വില്ലനാണ് ഈ കുഞ്ഞൻ വണ്ട്
കോ​​​വി​​​ഡ് എ​​​ന്ന വി​​​ല്ല​​​നെ പേ​​​ടി​​​ച്ചി​​​രി​​​ക്കു​​​ക​​​യാ​​​ണ് ലോ​​​കം. സോ​​​പ്പി​​​ട്ടും മ​​​ാസ്കി​​​ട്ടും ഗ്യാ​​​പ്പി​​​ട്ടും കൊ​​​റോ​​​ണ​​​യെ ഓ​​​ടി​​​ക്കാ​​​മെ​​​ന്നാ​​​ണ് ആ​​​രോ​​​ഗ്യ​​​രം​​​ഗ​​​ത്തെ വി​​​ദ​​​ഗ്ധ​​​രു​​​ടെ നി​​​ർ​​​ദേ​​​ശം.​​​വാ​​​ക്സി​​​ൻ എ​​​ത്തി​​​യ​​​തോ​​​ടെ കോ​​​വി​​​ഡി​​​നെ പി​​​ടി​​​ച്ചു കെ​​​ട്ടാ​​​നാ​​​കു​​​മെ​​​ന്നാ​​​ണ് പ്ര​​​തീ​​​ക്ഷ.

ചി​​​ല ശ​​​ല്യ​​​ക്കാ​​​രെ സോ​​​പ്പി​​​ട്ടാ​​​ലോ മാ​​​സ്കി​​​ട്ടാ​​​ലോ ഗ്യാ​​​പ്പി​​​ട്ടാ​​​ലോ ഒ​​​തു​​​ക്കാ​​​നാ​​​കി​​​ല്ല. അ​​​ങ്ങ​​​നെ ചി​​​ല വി​​​ല്ല​​​ന്മാ​​​രു​​​ണ്ട്. പ​​​ക​​​ല​​​ങ്ങ​​​നെ പ​​​തു​​​ങ്ങി​​​യി​​​രി​​​ക്കും. രാ​​​ത്രി​​​യാ​​​യി ലൈ​​​റ്റൊ​​​ന്നി​​​ട്ടാ​​​ലോ, ആ​​​ദ്യം ഒ​​​രെ​​​ണ്ണം. പി​​​ന്നാ​​​ലെ പ​​​ത്തും നൂ​​​റു​​​മാ​​​യി അ​​​വ​​​രി​​​ങ്ങെ​​​ത്തും. മു​​​പ്ലി വ​​​ണ്ട്, കോ​​​ട്ടെ​​​രു​​​മ, ഓ​​​ട്ടെ​​​രു​​​മ, ഓ​​​ട്ടു​​​റു​​​മ, ക​​​രി​​​ഞ്ചെ​​​ള്ള്, ഓ​​​ല​​​ച്ചാ​​​ത്ത​​​ൻ, ഓ​​​ല പ്രാ​​​ണി, ആ​​​സി​​​ഡ് ഈ​​​ച്ച എ​​​ന്നി​​​ങ്ങ​​​നെ സ്ഥ​​​ലം മാ​​​റു​​​ന്ന​​​തി​​​ന​​​നു​​​സ​​​രി​​​ച്ച് പേ​​​രി​​​ൽ മാ​​​റ്റ​​​മു​​​ണ്ടെ​​​ങ്കി​​​ലും നാ​​​ട്ടു​​​കാ​​​ർ​​​ക്കെ​​​ല്ലാം പൊ​​​തു ശ​​​ല്യ​​​മാ​​​ണി​​​ത്.
കാ​​​ഴ്ച​​​യി​​​ൽ ഇ​​​ത്തി​​​രി​​​ക്കു​​​ഞ്ഞ​​​നാ​​​ണ്. ജീ​​​വാപാ​​​യ​​​മോ ഗു​​​രു​​​ത​​​ര​​​മാ​​​യ ആ​​​രോ​​​ഗ്യ പ്ര​​​ശ്ന​​​ങ്ങ​​​ളോ സൃ​​​ഷ്ടി​​​ക്കി​​​ല്ലെ​​​ങ്കി​​​ലും കൂ​​​ട്ട​​​ത്തോ​​​ടെ​​​യു​​​ള്ള ആ​​​ക്ര​​​മ​​​ണം അ​​​ൽ​​​പ്പം ഭീ​​​ക​​​ര​​​മാ​​​ണ്.

