പ്ര​വ​ര്‍​ത്തി​പ്പി​ക്കാ​നാ​ളി​ല്ലാ​തെ ആ​ധു​നി​ക ഡ്രൈ​വിം​ഗ് ടെ​സ്റ്റ് ട്രാ​ക്ക്
Saturday, January 22, 2022 1:10 AM IST
കാ​സ​ര്‍​ഗോ​ഡ്: എ​ന്തൊ​ക്കെ​യാ​യി​രു​ന്നു, കു​ത്തി​നി​ര്‍​ത്തി​യ ക​മ്പി​ക​ള്‍​ക്കി​ട​യി​ലൂ​ടെ വ​ണ്ടി​യോ​ടി​ച്ച് ലൈ​സ​ന്‍​സെ​ടു​ക്കു​ന്ന കാ​ല​മൊ​ക്കെ ക​ഴി​യു​ന്നു. ജ​ര്‍​മ​ന്‍ ടെ​ക്‌​നോ​ള​ജി ഉ​പ​യോ​ഗി​ച്ച് പ്ര​വ​ര്‍​ത്തി​ക്കു​ന്ന അ​ത്യാ​ധു​നി​ക ഡ്രൈ​വിം​ഗ് ടെ​സ്റ്റ് ട്രാ​ക്ക് കാ​സ​ര്‍​ഗോ​ഡും വ​രു​ന്നു. ഡ്രൈ​വിം​ഗ് പ്രാ​യോ​ഗി​ക പ​രീ​ക്ഷ​യും വാ​ഹ​ന​ങ്ങ​ളു​ടെ സാ​ങ്കേ​തി​ക പ​രി​ശോ​ധ​ന​ക​ളു​മൊ​ക്കെ ഇ​നി ആ​ധു​നി​ക സാ​ങ്കേ​തി​ക​വി​ദ്യ​ക​ളു​ടെ സ​ഹാ​യ​ത്തോ​ടെ കു​റ്റ​മ​റ്റ രീ​തി​യി​ല്‍ ന​ട​ക്കും. ബ​ദി​യ​ടു​ക്ക​യ്ക്ക​ടു​ത്തു​ള്ള ബേ​ള എ​ന്ന ചെ​റു​ഗ്രാ​മ​ത്തി​ന്‍റെ മു​ഖം മാ​റു​ന്നു... അ​ങ്ങ​നെ എ​ന്തെ​ല്ലാം പ്ര​തീ​ക്ഷ​ക​ള്‍, പ്ര​ഖ്യാ​പ​ന​ങ്ങ​ള്‍.

4.2 കോ​ടി രൂ​പ മു​ട​ക്കി ബേ​ള​യി​ലെ ഒ​ന്ന​ര​യേ​ക്ക​ര്‍ സ്ഥ​ല​ത്ത് നി​ര്‍​മി​ച്ച അ​ത്യാ​ധു​നി​ക ഡ്രൈ​വിം​ഗ് ടെ​സ്റ്റ് ട്രാ​ക്ക് പൂ​ര്‍​ത്തി​യാ​ക്കി മോ​ട്ടോ​ര്‍​വാ​ഹ​ന വ​കു​പ്പി​നു കൈ​മാ​റി​യ​ത് 2020 ഫെ​ബ്രു​വ​രി 14 നാ​ണ്. ഇ​നി ആ​ഴ്ച​ക​ള്‍​ക്കു​ള്ളി​ല്‍ ഡ്രൈ​വിം​ഗ് ടെ​സ്റ്റു​ക​ളെ​ല്ലാം അ​ങ്ങോ​ട്ട് മാ​റു​മെ​ന്നാ​യി​രു​ന്നു പ്ര​ഖ്യാ​പ​നം. ഒ​ന്നു​കൂ​ടി ക​ട​ന്ന് കാ​ഞ്ഞ​ങ്ങാ​ട് ഗു​രു​വ​ന​ത്തും വെ​ള്ള​രി​ക്കു​ണ്ട് പ​ര​പ്പ​യി​ലു​മൊ​ക്കെ​യു​ള്ള ഡ്രൈ​വിം​ഗ് ടെ​സ്റ്റ് കേ​ന്ദ്ര​ങ്ങ​ളി​ലും അ​ധി​കം വൈ​കാ​തെ ഇ​തേ സാ​ങ്കേ​തി​ക​വി​ദ്യ​യി​ലു​ള്ള സം​വി​ധാ​നം സ്ഥാ​പി​ക്കു​മെ​ന്നു​വ​രെ പ്ര​ഖ്യാ​പ​ന​മു​ണ്ടാ​യി.

