ക​ർ​ഷ​കാ​വ​കാ​ശം ക​ണ്ണീ​രാ​ക​രു​ത്
കോ​ര​ന്‍റെ കു​ന്പി​ളി​ൽ മ​ണ്ണു വാ​രി​യി​ട​രു​ത്. ആ​ന കൊ​ടു​ത്താ​ലും ആ​ശ കൊ​ടു​ക്ക​രു​ത്. ഇ​ന്ത്യ​യി​ലെ സാ​ധാ​ര​ണ ക​ർ​ഷ​ക​ർ​ക്കു കേ​ന്ദ്ര​സ​ർ​ക്കാ​രി​നോ​ടു പ​റ​യാ​നു​ള്ള​താ​ണു പ​ഴ​മ​ക്കാ​ർ പ​റ​ഞ്ഞു​വ​ച്ച​ത്. പോ​ത്തു​ക​ൾ വെ​ട്ടാ​ൻ പാ​ഞ്ഞടു​ക്കു​ന്നേ​രം ഓ​ത്തു​കേ​ൾ​പ്പി​ച്ചാ​ൽ ഒ​ഴി​ഞ്ഞു​മാ​റീ​ടു​മോ എ​ന്നു കു​ഞ്ച​ൻ ന​ന്പ്യാ​രു​ടെ പ​രി​ഹാ​സം ആ​ണ് ഓ​ർ​മ വ​രി​ക. വെ​ട്ടാ​ൻ വ​രു​ന്ന പോ​ത്തി​നോ​ടു വേ​ദ​മോ​തി​യി​ട്ടെ​ന്തു കാ​ര്യം എ​ന്ന സാ​ധാ​ര​ണ​ക്കാ​രു​ടെ ചോ​ദ്യം ത​ന്നെ.

ഇ​ന്ത്യ​യി​ലെ മ​ര​ണ​സം​ഖ്യ 93,000 ക​ട​ന്നു ല​ക്ഷ​ത്തി​ലേ​ക്ക് അ​ടു​ക്കു​ന്പോ​ഴും കോ​വി​ഡ് മ​ഹാ​മാ​രി​യു​ടെ​യും ലോ​ക്ക്ഡൗ​ണി​ന്‍റെ​യും സാ​ന്പ​ത്തി​ക ത​ക​ർ​ച്ച​യു​ടെ​യും തീ​രാ​ദു​രി​ത​ങ്ങ​ളു​ടെ​യും മേ​ൽ ആ​ർ​ക്കും നി​യ​ന്ത്ര​ണ​മി​ല്ലാ​ത്ത നി​ല​യാ​ണ്. രാ​ജ്യം ഇ​ന്നേ​വ​രെ നേ​രി​ട്ട എ​ല്ലാ യു​ദ്ധ​ങ്ങ​ളി​ലും ഇ​ന്ത്യ- പാ​ക്കി​സ്ഥാ​ൻ വി​ഭ​ജ​ന​ത്തി​ലും ക​ലാ​പ​ങ്ങ​ളി​ലും ന​ഷ്ട​മാ​യ​തി​നേ​ക്കാ​ൾ മ​നു​ഷ്യ​ജീ​വ​നു​ക​ൾ കൊ​റോ​ണ വൈ​റ​സി​നു മു​ന്നി​ൽ പൊ​ലി​ഞ്ഞു​വീ​ണി​ട്ടും സ​ർ​ക്കാ​ർ ക​ണ്ണ​ട​ച്ച് ഇ​രു​ട്ടാ​ക്കാ​ൻ ശ്ര​മി​ക്കു​ക​യാ​ണ്.

നോ​ട്ട് അ​സാ​ധു​വാ​ക്ക​ലും കാ​ർ​ഷി​കോ​ത്പ​ന്ന​ങ്ങ​ളു​ടെ വി​ല​ത്ത​ക​ർ​ച്ച​യും ജീ​വി​ത, കാ​ർ​ഷി​ക ചെ​ല​വു​ക​ളു​ടെ വ​ർ​ധ​ന​യും മ​റ്റു​മാ​യി തു​ട​രു​ന്ന ക​ർ​ഷ​ക​രു​ടെ വേ​ദ​ന​ക​ളു​ടെ​യും ആ​ശ​ങ്ക​ക​ളു​ടെ​യും ആ​ഴം കൂ​ട്ടു​ന്ന​താ​ണു വി​വാ​ദ ക​ർ​ഷ​ക ബി​ല്ലു​ക​ൾ.