വേ​​​ന​​​ൽ മ​​​ഴ​​​യ്ക്കു ശേ​​​ഷ​​​മാ​​​ണ് ഇ​​​വ​​​യു​​​ടെ ആ​​​ക്ര​​​മ​​​ണം തു​​ട​​ങ്ങു​​ന്ന​​ത്. വ​​​ണ്ടു​​​ക​​​ളു​​​ടേ​​​തു പോ​​​ലെ ക​​​ട്ടി​​​യു​​​ള്ള പു​​​റ​​​ന്തോ​​​ട്, ശ​​​രീ​​​ര​​​ത്തി​​​ലെ രൂ​​​ക്ഷ ഗ​​​ന്ധ​​​മു​​​ള്ള ദ്രാ​​​വ​​​കം എ​​​ന്നി​​​വ​​​യു​​​ള്ള​​​തി​​​നാ​​​ൽ ഇ​​​വ​​​യെ മ​​​റ്റു ജീ​​​വി​​​ക​​​ൾ അ​​​ങ്ങ​​​നെ ആ​​​ഹാ​​​ര​​​മാ​​​ക്കാ​​​റി​​​ല്ല. അ​​​തു​​​കൊ​​​ണ്ട് ഇ​​​വ​​​യ്ക്ക് ശ​​​ത്രു​​​ക്ക​​​ളെ പേ​​​ടി​​​ക്കേ​​​ണ്ട​​​തു​​​മി​​​ല്ല.

മ​​​നു​​​ഷ്യ​​​രു​​​ടെ ശ​​​രീ​​​ര​​​ത്തി​​​ലൂ​​​ടെ ക​​​യ​​​റി ന​​​ട​​​ക്കു​​​ന്പോ​​​ഴു​​​ണ്ടാ​​​ക്കു​​​ന്ന അ​​​സ്വ​​​സ്ഥ​​​ത, കു​​​ഞ്ഞു​​​ങ്ങ​​​ളു​​​ടെ​​​യും വ​​​ലി​​​യ​​​വ​​​രു​​​ടെ​​​യും ചെ​​​വി​​​യി​​​ൽ ക​​​യ​​​റു​​​മോ​​​യെ​​​ന്നു​​​ള്ള പേ​​​ടി, ഭ​​​ക്ഷ​​​ണ​​​ത്തി​​​ൽ വീ​​​ഴു​​​ക​​​യോ ഭ​​​ക്ഷ​​​ണ​​ത്തോ​​​ടൊ​​​പ്പം അ​​​റി​​​യാ​​​തെ ച​​​വ​​​യ്ക്കു​​​ക​​​യോ ചെ​​​യ്താ​​​ൽ ഉ​​​ണ്ടാ​​​കു​​​ന്ന അ​​​സ​​​ഹ​​​നീ​​​യ​​​മാ​​​യ അരു​​​ചി​​​യും രൂ​​​ക്ഷ ഗ​​​ന്ധ​​​വും, സ്വ​​​യം ര​​​ക്ഷ​​​യ്ക്കാ​​​യി ഇ​​​വ പു​​​റ​​​പ്പെ​​​ടു​​​വി​​​ക്കു​​​ന്ന സ്ര​​​വം പ​​​റ്റി​​​യാ​​​ലു​​​ണ്ടാ​​​കു​​​ന്ന പൊ​​​ള്ള​​​ൽ, സ്ര​​​വ​​​ത്തി​​​ന്‍റെ ഗ​​​ന്ധം മൂ​​​ലം ക​​​ണ്ണി​​​നു​​​ണ്ടാ​​​കു​​​ന്ന അ​​​സ്വ​​​സ്ഥ​​​ത, ശ്വാ​​​സം മു​​​ട്ട​​​ൽ, ഇവയെ കൂട്ടത്തോടെ കാണുന്പോൾ ഉണ്ടാകുന്ന അ​​​സ്വ​​​സ്ഥ​​​ത എ​​​ന്നി​​​വ​​​യൊ​​​ക്കെ ഈ ​​​ഇ​​​ത്തി​​​രി​​​ക്കു​​​ഞ്ഞ​​​നി​​​ൽ നി​​​ന്നു​​​ണ്ടാ​​​കു​​​ന്ന ഉ​​​പ​​​ദ്ര​​​വ​​​ങ്ങ​​​ളാ​​​ണ്.

