സേ​ന​യ്ക്ക് അ​ഭി​മാ​ന​മാ​യി കാ​ക്കി​ക്കു​ള്ളി​ലെ ക​ർ​ഷ​ക സ​ഹോ​ദ​ര​ൻ​മാ​ർ
Sunday, February 16, 2020 10:54 PM IST
ചേ​ർ​ത്ത​ല: കാ​ക്കി​ക്കു​ള്ളി​ലെ ക​ർ​ഷ​ക സ​ഹോ​ദ​രന്മാ​ർ നാ​ടി​നും പോ​ലീ​സ് സേ​ന​യ്ക്കും അ​ഭി​മാ​ന​മാ​കു​ന്നു. കാ​ക്കി ഉൗ​രി​യാ​ൽ കൃ​ഷി​യി​ട​ത്തി​ലേ​ക്ക്... അ​താ​ണി​പ്പോ​ൾ ചേ​ർ​ത്ത​ല മാ​യി​ത്ത​റ പ​തി​ച്ചേ​രി​വെ​ളി​യി​ൽ വി​നോ​ദി​ന്‍റെ​യും, വി​നീ​ഷി​ന്‍റെ​യും ജീ​വി​ത​രീ​തി. തി​ര​ക്കേ​റി​യ ഒൗ​ദ്യോ​ഗി​ക ജീ​വി​ത​ത്തി​നി​ട​യി​ലും കാ​ർ​ഷി​ക​മേ​ഖ​ല​യെ ജീ​വി​ത​ത്തോ​ടു ചേ​ർ​ത്തു നി​ർ​ത്തു​ന്ന ഇ​വ​രു​ടെ പ്ര​യ​ത്ന​ത്തി​നു കൂ​ട്ടാ​യി കൃ​ഷി​യി​ട​ത്തി​ലേ​ക്ക് ഒ​രു കൈ​സ​ഹാ​യ​വു​മാ​യി കു​ടും​ബം ഒ​ന്ന​ട​ങ്കം ഉ​ണ്ടാ​കും.

ചേ​ർ​ത്ത​ല മാ​യി​ത്ത​റ പ​തി​ച്ചേ​രി​വെ​ളി​യി​ൽ ദാ​മോ​ദ​ര​ന്‍റെ​യും, ലീ​ല​യു​ടെ​യും മ​ക്ക​ളാ​ണ് വി​നോ​ദും, വി​നീ​ഷും. വി​നോ​ദ് അ​ർ​ത്തു​ങ്ക​ൽ പോ​ലീ​സ് സ്റ്റേ​ഷ​നി​ലെ ഡ്രൈ​വ​റും, വി​നീ​ഷ് മാ​രാ​രി​ക്കു​ളം പോ​ലീ​സ് സ്റ്റേ​ഷ​നി​ലെ സി​വി​ൽ പോ​ലീ​സ് ഓ​ഫീ​സ​റു​മാ​ണ്. ഒ​രു പ​തി​റ്റാ​ണ്ടി​ലേ​റെ​ക്കാ​ല​മാ​യി ഇ​വ​ർ കാ​ർ​ഷി​ക വൃ​ത്തി​യി​ൽ സ​ജീ​വ​മാ​ണ്. അ​ച്ഛ​ൻ ദാ​മോ​ദ​ര​ൻ മു​ഴു​വ​ൻ സ​മ​യ ക​ർ​ഷ​ക​നാ​യി​രു​ന്നു. അ​ഞ്ചു​മാ​സം മു​ന്പാ​ണ് മ​രി​ച്ച​ത്. പോ​ലീ​സി​ൽ ജോ​ലി ല​ഭി​ച്ചി​ട്ടും ഇ​വ​ർ കൃ​ഷി​യെ കൈ​വി​ട്ടി​ല്ല. വീ​ടി​നോ​ടു ചേ​ർ​ന്നു​ള്ള അ​ര​യേ​ക്ക​ർ സ്ഥ​ല​ത്ത് കൃ​ഷി സ​ജീ​വ​മാ​ണ്. ചീ​ര,പ​യ​ർ, വെ​ണ്ട, ഇ​ള​വ​ൻ, വെ​ള്ള​രി എ​ന്നി​വ​യാ​ണ് പ്ര​ധാ​ന വി​ള​ക​ൾ. ക​ര​കൃ​ഷി​യാ​യി ക​പ്പ​യും വാ​ഴ​യു​മു​ണ്ട്. ജൈ​വ വ​ളം ഉ​പ​യോ​ഗി​ച്ചാ​ണ് കൃ​ഷി.

