കൽപ്പറ്റ: ജില്ലയിൽ ഇന്നലെ 220 പേർക്ക് കൂടി കോവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ. കെ.സക്കീന അറിയിച്ചു. 199 പേർ രോഗമുക്തി നേടി. നാല് ആരോഗ്യ പ്രവർത്തകർ ഉൾപ്പെടെ എല്ലാവർക്കും സന്പർക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി നിരക്ക് 10.61 ആണ്. ഇതോടെ ജില്ലയിൽ കോവിഡ് സ്ഥിരീകരിച്ചവരുടെ എണ്ണം 132617 ആയി. 130011 പേർ രോഗമുക്തരായി. നിലവിൽ 1747 പേരാണ് ചികിത്സയിലുള്ളത്. ഇവരിൽ 1626 പേർ വീടുകളിലാണ് ഐസൊലേഷനിൽ കഴിയുന്നത്. പുതുതായി നിരീക്ഷണ ത്തിലായ 871 പേർ ഉൾപ്പെടെ ആകെ 12389 പേർ നിലവിൽ നിരീക്ഷണത്തിലുണ്ട്.
വൈത്തിരി 26 , പുൽപ്പള്ളി 21, ബത്തേരി 19, കൽപ്പറ്റ 18 , തിരുനെല്ലി 17, തവിഞ്ഞാൽ 16 , മാനന്തവാടി 12, മുള്ളൻകൊല്ലി 11, എടവക , നെൻമേനി ഒന്പത് വീതം, മേപ്പാടി, മുട്ടിൽ എട്ടു വീതം, കണിയാന്പറ്റ, നൂൽപ്പുഴ, പനമരം ആറ് വീതം, പൊഴുതന അഞ്ച്, കോട്ടത്തറ, മീനങ്ങാടി, വെള്ളമുണ്ട നാല് വീതം, അന്പലവയൽ, പൂതാടി മൂന്ന് വീതം, പടിഞ്ഞാറത്തറ രണ്ട്, മൂപ്പൈനാട്, തരിയോട്, തൊണ്ടർനാട് ഒരോരുത്തർക്കുമാണ്സന്പർക്കത്തിലൂടെ രോഗം സ്ഥിരീകരിച്ചത്.