മു​റി​ഞ്ഞ വാ​ക്കു​ക​ളി​ൽ സോ​ഫി​യ ആവശ്യപ്പെടുന്നു; ന​ന​യാ​തെ കി​ട​ക്കാ​ൻ ഒ​രു വീ​ട് വേ​ണം
Friday, May 27, 2022 12:13 AM IST
നെ​ടു​മ​ങ്ങാ​ട് : മ​ഴ​യും കാ​റ്റും വ​രു​ന്പോ​ൾ ഏ​ഴാം ക്ലാ​സി​ൽ പ​ഠി​ക്കു​ന്ന മ​ക​നെ​യും കൊ​ണ്ട് ഈ ​അ​മ്മ ഓ​ട്ട​ത്തി​ലാ​ണ്. ന​ന​യാ​തെ, അ​പ​ക​ട​മൊ​ന്നും ഉ​ണ്ടാ​കാ​തെ കി​ട​ന്നു​റ​ങ്ങാ​ൻ ബ​ന്ധു​വീ​ടു​ക​ൾ തേ​ടി. കൊ​ല്ല​ങ്കാ​വി​ൽ താ​മ​സി​ക്കു​ന്ന സോ​ഫി​യ​യ്ക്ക് ഇ​പ്പോ​ഴു​ള്ള​ത് ഒ​ൻ​പ​ത് സെ​ന്‍റ് സ്ഥ​ല​വും വീ​ടി​രു​ന്ന സ്ഥ​ല​ത്ത് അ​വ​ശേ​ഷി​ക്കു​ന്ന ഒ​റ്റ മു​റി​യും മാ​ത്രം.

ബാ​ക്കി​യു​ള്ള വീ​ടും മേ​ൽ​ക്കൂ​ര​യു​മെ​ല്ലാം മൂ​ന്നു വ​ർ​ഷം മു​ന്പു​ണ്ടാ​യ മ​ഴ​യി​ലും കാ​റ്റി​ലും ത​ക​ർ​ന്നു നി​ലം​പൊ​ത്തി. ഭ​ർ​ത്താ​വ് ഉ​പേ​ക്ഷി​ച്ചു പോ​യ സോ​ഫി​യ​യ്ക്ക് ക​ടു​ത്ത ശാ​രീ​രി​ക പ്ര​ശ്ന​ങ്ങ​ളും സം​സാ​ര​ത്തി​ൽ വൈ​ക​ല്യ​വു​മു​ണ്ട്.

അ​മ്മ​യു​ടെ പ​ര​മ്പ​രാ​ഗ​ത സ്വ​ത്താ​യി ല​ഭി​ച്ച ഒ​ന്‍​പ​തു സെ​ന്‍റ് സ്ഥ​ല​മു​ണ്ടെ​ങ്കി​ലും സോ​ഫി​യ​യും മ​ക​നും ഇ​പ്പോ​ൾ അ​ന്തി​യു​റ​ങ്ങു​ന്ന​ത് സ​മീ​പ​ത്തെ ബ​ന്ധു​ക്ക​ളു​ടെ വീ​ട്ടി​ലാ​ണ്. മ​ഴ​യും കാ​റ്റു​ം ഉണ്ടായാൽ ഏ​തു സ​മ​യ​ത്തു വേ​ണ​മെ​ങ്കി​ലും നി​ലം​പൊ​ത്താ​വു​ന്ന അ​വ​സ്ഥ​യി​ലാ​ണ് അ​വ​ശേ​ഷി​ക്കു​ന്ന മു​റി​യും മേ​ൽ​ക്കൂ​ര​യും സ്ഥി​തി​ചെ​യ്യു​ന്ന​ത്.

ആ​രോ​ഗ്യ വ​കു​പ്പ് ന​ൽ​കു​ന്ന പെ​ൻ​ഷ​ൻ മാ​ത്ര​മാ​ണ് ഏ​ക വ​രു​മാ​നം. ഏ​ഴാം ക്ലാ​സി​ല്‍ പ​ഠി​ക്കു​ന്ന മ​ക​ന്‍റെ പ​ഠ​ന​ച്ചെ​ല​വു​ക​ള്‍ പോ​ലും ന​ന്നാ​യി നോ​ക്കി​ന​ട​ത്താ​ന്‍ ഈ ​പാ​വം അ​മ്മ​യ്ക്കാ​കു​ന്നി​ല്ല. വീ​ട് ത​ക​ർ​ന്ന​തി​നു പി​ന്നാ​ലെ നെ​ടു​മ​ങ്ങാ​ട് ന​ഗ​ര​സ​ഭ അ​ട​ക്ക​മു​ള്ള പ​ല​യി​ട​ത്തും മു​ട്ടി​നോ​ക്കി. ലൈ​ഫ് പ​ദ്ധ​തി​ക്കാ​യി പ​ല​വ​ട്ടം അ​പേ​ക്ഷ​ക​ള്‍ ന​ല്‍​കി. എ​ങ്കി​ലും പ​രി​ഗ​ണി​ക്ക​പ്പെ​ട്ടി​ട്ടി​ല്ല. ത​നി​ക്കും മ​ക​നും പേ​ടി​യി​ല്ലാ​തെ അ​ന്തി​യു​റ​ങ്ങാ​ന്‍ ഒ​രു വീ​ടു​വേ​ണ​മെ​ന്നാ​ണ് അ​ധി​കാ​ര കേ​ന്ദ്ര​ങ്ങ​ളി​ൽ നി​ര​ന്ത​രം ക​യ​റി​യി​റ​ങ്ങു​ന്ന സോ​ഫി​യ അ​വ്യ​ക്ത​മാ​യ ഭാ​ഷ​യി​ലൂ​ടെ ആ​വ​ശ്യ​പ്പെ​ടു​ന്ന​ത്.