മോ​ട്ടോ​ര്‍​വാ​ഹ​ന വ​കു​പ്പ് ഉ​ദ്യോ​ഗ​സ്ഥ​ര്‍​ക്ക് പൊ​തു​വേ എ​ല്ലാം അ​റി​യാ​മെ​ന്നാ​ണ് വ​യ്‌​പ്പെ​ങ്കി​ലും പു​തി​യ സം​വി​ധാ​നം ഉ​പ​യോ​ഗി​ച്ച് ഡ്രൈ​വിം​ഗ് ടെ​സ്റ്റും വാ​ഹ​ന​പ​രി​ശോ​ധ​ന​യും ന​ട​ത്തു​ന്ന​തി​ന് ചെ​റി​യൊ​രു പ​രി​ശീ​ല​ന​ത്തി​ന്‍റെ കു​റ​വു​ണ്ടെ​ന്നും അ​ത് പ​രി​ഹ​രി​ക്കാ​ന്‍ ഒ​ന്നു​ര​ണ്ട് ആ​ഴ്ച​യ്ക്കു​ള്ളി​ല്‍ അ​ങ്ങ് ജ​ര്‍​മ​നി​യി​ല്‍​നി​ന്നു​ത​ന്നെ ആ​ളെ​ത്തു​മെ​ന്നും അ​തി​നാ​ണ് കാ​ത്തി​രി​ക്കു​ന്ന​തെ​ന്നും കു​റ​ച്ചു ദി​വ​സ​ങ്ങ​ള്‍​ക്കു​ള്ളി​ല്‍ പ​റ​ഞ്ഞ​റി​ഞ്ഞു. അ​പ്പോ​ഴാ​ണ് കോ​വി​ഡ് വ​ന്ന​ത്. മൊ​ത്തം ലോ​ക്ഡൗ​ണാ​യി. ജ​ര്‍​മ​ന്‍​കാ​ര്‍​ക്ക് ഇ​ങ്ങോ​ട്ട് വ​രാ​ന്‍ പ​റ്റാ​തെ​യാ​യി. അ​ങ്ങ​നെ​യ​ങ്ങ​നെ കോ​വി​ഡി​നൊ​പ്പം ജീ​വി​ച്ച് ര​ണ്ടു വ​ര്‍​ഷ​ങ്ങ​ള്‍ ക​ട​ന്നു​പോ​യി.