വി​ത​ച്ച വാ​ക്കു​ക​ൾ വി​സ്മ​രി​ക്കു​ന്നു

ക​ർ​ഷ​ക​ന്‍റെ വ​രു​മാ​നം അ​ഞ്ചു വ​ർ​ഷ​ത്തി​ന​കം ഇ​ര​ട്ടി​യാ​ക്കു​മെ​ന്നും കാ​ർ​ഷി​കോ​ത്പ​ന്ന​ങ്ങ​ൾ​ക്കു ന്യാ​യ​വി​ല ഉ​റ​പ്പാ​ക്കു​മെ​ന്നു​മാ​യി​രു​ന്നു പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ വാ​ഗ്ദാ​നം. പ്ര​തി​വ​ർ​ഷം ര​ണ്ടു കോ​ടി തൊ​ഴി​ലും അ​ഞ്ചു ലക്ഷം കോടി ഡോളർ സ​ന്പ​ദ്ഘ​ട​ന​യും ലോ​ക​ത്തി​ലെ വ​ലി​യ സാ​ന്പ​ത്തി​ക ശ​ക്തി​യും വി​ക​സി​ത രാ​ജ്യ​വും മു​ത​ൽ ക​ള്ള​പ്പ​ണം വീ​ണ്ടെ​ടു​ക്കു​മെ​ന്നും അ​ഴി​മ​തി ഇ​ല്ലാ​താ​ക്കു​മെ​ന്നും തു​ട​ങ്ങി ന​ട​പ്പാ​കാ​തെ പോ​യ വാ​ഗ്ദാ​ന​ങ്ങ​ൾ​ക്കു ക​ണ​ക്കി​ല്ല.

ഇ​ര​ട്ടി വ​രു​മാ​നം ക​ർ​ഷ​ക​നു കി​ട്ടി​യി​ല്ലെ​ന്ന​തു പോ​ട്ടെ ഉ​ള്ള​തു കൂ​ടി ഇ​ല്ലാ​താ​യി. ക​ഷ്ടി​ച്ചു ക​ഴി​ഞ്ഞു​കൂ​ടാ​ൻ പോ​ലും നി​വൃ​ത്തി​യി​ല്ലാ​ത്ത നി​ല​യി​ലാ​ണു കോ​ടി​ക്ക​ണ​ക്കി​നു ചെ​റു​കി​ട, ഇ​ട​ത്ത​രം ക​ർ​ഷ​ക​ർ. രാ​ജ്യ​ത്തെ ജ​ന​ങ്ങ​ളെ തീ​റ്റി​പ്പോ​റ്റു​ന്ന, സ​ന്പ​ദ്ഘ​ട​ന​യു​ടെ ന​ട്ടെ​ല്ലാ​യ ക​ർ​ഷ​ക​ർ​ക്കാ​യി ലോ​ക​ത്തി​ലെ മി​ക്ക രാ​ജ്യ​ങ്ങ​ളും സാ​ന്പ​ത്തി​ക സ​ഹാ​യ​വും സാ​ങ്കേ​തി​ക വി​ദ്യ​ക​ളും അ​ട​ക്കം പ​ദ്ധ​തി​ക​ൾ ന​ട​പ്പാ​ക്കു​ന്നു​ണ്ട്. എ​ന്നാ​ൽ, ചോ​ര നീ​രാ​ക്കി മ​ണ്ണി​നോ​ടു മ​ല്ല​ടി​ക്കു​ന്ന ഇ​ന്ത്യ​യി​ലെ സാ​ധാ​ര​ണ ക​ർ​ഷ​ക​ർ ഇ​പ്പോ​ഴും തീ ​തി​ന്നു​ക​യാ​ണ്.

