ചു​വ​ടു​റ​പ്പി​ച്ച് തേ​ജ​സ്വി യാദവ്
മ​ഹാ​സ​ഖ്യ​ത്തെ വി​ജ​യ​ത്തി​ന​രി​കെ​യെ​ത്തി​ച്ച തേ​ജ​സ്വി യാ​ദ​വ് ബി​ഹാ​ർ​രാ​ഷ്‌​ട്രീ​യ​ത്തി​ൽ ചു​വ​ടു​റ​പ്പി​ച്ചു​വെ​ന്നു നി​സം​ശ​യം പ​റ​യാം. പി​​താ​​വ് ലാ​​ലു പ്ര​​സാ​​ദ് യാ​​ദ​​വി​​ന്‍റെ നി​​ഴ​​ലി​​ൽ​​നി​​ന്നു മാ​​റി​​യ, ഇ​​രു​​ത്തം​​വ​​ന്ന നേ​​താ​​വി​​നെ​​യാ​​ണ് ഇ​​ത്ത​​വ​​ണ തേ​​ജ​​സ്വി യാ​​ദ​​വി​​ൽ ക​​ണ്ട​​ത്. ആ​ർ​ജെ​ഡി​യു​ടെ ഭാ​വി തേ​ജ​സ്വി​യി​ൽ ഭ​ദ്ര​മാ​ണെ​ന്ന് തെ​ര​ഞ്ഞെ​ടു​പ്പു​ഫ​ലം തെ​ളി​യി​ച്ചു. ന​രേ​ന്ദ്ര മോ​ദി, നി​തീ​ഷ്കു​മാ​ർ തു​ട​ങ്ങി​യ അ​തി​കാ​യ​രോ​ട് ഏ​റ്റു​മു​ട്ടി​യാ​ണ് തേ​ജ​സ്വി ആ​ർ​ജെ​ഡി​യെ വ​ലി​യ ഒ​റ്റ​ക്ക​ക്ഷി​യാ​ക്കി​യ​ത്.

പ​​ത്തു ല​​ക്ഷം സ​ർ​ക്കാ​ർ ജോ​ലി എ​​ന്ന തേ​​ജ​​സ്വി​​യു​​ടെ വാ​​ഗ്ദാ​​നം ആ​​ർ​​ജെ​​ഡി​​യു​​ടെ തു​​റു​​പ്പു​​ചീ​​ട്ടാ​​യി​രു​ന്നു. കോ​​വി​​ഡ്മൂ​​ലം തൊ​​ഴി​​ൽ ന​​ഷ്ട​​മാ​​യ 40 ല​​ക്ഷ​​ത്തോ​​ളം പേ​​ർ മ​​ട​​ങ്ങി​​യെ​​ത്തി​​യ സം​​സ്ഥാ​​ന​​മാ​​ണു ബി​​ഹാ​​ർ. ലാ​​ലു​​വി​​ന്‍റേ​തി​​ൽ​​നി​​ന്നു വ്യ​​ത്യ​​സ്ത​​മാ​​യ ശൈ​​ലി​​യാ​​യി​​രു​​ന്നു തേ​​ജ​​സ്വി​​യു​​ടേ​​ത്. ജ​​ന​​ങ്ങ​​ളു​​ടെ അ​​ടു​​ത്ത് ഇ​​ട​​പ​​ഴ​​കി, അ​​വ​​രു​​ടെ ആ​​വ​​ലാ​​തി​​ക​​ൾ​​ക്കു ചെ​​വി​​കൊ​​ടു​​ക്കാ​​ൻ യു​​വ​​നേ​​താ​​വ് ബ​​ദ്ധ​​ശ്ര​​ദ്ധ​​നാ​​യി​​രു​​ന്നു. കോ​ൺ​ഗ്ര​സി​ന്‍റെ ദ​യ​നീ​യ പ്ര​ക​ട​ന​വും മു​സ്‌​ലിം പാ​ർ​ട്ടി​യാ​യ എം​ഐ​എ​മ്മി​ന്‍റെ ക​ട​ന്നു​ക​യ​റ്റ​വു​മാ​ണു മ​ഹാ​സ​ഖ്യ​ത്തി​ന്‍റെ മു​ന്നേ​റ്റ​ത്തി​നു ത​ട​യി​ട്ട​ത്.