ആ​​​റു​​​മാ​​​സം ഉ​​​റ​​​ക്കം

ഒ​​​രു കാ​​​ല​​​ത്ത് ഓ​​ല​​പ്പു​​ര​​ക​​ളി​​ലും റ​​​ബ​​​ർ തോ​​​ട്ട​​​ങ്ങ​​​ളോ​​​ടു ചേ​​​ർ​​​ന്നു​​​ള്ള വീ​​​ടു​​​ക​​​ളി​​​ലും കെ​​​ട്ടി​​​ട​​​ങ്ങ​​​ളി​​​ലു​​​മാ​​​ണ് ഇ​​​വ​​​യെ ക​​​ണ്ടി​​​രു​​​ന്ന​​​തെ​​​ങ്കി​​​ൽ ഇ​​​പ്പോ​​​ൾ ന​​​ഗ​​​ര​​​ങ്ങ​​​ളി​​​ലും ഇ​​​വ​​​യു​​​ടെ ശ​​​ല്യ​​​ത്തി​​​ന് കു​​​റ​​​വൊ​​​ന്നു​​​മി​​​ല്ല. എ​​​ന്നാ​​​ൽ ന​​​ഗ​​​ര​​​ങ്ങ​​​ളി​​​ൽ കാ​​​ണ​​​പ്പെ​​​ടു​​​ന്ന​​​തും ഗ്രാ​​​മ​​​ങ്ങ​​​ളി​​​ൽ കാ​​​ണ​​​പ്പെ​​​ടു​​​ന്ന​​​തും ര​​​ണ്ടു വ​​​ർ​​​ഗ​​​ങ്ങ​​​ളി​​​ൽപെ​​​ട്ട വ​​​ണ്ടു​​​ക​​​ളാ​​​ണെ​​​ന്നാ​​​ണ് ഇ​​​വ​​​യെ​​​ക്കു​​​റി​​​ച്ച് പ​​​ഠ​​​നം ന​​​ട​​​ത്തി​​​യ വി​​​ദ​​​ഗ്ധ​​​ർ പ​​​റ​​​യു​​​ന്ന​​​ത്. ​ന​​​ന​​​വു​​​ള്ള അ​​​ന്ത​​​രീ​​​ക്ഷ​​​ത്തി​​​ൽ ജീ​​​വി​​​ക്കാ​​​നി​​​ഷ്ട​​​പ്പെ​​​ടാ​​​ത്ത ഇ​​​വ വേ​​​ന​​​ൽ മ​​​ഴ തു​​​ട​​​ങ്ങു​​​ന്ന ഏ​​​പ്രി​​​ൽ-​​മേ​​​യ് മാ​​​സ​​​ങ്ങ​​​ളി​​​ലാ​​​ണ് ഓ​​​രോ പ്ര​​​ദേ​​​ശ​​​ത്തും ജീ​​​വി​​​ക്കാ​​​നാ​​​യി തെ​​​ര​​​ഞ്ഞെ​​​ടു​​​ത്തി​​​രി​​​ക്കു​​​ന്ന കെ​​​ട്ടി​​​ട​​​ങ്ങ​​​ളി​​​ലേ​​​ക്കും വീ​​​ടു​​​ക​​​ളി​​​ലേ​​​ക്കും എ​​​ത്തു​​​ന്ന​​​ത്.