ക​ർ​ഷ​ക ആ​ത്മ​ഹ​ത്യ​ക​ളു​ടെ പ​ര​ന്പ​ര​ക​ൾ തു​ട​ർ​ച്ച​യാ​യി​ട്ടും ക​ർ​ഷ​ക പ്ര​ക്ഷോ​ഭ​ങ്ങ​ൾ നി​ര​വ​ധി ക​ണ്ടി​ട്ടും സ​ർ​ക്കാ​ർ ക​ള്ള​ക്ക​ളി തു​ട​രു​ക​യാ​ണ്. ബ​ന്ദ് ആ​ഹ്വാ​ന​ങ്ങ​ളോ​ടു പ്ര​തി​ക​രി​ക്കാ​ത്ത ഉ​ത്ത​രേ​ന്ത്യ​യി​ലെ ഗ്രാ​മീ​ണ ജ​ന​ത അ​ട​ക്കം ഇ​ന്ന​ലെ ന​ട​ന്ന ക​ർ​ഷ​ക ബ​ന്ദി​ൽ സ​ജീ​വ​മാ​യ​തും കാ​ർ​ഷി​ക മേ​ഖ​ല​യാ​കെ ആ​ശ​ങ്ക​യി​ലാ​യ​തും മോ​ദി സ​ർ​ക്കാ​രി​നു​ള്ള മു​ന്ന​റി​യി​പ്പാ​ണ്. ഇ​ന്ത്യ​യു​ടെ ധാന്യപിഞ്ഞാണം ആ​യി അ​റി​യ​പ്പെ​ടു​ന്ന പ​ഞ്ചാ​ബി​ലും ഹ​രി​യാ​ന​യി​ലും അ​ട​ക്കം രാ​ജ്യ​ത്താ​കെ റോ​ഡ്, റെ​യി​ൽ ഗ​താ​ഗ​തം പാ​ടെ സ്തം​ഭി​പ്പി​ച്ചാ​ണു ആ​യി​ര​ക്ക​ണ​ക്കി​നു ക​ർ​ഷ​ക​ർ ഇ​ന്ന​ലെ തെ​രു​വി​ലി​റ​ങ്ങി​യ​ത്.

കു​ത്ത​ക​ക​ളു​ടെ കൈ ​പി​ടി​ച്ച്

എ​ൻ​ഡി​എ സ​ർ​ക്കാ​ർ ഭ​ര​ണ​ത്തി​ലേ​റി ആ​റാം വ​ർ​ഷ​ത്തി​ലെ​ത്തി​യ​പ്പോ​ഴും പു​തി​യ കാ​ർ​ഷി​ക പ​രി​ഷ്കാ​ര​ങ്ങ​ളെ​ന്നു പ​റ​ഞ്ഞു ക​ർ​ഷ​ക​രെ ക​ബ​ളി​പ്പി​ക്കാ​നാ​ണു നോ​ക്കു​ന്ന​ത്. വ​രു​മാ​നം ഇ​ര​ട്ടി​യാ​ക്കു​മെ​ന്നും കാ​ർ​ഷി​ക മേ​ഖ​ല​യി​ൽ വ​ൻ​കു​തി​പ്പും പു​തി​യ തൊ​ഴി​ലും ജീ​വ​നോ​പാ​ധി​ക​ളും ഉ​റ​പ്പാ​ക്കു​മെ​ന്നും പ​റ​ഞ്ഞ​തു മോ​ദി​യെ​ങ്കി​ലും മ​റ​ക്ക​രു​ത്. ഓ​രോ ത​വ​ണ​യും ഗോ​ൾ​പോ​സ്റ്റ് മാ​റ്റി​വ​ച്ചും പു​തി​യ വാ​ഗ്ദാ​ന​ങ്ങ​ൾ ന​ൽ​കി​യും സാ​ധാ​ര​ണ​ക്കാ​രെ​യും പാ​വ​ങ്ങ​ളെ​യും ക​ബ​ളി​പ്പി​ക്കാ​ൻ എ​ക്കാ​ല​വും ക​ഴി​യി​ല്ല.

സം​സ്ഥാ​ന​ങ്ങ​ളു​ടെ കൂ​ടി അ​ധി​കാ​ര​പ​രി​ധി​യി​ലു​ള്ള കാ​ര്യ​ത്തി​ൽ സം​സ്ഥാ​ന സ​ർ​ക്കാ​രു​ക​ളോ​ട് ആലോ​ചി​ക്കാ​തെ, പാ​ർ​ല​മെ​ന്‍റ​റി സ​മി​തി​യു​ടെ പ​രി​ശോ​ധ​ന​യ്ക്കു വി​ടാ​തെ, വി​ശ​ദ​മാ​യ ച​ർ​ച്ച​യി​ല്ലാ​തെ, പാ​ർ​ല​മെ​ന്‍റ​റി ച​ട്ട​പ്ര​കാ​ര​മു​ള്ള വോ​ട്ടെ​ടു​പ്പു പോ​ലും നി​ഷേ​ധി​ച്ച് ഏ​ക​പ​ക്ഷീ​യ​മാ​യി തിര​ക്കി​ട്ട് അ​വ​ശ്യ​സാ​ധാ​ന ഭേ​ദ​ഗ​തി അ​ട​ക്കം മൂ​ന്നു വി​വാ​ദ ബി​ല്ലു​ക​ളും പാ​സാ​ക്കി​യ​തി​ന്‍റെ അ​മി​ത താ​ത്പ​ര്യ​മെ​ന്തെ​ന്നു വി​ശ​ദീ​ക​രി​ക്കാ​ൻ സ​ർ​ക്കാ​രി​നു ക​ഴി​ഞ്ഞി​ട്ടി​ല്ല.

