പത്തനംതിട്ട: ഇന്ത്യയിലെ ജനങ്ങളുടെ തൊഴില്, പാര്പ്പിടം, വിവരങ്ങള് അറിയാനുള്ള അവകാശം എന്നിവ ഉള്പ്പെടെ കോടിക്കണക്കിന് ജനങ്ങള്ക്ക് നല്കുന്ന അവകാശങ്ങള് ഉറപ്പു നല്കുന്ന രാഷ്ട്രീയ സംവിധാനമാണ് ഇന്ത്യ മുന്നണിയെന്ന് സിഎംപി സംസ്ഥാന സെക്രട്ടറി സി.പി. ജോണ്. യുഡിഎഫ് ജില്ലാ കമ്മിറ്റി പത്തനംതിട്ടയില് സംഘടിപ്പിച്ച സംവാദ സദസ് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
കിഫ്ബിയിലൂടെ കേരളത്തിന്റെ സമ്പദ്ഘടനയുടെ മരണമണി മുഴക്കിയതായി അദ്ദേഹം പറഞ്ഞു. ഇതിന് കാരണക്കാരനായ ധനമന്ത്രിയുടെ പരാജയം ഉറപ്പാക്കേണ്ടത് വരുംതലമുറയ്ക്ക് വേണ്ടി പത്തനംതിട്ട പാര്ലമെന്റിലെ വോട്ടര്മാര് ഏറ്റെടുക്കേണ്ട കര്മമാണെന്ന് അദ്ദേഹം പറഞ്ഞു.
ഡിസിസി പ്രസിഡന്റ് പ്രഫ. സതീഷ് കൊച്ചുപറമ്പില് മോഡറേറ്ററായിരുന്നു. കെപിസിസി ജനറല് സെക്രട്ടറി പഴകുളം മധു, എ. ഷംസുദീന്, കെ.എസ്. ശിവകുമാര്, തങ്കമ്മ രാജൻ, എ. സുരേഷ് കുമാര്, സാമുവല് കിഴക്കുപുറം, ജി. രഘുനാഥ്, സജി കൊട്ടയ്ക്കാട്, അനില് തോമസ്, സിന്ധു അനില് എംസി ഷെരീഫ്, ഷാം കുരുവിള, കെ. ജാസിംകുട്ടി, എലിസബത്ത് അബു, രജനി പ്രദീപ്, റോജി പോള്ദാനിയല് എന്നിവര് പ്രസംഗിച്ചു.
ചര്ച്ചകളില് പ്രഫ. ജി. ജോണ്, ശ്യാം എസ്. കോന്നി, അജിത് മണ്ണില്, പെരുമ്പുളിക്കല് ജ്യേതിഷ്കുമാര്, മഞ്ജു വിശ്വനാഥ്, ലാലി ജോണ്, ഗീതാ ചന്ദ്രന്, സുധാ നായര്, റെനീസ് മുഹമ്മദ്, ഷാജി കുളനട എന്നിവര് പങ്കെടുത്തു.