കാ​സ​ര്‍​ഗോ​ട്ടെ ഡ്രൈ​വിം​ഗ് ടെ​സ്റ്റു​ക​ള്‍ ഇ​പ്പോ​ഴും വി​ദ്യാ​ന​ഗ​ര്‍ സ്‌​റ്റേ​ഡി​യ​ത്തി​ന​ടു​ത്ത് കു​ത്തി​നി​ര്‍​ത്തി​യ ക​മ്പി​ക​ള്‍​ക്കി​ട​യി​ല്‍ ന​ട​ന്നു​പോ​കു​ന്നു. ര​ണ്ടു വേ​ന​ലും അ​തി​നി​ട​യി​ല്‍ തോ​ന്നി​യ സ​മ​യ​ത്തെ​ല്ലാം മ​ഴ​യും പെ​യ്യു​ന്ന​തി​നി​ടെ ബേ​ള​യി​ലെ ആ​ധു​നി​ക ടെ​സ്റ്റ് ഗ്രൗ​ണ്ടി​ല്‍ കാ​ടു​ക​യ​റാ​ന്‍ തു​ട​ങ്ങി. ചി​ല ഉ​പ​ക​ര​ണ​ങ്ങ​ള്‍ തു​രു​മ്പെ​ടു​ത്തു. ഒ​രു വ​ര്‍​ഷ​ത്തെ ബി​ല്‍ കു​ടി​ശി​ക​യാ​യ​തോ​ടെ കെ​എ​സ്ഇ​ബി അ​ധി​കൃ​ത​ര്‍ വൈ​ദ്യു​തി​ബ​ന്ധം വി​ച്ഛേ​ദി​ച്ചു. അ​ത് മോ​ട്ടോ​ര്‍​വാ​ഹ​ന​വ​കു​പ്പി​ന് നാ​ണ​ക്കേ​ടാ​യ​തി​നാ​ല്‍ എ​ങ്ങ​നെ​യൊ​ക്കെ​യോ പ​ണ​മ​ട​ച്ച് അ​ത് പു​നഃ​സ്ഥാ​പി​ച്ചു. ഇ​ട​യ്ക്കി​ടെ മോ​ട്ടോ​ര്‍​വാ​ഹ​ന വ​കു​പ്പ് ഉ​ദ്യോ​ഗ​സ്ഥ​ര്‍ ബേ​ള​യി​ലെ​ത്തി കോ​ടി​ക​ള്‍ വി​ല​മ​തി​ക്കു​ന്ന ഉ​പ​ക​ര​ണ​ങ്ങ​ളെ​ല്ലാം അ​വി​ടെ​ത്ത​ന്നെ​യു​ണ്ടോ എ​ന്ന് നോ​ക്കു​ന്നു​ണ്ട്. അ​ങ്ങ​നെ കാ​ലം പോ​കു​ന്നു.

കം​പ്യൂ​ട്ട​റൈ​സ്ഡ് ഡ്രൈ​വിം​ഗ് ടെ​സ്റ്റ് ട്രാ​ക്ക് ആ​ൻ​ഡ് വെ​ഹി​ക്കി​ള്‍ ടെ​സ്റ്റിം​ഗ് സ്റ്റേ​ഷ​ന്‍ പ്ര​വ​ര്‍​ത്തി​പ്പി​ക്കു​ന്ന​തി​നു​ള്ള പ​രി​ശീ​ല​നം ഇ​തു​വ​രെ ജി​ല്ല​യി​ലെ മോ​ട്ടോ​ര്‍​വാ​ഹ​ന വ​കു​പ്പ് ഉ​ദ്യോ​ഗ​സ്ഥ​ര്‍​ക്ക് ല​ഭി​ച്ചി​ട്ടി​ല്ലെ​ന്നും പ​രി​ശീ​ല​നം ന​ല്‌​കേ​ണ്ട​ത് ജ​ര്‍​മ​ന്‍ സാ​ങ്കേ​തി​ക വി​ദ​ഗ്ധ​രോ അ​വ​ര്‍ ചു​മ​ത​ല​പ്പെ​ടു​ത്തി​യ ഏ​ജ​ന്‍​സി​യോ ആ​ണെ​ന്നും ആ​ര്‍​ടി​ഒ എ.​കെ. രാ​ധാ​കൃ​ഷ്ണ​ന്‍ അ​റി​യി​ച്ചു.

സ്ഥാ​പ​ന​ത്തി​ന്‍റെ പ​രി​പാ​ല​ന ചു​മ​ത​ല നി​ര്‍​വ​ഹി​ക്കേ​ണ്ട​തും ബ​ന്ധ​പ്പെ​ട്ട ഏ​ജ​ന്‍​സി​യാ​ണ്. നി​ല​വി​ലു​ള്ള അ​വ​സ്ഥ മേ​ല​ധി​കാ​രി​ക​ള്‍​ക്ക് റി​പ്പോ​ര്‍​ട്ട് ചെ​യ്യു​ക​യും അ​ടി​യ​ന്ത​ര പ​രി​ഹാ​രം ക​ണ്ടെ​ത്താ​ന്‍ ശ്ര​മി​ക്കു​ക​യും ചെ​യ്യു​ന്നു​ണ്ടെ​ന്ന് അ​ദ്ദേ​ഹം പ​റ​ഞ്ഞു.