കാ​ർ​ഷി​ക മേ​ഖ​ല​യി​ലേ​ക്കു കൂ​ടി ക​ട​ന്നു​ക​യ​റി കൊ​ള്ള​ലാ​ഭം ഉ​ണ്ടാ​ക്കാ​ൻ ശ്ര​മി​ക്കു​ന്ന കോ​ർ​പ​റേ​റ്റ് ക​ന്പ​നി​ക​ൾ, വ​ൻ​കി​ട റീ​ട്ടെ​യി​ലു​കാ​ർ, മൊ​ത്ത​ക്ക​ച്ച​വ​ട​ക്കാ​ർ, വ്യ​വ​സാ​യ-വാ​ണി​ജ്യ വ്യാ​പാ​ര ക​യ​റ്റു​മ​തി ലോ​ബി​ക​ൾ തു​ട​ങ്ങി​യ​വ​ർ​ക്കു വേ​ണ്ടി പാ​വം ക​ർ​ഷ​ക​രെ ചൂ​ഷ​ണ​ത്തി​നു വി​ട്ടു​കൊ​ടു​ക്കു​ക​യാ​ണു ഫ​ല​ത്തി​ൽ ഉ​ണ്ടാ​വു​ക. കേ​ന്ദ്ര​മ​ന്ത്രി​യു​ടെ രാ​ജി​യി​ലും എ​ൻ​ഡി​എ​യു​ടെ സ​ഖ്യ​ക​ക്ഷി​ക​ളു​ടെ എ​തി​ർ​പ്പി​ലും രാ​ജ്യ​വ്യാ​പ​ക ക​ർ​ഷ​ക പ്ര​ക്ഷോ​ഭ​ത്തി​നും അ​തി​നാ​ലാ​ണു പു​തി​യ പ​രി​ഷ്കാ​ര​ങ്ങ​ൾ വ​ഴി​തെ​ളി​ച്ച​ത്.

ക​ർ​ഷ​ക​നീ​തി​യും എ​ത്താ​ക്കൊ​ന്പ്

കേ​ന്ദ്രം പാ​സാ​ക്കി​യ മൂ​ന്നു ബി​ല്ലു​ക​ളി​ൽ അ​വ​ശ്യ​സാ​ധ​ന ഭേ​ദ​ഗ​തി, ക​രാ​ർ കൃ​ഷി ബി​ല്ലു​ക​ൾ ഫ​ല​ത്തി​ൽ ജ​ന​വി​രു​ദ്ധ​വും ക​ർ​ഷ​ക​വി​രു​ദ്ധ​വും അ​പ​ക​ട​ക​ര​വു​മാ​ണ്. കാ​ർ​ഷി​കോ​ത്പ​ന്ന വ്യാ​പാ​ര വാ​ണി​ജ്യ ബി​ൽ- ഫാ​ർ​മേ​ഴ്സ് പ്രൊ​ഡ്യൂ​സ് ട്രേ​ഡ് ആ​ൻ​ഡ് കൊ​മേ​ഴ്സ് (പ്രൊ​മോ​ഷ​ൻ ആ​ൻ​ഡ് ഫ​സി​ലി​റ്റേ​ഷ​ൻ) ബി​ൽ 2020 കേ​ര​ള​ത്തി​നു ഗു​ണ​ക​ര​മാ​ക്കാ​വു​ന്ന​താ​ണ്.