തെ​​ര​​ഞ്ഞെ​​ടു​​പ്പി​​നു മു​​ന്പ് ലാ​​ലു​​കു​​ടും​​ബ​​ത്തി​​ലെ ഭി​​ന്ന​​ത​​യ്ക്കാ​ണു തേ​​ജ​​സ്വി ആ​​ദ്യം പ​​രി​​ഹാ​​രം ക​​ണ്ട​​ത്. മൂ​​ത്ത സ​​ഹോ​​ദ​​ര​​ൻ തേ​​ജ് പ്ര​​താ​​പു​​മാ​​യി ര​​മ്യ​​ത​​യി​​ലാ​​യി. മ​​ഹാ​​സ​​ഖ്യ​​ത്തി​​ലെ ര​​ണ്ടാ​​മ​​ത്തെ ക​​ക്ഷി​​യാ​​യ കോ​​ണ്‍​ഗ്ര​​സി​​ന് അ​ർ​ഹി​ക്കു​ന്ന​തി​ലും ഏ​റെ സീ​റ്റ് ന​ല്കി. ജ​​ന​​സ്വാ​​ധീ​​ന​​മു​​ള്ള ഇ​​ട​​തു പാ​​ർ​​ട്ടി​​യാ​​യ സി​​പി​​ഐ(​​എം​​എ​​ൽ), ചി​​ല പോ​​ക്ക​​റ്റു​​ക​​ളി​​ലി​​ല്ലെ​​ങ്കി​​ലും സ്വാ​​ധീ​​ന​​മു​​ള്ള സി​​പി​​ഐ, സി​​പി​​എം ക​​ക്ഷി​​ക​​ളെ​​യും സ​​ഖ്യ​​ത്തി​​ന്‍റെ ഭാ​​ഗ​​മാ​​ക്കി. കൂ​​ടു​​ത​​ൽ സ​​മ്മ​​ർ​​ദ​​മു​​ണ്ടാ​​ക്കി​​യി​​രു​​ന്ന വി​​ഐ​​പി പോ​​ലെ​​യു​​ള്ള ചെ​​റു​​ക​​ക്ഷി​​ക​​ളെ അ​​വ​​ഗ​​ണി​​ച്ചു. പ​​ട​​ല​​പ്പി​​ണ​​ക്ക​​മി​​ല്ലാ​​ത്ത, ശ​​ക്ത​​മാ​​യ മു​​ന്ന​​ണി​​യാ​​യി​​രു​​ന്നു തേ​​ജ​​സ്വി മ​​ഹാ​​സ​​ഖ്യ​​ത്തെ ന​​യി​​ച്ച​​ത്.

1989 ന​​വം​​ബ​​ർ ഒ​​ന്പ​​തി​​നാ​ണു തേ​​ജ​​സ്വി ജ​​നി​​ച്ച​​ത്. അ​​തോ​​ടെ​​യാ​​ണു ലാ​​ലു​​പ്ര​​സാ​​ദ് യാ​​ദ​​വി​​ന്‍റെ രാ​​ശി തെ​​ളി​​ഞ്ഞ​​തെ​​ന്നു പ​​റ​​യാം. തേ​​ജ​​സ്വി​​ക്കു നാ​​ലു മാ​​സം പ്രാ​​യ​​മു​​ള്ള​​പ്പോ​​ഴാ​​ണു ലാ​​ലു പ്ര​​സാ​​ദ് യാ​​ദ​​വ് ആ​​ദ്യ​​മാ​​യി ബി​​ഹാ​​ർ മു​​ഖ്യ​​മ​​ന്ത്രി​​യാ​​യ​​ത്. അ​​ന്ന് 42 വ​​യ​​സാ​​യി​​രു​​ന്നു ലാ​​ലു​​വി​​ന്. പി​​ന്നി​​ട​​ങ്ങോ​​ട്ട് 2005 വ​​രെ ബി​​ഹാ​​ർ​​ഭ​​ര​​ണം ലാ​​ലു​​കു​​ടും​​ബ​​ത്തി​​ന്‍റെ കു​​ത്ത​​ക​​യാ​​യി​​രു​​ന്നു. 2005ൽ ​​നി​​തീ​​ഷ്കു​​മാ​​ർ ബി​​ജെ​​പി​​യു​​ടെ സ​​ഹാ​​യ​​ത്തോ​​ടെ ബി​​ഹാ​​ർ പി​​ടി​​ച്ച​​തോ​​ടെ ലാ​​ലു​​വി​​ന്‍റെ പി​​ടി അ​​യ​​ഞ്ഞു.

