മലപ്പുറം: രാജ്യത്തിന്‍റെ എഴുപത്തിയഞ്ചാം സ്വാതന്ത്ര്യദിനം നാടെങ്ങും വിപുലമായി ആഘോഷിച്ചു. സ്ഥാപനങ്ങളും ക്ലബുകളും സന്നദ്ധ സംഘടനകളും മറ്റും ആഘോഷപൂർവമാണ് പരിപാടികൾ സംഘടിപ്പിച്ചത്. ഭരണഘടന വിഭാവനം ചെയ്ത മൂല്യങ്ങളെ എല്ലാ അർഥത്തിലും യാഥാർഥ്യമാക്കാൻ കഴിയണമെന്ന് കായിക, ഹജ്ജ്, വഖഫ്, ഫിഷറീസ് മന്ത്രി വി. അബ്ദുറഹിമാൻ. മലപ്പുറം എംഎസ്പി ഗ്രൗണ്ടിൽ നടന്ന സ്വാതന്ത്ര്യ ദിനാഘോഷ പരേഡിൽ അഭിവാദ്യം സ്വീകരിച്ച് സംസാരിക്കുകയായിരുന്നു അദ്ദേഹം. എം.പി അബ്ദുസമദ് സമദാനി എംപി, പി. ഉബൈദുള്ള എംഎൽഎ, ജില്ലാ പഞ്ചായത്ത് പ്രസിഡന്‍റ് എം.കെ റഫീഖ, നഗരസഭാധ്യക്ഷൻ മുജീബ് കാടേരി, എംഎസ്പി കമാൻഡന്‍റ് കെ.വി സന്തോഷ് തുടങ്ങിയവർ പങ്കെടുത്തു.
പെരിന്തൽമണ്ണ: സ്വാതന്ത്ര്യദിനത്തിന്‍റെ ഭാഗമായി പെരിന്തൽമണ്ണ കിംസ് അൽശിഫ ഹോസ്പിറ്റൽ വൈസ് ചെയർമാനും എക്സിക്യൂട്ടീവ് ഡയറക്ടറുമായ ഡോ.പി. ഉണ്ണീൻ പതാക ഉയർത്തുകയും സന്ദേശം നൽകുകയും ചെയ്തു. ചീഫ് ഓപ്പറേറ്റിംഗ് ഓഫീസർ കെ.സി പ്രിയൻ, മെഡിക്കൽ സൂപ്രണ്ട് ഡോ. മുഹമ്മദ് യഹിയ, ഡോ. അബ്ദുള്ള ഖലീൽ, ഡോ.സയ്ദ് അസ്ഹറുദീൻ, സീനിയർ ജനറൽ മാനേജർ സി. സതീഷ് എന്നിവർ പങ്കെടുത്തു. സെക്യൂരിറ്റി സർവീസ് സീനിയർ സൂപ്പർവൈസർ തോമസ് മാത്യു പരേഡിന് നേതൃത്വം നൽകി.
പെരിന്തൽമണ്ണ: മൗലാന ഇന്‍റർനാഷണൽ സ്കൂൾ വിവിധ പരിപാടികളോടെ സ്വാതന്ത്ര്യദിനം ആഘോഷിച്ചു. സ്്കൂൾ മാനേജർ അൻവർ സാദത്ത്, പ്രിൻസിപ്പൽ ഷഫീക്ക് തുടങ്ങിയവർ നേതൃത്വം നൽകി. കുട്ടികളുടെ കലാപരിപാടികളും അരങ്ങേറി. സ്വാതന്ത്ര്യദിനത്തിൽ പെരിന്തൽമണ്ണ വ്യാപാരഭവനിൽ പ്രസിഡന്‍റ് ചമയം ബാപ്പു പതാകയുയർത്തി. ജില്ലാ വൈസ് പ്രസിഡന്‍റ് പി.ടി.എസ് മൂസു സന്ദേശം നൽകി. സി.പി മുഹമ്മദ് ഇക്ബാൽ, യൂസഫ് രാമപുരം, പി.പി സൈതലവി, കെ. ലത്തീഫ്, വാര്യർ എസ്. ദാസ്, ഗഫൂർ വള്ളൂരാൻ, ഹാരിസ് ഇന്ത്യൻ, ഷൈജൽ, ഒമർ, ഫസൽ മലബാർ, കാജാമുഹിയുദീൻ എന്നിവർ നേതൃത്വം നൽകി.