കോ​​​ഴി​​​ക്കോ​​​ട് ദേ​​​വ​​​ഗി​​​രി കോ​​​ള​​​ജി​​​ലെ പ്രി​​​ൻ​​​സി​​​പ്പ​​​ലും സു​​​വോ​​​ള​​​ജി വി​​​ഭാ​​​ഗ​​​ത്തി​​​ലെ അ​​​ധ്യാ​​​പ​​​ക​​​നു​​​മാ​​​യ ഡോ. ​​​സാ​​​ബു കെ. ​​​തോ​​​മ​​​സ് മു​​​പ്ലി വ​​​ണ്ടു​​​ക​​​ളെ​​​ക്കു​​​റി​​​ച്ച് ഗ​​​വേ​​​ഷ​​​ണം ന​​​ട​​​ത്തി​​​യി​​​ട്ടു​​ണ്ട്. അ​​ദ്ദേ​​ഹ​​ത്തി​​ന്‍റെ നി​​രീ​​ക്ഷ​​ണ​​ത്തി​​ൽ “വീ​​​ടു​​​ക​​​ളി​​​ലോ കെ​​​ട്ടി​​​ട​​​ങ്ങ​​​ളി​​​ലോ ക​​​യ​​​റി​​​ക്ക​​​ഴി​​​ഞ്ഞാ​​​ൽ അ​​​വി​​​ടെ ര​​​ണ്ടാ​​​ഴ്ച കൊ​​​ണ്ട് ഒ​​​രി​​​ടം ക​​​ണ്ടെ​​​ത്തു​​​ന്ന ഇ​​​വ റ​​​ബ​​​റി​​​ന്‍റെ ഇ​​​ല പൊ​​​ഴി​​​യു​​​ന്ന ന​​​വം​​​ബ​​​ർവ​​​രെ ഉ​​​റ​​​ക്ക​​​മാ​​​യി​​​രി​​​ക്കും.​ അ​​​തി​​​നു​​​ശേ​​​ഷം തോ​​​ട്ട​​​ത്തി​​​ലേ​​​ക്കു തി​​​രി​​​ച്ചെ​​​ത്തു​​​ന്ന വ​​​ണ്ടു​​​ക​​​ൾ ത​​​ളി​​​രി​​​ല പൊ​​​ഴി​​​യു​​​ന്ന​​​തു​​​വ​​​രെ ഉ​​​ണ​​​ങ്ങി​​​യ ഇ​​​ല​​​യും പി​​​ന്നീ​​​ട് ത​​​ളി​​​രി​​​ല​​​യും ഭ​​​ക്ഷ​​​ണ​​​മാ​​​ക്കും.

ഉ​​​റ​​​ങ്ങു​​​ന്ന കാ​​​ല​​​യ​​​ള​​​വി​​​ൽ മ​​​റ്റു ഭ​​​ക്ഷ​​​ണ​​​മൊ​​​ന്നും ക​​​ഴി​​​ക്കി​​​ല്ല. ഇ​​​ങ്ങ​​​നെ ഒ​​​രി​​​ട​​​ത്ത് ഉ​​​റ​​​ങ്ങി​​​യി​​​രി​​​ക്കു​​​ന്ന വ​​​ണ്ടു​​​ക​​​ളി​​​ൽ അ​​​ന്പ​​​തു ശ​​​ത​​​മാ​​​ന​​​ത്തോ​​​ളം ഇ​​​ങ്ങ​​​നെ പ​​​ട്ടി​​​ണി​​​കി​​​ട​​​ന്നു ച​​​ത്തു പോ​​​കും. ബാ​​​ക്കി​​​യു​​​ള്ള 50 ശ​​​ത​​​മാ​​​ന​​​മേ തി​​​രി​​​ച്ചു റ​​​ബ​​​ർ തോ​​​ട്ട​​​ങ്ങ​​​ളി​​​ലേ​​​ക്കു പോ​​​കു​​​ക​​​യു​​​ള്ളു. ജ​​​നു​​​വ​​​രി മു​​​ത​​​ലാ​​​ണ് ഇ​​​തി​​​ന്‍റെ പ്ര​​​ജ​​​ന​​​ന കാ​​​ലം. മു​​​പ്പ​​​തു മു​​​ത​​​ൽ 100 വ​​​രെ മു​​​ട്ട​​​ക​​​ൾ ഒ​​​രു പെ​​​ണ്‍ വ​​​ണ്ട് ഇ​​​ടും. ഇ​​​ത്ര​​​യും ത​​​ന്നെ മു​​​ട്ട​​​ക​​​ൾ വി​​​രി​​​യു​​​ക​​​യും ചെ​​​യ്യും. ക​​​ന്നു​​​കാ​​​ലിത്തൊഴു​​​ത്ത്, ച​​​കി​​​രി, ക​​​ച്ചി, ഓ​​​ല, ഓ​​​ടി​​​ട്ട​​​തും മ​​​ച്ചു​​​ള്ള​​​തു​​​മാ​​​യ വീ​​​ടു​​​ക​​​ളു​​​ടെ മേ​​​ൽ​​​ക്കൂ​​​ര, വി​​​റ​​​കു​​​പു​​​ര, പാ​​​റ​​​മ​​​ട​​​ക​​​ൾ​​​ക്കി​​​ട​​​യി​​​ലെ വി​​​ള്ള​​​ൽ എ​​​ന്നി​​​വി​​​ട​​​ങ്ങ​​​ളി​​​ലാ​​​ണ് പൊ​​​തു​​​വേ ഇ​​​വ കൂ​​​ട്ടം കൂ​​​ടു​​​ന്ന​​​ത്. പ​​​ക​​​ൽ നി​​​ർ​​​ജീ​​​വ​​​മാ​​​യി​​​രി​​​ക്കു​​​ന്ന ഇ​​​വ രാ​​​ത്രി​​​കാ​​​ല​​​ങ്ങ​​​ളി​​​ലാ​​​ണ് സ​​​ജീ​​​വ​​​മാ​​​കു​​​ന്ന​​​ത്.’’