രാ​​ഷ്‌ട്രീയം തേ​​ജ​​സ്വി​​യു​​ടെ പ​​രി​​ഗ​​ണ​​ന​​യി​​ലു​​ള്ള വി​​ഷയ0​​മേ​​യ​​ല്ലാ​​യി​​രു​​ന്നു. ക്രി​​ക്ക​​റ്റാ​​യി​​രു​​ന്നു ലാ​​ലു​​വി​​ന്‍റെ ഇ​​ള​​യ സ​​ന്താ​​ന​​ത്തി​​നു താ​​ത്പ​​ര്യം. ഡ​​ൽ​​ഹി ആ​​ർ​​കെ പു​​ര​​ത്തെ ഡ​​ൽ​​ഹി പ​​ബ്ലി​​ക് സ്കൂ​​ളി​​ൽ​​നി​​ന്നു പ​​ത്താം​​ത​​രം പാ​​സാ​​കാ​​തെ പ​​ഠ​​നം അ​​വ​​സാ​​നി​​പ്പി​​ച്ച തേ​​ജ​​സ്വി ക്രീ​​സി​​ൽ ചു​​വ​​ടു​​റ​​പ്പി​​ക്കാ​​ൻ ശ്ര​​മി​​ച്ചു. മി​​ക​​ച്ച ക​​വ​​ർ ഡ്രൈ​​വ് ഷോ​​ട്ടു​​ക​​ൾ ക​​ളി​​ക്കു​​ന്ന വ​​ലം​​കൈ​​യ​​ൻ മ​​ധ്യ​​നി​​ര ബാ​​റ്റ്സ്മാ​​നാ​​യി​​രു​​ന്ന തേ​​ജ​​സ്വി, സാ​​ക്ഷാ​​ൽ വി​​രാ​​ട് കോ​​ഹ് ലി​​ക്കൊ​​പ്പം ഡ​​ൽ​​ഹി​​യു​​ടെ അ​​ണ്ട​​ർ-19 ടീ​​മി​​ൽ അം​​ഗ​​മാ​​യി​​രു​​ന്നു. ഒ​​രു സീ​​സ​​ണി​​ൽ ജാ​​ർ​​ഖ​​ണ്ഡി​​നാ​​യി ഒ​​രു ഫ​​സ്റ്റ് ക്ലാ​​സ് മ​​ത്സ​​ര​​ത്തി​​ൽ ക​​ളി​​ച്ചു. ര​​ണ്ട് ഇ​​ന്നിം​​ഗ്സു​​ക​​ളു​​മാ​​യി 20 റ​​ണ്‍​സാ​​ണ് സ​​ന്പാ​​ദ്യം. ഇ​​ന്ത്യ​​ക്കു​​വേ​​ണ്ടി ക​​ളി​​ച്ചി​​ട്ടു​​ള്ള വ​​രു​​ണ്‍ ആ​​രോ​​ണ്‍, സൗ​​ര​​ഭ് തി​​വാ​​രി എ​​ന്നി​​വ​​ർ അ​​ന്നു ജാ​​ർ​​ഖ​​ണ്ഡ് ടീ​​മി​​ലു​​ണ്ടാ​​യി​​രു​​ന്നു. 2008 മു​​ത​​ൽ നാ​​ല് ഐ​​പി​​എ​​ൽ സീ​​സ​​ണു​​ക​​ളി​​ൽ ഡ​​ൽ​​ഹി ഡെ​​യ​​ർ​​ഡെ​​വി​​ൾ​​സ് താ​​ര​​മാ​​യി​​രു​​ന്നു.