ലോ​ക​വ്യാ​പാ​ര സം​ഘ​ട​ന​യും മ​റ്റും നി​ർ​ദേ​ശി​ച്ച കാ​ർ​ഷി​ക മേ​ഖ​ല​യു​ടെ സ്വ​കാ​ര്യ​വ​ത്ക​ര​ണ​മാ​ണു ക​രാ​ർ കൃ​ഷി നി​യ​മ​ത്തി​ലൂ​ടെ​ സ​ർ​ക്കാ​രി​ന്‍റെ ല​ക്ഷ്യം. കു​ത്ത​ക​ക​ളു​ടെ ദാ​ക്ഷി​ണ്യ​ത്തി​നു ക​ർ​ഷ​ക​നെ വി​ട്ടു​കൊ​ടു​ക്കു​ന്ന​താ​കും ഈ ​നി​യ​മ​നി​ർ​മാ​ണം. ക​ർ​ഷ​ക (ശക്തീ​ക​ര​ണ, സം​ര​ക്ഷ​ണ) ബി​ൽ- ദി ​ഫാ​ർ​മേ​ഴ്സ് (എ​ൻ​പ​വ​ർ​മെ​ന്‍റ് ആ​ൻ​ഡ് പ്രൊ​ട്ട​ക്ഷ​ൻ) എ​ഗ്രി​മെ​ന്‍റ് ഓ​ണ്‍ പ്രൈ​സ് അ​ഷ്വറ​ൻ​സ് ആ​ൻ​ഡ് ഫാം ​സ​ർ​വീ​സ​സ് ബി​ൽ 2020, എ​ന്ന മ​ധു​രം പു​ര​ട്ടി​യ ഈ ​ബി​ല്ലി​ൽ സാ​ധാ​ര​ണ ക​ർ​ഷ​ക​രെ വെ​ട്ടി​ലാ​ക്കു​ന്ന അ​പ​ക​ട​ങ്ങ​ൾ പ​ല​തും പ​തി​യി​രി​പ്പു​ണ്ട്.

പ​രാ​തി പ​രി​ഹാ​ര​ത്തി​നാ​യി വ്യ​വ​സ്ഥ ചെ​യ്ത ത്രി​ത​ല സം​വി​ധാ​നം ക​ർ​ഷ​ക​ന് അ​നു​കൂ​ല​മാ​കി​ല്ല. സ്വാ​ധീ​ന​വും പ​ണ​വും ഉ​ള്ള കു​ത്ത​ക​ക​ളു​ടെ​യും വ​ൻ​കി​ട​ക്കാ​രു​ടെ​യും മു​ന്നി​ൽ ക​ർ​ഷ​ക​നു നീ​തി ല​ഭി​ക്കു​മെ​ന്നു പ്ര​തീ​ക്ഷി​ക്കു​ന്ന​തു പോ​ലും തെ​റ്റാ​കും. ല​ക്ഷ​ങ്ങ​ൾ ചെ​ല​വി​ട്ടു കോ​ട​തി​ക​ളി​ൽ കേ​സു ന​ട​ത്താ​ൻ വ​ൻ​കി​ട​ക്കാ​ര​നു പ്ര​യാ​സ​മി​ല്ല.

ക​രി​ഞ്ച​ന്ത​ക്കാ​ർ​ക്കും കൊ​ള്ള ലാ​ഭ​ക്കാ​ർ​ക്കും സ​ഹാ​യ​ക​മാ​കു​ന്ന അ​വ​ശ്യ​സാ​ധ​ന നി​യ​മ ഭേ​ദ​ഗ​തി- ദി ​എ​സെ​ൻ​ഷ്യ​ൽ ക​മ്മോ​ഡി​റ്റീ​സ് (അ​മെ​ൻ​ഡ്മെ​ന്‍റ്) ബി​ൽ 2020, രാ​ജ്യ​ത്താ​കെ വ​ലി​യ തോ​തി​ലു​ള്ള വി​ല​ക്ക​യ​റ്റ​ത്തി​നാ​കും വ​ഴി​തെ​ളി​ക്കു​ക. ഭ​ക്ഷ്യ​ധാ​ന്യ​ങ്ങ​ൾ, പ​യ​ർ പ​രി​പ്പു വ​ർ​ഗ​ങ്ങ​ൾ, സ​വോ​ള, ഉ​രു​ള​ക്കി​ഴ​ങ്ങ്, ഭ​ക്ഷ്യ​യെ​ണ്ണ​ക​ൾ, എ​ണ്ണ​ക്കു​രു​ക്ക​ൾ തു​ട​ങ്ങി പ​തി​വാ​യി വി​ല കൂ​ടു​ന്ന​വ​യെ അ​വ​ശ്യ​സാ​ധ​ന​ങ്ങ​ളു​ടെ പ​ട്ടി​ക​യി​ൽ നി​ന്നു നീ​ക്കി​യ​തു പൂ​ഴ്ത്തി​വ​യ്പി​നും ക​രി​ഞ്ച​ന്ത​യ്ക്കും കാ​ര​ണ​മാ​കും. അ​നി​യ​ന്ത്രി​ത​മാ​യി ആ​ർ​ക്കും എ​ന്തും സ്റ്റോ​ക്കു ചെ​യ്യാ​മെ​ന്ന​തു കൃ​ത്രി​മ ക്ഷാ​മ​ത്തി​നും വി​ല​ക്ക​യ​റ്റ​ത്തി​നും സ​ർ​ക്കാ​ർ സ​ഹാ​യ​വും നി​യ​മ​പ​രി​ര​ക്ഷ​യും ന​ൽ​കു​ന്ന​തി​നു തു​ല്യ​മാ​ണ്.