മാലാപറന്പ്: ബൂത്ത് കോണ്ഗ്രസ് കമ്മിറ്റിയുടെ നേതൃത്വത്തിൽ സ്വാതന്ത്ര്യദിനം ആഘോഷിച്ചു.വിമുക്ത ഭടൻ ജേക്കബ് പുരയ്ക്കൽ പതാകയുയർത്തി. ബൂത്ത് കമ്മിറ്റി പ്രസിഡന്‍റ് സുനിൽ വേടന്പറന്പിൽ, ബ്ലോക്ക് വൈസ് പ്രസിഡന്‍റ് ഷിബു ചെറിയാൻ, മണ്ഡലം ജനറൽ സെക്രട്ടറി ലിജോ കെ. ഫിലിപ്പ്, യൂത്ത് കോണ്ഗ്രസ് മണ്ഡലം സെക്രട്ടറി ആൽബിൻ ആന്‍റണി, ഓഫീസ് സെക്രട്ടറി ഷിജി ആന്‍റണി, ജിസ് ജെയിംസ്, ട്രഷറർ രാജു ചക്കുമൂട്ടിൽ എന്നിവർ നേതൃത്വം നൽകി.
വെറ്റിലപ്പാറ: വെറ്റിലപ്പാറ ഗവണ്‍മെന്‍റ് ഹൈസ്കൂളിലെ സ്വാതന്ത്ര്യദിനാഘോഷത്തിൽ ഹെഡ്മിസ്ട്രസ് ലൗലി ജോണ് പതാകയുയർത്തി പരിപാടികൾ ഉദ്ഘാടനം ചെയതു. പിടിഎ പ്രസിഡന്‍റ് ഉസ്മാൻ പാറക്കൽ അധ്യക്ഷനായിരുന്നു.
എടക്കര: പോത്തുകൽ കാതോലിക്കേറ്റ് ഹയർ സെക്കൻഡറി സ്കൂളിൽ സ്വാതന്ത്ര്യദിനം വിപുലമായി ആഘോഷിച്ചു. രക്ഷാകർതൃ സമിതി, കുടുംബശ്രീ, വ്യാപാരികൾ, യൂത്ത് ക്ലബുകൾ, പൂർവവിദ്യാർഥി സംഘടനകൾ എന്നിവയുടെ സഹായത്തോടെയാണ് സ്വാതന്ത്ര്യദിനം ആഘോഷിച്ചത്.
എടക്കര: എംസിവൈഎം ബത്തേരി രൂപത സമതിയുടെ നേതൃത്വത്തിൽ ’ജനനി ജൻമ ഭൂമി’ സ്വാതന്ത്ര്യദിനാഘോഷം എടക്കര സെന്‍റ് മേരീസ് മലങ്കര കത്തോലിക്ക ദേവാലയത്തിൽ നടന്നു. പി.വി. അൻവർ എംഎൽഎ ഉദ്ഘാടനം ചെയ്തു. ബത്തേരി രൂപതാധ്യക്ഷൻ ഡോ. ജോസഫ് മാർ തോമസ് മെത്രാപ്പോലീത്ത സന്ദേശം നൽകി. രൂപത പ്രസിഡന്‍റ് ഡിൽജു കണ്ണെഴുക്കത്ത് അധ്യക്ഷത വഹിച്ചു.
പരിയാപുരം: സെന്‍റ് മേരീസ് ഹയർ സെക്കൻഡറി സ്കൂളിലെ സ്വാതന്ത്ര്യദിനാഘോഷം സ്കൂൾ മാനേജർ ഫാ. ജെയിംസ് വാമറ്റത്തിൽ പതാകയുയർത്തി ഉദ്ഘാടനം ചെയ്തു. പഞ്ചായത്തംഗം അനിൽ പുലിപ്ര അധ്യക്ഷത വഹിച്ചു.