ഇ​​​ന്ത്യ​​​യി​​​ലു​​​ണ്ട് നാ​​​ലി​​​നം

കേ​​​ര​​​ള​​​ത്തി​​​ൽ ആ​​​ദ്യ​​​മാ​​​യി ഈ ​​​വ​​​ണ്ടു​​​ക​​​ളെ ക​​​ണ്ടെ​​​ത്തി​​​യ​​​ത് തൃ​​​ശൂ​​​ർ ജി​​​ല്ല​​​യി​​​ലെ മു​​​പ്ലി റ​​​ബ​​​ർ തോ​​​ട്ട​​​ത്തി​​​ലാ​​​ണ്. അ​​​തു​​​കൊ​​​ണ്ടാ​​​ണ് ഇ​​​വ പൊ​​​തു​​​വെ മു​​​പ്ലി വ​​​ണ്ടു​​​ക​​​ൾ എ​​​ന്ന​​​റി​​​യ​​​പ്പെ​​​ടു​​​ന്ന​​​ത്. ലു​​​പ്രോ​​​പ്സ് ട്രി​​​സ്റ്റി​​​സ് എ​​​ന്ന​​​താ​​​ണ് ശാ​​​സ്ത്ര നാ​​​മം. രാ​​​ത്രി​​​യെ​​​യും വേ​​​ന​​​ലി​​​നെ​​​യും ഇ​​​ഷ്ട​​​പ്പെ​​​ടു​​​ന്ന മു​​​പ്ലി വ​​​ണ്ടു​​​ക​​​ൾ​​​ക്ക് ന​​​ന​​ഞ്ഞ ക​​​രി​​​യി​​​ല​​​യി​​​ൽ ജീ​​​വി​​​ക്കാ​​​ൻ ക​​​ഴി​​​യി​​​ല്ല. ഉ​​​യ​​​ർ​​​ന്ന പ്ര​​​ത്യു​​​ത്പാ​​​ദ​​​ന​​​ശേ​​​ഷി​​യും കേ​​​ര​​​ള​​​ത്തി​​​ല​​​ങ്ങോ​​​ള​​​മി​​​ങ്ങോ​​​ളം വ്യാ​​​പി​​​ച്ചു കി​​​ട​​​ക്കു​​​ന്ന റ​​​ബ​​ർ തോ​​​ട്ട​​​ങ്ങ​​​ളി​​​ലെ ഇ​​​ഷ്ട​​​ഭ​​​ക്ഷ​​​ണ​​​ത്തി​​​ന്‍റെ ല​​​ഭ്യ​​​ത​​​യും ഇ​​​വ പെ​​​രു​​​കാ​​​നു​​​ള്ള കാ​​​ര​​​ണ​​​മാ​​​ണ്.

