി​റ്റൈ​സ​ര്‍ ലാ​യ​നി ഓ​ട്ടോ​മാ​റ്റി​ക്ക് ആ​യി എ​ത്തു​ക​യും അ​ങ്ങ​നെ അ​ത് വൈ​റ​സ് വി​മു​ക്ത​മാ​കു​ക​യും ചെ​യ്യു​ന്നു. ഈ ​സം​വി​ധാ​നം ത​ന്നെ ചെ​റി​യ മാ​റ്റ​ങ്ങ​ള്‍ വ​രു​ത്തി ഭി​ത്തി​യി​ലോ മ​റ്റ് സ്ഥ​ല​ങ്ങ​ളി​ലോ സ്ഥാ​പി​ച്ചാ​ല്‍ സാ​നി​റ്റൈ​സ​റി​ല്‍ കൈ​കൊ​ണ്ടു നേ​രി​ട്ടു സ്പ​ര്‍​ശി​ക്കാ​തെ കൈ ​സാ​നി​റ്റൈ​സ​റി​ന്‍റെ മു​ന്‍​ഭാ​ഗ​ത്ത് കൊ​ണ്ട് ചെ​ല്ലു​മ്പോ​ള്‍​ത്ത​ന്നെ കൈ​യി​ലേ​യ്ക്ക് ലാ​യ​നി സ്പ്രേ ​ആ​കു​ന്ന രീ​തി​യി​ലും നി​ര്‍​മി​ക്കാ​നാ​കു​മെ​ന്ന് ബൈ​ജു പ​റ​ഞ്ഞു.

ആ​ള്‍​ക്കാ​രു​ടെ സാ​ന്നി​ധ്യം അ​റി​യു​ന്ന ഇ​ന്‍​ഫ്രാ​റെ​ഡ് സെ​ന്‍​സ​ർ, ക​ണ്‍​ട്രോ​ള്‍ സ​ര്‍​ക്യൂ​ട്ട്, മൈ​ക്രോ പ​മ്പ്, വാ​ല്‍​വ്, ബാ​റ്റ​റി, സ്വി​ച്ച്, ചെ​റി​യ കു​ഴ​ലു​ക​ൾ, വാ​തി​ല്‍​പ്പി​ടി​യി​ല്‍ ഉ​റ​പ്പി​ക്കു​ന്ന പ്ര​ത്യേ​ക ക​വ​ചം, നോ​സി​ല്‍, ആ​ല്‍​ക്ക​ഹോ​ളി​ക് സാ​നി​റ്റൈ​സ​ര്‍ ലാ​യ​നി സം​ഭ​രി​ച്ചു വ​യ്ക്കു​ന്ന​തി​നു​ള്ള പ്ര​ത്യേ​ക കു​പ്പി തു​ട​ങ്ങി​യ​വ​യാ​ണ് ഈ ​ഉ​പ​ക​ര​ണ​ത്തി​ന്‍റെ പ്ര​ധാ​ന ഭാ​ഗ​ങ്ങ​ൾ.

സാ​നി​റ്റൈ​സ​ര്‍ ലാ​യ​നി തീ​രു​ന്ന മു​റ​യ്ക്ക് വീ​ണ്ടും നി​റ​ച്ചു​കൊ​ടു​ക്ക​ണം. പ​രീ​ക്ഷ​ണാ​ടി​സ്ഥാ​ന​ത്തി​ലു​ള്ള ഇ​തി​ന്‍റെ മാ​തൃ​ക നി​ര്‍​മി​ച്ച​പ്പോ​ള്‍ സാ​ധ​ന സാ​മ​ഗ്രി​ക​ള്‍​ക്കാ​യി 600 രൂ​പ​യോ​ളം മാ​ത്ര​മാ​ണ് ചെ​ല​വുവ​ന്ന​ത്.

ഇ​പ്പോ​ള്‍ കെ​എ​സ്ഇ​ബി ആ​സ്ഥാ​ന​മാ​യ തി​രു​വ​ന​ന്ത​പു​രം വൈ​ദ്യു​തി ഭ​വ​നി​ല്‍ ചീ​ഫ് സേ​ഫ്റ്റി ക​മ്മീ​ഷ​ണ​റു​ടെ കീ​ഴി​ല്‍ സു​ര​ക്ഷാ ഇ​ന്നൊ​വേ​ഷ​ന്‍ അ​സി​സ്റ്റ​ന്‍റ് എ​ന്‍​ജി​നി​യ​ര്‍ ആ​ണ്. വൈ​ദ്യു​ത മേ​ഖ​ല​യി​ല​ട​ക്കം 40-ല്‍​പ​രം ക​ണ്ടു​പി​ടിത്ത​ങ്ങ​ള്‍ ന​ട​ത്തി​യി​ട്ടു​ണ്ട്. കേ​ര​ള സ​ര്‍​ക്കാ​രി​ന്‍റെ ഊ​ർ​ജ​സം​ര​ക്ഷ​ണ അ​വാ​ര്‍​ഡു​ക​ള്‍ ഉ​ള്‍​പ്പെ​ടെ നി​ര​വ​ധി പു​ര​സ്കാ​ര​ങ്ങ​ളും നേ​ടി​യി​ട്ടു​ണ്ട്. വൈ​ക്കം ആ​ശ്ര​മം സ്കൂ​ള്‍ അ​ധ്യാ​പി​ക അ​ശ്വ​തി​യാ​ണ് ഭാ​ര്യ. മ​ക​ന്‍ അ​ക്ഷ​യ്ബൈ​ജു.