കൊല്ലം: ജില്ലയില്‍ ഇന്നലെ 458 പേര്‍ക്ക് കോവിഡ് സ്ഥിരീകരിച്ചു. 298 പേര്‍ രോഗമുക്തി നേടി. മുനിസിപ്പാലിറ്റികളില്‍ പുനലൂരും കരുനാഗപ്പള്ളിയിലും ഗ്രാമപഞ്ചായത്ത് പ്രദേശങ്ങളില്‍ തൃക്കരുവ, തൃക്കോവില്‍വട്ടം, പനയം, വെളിയം, മയ്യനാട്, ചടയമംഗലം, ചിതറ, ഇടമുളയ്ക്കല്‍, പെരിനാട്, വിളക്കുടി, കുളക്കട, പത്തനാപുരം, വെളിനല്ലൂര്‍, ഈസ്റ്റ് കല്ലട, തഴവ, ശൂരനാട് നോര്‍ത്ത് എന്നിവിടങ്ങളിലുമാണ് രോഗബാധിതര്‍ കൂടുതലുള്ളത്.സമ്പര്‍ക്കം വഴി 454 പേര്‍ക്കും ഉറവിടം വ്യക്തമല്ലാത്ത മൂന്ന് പേര്‍ക്കും ഒരു ആരോഗ്യപ്രവര്‍ത്തകനും രോഗം സ്ഥിരീകരിച്ചു.
കൊല്ലം കോര്‍പ്പറേഷനില്‍ 55 പേര്‍ക്കാണ് രോഗബാധ. ഇരവിപുരം-7, ചാത്തിനാംകുളം, മുണ്ടയ്ക്കല്‍ വെസ്റ്റ് എന്നിവിടങ്ങളില്‍ നാലുവീതവും അയത്തില്‍, ഉളിയക്കോവില്‍, തേവള്ളി ഭാഗങ്ങളില്‍ മൂന്നുവീതവുമാണ് രോഗബാധിതരുള്ളത്.