കാസര്‍ഗോഡ്: ജില്ലയില്‍ 99 പേര്‍ക്ക് കൂടി കോവിഡ് 19 പോസിറ്റീവായി. സമ്പര്‍ക്കത്തിലൂടെ 95 പേര്‍ക്കും ഇതരസംസ്ഥാനത്ത് നിന്നെത്തിയ ഒരാള്‍ക്കും വിദേശത്ത് നിന്നെത്തിയ മൂന്നു പേര്‍ക്കുമാണ് കോവിഡ് സ്ഥിരീകരിച്ചത്. 103 പേര്‍ രോഗമുക്തരായി. രോഗം സ്ഥിരീകരിച്ചവരുടെ തദ്ദേശസ്ഥാപനം അടിസ്ഥാനത്തിലുള്ള കണക്ക്: കോടോം-ബേളൂര്‍-15, മുളിയാര്‍, ചെമ്മനാട്-ഒന്പത്, ഉദുമ-എട്ട്, ബളാല്‍, പിലിക്കോട്-ആറ്, ചെങ്കള-അഞ്ച്, കളളാര്‍, കുറ്റിക്കോല്‍, ബേഡഡുക്ക, തൃക്കരിപ്പൂര്‍-നാല്, മടിക്കൈ, ദേലമ്പാടി-മൂന്ന്, കിനാനൂര്‍-കരിന്തളം, കയ്യൂര്‍-ചീമേനി, പടന്ന, കാഞ്ഞങ്ങാട്, അജാനൂര്‍, കാസര്‍ഗോഡ്, മൊഗ്രാല്‍-പുത്തൂര്‍-രണ്ട്, പുല്ലൂര്‍-പെരിയ, പള്ളിക്കര, ചെറുവത്തൂര്‍, കാറഡുക്ക, മംഗല്‍പാടി-ഒന്ന്. ജില്ലയില്‍ ആകെ നിരീക്ഷണത്തിലുള്ളത് 6,957 പേരാണ്.
പുതിയതായി 1,268 സാമ്പിളുകള്‍ കൂടി പരിശോധനയ്ക്ക് അയച്ചു. 21,270 പേര്‍ക്കാണ് ജില്ലയില്‍ ഇതുവരെ കോവിഡ് സ്ഥിരീകരിച്ചത്. ഇതില്‍ 1,023 പേര്‍ വിദേശത്ത് നിന്നെത്തിയവരും 809 പേര്‍ ഇതരസംസ്ഥാനത്ത് നിന്നെത്തിയവരും 19,438 പേര്‍ക്ക് സമ്പര്‍ക്കത്തിലൂടെയുമാണ് രോഗം സ്ഥിരീകരിച്ചത്. 20,067 പേര്‍ക്ക് ഇതുവരെ കോവിഡ് നെഗറ്റീവായി. നിലവില്‍ 978 പേരാണ് കോവിഡ് ചികിത്സയിലുള്ളത്. കോവിഡ് ബാധിച്ച് മരണപ്പെട്ടവരുടെ എണ്ണം 225 ആയി.