റി​​സ​​ർ​​വ് ബെ​​ഞ്ചി​​ലി​​രി​​ക്കാ​​നാ​​യി​​രു​​ന്നു വി​​ധി. 2012ൽ ​​രാ​​ഷ് ട്രീ​​യ​​മാ​​ണു ത​​ന്‍റെ വ​​ഴി​​യെ​​ന്നു തേ​​ജ​​സ്വി തീ​​രു​​മാ​​നി​​ച്ചു. 2010ൽ ​​ലാ​​ലു പ്ര​​സാ​​ദ് യാ​​ദ​​വി​​നു വേ​​ണ്ടി തേ​​ജ​​സ്വി പ്ര​​ചാ​​ര​​ണ​​ത്തി​​നി​​റ​​ങ്ങി. ത​​ന്‍റെ അ​​ന​​ന്ത​​രാ​​വ​​കാ​​ശി ഇ​​ള​​യ മ​​ക​​ൻ തേ​​ജ​​സ്വി​​യാ​​ണെ​​ന്ന് അ​​ന്നേ ലാ​​ലു പ്ര​​സാ​​ദ് തീ​​രു​​മാ​​നി​​ച്ചി​​രു​​ന്നു. വ​​ർ​​ഷ​​ങ്ങ​​ൾ​​ക്കു​​ശേ​​ഷം ലാ​​ലു അ​​ക്കാ​​ര്യം പ്ര​​ഖ്യാ​​പി​​ക്കു​​ക​​യും ചെ​​യ്തു.

2013ൽ ​​ലാ​​ലു പ്ര​​സാ​​ദ് യാ​​ദ​​വ് അ​​റ​​സ്റ്റി​​ലാ​​യ​​തോ​​ടെ ആ​​ർ​​ജെ​​ഡി​​യെ ഇ​​നി ആ​​രു ന​​യി​​ക്കു​​മെ​​ന്ന ചോ​​ദ്യ​​മു​​യ​​ർ​​ന്നു. തേ​​ജ​​സ്വി​​യെ നേ​​താ​​വാ​​യി അം​​ഗീ​​ക​​രി​​ക്കാ​​ൻ അ​​ന്നു പാ​​ർ​​ട്ടി​​നേ​​താ​​ക്ക​​ൾ​​ക്കു പൂ​​ർ​​ണ​​സ​​മ്മ​​ത​​മാ​​യി​​രു​​ന്നി​​ല്ല. . 25 വ​​യ​​സ് പൂ​​ർ​​ത്തി​​യാ​​കാ​​ത്ത​​തി​​നെ​​ത്തു​​ട​​ർ​​ന്ന് 2014 ലോ​​ക്സ​​ഭാ തെ​​ര​​ഞ്ഞെ​​ടു​​പ്പി​​ൽ തേ​​ജ​​സ്വി മ​​ത്സ​​രി​​ച്ചി​​ല്ല. അ​​മ്മ റാ​​ബ്റി ദേ​​വി​​യും സ​​ഹോ​​ദ​​രി മി​​സാ ഭാ​​ര​​തി​​യും ലോ​​ക്സ​​ഭാ തെ​​ര​​ഞ്ഞെ​​ടു​​പ്പി​​ൽ തോ​​റ്റു. നാ​​ലു സീ​​റ്റ് മാ​​ത്ര​​മാ​​ണ് ആ​​ർ​​ജെ​​ഡി​​ക്കു ല​​ഭി​​ച്ച​​ത്.

നി​​തീ​​ഷ്കു​​മാ​​ർ എ​​ൻ​​ഡി​​എ വി​​ട്ട് ഒ​​റ്റ​​യ്ക്കാ​​യി​​രു​​ന്നു മ​​ത്സ​​രി​​ച്ച​​ത്. ബി​​ജെ​​പി പി​​ന്തു​​ണ പി​​ൻ​​വ​​ലി​​ച്ച ജെ​​ഡി-​​യു​​വി​​ന് ആ​​ർ​​ജെ​​ഡി​​യും കോ​​ണ്‍​ഗ്ര​​സും പി​​ന്തു​​ണ ന​​ല്കി. അ​​തോ​​ടെ ബി​​ഹാ​​റി​​ൽ ബി​​ജെ​​പി​​ക്കെ​​തി​​രെ മ​​ഹാ​​സ​​ഖ്യം ഉ​​ട​​ലെ​​ടു​​ത്തു. സോ​​ഷ്യ​​ലി​​സ്റ്റ് അ​​തി​​കാ​​യ​​രാ​​യ നി​​തീ​​ഷ്കു​​മാ​​റും ലാ​​ലു​​പ​​സാ​​ദ് യാ​​ദ​​വും 2015ൽ ​​കോ​​ണ്‍​ഗ്രി​​നെ​​യും കൂ​​ട്ടി നി​​യ​​മ​​സ​​ഭാ തെ​​ര​​ഞ്ഞെ​​ടു​​പ്പി​​ൽ മ​​ത്സ​​രി​​ച്ചു വ​​ൻ വി​​ജ​​യം നേ​​ടി. ആ​​ർ​​ജെ​​ഡി 80 സീ​​റ്റു​​മാ​​യി വ​​ലി​​യ ഒ​​റ്റ​​ക്ക​​ക്ഷി​​യാ​​യി. 71 സീ​​റ്റു കി​​ട്ടി​​യ നി​​തീ​​ഷി​​നു മു​​ഖ്യ​​മ​​ന്ത്രി​​സ്ഥാ​​നം ന​​ല്കി. 26-ാം വ​​യ​​സി​​ൽ തേ​​ജ​​സ്വി യാ​​ദ​​വ് ബി​​ഹാ​​ർ ഉ​​പ​​മു​​ഖ്യ​​മ​​ന്ത്രി​​യാ​​യി.