ഫാത്തിമ യുപി സ്കൂൾ പ്രധാനാധ്യാപിക ഷീല ജോസഫ്, പിടിഎ പ്രസിഡന്‍റ് ജോളി പുത്തൻപുരയ്ക്കൽ, ജോർജ് ജേക്കബ്, മനോജ് വീട്ടുവേലിക്കുന്നേൽ, കെ.എസ്.സിബി എന്നിവർ പ്രസംഗിച്ചു.
നിലന്പൂർ: സമഗ്ര ശിക്ഷാ കേരളം നിലന്പൂർ ഷെൽട്ടർ റസിഡൻഷ്യൽ ഹോസ്റ്റലിൽ സ്വാതന്ത്ര്യദിനാഘോഷം നടത്തി. നിലന്പൂർ ബ്ലോക്ക് പ്രൊജക്ട് കോ-ഓർഡിനേറ്റർ എം. മനോജ്കുമാർ പതാകയുയർത്തി. നിലന്പൂർ നഗരസഭ വിദ്യാഭ്യാസകാര്യ സ്ഥിരം സമിതി അധ്യക്ഷൻ സ്കറിയ ക്നാംതോപ്പിൽ ഉദ്ഘാടനം ചെയ്തു. നഗരസഭയിൽ നഗരസഭാധ്യക്ഷൻ മാട്ടുമ്മൽ സലീം ദേശീയ പതാകയുയർത്തി. ചാലിയാർ പഞ്ചായത്തിലെ ഇടിവണ്ണ സെന്‍റ് തോമസ് എയുപി സ്കൂളിൽ പ്രധാനാധ്യപകൻ സെബാസ്റ്റ്യൻ ആന്‍റണി പതാക യുയർത്തി. ആഘോഷ പരിപാടി സ്കൂൾ മാനേജർ ഫാ. ഫ്രാൻസിസ് കരിപ്പുകാട്ടിൽ ഉദ്ഘാടനം ചെയ്തു. തോമസ്കുട്ടി ചാലിയാർ സന്ദേശം നൽകി.
കാളികാവ്: ഗ്രാമപഞ്ചായത്തിലെ വിവിധ വിദ്യാലയങ്ങളിലും സർക്കാർ സ്ഥാപനങ്ങളിലും സ്വാതന്ത്ര്യ ദിനാഘോഷം സംഘടിപ്പിച്ചു. സ്ഥാപന മേധാവികളും ജനപ്രതിനിധികളും പതാക ഉയർത്തി. അഞ്ചച്ചവടി ഗവണ്‍മെന്‍റ് ഹൈസ്കൂളിൽ സ്വാതന്ത്ര്യ ദിനാഘോഷ പരിപാടികൾ നടന്നു. ഹെഡ്മാസ്റ്റർ െ. ഉണ്ണികൃഷ്ണൻ പതാകയുയർത്തി. പിടിഎ പ്രസിഡന്‍റ് വി. ഇബ്രാഹിം ഉദ്ഘാടനം ചെയ്തു.
അടക്കാകുണ്ട് ക്രസന്‍റ് ഹയർ സെക്കൻഡറി സ്കൂളിൽ സ്വാതന്ത്ര്യദിനാഘോഷം സംഘടിപ്പിച്ചു. ഡെപ്യൂട്ടി എച്ച്എം സി.ആബിദ് പതാകയുയർത്തി. വൈസ് പ്രിൻസിപ്പൽ ജയ്ഷാ ജോസഫ് തുടങ്ങിയവർ പ്രസംഗിച്ചു.
മഞ്ചേരി: നഗരസഭയിൽ നടന്ന സ്വാതന്ത്ര്യദിനാഘോഷത്തിൽ ചെയർപേഴ്സണ്‍ വി.എം. സുബൈദ പതാകയുയർത്തി. വൈസ് ചെയർമാൻ വി.പി. ഫിറോസ്, മുനിസിപ്പൽ എൻജിനീയർ പി. സതീഷ്കുമാർ, ഹെൽത്ത് സൂപ്പർവൈസർ പി. അബ്ദുൾഖാദർ, സൂപ്രണ്ട് കെ. രാജൻ, ജഐച്ച്ഐമാരായ റഷീദ് എന്നിവർ പ്രസംഗിച്ചു. തുടർന്ന് മധുരവിതരണം നടത്തി.