കൽപ്പറ്റ: ജില്ലയിൽ 61 പേരിൽക്കൂടി കോവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ.ആർ. രേണുക അറിയിച്ചു. 87 പേർ രോഗമുക്തി നേടി. 58 പേർക്കു സന്പർക്കത്തിലൂടെയാണ് രോഗബാധ. മൂന്നു പേർ പുറമേനിന്നു വന്നതാണ്.
പൂതാടി-10, അന്പലവയൽ, ബത്തേരി-ഒന്പതുവീതം, നെൻമേനി-ആറ്, കോട്ടത്തറ-അഞ്ച്, കണിയാന്പറ്റ, മുട്ടിൽ, നൂൽപ്പുഴ-മൂന്നുവീതം, വൈത്തിരി-രണ്ട്, എടവക, കൽപ്പറ്റ, മാനന്തവാടി, മീനങ്ങാടി, മേപ്പാടി, മൂപ്പൈനാട്, പനമരം, പൊഴുതന-ഒന്നുവീതം എന്നിങ്ങനെയാണ് സന്പർക്കത്തിലൂടെ രോഗം ബാധിച്ചവരുടെ എണ്ണം. മാനന്തവാടി-അഞ്ച്, മേപ്പാടി-നാല്, തിരുനെല്ലി, പൊഴുതന-മൂന്നുവീതം, പൂതാടി-രണ്ട്, നൂൽപ്പുഴ, തരിയോട്, ബത്തേരി, അന്പലവയൽ, പനമരം, പുൽപ്പള്ളി, കൽപ്പറ്റ, എടവക-ഒന്നുവീതം, വീടുകളിൽ ചികിത്സയിലായിരുന്ന 62 പേർ എന്നിങ്ങനെയാണ് രോഗമുക്തിയായവരുടെ കണക്ക്.
ജില്ലയിൽ ഇതിനകം 27,312 പേരിലാണ് കോവിഡ് സ്ഥിരീകരിച്ചത്. ഇതിൽ 25, 828 പേർ രോഗമുക്തരായി. പ്രതിരോധ നടപടികളുടെ ഭാഗമായി 443 പേരെ പുതുതായി നിരീക്ഷണത്തിലാക്കി.