വ​​​യ​​​നാ​​​ട്ടി​​​ലെ തി​​​രു​​​നെ​​​ല്ലി​​യി​​ലെ ചോ​​​ല​​​വ​​​ന​​​ങ്ങ​​​ളി​​​ൽ​​നി​​​ന്നു ക​​​ണ്ടെ​​​ത്തി​​​യ ലൂ​​​പ്രോ​​​പ്സ് ദേ​​​വ​​​ഗി​​​രി​​​യ​​​ൻ​​​സി​​​സ് എ​​​ന്ന പു​​​തി​​​യ ഇ​​​നം വ​​​ണ്ട് അ​​​ട​​​ക്കം ഇ​​​ന്ത്യ​​​യി​​​ൽ നാ​​​ലു​​​ത​​​രം മു​​​പ്ലി വ​​​ണ്ടു​​​ക​​​ളെ​​​യാ​​​ണ് തി​​​രി​​​ച്ച​​​റി​​​ഞ്ഞി​​​ട്ടു​​​ള്ള​​​ത്. വീ​​​ടു​​​ക​​​ളി​​​ലും കെ​​​ട്ടി​​​ട​​​ങ്ങ​​​ളി​​​ലും ഇ​​​വ​​​യു​​​ടെ ശ​​​ല്യ​​​മു​​​ണ്ടെ​​​ങ്കി​​​ൽകൂ​​​ടി അ​​​ത് പു​​​റ​​​ത്തു പ​​​റ​​​യാ​​​ൻ മ​​​ടി​​​ക്കു​​​ന്ന​​​വ​​​രാ​​​ണ് പ​​​ല​​​രും. കാ​​​ര​​​ണം മു​​​പ്ലി വ​​​ണ്ടി​​​ന്‍റെ ശ​​​ല്യ​​​മു​​​ണ്ടെ​​​ന്ന​​​റി​​​ഞ്ഞാ​​​ൽ വീ​​​ടും സ്ഥ​​​ല​​​വും വി​​​ൽ​​​ക്കാ​​​ൻ പോ​​​ലും സാ​​​ധി​​​ക്കാ​​​ത്ത അ​​​വ​​​സ്ഥ​​​യു​​​ണ്ട്.

എ​​​ങ്ങ​​​നെ നി​​​യ​​​ന്ത്രി​​​ക്കും

ഇ​​​വ​​​യു​​​ടെ ഉ​​​റ​​​വി​​​ടം ക​​​ണ്ടെ​​​ത്തി ചി​​​ല രാ​​​സ കീ​​​ട​​​നാ​​​ശി​​​നി​​​ക​​​ൾ ഉ​​​പ​​​യോ​​​ഗി​​​ക്കാം. പൊ​​​തു​​​വേ വി​​​പ​​​ണി​​​യി​​​ൽ കാ​​​ണു​​​ന്ന കീ​​​ട​​​നാ​​​ശി​​​നി​​​ക​​​ൾ വീ​​​ടു​​​ക​​​ളി​​​ൽ പ്ര​​​യോ​​​ഗി​​​ക്കു​​​ന്ന​​​ത് അ​​​ത്ര ന​​​ല്ല കാ​​​ര്യ​​​മ​​​ല്ല. അ​​​ത് ശ്വാ​​​സ ത​​​ട​​​സം, ത്വ​​​ക്ക് രോ​​​ഗ​​​ങ്ങ​​​ൾ, അ​​​ല​​​ർ​​​ജി എ​​​ന്നി​​​വ​​​യി​​​ലേ​​​ക്കൊ​​​ക്കെ ന​​​യി​​​ക്കും. കെ​​​മി​​​ക്ക​​​ലു​​​ക​​​ൾ വീ​​​ടു​​​ക​​​ളി​​​ൽ ഉ​​​പ​​​യോ​​​ഗി​​​ക്കാ​​​ൻ പാ​​​ടി​​​ല്ല. വീ​​​ട്ടി​​​നു​​​ള്ളി​​​ലും പ്ര​​​യോ​​​ഗി​​​ക്കാ​​​ൻ പ​​​റ്റു​​​ന്ന സൈ​​​പ​​​ർ​​​മെ​​​ത്രി​​​ൻ അ​​​ട​​​ങ്ങി​​​യ കീ​​​ട​​​നാ​​​ശി​​​നി​​​ക​​​ളു​​​ണ്ട്; അ​​​വ പ്ര​​​യോ​​​ഗി​​​ക്കാം.​​​ഇ​​​ത് വെ​​​റ്റ​​റി​​​ന​​​റി മ​​​രു​​​ന്നു​​​ക​​​ൾ കി​​​ട്ടു​​​ന്ന മെ​​​ഡി​​​ക്ക​​​ൽ ഷോ​​​പ്പു​​​ക​​​ളി​​​ൽ ല​​​ഭി​​​ക്കും. ഇ​​​ത് ഒ​​​രു ലി​​​റ്റ​​​ർ വെ​​​ള്ള​​​ത്തി​​​ൽ ഓ​​​ന്നോ ര​​​ണ്ട് മി​​​ല്ലി ലി​​​റ്റ​​​ർ ഒ​​​ഴി​​​ച്ചാ​​​ൽ മ​​​തി. കൂ​​​ടാ​​​തെ വീ​​​ടു​​​ക​​​ളി​​​ലോ കെ​​​ട്ടി​​​ട​​​ങ്ങ​​​ളി​​​ലോ എ​​​ത്തു​​​ന്ന വ​​​ണ്ടു​​​ക​​​ളെ ഹ്ര​​​സ്വ​​​കാ​​​ല​​​ത്തി​​​ൽ അ​​​ല്ലെ​​​ങ്കി​​​ൽ ദീ​​​ർ​​​ഘ​​​കാ​​​ല​​​ത്തി​​​ൽ നി​​​യ​​​ന്ത്രി​​​ക്കാ​​​മെ​​​ന്നാ​​​ണ് ഡോ. ​​​സാ​​​ബു പ​​​റ​​​യു​​​ന്ന​​​ത്.