പു​ല​ർ​ച്ച അ​ഞ്ചു​മു​ത​ൽ ഇ​വ​ർ പാ​ട​ത്തി​റ​ങ്ങി ത​ട​മെ​ടു​ക്ക​ലും വ​ള​മി​ട​ലും മ​റ്റു പ​രി​ച​ര​ണ​ങ്ങ​ളും തു​ട​ങ്ങും. മു​ട​ങ്ങാ​തെ​യു​ള്ള കൃ​ഷി​പ്പ​ണി ഇ​വ​രു​ടെ ജീ​വി​ത​ത്തി​ന്‍റെ ഭാ​ഗ​മാ​ണ്. രാ​ത്രി ഡ്യൂ​ട്ടി​യു​ള്ള​പ്പോ​ൾ അ​തു​ക​ഴി​ഞ്ഞ് രാ​വി​ലെ ഒ​ന്പ​തോ​ടെ കൃ​ഷി​യി​ട​ത്തി​ലേ​ക്കി​റ​ങ്ങും. അ​മ്മ ലീ​ല, വി​നോ​ദി​ന്‍റെ ഭാ​ര്യ ബീ​ന, മ​ക്ക​ളാ​യ അ​ന​ന്ത​കൃ​ഷ്ണ​ൻ, അ​രു​ണ്‍ കൃ​ഷ്ണ​ൻ, വി​നീ​ഷി​ന്‍റെ ഭാ​ര്യ നി​മ്മി, മ​ക്ക​ളാ​യ ആ​ദി​ദേ​വ്, നി​ള​തീ​ർ​ത്ഥ എ​ന്നി​വ​രും പി​താ​വി​ന്‍റെ സ​ഹോ​ദ​രി ഗൗ​രി​യും പാ​ട​ത്ത് കൃ​ഷി​പ്പ​ണി​ക്കു സ​ഹാ​യ​ത്തി​നാ​യി എ​പ്പോ​ഴും കൂ​ടെ​യു​ണ്ട്. ക​ഴി​ഞ്ഞ ദി​വ​സം ന​ട​ന്ന വി​ള​വെ​ടു​പ്പി​ൽ പോ​ലീ​സി​ലെ മു​തി​ർ​ന്ന ഉ​ദ്യോ​ഗ​സ്ഥ​രും സ​ഹ​പ്ര​വ​ർ​ത്ത​ക​രും എ​ത്തി​യി​രു​ന്നു.

ഒൗ​ദ്യോ​ഗി​ക ജീ​വി​ത​ത്തി​നി​ട​യി​ലെ മാ​ന​സി​ക പി​രി​മു​റു​ക്ക​ത്തി​ന് ആ​ശ്വാ​സ​വും, സ​ന്തോ​ഷ​വും ഇ​തി​ലൂ​ടെ ല​ഭി​ക്കു​ന്നു​ണ്ടെ​ന്ന് വി​നോ​ദ് പ​റ​ഞ്ഞു. കാ​ർ​ഷി​ക മേ​ഖ​ല​യി​ലേ​യ്ക്ക് യു​വ​ജ​ന​ങ്ങ​ളെ ആ​ക​ർ​ഷി​ച്ചാ​ൽ വ​ഴി​തെ​റ്റി​പ്പോ​കു​ന്ന യു​വ​ത്വ​ങ്ങ​ളെ തി​രി​ച്ചു പി​ടി​ക്കാ​നാ​വു​മെ​ന്നാ​ണ് വി​നീ​ഷി​ന്‍റെ വി​ല​യി​രു​ത്ത​ൽ. തി​ര​ക്കേ​റി​യ ഒൗ​ദ്യോ​ഗി​ക ജീ​വി​ത​ത്തി​നി​ട​യി​ലും കൃ​ഷി​യെ ജീ​വി​ത​ത്തോ​ട് ചേ​ർ​ത്ത് നി​ർ​ത്തു​ന്ന സ​ഹോ​ദ​രന്മാ​ർ നാ​ടി​നാ​കെ അ​ഭി​മാ​ന​മാ​കു​ക​യാ​ണ്.