ഏ​​താ​​നും മാ​​സ​​ങ്ങ​​ൾ ക​​ഴി​​ഞ്ഞ​​പ്പോ​​ഴേ​​ക്കും സ​​ഖ്യ​​ത്തി​​ൽ ക​​ല്ലു​​ക​​ടി തു​​ട​​ങ്ങി. ബി​​നാ​​മി സ്വ​​ത്തു​​കേ​​സി​​ൽ തേ​​ജ​​സ്വി യാ​​ദ​​വി​​നെ​​തി​​രെ സി​​ബി​​ഐ കേ​​സെ​​ടു​​ത്ത​​തോ​​ടെ ഇ​​രു പാ​​ർ​​ട്ടി​​ക​​ളും ത​​മ്മി​​ലു​​ള്ള ബ​​ന്ധം വ​​ഷ​​ളാ​​യി. തേ​​ജ​​സ്വി രാ​​ജി​​വ​​യ്ക്കു​​ക​​യോ വി​​ശ​​ദീ​​ക​​ര​​ണം ന​​ല്കു​​ക​​യോ വേ​​ണ​​മെ​​ന്നാ​​യി​​രു​​ന്നു നി​​തീ​​ഷ്കു​​മാ​​റി​​ന്‍റെ ആ​​വ​​ശ്യം. എ​​ന്നാ​​ൽ, രാ​​ജി​​വ​​യ്ക്കി​​ല്ലെ​​ന്ന് ഉ​​റ​​ച്ച നി​​ല​​പാ​​ടി​​ലാ​​യി​​രു​​ന്നു ആ​​ർ​​ജെ​​ഡി. അ​​നു​​ന​​യ​​ശ്ര​​മ​​വു​​മാ​​യി സോ​​ണി​​യ​​ഗാ​​ന്ധി രം​​ഗ​​ത്തെ​​ത്തി​​യി​​രു​​ന്നു.

എ​​ന്നാ​​ൽ 2017 ജൂ​​ലൈ​​യി​​ൽ നി​​തീ​​ഷ്കു​​മാ​​ർ രാ​​ജി​​വ​​ച്ചു. എ​​ൻ​​ഡി​​എ​​യി​​ലേ​​ക്കു പോ​​യ നി​​തീ​​ഷ് ബി​​ജെ​​പി​​യു​​ടെ പി​​ന്തു​​ണ​​യോ​​ടെ വീ​​ണ്ടും മു​​ഖ്യ​​മ​​ന്ത്രി​​യാ​​യി. 2019ൽ ​​ലോ​​ക്സ​​ഭാ തെ​​ര​​ഞ്ഞെ​​ടു​​പ്പി​​ൽ ആ​​ർ​​ജെ​​ഡി​​സ​​ഖ്യം സ​​ന്പൂ​​ർ​​ണ പ​​രാ​​ജ​​യം നേ​​രി​​ട്ടു. പി​ന്നീ​ട് 18 മാ​സം​കൊ​ണ്ടാ​ണ് തേ​ജ​സ്വി ആ​ർ​ജെ​ഡി​യു​ടെ അ​ടി​ത്ത​റ വീ​ണ്ടെ​ടു​ത്ത​ത്.


ബിജോ മാത്യു

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.