ഹ്ര​​​സ്വ​​​കാ​​​ല നി​​​യ​​​ന്ത്ര​​​ണം: ഏ​​​പ്രി​​​ൽ-​​​മേ​​​യ് മാ​​​സ​​​ങ്ങ​​​ളി​​​ൽ വീ​​​ടു​​​ക​​​ളി​​​ലും കെ​​​ട്ടി​​​ട​​​ങ്ങ​​​ളി​​​ലും എ​​​ത്തു​​​ന്ന വ​​​ണ്ടു​​​ക​​​ളെ വീ​​​ടി​​​നു​​​ള്ളി​​​ൽ​​വ​​ച്ചു ത​​​ന്നെ കീ​​​ട​​​നാ​​​ശി​​​നി ഉ​​​പ​​​യോ​​​ഗി​​​ച്ച് ന​​​ശി​​​പ്പി​​​ക്കാം. കീ​​​ട​​​നാ​​​ശി​​​നി പ്ര​​​യോ​​​ഗി​​​ക്കു​​​ന്പോ​​​ൾ നി​​​ല​​​ത്തു വീ​​​ഴു​​​ന്ന വ​​​ണ്ടു​​​ക​​​ളെ അ​​​ടി​​​ച്ചുവാ​​​രി ചാ​​​ക്കി​​​ൽ കെ​​​ട്ടി വ​​​ച്ച​​​തി​​​നു​​​ശേ​​​ഷം മ​​​ണ്ണെ​​​ണ്ണ​​​യോ മ​​​റ്റോ ഉ​​​പ​​​യോ​​​ഗി​​​ച്ച് ക​​​ത്തി​​​ച്ചു ക​​​ള​​​യു​​​ക​​​യോ കു​​​ഴി​​​ച്ചി​​​ടു​​​ക​​​യോ ചെ​​​യ്യാം. ആ​​​ദ്യ​​​ത്തെ ത​​​വ​​​ണ കീ​​​ട​​​നാ​​​ശി​​​നി പ്ര​​​യോ​​​ഗി​​​ച്ച് ഏ​​​താ​​​നും ദി​​​വ​​​സ​​​ങ്ങ​​​ൾ​​​ക്കു ശേ​​​ഷം വീ​​​ണ്ടും കീ​​​ട​​​നാ​​​ശി​​​നി പ്ര​​​യോ​​​ഗി​​​ക്കാം. കാ​​​ര​​​ണം ഏ​​​താ​​​നും അ​​​ടു​​​ക്കു​​​ക​​​ളാ​​​യാ​​​ണ് ഇ​​​വ ഇ​​​രി​​​ക്കു​​​ന്ന​​​ത്. ഹ്ര​​​സ്വ​​​കാ​​​ല നി​​​യ​​​ന്ത്ര​​​ണം വീ​​​ടു​​​ക​​​ൾ​​​ക്കു വേ​​​ണ്ടി​​​യാ​​​ണ്.​ പ​​​ക​​​ൽ സ​​​മ​​​യ​​​ങ്ങ​​​ളി​​​ൽ വേ​​​ണം കീ​​​ട​​​നാ​​​ശി​​​നി പ്ര​​​യോ​​​ഗി​​​ക്കാ​​​ൻ.

