ക​ര​ക​യ​റി ഒ​രു സ​മൂ​ഹ​വും; ക​രി​പ്പേ​ൽ ചാ​ലിനു പുനർജന്മം
Tuesday, January 21, 2020 10:30 PM IST
ആ​ല​പ്പു​ഴ: മു​പ്പ​തു​വ​ർ​ഷ​മാ​യി മ​ലി​ന​മാ​യി കി​ട​ന്ന ചാ​ലി​ന്‍റെ പു​ന​രു​ജ്ജീ​വ​നം സ​മൂ​ഹ​ത്തി​ൽ ഒ​റ്റ​പ്പെ​ട്ടു​പോ​യ ഒ​രു കൂ​ട്ടം മ​നു​ഷ്യ​ർ​ക്ക് പു​തു​ജീ​വി​തം സ​മ്മാ​നി​ച്ചു. ക​ഞ്ഞി​ക്കു​ഴി ബ്ലോ​ക്ക് പ​ഞ്ചാ​യ​ത്തി​നു കീ​ഴി​ലു​ള്ള ചേ​ർ​ത്ത​ല തെ​ക്ക്, ക​ട​ക്ക​ര​പ്പ​ള്ളി പ​ഞ്ചാ​യ​ത്തു​ക​ളി​ലൂ​ടെ ക​ട​ന്നു​പോ​കു​ന്ന ക​രി​പ്പേ​ൽ ചാ​ലി​ന്‍റെ പു​ന​ർ​ജന്മ​മാ​ണ് ഒ​രു സ​മൂ​ഹ​ത്തി​ന് ത​ന്നെ വെ​ളി​ച്ച​മാ​യ​ത്.

ചേ​ർ​ത്ത​ല തെ​ക്ക്, ക​ട​ക്ക​ര​പ്പ​ള്ളി പ​ഞ്ചാ​യ​ത്തു​ക​ളി​ലൂ​ടെ ഒ​ഴു​കു​ന്ന ക​രി​പ്പേ​ൽ ചാ​ലി​ൽ നാ​ളു​ക​ളാ​യി അ​ടി​ഞ്ഞു​കൂ​ടി​യ ചെ​ളി ഇ​രു പ​ഞ്ചാ​യ​ത്തു​ക​ളി​ലേ​യും പ്ര​ദേ​ശ​വാ​സി​ക​ൾ​ക്കു തീ​രാ​ദു​രി​ത​മാ​യി​രു​ന്നു. ക​ര​പ്ര​ദേ​ശ​മാ​യി​രു​ന്ന​തി​നാ​ൽ തെ​ങ്ങു​കൃ​ഷി ധാ​രാ​ള​മു​ണ്ടാ​യി​രു​ന്ന ഇ​വി​ട​ങ്ങ​ളി​ൽ ചാ​ലി​ൽ നി​ന്നു​ള്ള ചെ​ളി​യാ​ണ് വ​ള​മാ​യി ഇ​ട്ടി​രു​ന്ന​ത്. കൃ​ഷി കു​റ​ഞ്ഞ​തോ​ടെ ചാ​ലി​ൽ​നി​ന്നു ചെ​ളി നീ​ക്കാ​താ​യി. ഇ​തോ​ടെ ചെ​റി​യ മ​ഴ പെ​യ്താ​ൽ പോ​ലും ചാ​ലി​ന്‍റെ ഇ​രു​വ​ശ​ങ്ങ​ളി​ലും താ​മ​സി​ക്കു​ന്ന അം​ബേ​ദ്ക​ർ കോ​ള​നി​യി​ലെ നൂ​റോ​ളം കു​ടും​ബ​ങ്ങ​ൾ​ക്കു ദു​രി​താ​ശ്വാ​സ ക്യാ​ന്പു​ക​ളി​ലേ​ക്കു മാ​റേ​ണ്ട അ​വ​സ്ഥ​യാ​യി. വെ​ള്ള​പ്പൊ​ക്കം കാ​ര​ണം ക​ഴി​ഞ്ഞ എ​ട്ടു​വ​ർ​ഷ​ത്തി​നി​ടെ മാ​സ​ങ്ങ​ളോ​ളം ദു​രി​താ​ശ്വാ​സ ക്യാ​ന്പു​ക​ളി​ൽ ക​ഴി​യേ​ണ്ടി​വ​ന്ന​വ​ർ​ക്കു ശാ​ശ്വ​ത പ​രി​ഹാ​ര​മാ​ണ് ക​രി​പ്പേ​ൽ ചാ​ലി​ന്‍റെ പു​ന​രു​ജ്ജീ​വ​ന​ത്തോ​ടെ ക​ഞ്ഞി​ക്കു​ഴി ബ്ലോ​ക്ക് പ​ഞ്ചാ​യ​ത്ത് ല​ക്ഷ്യം വ​ച്ച​ത്.

