നാ​ട്ടു​കാ​രു​ടെ സ​ങ്ക​ടം മാ​റി: പ​ഞ്ചാ​യ​ത്ത് ഓ​ഫീ​സ് നാ​ട്ടി​ലെ​ത്തി
Sunday, February 28, 2021 10:50 PM IST
ക​ണ​മ​ല: പ​ഞ്ചാ​യ​ത്ത്‌ ഓ​ഫീ​സി​ൽ പോ​കാ​ൻ മു​പ്പ​ത് കി​ലോ​മീ​റ്റ​ർ സ​ഞ്ച​രി​ക്കേ​ണ്ടി വ​ന്നി​രു​ന്ന ദു​രി​ത​ത്തി​ന് അ​റു​തി​യാ​യി പ​ഞ്ചാ​യ​ത്ത്‌ ഓ​ഫീ​സി​ന്‍റെ ഉ​പ കാ​ര്യാ​ല​യം ഇ​നി തൊ​ട്ട​രി​കി​ൽ. പ​ത്ത​നം​തി​ട്ട - കോ​ട്ട​യം ജി​ല്ലാ അ​തി​ർ​ത്തി​യി​ലെ തു​ലാ​പ്പ​ള്ളി, നാ​റാ​ണം​തോ​ട്, അ​ട്ട​ത്തോ​ട്, അ​റ​യാ​ഞ്ഞി​ലി​മ​ണ്ണ്, കി​സു​മം പ്ര​ദേ​ശ​ങ്ങ​ളി​ലെ ആ​യി​ര​ക്ക​ണ​ക്കി​ന് ആ​ളു​ക​ളു​ടെ സ​ങ്ക​ട​മാ​ണ് പ​രി​ഹ​രി​ക്ക​പ്പെ​ട്ട​ത്. തു​ലാ​പ്പ​ള്ളി​യി​ൽ പ​ഞ്ചാ​യ​ത്ത്‌ ഉ​പ കാ​ര്യാ​ല​യ​ത്തി​ന്‍റെ പ്ര​വ​ർ​ത്ത​നം ക​ഴി​ഞ്ഞ ദി​വ​സം മു​ത​ൽ ആ​രം​ഭി​ച്ചു.

പ​ത്ത​നം​തി​ട്ട ജി​ല്ല​യി​ലെ പെ​രു​നാ​ട് പ​ഞ്ചാ​യ​ത്തി​ൽ ഉ​ൾ​പ്പെ​ട്ട പ്ര​ദേ​ശ​വാ​സി​ക​ൾ വി​വി​ധ ആ​വ​ശ്യ​ങ്ങ​ൾ​ക്ക് ഇ​തു​വ​രെ പ​ഞ്ചാ​യ​ത്ത്‌ ഓ​ഫീ​സി​ൽ എ​ത്തി​യി​രു​ന്ന​ത് 30 കി​ലോ​മീ​റ്റ​ർ യാ​ത്ര ചെ​യ്താ​യി​രു​ന്നു. ക​ണ​മ​ല - മു​ക്കൂ​ട്ടു​ത​റ - എ​രു​മേ​ലി റൂ​ട്ടി​ൽ സ​ഞ്ച​രി​ച്ച് റാ​ന്നി​യി​ൽ എ​ത്തി​യാ​ണ് പെ​രു​നാ​ടി​ന് പോ​കു​ന്ന​ത്. മു​ക്കൂ​ട്ടു​ത​റ - വെ​ച്ചൂ​ച്ചി​റ - അ​ത്തി​ക്ക​യം വ​ഴി​യും ളാ​ഹ - വ​ട​ശേ​രി​ക്ക​ര വ​ഴി​യും പെ​രു​നാ​ടി​ൽ എ​ത്താ​മെ​ങ്കി​ലും 30 കി​ലോ​മീ​റ്റ​ർ യാ​ത്ര​ക്ക് കു​റ​വി​ല്ല.

ശ​ബ​രി​മ​ല വ​ന​ത്തോ​ട് ചേ​ർ​ന്ന് കി​ട​ക്കു​ന്ന കി​ഴ​ക്ക​ൻ മ​ല​യോ​ര മേ​ഖ​ല​യാ​ണ് പെ​രു​നാ​ട് പ​ഞ്ചാ​യ​ത്തി​ലെ തു​ലാ​പ്പ​ള്ളി, അ​റ​യാ​ഞ്ഞി​ലി​മ​ണ്ണ്, കി​സു​മം, അ​ട്ട​ത്തോ​ട്, നാ​റാ​ണം​തോ​ട് വാ​ർ​ഡു​ക​ൾ. ബ​സു​ക​ൾ മാ​റി​ക്ക​യ​റി ഒ​രു ദി​വ​സം നീ​ളു​ന്ന യാ​ത്ര​യാ​യി​രു​ന്നു പ​ഞ്ചാ​യ​ത്ത്‌ ഓ​ഫീ​സി​ലേ​ക്ക് ഉ​ണ്ടാ​യി​രു​ന്ന​ത്. ഇ​തി​ന് പ​രി​ഹാ​രം ആ​വ​ശ്യ​പ്പെ​ട്ട് ഒ​ട്ടേ​റെ നി​വേ​ദ​ന​ങ്ങ​ൾ ന​ൽ​കി​യി​രു​ന്നു. കോ​ട്ട​യം ജി​ല്ല​യി​ലേ​ക്ക് ഈ ​പ്ര​ദേ​ശ​ങ്ങ​ളെ മാ​റ്റു​ക​യാ​ണ് പോം​വ​ഴി​യെ​ന്ന് പ​രി​ഹാ​ര നി​ർ​ദേ​ശ​വും ഉ​യ​ർ​ന്നി​രു​ന്നു.

