ചവറ: കെഎംഎംഎൽ റിട്ടയേർഡ് ജീവനക്കാരുടെ മെഡിക്കൽ സ്കീം പുനഃസ്ഥാപിക്കണമെന്ന് കെഎംഎം എൽ റിട്ട. എംപ്ലോയീസ് അസോസിയേഷൻ വാർഷിക പൊതുയോഗം ആവശ്യപ്പെട്ടു.
അസോസിയേഷൻ പ്രസിഡന്‍റ് വി. കിഷോർ ചടങ്ങിൽ അധ്യക്ഷത വഹിച്ചു. ജനറൽ സെക്രട്ടറി പി. രഘുനാഥ്, വൈസ് പ്രസിഡന്‍റ വി . രാധാകൃഷ്ണപിള്ള, ട്രഷറർ എൽ ഗണേശറാവു, ടി.സി ജോർജ്, അനിൽകുമാർ, അബ്ദുൽ സലാം, ശശി, രാമചന്ദ്രൻ, വർക്കിങ് പ്രസിഡന്‍റ് ഡി . മോഹനൻ, സുരേന്ദ്രൻ, ഉമ്മൻ തോമസ്, ഡി. രമേശൻ എന്നിവർ പ്രസംഗിച്ചു.
ഒരു വർഷം വിജയകരമായി നടപ്പാക്കിയ റിട്ടയേർഡ് എംപ്ലോയീസ് മെഡിക്കൽ സ്കീം അടിയന്തിരമായി പുനഃസ്ഥാപിക്കുക, 2021 ജൂൺ ഒന്നിന് ശേഷം നൽകിയ എല്ലാ മെഡിക്കൽ ബില്ലുകളും ഉടൻ പാസാക്കി നൽകുക, പരിസരവാസികളുടെ ദീർഘകാല ആവശ്യമായ സ്ഥലം എടുപ്പ് എത്രയും പെട്ടന്ന് പൂർത്തീകരിക്കുക, കമ്പനിയുടെ സി എസ് ആർ ഫണ്ട് ഉപയോഗിച്ച് നടത്തുന്ന മെഡിക്കൽ ക്യാമ്പിൽ പരിവാസികളെ കൂടാതെ കാൻസർ, കിഡ്നി, ഹൃദ്രോഗം തുടങ്ങിയ രോഗങ്ങളാൽ കഷ്ടപ്പെടുന്ന റിട്ടയേർഡ് ജീവനക്കാർക്ക് ആവശ്യമായ മരുന്നുകൾ ലഭ്യമാക്കുക, ദീർഘകാല കരാറിന്‍റെ പി എഫ് വിഹിതം എത്രയും പെട്ടന്ന് പി . എഫ് ഓഫീസിൽ അടച്ചു പെൻഷൻ പുതുക്കുക, കമ്പനിക്ക് ഉള്ളിൽ അസോസിയേഷന് ഓഫീസ് സൗകര്യം നല്കുക, ശമ്പളത്തിന് ആനുപാതികമായ തുക പെൻഷൻ ലഭിക്കുന്നതിന് അനുകൂലമായ കേരളാ ഹൈക്കോടതി വിധിക്ക് എതിരെ ആർപിഎഫ് സുപ്രീംകോടതിയിൽ ഫയൽ ചെയ്ത കേസ് എത്രയും പെട്ടെന്ന് പൂർത്തീകരിക്കാൻ കേന്ദ്രസർക്കാരിനോട് ആവശ്യപ്പെടാനും യോഗം തീരുമാനിച്ചു.