ചോ​രക്കുഞ്ഞി​നെ ഉ​പേ​ക്ഷി​ച്ച​ത് ഒ​രി​ക്ക​ലും ക​ണ്ടി​ട്ടി​ല്ലാ​ത്ത കാ​മു​ക​ന് വേ​ണ്ടി
Wednesday, June 23, 2021 11:20 PM IST
പ്ര​ദീ​പ് ചാ​ത്ത​ന്നൂ​ർ
ചാ​ത്ത​ന്നൂ​ർ: പ്ര​സ​വി​ച്ച ഉ​ട​ൻ ചോ​ര​ക്കു​ഞ്ഞി​നെ പൊ​ക്കി​ൾ​കൊ​ടി​പോ​ലും മു​റി​ക്കാ​തെ റ​ബർ തോ​ട്ട​ത്തി​ലെ ക​രി​യി​ല കൂ​ട്ട​ത്തി​ൽ ഉ​പേ​ക്ഷി​ച്ച​ത് ഒ​രി​ക്ക​ലും ക​ണ്ടി​ട്ടി​ല്ലാ​ത്ത കാ​മു​ക​ന് വേ​ണ്ടി. ഫേ​സ്ബു​ക്കി​ലൂ​ടെ പ​രി​ച​യ​പ്പെ​ടു​ക​യും പി​ന്നെ കാ​മു​ക​നാ​യി മാ​റു​ക​യും ചെ​യ്ത അ​ജ്ഞാ​തനൊ​പ്പം ജീ​വി​ക്കാ​നാ​ണ് പ്ര​സ​വി​ച്ച ഉ​ട​നെ കു​ഞ്ഞി​നെ ഉ​പേ​ക്ഷി​ച്ച​തെ​ന്നാ​ണ് രേ​ഷ്മ പോ​ലീ​സി​ന് മൊ​ഴി ന​ല്കി​യ​ത്. അ​ജ്ഞാ​ത കാ​മു​ക​ൻ ബാ​ങ്ക് ഉ​ദ്യാ​ഗ​സ്ഥ​നാ​ണെ​ന്നും കൊ​ല്ലം സ്വ​ദേ​ശി​യാ​ണെ​ന്നും മാ​ത്ര​മേ രേ​ഷ്മ​യ്ക്ക് അ​റി​യൂ. കാ​മു​ക​നെ കാ​ണാ​നാ​യി വ​ർ​ക്ക​ല​യി​ലും പ​ര​വൂ​രി​ലും പോ​യി കാ​ത്തു നി​ന്നെ​ങ്കി​ലും കാ​മു​ക​നെ കാ​ണാ​ൻ ക​ഴി​ഞ്ഞി​ല്ല.
ക​ല്ലു​വാ​തു​ക്ക​ൽ വ​രി​ഞ്ഞം ഊ​ഴായ്ക്കോ​ട് പേ​ഴു​വി​ള വീ​ട്ടി​ൽ രേ​ഷ്മ (22)യാ​ണ് അ​ജ്ഞാ​ത കാ​മു​ക​നൊ​പ്പം ജീ​വി​ക്കാ​ൻ കു​ഞ്ഞി​നെ ഉ​പേ​ക്ഷി​ച്ച് അ​റ​സ്റ്റി​ലാ​യ​ത്.​ ഇ​പ്പോ​ൾ അ​ട്ട​കു​ള​ങ്ങ​ര ജ​യി​ലി​ൽ റി​മാ​ൻഡി​ൽ ക​ഴി​യു​ന്ന രേ​ഷ്മ കോ ​വി​ഡ് പോ​സി​റ്റീ​വാ​ണ്. കൊ​ല​ക്കു​റ്റ​ത്തി​നാ​ണ് പോ​ലീ​സ് കേ​സെടു​ത്തി​ട്ടു​ള്ള​ത്. ക​സ്റ്റ​ഡി​യി​ൽ വാ​ങ്ങി കൂ​ടു​ത​ൽ ചോ​ദ്യം ചെ​യ്യാ​നും തെ​ളി​വ് ശേ​ഖ​രി​ക്കാ​നും പോ​ലീ​സ് ത​യാ​റെ​ടു​പ്പ് ന​ട​ത്തു​ക​യാ​ണ്.​ ക​ഴി​ഞ്ഞ ജ​നു​വ​രി അ​ഞ്ചി​നാ​ണ് കു​ഞ്ഞി​നെ വീ​ട്ടു​പു​ര​യി​ട​ത്തി​ൽ നി​ന്നും രേ​ഷ്മ​യു​ടെ ഭ​ർ​ത്താ​വ് ക​ണ്ടെ​ത്തി​യ​ത്.​കു​ഞ്ഞി​നെ ക​ണ്ടെ​ത്തി​യ​പ്പോ​ൾ അ​തി​നെ പ​രി​ച​രി​ക്കാ​നും പൊ​ക്കി​ൾ​കൊ​ടി​മു​റി​ക്കാ​നു​മൊ​ക്കെ രേ​ഷ്മ​യും ഒ​പ്പ​മു​ണ്ടാ​യി​രു​ന്നു.