ദീ​​​ർ​​​ഘ​​​കാ​​​ല നി​​​യ​​​ന്ത്ര​​​ണം: ​ദീ​​​ർ​​​ഘ കാ​​​ല​​​ത്തേ​​​ക്കു​​​ള്ള നി​​​യ​​​ന്ത്ര​​​ണ​​​ത്തി​​​ന് മു​​​പ്ലി വ​​​ണ്ടി​​​ന്‍റെ ശ​​​ല്യ​​​മു​​​ള്ള പ്ര​​​ദേ​​​ശ​​​ത്തെ പ്ര​​​ദേ​​​ശ​​​വാ​​​സി​​​ക​​​ളു​​​ടെ മു​​​ഴു​​​വ​​​ൻ സ​​​ഹാ​​​യം വേ​​​ണം. ആ​​​ദ്യം ഇ​​​വ​​​യു​​​ടെ ഉ​​​റ​​​വി​​​ടം ക​​​ണ്ടെ​​​ത്ത​​​ണം. ഇ​​​വ പൊ​​​തു​​​വേ ര​​​ണ്ടു മൂ​​​ന്നു കി​​​ലോമീ​​​റ്റ​​​റി​​​നു​​​ള്ളി​​​ൽ ഒ​​​ന്നോ ര​​​ണ്ടോ കെ​​​ട്ടി​​​ട​​​ങ്ങ​​​ളാ​​​ണ് ഏ​​​പ്രി​​​ൽ മു​​​ത​​​ലു​​​ള്ള കാ​​​ല​​​ത്ത് തെ​​​ര​​​ഞ്ഞെ​​​ടു​​​ക്കു​​​ന്ന​​​ത്. തെ​​​ര​​​ഞ്ഞെ​​​ടു​​​ക്കു​​​ന്ന കെ​​​ട്ടി​​​ട​​​ങ്ങ​​​ൾ മു​​​പ്പ​​​ത് വ​​​ർ​​​ഷ​​​ത്തോ​​​ളം ഇ​​​വ​​​യു​​​ടെ ആ​​​വാ​​​സ കേ​​​ന്ദ്ര​​​മാ​​​യി​​​രി​​​ക്കും. ഈ ​​​സ്ഥ​​​ല​​​ങ്ങ​​​ൾ ക​​​ണ്ടെ​​​ത്തി​​​യ ശേ​​​ഷം അ​​​വ​​​യെ ഒ​​​ക്‌​​ടോ​​​ബ​​​ർവ​​​രെ അ​​​വി​​​ടെ തു​​​ട​​​രാ​​​ൻ അ​​​നു​​​വ​​​ദി​​​ക്ക​​​ണം.

പി​ന്നീ​ട് മ​നു​ഷ്യ വാ​സ​മു​ള്ള ഇ​ട​ങ്ങ​ളി​ൽ സൈ​പ​ർ​മെ​ത്രി​നും ആ​ൾ താ​മ​സ​മി​ല്ലാ​ത്ത കെ​ട്ടി​ട​ങ്ങ​ളി​ൽ ടാ​റ്റ ഫെ​നും പ്ര​യോ​ഗി​ച്ച് ന​ശി​പ്പി​ക്കാം.

നൊ​​​മി​​​നി​​​റ്റ ജോ​​​സ്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.