2019 ജ​നു​വ​രി​യി​ൽ ഹ​രി​ത​കേ​ര​ളം പ​ദ്ധ​തി​യി​ൽ ഉ​ൾ​പ്പെ​ടു​ത്തി പ്ര​ത്യേ​ക പ​ദ്ധ​തി​യാ​യാ​ണ് ക​രി​പ്പേ​ൽ ചാ​ലി​ന്‍റെ പു​ന​രു​ജ്ജീ​വ​ന പ​ദ്ധ​തി​ക്കു തു​ട​ക്ക​മി​ട്ട​തും. പ്ലാ​ൻ ഫ​ണ്ടി​ൽ നി​ന്നും 28 ല​ക്ഷം രൂ​പ​യാ​ണ് ക​ഞ്ഞി​ക്കു​ഴി ബ്ലോ​ക്കു പ​ഞ്ചാ​യ​ത്ത് ഇ​തി​നു വേ​ണ്ടി വ​ക​യി​രു​ത്തി​യ​ത്. കൂ​ടാ​തെ ചേ​ർ​ത്ത​ല തെ​ക്ക്, ക​ട​ക്ക​ര​പ്പ​ള്ളി പ​ഞ്ചാ​യ​ത്തു​ക​ൾ ചേ​ർ​ന്നു 27 ല​ക്ഷം രൂ​പ ചാ​ലി​ന്‍റെ ന​വീ​ക​ര​ണ​ത്തി​നാ​യി ന​ൽ​കി. ചാ​ലി​ന്‍റെ ന​വീ​ക​ര​ണ​ത്തി​നു ശേ​ഷം മ​ത്സ്യ​ങ്ങ​ൾ പെ​റ്റു​പെ​രു​കാ​ൻ തു​ട​ങ്ങി​യ​തും ക​ന്പ​വ​ല​ക​ൾ പു​നഃ​സ്ഥാ​പി​ച്ച​തും പ്ര​ദേ​ശ​വാ​സി​ക​ൾ വി​വി​ധ ആ​വ​ശ്യ​ങ്ങ​ൾ​ക്കാ​യി ചാ​ലി​നെ ആ​ശ്ര​യി​ക്കാ​ൻ തു​ട​ങ്ങി​യ​തു​മൊ​ക്കെ പു​ന​രു​ജ്ജീ​വ​ന​ത്തി​ന്‍റെ ഫ​ല​മാ​ണ്.

പ്ര​ള​യ​കാ​ല​ത്ത് പ്ര​ദേ​ശ​വാ​സി​ക​ൾ അ​നു​ഭ​വി​ച്ച ദു​രി​തം നേ​രി​ൽ​ക​ണ്ട ധ​ന​മ​ന്ത്രി ടി.​എം. തോ​മ​സ് ഐ​സ​ക് ചാ​ലി​ന്‍റെ പു​ന​രു​ജ്ജീ​വ​ന​ത്തെ കു​റി​ച്ചു ചോ​ദി​ച്ച​റി​ഞ്ഞി​രു​ന്നു. പ്ര​ദേ​ശ​വാ​സി​ക​ളു​ടെ ദു​രി​തം ധ​ന​മ​ന്ത്രി നേ​രി​ട്ടു വി​ല​യി​രു​ത്തി​യ​തി​ലൂ​ടെ പ്ര​ത്യേ​ക പ​ദ്ധ​തി​യാ​യി ഏ​റ്റെ​ടു​ത്ത് പ​ട്ട​ണ​ക്കാ​ട് പ​ഞ്ചാ​യ​ത്തി​ലൂ​ടെ ഒ​ഴു​കു​ന്ന ചാ​ലി​ന്‍റെ കൈ​വ​ഴി കൂ​ടി വൃ​ത്തി​യാ​ക്കാ​നു​ള്ള ത​യാ​റെ​ടു​പ്പി​ലാ​ണ് ക​ഞ്ഞി​ക്കു​ഴി ബ്ലോ​ക്ക് പ​ഞ്ചാ​യ​ത്ത്.