ആലപ്പുഴ: കല‌യുടെ പീലിവിടർത്തി മത്സരത്തിന്‍റെ മനോഹരവാശി പ്രതിഫലിപ്പിക്കുന്ന ജില്ലാ സ്കൂൾ കലോത്സവത്തിൽ കലാകിരീടത്തിൽ മുത്തമിടാനുള്ള പോരാട്ടം മുറുകി. 11 ഉപജില്ലകളിൽ ചേർത്തലയും തുറവൂരുമാണ് ഒന്നും രണ്ടും സ്ഥാനങ്ങളിലാ‌യി ഇന്നലത്തെ പോയിന്റ് നില‌നുസരിച്ച് മുന്നിൽ.
ഹരിപ്പാട്, കായംകുളം, ചെങ്ങന്നൂർ ഉപജില്ലകളും കിരീടത്തിനായി തൊട്ടുപിന്നാലെയുണ്ട്. ചേർത്തല 258 പോയിന്‍റുകളുമായി ഒന്നാം സ്ഥാനത്തുനിൽക്കുമ്പോൾ തൊട്ടുപിന്നിലുള്ള മാവേലിക്കര 253 പോയിന്‍റുമായി തൊട്ടുപിന്നിലുണ്ട്. കായംകുളം 251 പോയിന്റ്, ഹരിപ്പാടിന് 250, ആലപ്പുഴ 247 എന്നിങ്ങനൊണ് തുടർന്നുള്ള പോയിന്‍റുനില.
ഓരോ മത്സര ഫലങ്ങളും വരുന്നതനുസരിച്ച് പോയിന്‍റുനില മാറിമറിയുകയാണ്. മത്സരദിനങ്ങൾ രണ്ടു ദിവസം കൂടിയുള്ളതിനാൽ മുന്നിലുള്ളവരെ മറികടക്കാമെന്ന പ്രതീക്ഷയിൽ വാശിയോടെയാണ് മത്സരങ്ങൾ നടക്കുന്നത്. സ്കൂളുകളുടെ പോരാട്ടത്തിൽ ആലപ്പുഴ ജിഎച്ച്എസ് കായംകുളം വിവിഎച്ച്എസ്എസ് താമരക്കുളവും (61 പോയിന്റ്), ആലപ്പുഴ സെന്‍റ് ജോസഫ്സ് ഗേൾസ് എച്ച്എസ്എസുമാണ് മുന്നിൽ. ചെങ്ങന്നൂർ സബ് ജില്ലയിലെ എൻഎസ് ബോയ്സ് എച്ച്എസ്എസ് മാന്നാറും ഹരിപ്പാട് ഉപജില്ലയിലെ ബഥനി ബാലികാ മഠം ഹൈസ്കൂൾ നങ്ങ്യാർകുളങ്ങരയും ഹരിപ്പാട് ഗവ. ഗോൾസ് എച്ച്എസ്എസുമാണ് അടുത്ത സ്ഥാനങ്ങളിൽ.
യുപി തലത്തിൽ കായംകുളം (56 പോയിന്റ്), ചേർത്തല (52 പോയിന്റ്), തുറവൂർ (50 പോയിന്റ്), മാവേലിക്കര (47 പോയിന്റ്), ആലപ്പുഴ (45) തുടങ്ങിയവയാണ് ആദ്യ അഞ്ചിലുള്ളത്. ഹൈസ്കൂൾ തലത്തിൽ ഹരിപ്പാട് (113), കായംകുളം (111), ചേർത്തല (96), ആലപ്പുഴ (94), മാവേലിക്കര (94) തുടങ്ങിയവരാണ് ആദ്യ അഞ്ചു സ്ഥാനങ്ങളിൽ. ഹയർ സെക്കൻഡറി തലത്തിൽ തുറവൂർ (114), ചെങ്ങന്നൂർ (109), മാവേലിക്കര (106), ആലപ്പുഴ (103), ചേർത്തല (99) എന്നിവയാണ് ആദ്യ അഞ്ചിൽ.
രണ്ടാം ദിവസം വിവിധ വേദികളിൽ പദ്യം ചൊല്ലൽ, ഗസൽ, നാടകം, ചെണ്ട, തായംമ്പക, വീണ, കുച്ചിപ്പുടി, ഭരതനാട്യം.