തിരുവനന്തപുരം : രാഷ്ട്രപതി രാം നാഥ് കോവിന്ദ് തിരുവനന്തപുരം സന്ദർശിക്കുന്നതിനാൽ ഇന്നും നാളെയും നഗരത്തിൽ ഗതാഗത ക്രമീകരണങ്ങൾ ഏർപ്പെടുത്തി.
എയർപ്പോർട്ട് ഒാൾ സെയിൻസ്, ചാക്ക, പേട്ട, പാറ്റൂർ, ജനറൽ ഹോസ്പിറ്റൽ, ആശാൻ സക്വയർ, ആർആർ ലാമ്പ്, മ്യൂസിയം, വെള്ളയമ്പലം , രാജ്ഭവൻ, റോഡിലും, വാഹനങ്ങൾ പാർക്ക് ചെയ്യുവാൻ അനുവദിക്കില്ല.
ഇന്ന് വൈകുന്നേരം
7:30 മുതലുള്ള
ഗതാഗത ക്രമീകരണം
കഴക്കൂട്ടത്ത് നിന്നും ബൈപാസ്‌ വഴി സിറ്റിയിലേക്ക് വരുന്നതും തിരിച്ചു പോകേണ്ടതുമായ വാഹനങ്ങൾ ചാക്ക ഫ്ലൈ ഓവർ , ഈഞ്ചക്കൽ, കൊത്തളം റോഡ് വഴി അട്ടക്കുളങ്ങര പോകണം.
പേരൂർക്കട നിന്നും സിറ്റിയിലേക്ക് പോകേണ്ട വാഹനങ്ങൾ ഊളൻ പാറ, ശാസ്തമംഗലം, കൊച്ചാർ റോഡ്, ഇടപ്പഴിഞ്ഞി, എസ്എംസി വഴി പോകണം.
ഈസ്റ്റ് ഫോർട്ട് നിന്നും പേരൂർക്കട പോകേണ്ട വാഹനങ്ങൾ ഓവർ ബ്രിഡ്ജ് , തമ്പാനൂർ , പനവിള സർവീസ് റോഡ് വഴി ബേക്കറി ജംഗ്ഷൻ, വഴുതക്കാട്, ഇടപ്പഴിഞ്ഞി, ശാസ്തമംഗലം, പേരൂർക്കട വഴി പോകണം.
പട്ടത്ത് നിന്ന് സിറ്റിയിലേക്ക് പോകേണ്ട വാഹനങ്ങൾ കുറവൻകോണം കവടിയാർ, അമ്പലമുക്ക്, ഊളൻ പാറ, ശാസ്തമംഗലം, ഇടപ്പഴിഞ്ഞി, എസ്എംസി വഴി പോകണം.
വട്ടിയൂർക്കാവിൽ നിന്നും സിറ്റിയിലേക്ക് വരുന്ന വാഹനങ്ങൾ മരുതുംകുഴി, ഇടപ്പഴിഞ്ഞി, എസ്എംസി വഴി പോകണം.
ഈസ്റ്റ് ഫോർട്ട് നിന്നും കഴക്കൂട്ടം കേശവദാസപുരം ശ്രീകാര്യം ഭാഗങ്ങളിലേക്ക് പോകേണ്ട വാഹനങ്ങൾ ഈസ്റ്റ് ഫോർട്ട്, തമ്പാനൂർ , പനവിള , ബേക്കറി ജംഗ്ഷൻ , വഴുതക്കാട്, എസ്.എം.സി, ഇടപ്പഴിഞ്ഞി, ശാസ്തമംഗലം, ഊളൻപാറ, അമ്പലമുക്ക്, പരുത്തിപ്പാറ, കേശവദാസപുരം വഴി പോകണം.