കേ​ര​ള സ​ർ​ക്കാ​രും ക​രു​ത​ണം

കേ​ര​ള​ത്തി​ലെ ക​ർ​ഷ​ക​രെ ഫ​ല​വ​ത്താ​യും പ്രാ​യോ​ഗി​ക​മാ​യും സ​ഹാ​യി​ക്കാ​ൻ കേ​ര​ള സ​ർ​ക്കാ​രി​നും വ​ള​രെ​യേ​റെ കാ​ര്യ​ങ്ങ​ൾ ചെ​യ്യാ​നു​ണ്ട്. ഭൂ​പ​രി​ഷ്ക​ര​ണ നി​യ​മ​ത്തി​ൽ കാ​ലാ​നു​സൃ​ത പ​രി​ഷ്കാ​ര​ങ്ങ​ളി​ലൂ​ടെ ലാ​ഭ​ക​ര​മാ​യ ഇ​ത​ര കൃ​ഷി​ക​ൾ ചെ​യ്യാ​നു​ള്ള സ്വാ​ത​ന്ത്ര്യം ക​ർ​ഷ​ക​ർ​ക്കു ന​ൽ​കി ക​ടു​ത്ത പ്ര​തി​സ​ന്ധി​യി​ലു​ള്ള ചെ​റു​കി​ട, ഇ​ട​ത്ത​രം തോ​ട്ടം ഉ​ട​മ​ക​ളെ സ​ഹാ​യി​ക്കാ​ൻ കേ​ര​ള സ​ർ​ക്കാ​രി​നും ക​ഴി​യേ​ണ്ട​തു​ണ്ട്.

പ​തി​ന​ഞ്ചോ അ​തി​ൽ കൂ​ടു​ത​ലോ ഏ​ക്ക​റു​ണ്ടാ​യി​രു​ന്ന പ​ഴ​യ തോ​ട്ട​മു​ട​മ​ക​ൾ മ​ക്ക​ളും മ​ക്ക​ളു​ടെ മ​ക്ക​ളു​മാ​യു​ള്ള വീ​തം വ​യ്പും ജീ​വി​ക്കാ​നാ​യി ന​ട​ത്തി​യ ഭൂ​മി വി​ൽ​പ്പന​ക​ളും മൂ​ലം വ​ള​രെ ചെ​റി​യ വി​സ്തൃ​തി​യി​ലു​ള്ള പ​റ​ന്പു​ക​ൾ മാ​ത്ര​മു​ള്ള​വ​രാ​യി ശേ​ഷി​ച്ച​പ്പോ​ഴും രേ​ഖ​ക​ളി​ൽ തോ​ട്ട​ങ്ങ​ളാ​യി നി​ല​നി​ൽ​ക്കു​ന്ന​തു തിരുത്തപ്പെടണം.