എ​ന്നാ​ൽ കൃ​ത്യ​മാ​യ പ​രി​ഹാ​രം ഇ​തി​നാ​യി ന​ട​പ്പി​ലാ​ക്കു​മെ​ന്ന് ഇ​ത്ത​വ​ണ പ​ഞ്ചാ​യ​ത്ത്‌ പ്ര​സി​ഡ​ന്‍റ് ആ​യി ചു​മ​ത​ല​യേ​റ്റ പി.​എ​സ്. മോ​ഹ​ന​ൻ പ്ര​ഖ്യാ​പി​ച്ച​തോ​ടെ​യാ​ണ് ഉ​പ കാ​ര്യാ​ല​യം എ​ന്ന ആ​ശ​യം രൂ​പ​പ്പെ​ട്ട​ത്. ഇ​തോ​ടെ ഉ​പ കാ​ര്യാ​ല​യം അ​നു​വ​ദി​ക്കാ​ൻ ത​ദ്ദേ​ശ സ്വ​യം ഭ​ര​ണ വ​കു​പ്പി​ൽ നി​ന്ന് അ​നു​മ​തി നേ​ടു​ക​യാ​യി​രു​ന്നു. ഒ​രു ജീ​വ​ന​ക്കാ​ര​ന്‍റെ സേ​വ​നം ആ​ണ് നി​ല​വി​ൽ ഉ​പ കാ​ര്യാ​ല​യ​ത്തി​ൽ ല​ഭി​ക്കു​ക​യെ​ന്ന് പ്ര​സി​ഡ​ന്‍റ് പി.​എ​സ്. മോ​ഹ​ന​ൻ പ​റ​ഞ്ഞു.

ജ​ന​ന - മ​ര​ണ - വി​വാ​ഹ ര​ജി​സ്ട്രേ​ഷ​നു​ക​ൾ, വി​വി​ധ സ​ർ​ട്ടി​ഫി​ക്ക​റ്റു​ക​ൾ, നി​കു​തി അ​ട​യ്ക്ക​ൽ, ലൈ​സ​ൻ​സ് ഉ​ൾ​പ്പെ​ടെ പ​ഞ്ചാ​യ​ത്ത്‌ ഓ​ഫീ​സി​ൽ നി​ന്ന് ല​ഭി​ക്കു​ന്ന സേ​വ​ന​ങ്ങ​ൾ ഉ​പ കാ​ര്യാ​ല​യ​ത്തി​ൽ അ​പേ​ക്ഷ ന​ൽ​കി​യാ​ൽ ല​ഭ്യ​മാ​കു​മെ​ന്ന് അ​ദ്ദേ​ഹം അ​റി​യി​ച്ചു. ഉ​പ കാ​ര്യാ​ല​യ​ത്തി​ന്‍റെ ഉ​ദ്ഘാ​ട​നം പി.​എ​സ്. മോ​ഹ​ന​ൻ നി​ർ​വ​ഹി​ച്ചു.

പ​ഞ്ചാ​യ​ത്ത്‌ വൈ​സ് പ്ര​സി​ഡ​ന്‍റ് ബി. ​ശ്രീ​ക​ല അ​ധ്യ​ക്ഷ​ത വ​ഹി​ച്ചു. വി​ക​സ​ന കാ​ര്യ ചെ​യ​ർ​മാ​ൻ സു​കു​മാ​ര​ൻ, വാ​ർ​ഡ് അം​ഗ​ങ്ങ​ളാ​യ വ​ർ​ഗീ​സ്, റെ​ൻ​സി, ശ്യാം ​മോ​ഹ​ൻ, മ​ഞ്ജു പ്ര​ദീ​പ്, പ​ഞ്ചാ​യ​ത്ത്‌ സെ​ക്ര​ട്ട​റി ടി. ​സു​രേ​ഷ് കു​മാ​ർ തു​ട​ങ്ങി​യ​വ​ർ പ്ര​സം​ഗി​ച്ചു.