പാ​രി​പ്പ​ള്ളി ഗ​വ.​മെ​ഡി​ക്ക​ൽ കോ​ളേ​ജി​ലും തി​രു​വ​ന​ന്ത​പു​രം എ​സ്എ റ്റി ​ആ​ശു​പ​ത്രി​യി​ലും പോ​ലീ​സ് എ​ത്തി​ച്ച് ചി​കി​ത്സ ന​ല്കി​യെ​ങ്കി​ലും ര​ണ്ടാം നാ​ൾ മൂ​ന്ന​ര കി​ലോ​ഗ്രാം ഭാ​ര​മു​ണ്ടാ​യി​രു​ന്ന ആ​ൺ​കു​ഞ്ഞ് മ​രി​ച്ചു. രേ​ഷ്മ​യ്ക്ക് മൂ​ന്ന​ര വ​യ​സ് പ്രാ​യ​മു​ള്ള ഒ​രു പെ​ൺ​കു​ഞ്ഞു​ണ്ട്. രേ​ഷ്മ​യും ഭ​ർ​ത്താ​വ് വി​ഷ്ണു​വു​മാ​യി പ്ര​ണ​യ വി​വാ​ഹ​മാ​യി​രു​ന്നു.
രേ​ഷ്മ ഗ​ർ​ഭി​ണി​യാ​യ ശേ​ഷ​മാ​ണ് വി​ഷ്ണു​വി​ളി​ച്ചു കൊ​ണ്ട് പോ​യ​തെ​ന്നു പോ​ലി​സ് പ​റ​ഞ്ഞു. വി​ഷ്ണു നാ​ലു മാ​സം മു​മ്പ് ഗ​ൾ​ഫി​ലേ​യ്ക്ക് പോ​യി. സം​ഭ​വ​മ​റി​ഞ്ഞ വി​ഷ്ണു തൊ​ട്ട​ടു​ത്ത ദി​വ​സം ത​ന്നെ നാ​ട്ടി​ലെ​ത്തു​മെ​ന്ന് അ​റി​യി​ച്ചി​ട്ടു​ണ്ട്.
വി​ഷ്ണു​വി​നൊ​പ്പം ക​ഴി​യു​മ്പോ​ഴാ​ണ് ഫേ​യ്സ്ബു​ക്കി​ലെ അ​ജ്ഞാ​ത​കാ​മു​ക​നാ​യി ബ​ന്ധ​മു​ണ്ടാ​ക്കി​യ​തും കു​ഞ്ഞി​നെ പ്ര​സ​വി​ച്ച ഉ​ട​ൻ ഉ​പേ​ക്ഷി​ച്ച​തും.
രേ​ഷ്മ​യു​ടെ ഫേ​യ്സ്ബു​ക്ക് കാ​മു​ക​നെ​ക്കു​റി​ച്ച് പോ​ലീ​സ് അ​ന്വേ​ഷ​ണം തു​ട​ങ്ങി​യി​ട്ടു​ണ്ട്.​ഇ​ത് വ്യാ​ജ​മാ​ണോ എ​ന്ന​താ​ണ് പോ​ലീ​സി​ന്‍റെ സം​ശ​യം.