ചവറ: ഇടതുപക്ഷം നൂറിന് മുകളിൽ സീറ്റ് വാങ്ങി വീണ്ടും അധികാരത്തിൽ വരുമെന്ന് സി പി ഐ കേന്ദ്ര സെക്രട്ടറിയേറ്റ് അംഗവും ജാഥാ ക്യാപ്റ്റനുമായ ബിനോയ് വിശ്വം. എൽഡിഎഫ് തെക്കൻ മേഖല വികസന മുന്നേറ്റ ജാഥയ്ക്ക് ചവറയിൽ നൽകിയ സ്വീകരണയോഗത്തിൽ പ്രസംഗിക്കുകയായിരുന്നു അദ്ദേഹം.
വികസനത്തിൽ മുൻപെങ്ങുമില്ലാത്ത മുന്നേറ്റമാണ് എൽഡിഎഫ് സർക്കാർ നടപ്പിലാക്കിയത്. ജനങ്ങൾ ഏറ്റെടുത്ത ജാഥയായി എൽഡിഎഫ് ജാഥ മാറി. ഇടതുപക്ഷ സർക്കാരിന്‍റെ വികസനങ്ങൾ എല്ലാ മേഖലകളിലും ലഭ്യമായി. കോൺഗ്രസ് ജനങ്ങളിൽ നിന്നും ഒറ്റപ്പെട്ടു. ജനങ്ങൾക്ക് വിശ്വാസം ഇടതുമുന്നണിയിലാണ്. ഇന്നത്തെ കോൺഗ്രസ് നാളത്തെ ബി ജെ പിയായി മാറുകയാണ്. കോൺഗ്രസിലുള്ള വിശ്വാസം ജനങ്ങൾക്ക് നഷ്ടമായതായും അദ്ദേഹം പറഞ്ഞു. കന്നേറ്റിയിൽ നിന്നും ഇരുചക്ര വാഹനങ്ങയുടെ അകമ്പടിയോടെയാണ് ജാഥ ചവറയിൽ എത്തിയത്.
സ്വീകരണ യോഗത്തിൽ എൽഡി എഫ് കൺവീനർ ഐ ഷിഹാബ് അധ്യക്ഷനായി. സെക്രട്ടറി ടി മനോഹരൻ, ജാഥാ അംഗങ്ങളായ എം വി ഗോവിന്ദൻ മാസ്റ്റർ, പി വസന്തം, തോമസ് ചാഴിക്കാടൻ, സാബു ജോർജ്, വർക്കല രവികുമാർ, മാത്യൂസ് കോലഞ്ചേരി, വി സുരേന്ദ്രൻ പിള്ള, എം വി മണി, അബ്ദുൽ വഹാബ്, ഷാജി കടമല, ജോർജ് അഗസ്റ്റിൻ, എൽഡിഎഫ് നേതാക്കളായ കെ വരദരാജൻ, സൂസൻ കോടി, എസ് ജയമോഹൻ, പ്രസന്ന ഏണസ്റ്റ്, എസ് സോമൻ, പി ബി രാജു, ജി മുരളീധരൻ, തേവലക്കര ബലദേവ്, ജെ ചിഞ്ചുറാണി, ആർ രവീന്ദ്രൻ, ആർ രാമചന്ദ്രൻ പിള്ള, എസ് ശശിവർണൻ, കെ മോഹനക്കുട്ടൻ, റ്റി എ തങ്ങൾ, റ്റി രാഹുൽ, റ്റി കെ ശിവൻ, ചവറ ഷാ എന്നിവർ പ്രസംഗിച്ചു.