പൊ​തു​ഖ​ജ​നാ​വി​ൽ നി​ന്നു കൃ​ഷി​ക്കാ​യി ചെ​ല​വ​ഴി​ക്കു​ന്ന ഒ​ാരോ രൂ​പ​യു​ടെ​യും പ​ത്തു പൈ​സ പോ​ലും ക​ർ​ഷ​ക​ന്‍റെ കൈ​ക​ളി​ലെ​ത്തു​ന്നി​ല്ല. സ​ർ​ക്കാ​ർ ചെ​ല​വ​ഴി​ക്കു​ന്ന തു​ക​യു​ടെ വ​ലി​യ ഭാ​ഗം ഓ​ഫീ​സ് സം​വി​ധാ​ന​ങ്ങ​ൾ​ക്കും ഉ​ദ്യോ​ഗ​സ്ഥ​രു​ടെ ശ​ന്പ​ള​ത്തി​നും യാ​ത്ര​ച്ചെ​ല​വു​ക​ൾ അ​ട​ക്ക​മു​ള്ള​വ​യ്്ക്കു​മാ​ണു പോ​കു​ന്ന​ത്. കാ​ർ​ഷി​ക മേ​ഖ​ല​യ്ക്കാ​യി ബ​ജ​റ്റി​ൽ നീ​ക്കി​വ​യ്ക്കു​ന്ന വി​ഹി​ത​ത്തി​ൽ എ​ത്ര രൂ​പ​യാ​ണു ക​ർ​ഷ​ക​ർ​ക്കു കി​ട്ടു​ന്ന​തെ​ന്നു വ്യ​ക്ത​മാ​ക്കു​ന്ന ധ​വ​ള​പ​ത്രം കേ​ന്ദ്ര, സം​സ്ഥാ​ന സ​ർ​ക്കാ​രു​ക​ൾ പ്ര​സി​ദ്ധീ​ക​രി​ക്ക​ണം.

അ​നി​വാ​ര്യം ക​ർ​ഷ​കാ​വ​കാ​ശ നി​യ​മം

കാ​ർ​ഷി​ക മേ​ഖ​ല​യു​ടെ വൈ​വി​ധ്യ​വ​ത്ക​ര​ണം, ആ​ധു​നി​ക സാ​ങ്കേ​തി​ക വി​ദ്യ​ക​ൾ, ഉ​ത്പാ​ദ​ന​ക്ഷ​മ​ത കൂ​ട്ടു​ന്ന ശാ​സ്ത്രീ​യ, ജൈ​വ കൃ​ഷി​രീ​തി​ക​ൾ, നേ​രി​ട്ടു​ള്ള സാ​ന്പ​ത്തി​ക സ​ഹാ​യം, മൂ​ല്യ​വ​ർ​ധി​ത ഉ​ത്പ​ന്ന​ങ്ങ​ൾ, ക​യ​റ്റു​മ​തി അ​ട​ക്ക​മു​ള്ള വാ​ണി​ജ്യ സാ​ധ്യ​ത​ക​ൾ തു​ട​ങ്ങി​യ​വ​യ്ക്കു ക​ർ​ഷ​ക​രെ സ​ഹാ​യി​ക്കാ​ൻ സ​ർ​ക്കാ​രു​ക​ൾ​ക്കു ക​ട​മ​യു​ണ്ട്. കാ​ർ​ഷി​ക വി​പ​ണ​ന, വാ​ണി​ജ്യ, സം​ഭ​ര​ണ, സം​സ്ക​ര​ണ സം​വി​ധാ​ന​ങ്ങ​ൾ ഉ​പ​യോ​ഗ​പ്പെ​ടു​ത്താ​നും ക​ഴി​യേ​ണ്ട​തു​ണ്ട്.

ഗ്രാ​മീ​ണ ച​ന്ത​ക​ൾ മു​ത​ൽ താ​ലൂ​ക്ക്, ജി​ല്ലാ​ത​ല വി​പ​ണ​ന കേ​ന്ദ്രം വ​രെ​യു​ള്ള​വ സം​സ്ഥാ​ന​ത്താ​കെ ആ​രം​ഭി​ക്കാ​നും ക​ർ​ഷ​ക കൂ​ട്ടാ​യ്മ​ക​ൾ പ്രോ​ൽ​സാ​ഹി​പ്പി​ക്കാ​നും രാ​ഷ്ട്രീ​യ, ട്രേ​ഡ് യൂ​ണി​യ​ൻ, കു​ത്ത​ക ചൂ​ഷ​ണ​ങ്ങ​ളി​ൽ നി​ന്നു വി​മു​ക്ത​മാ​ക്കാ​നും സ​ർ​ക്കാ​ർ പ​ദ്ധ​തി​ക​ളും ന​ട​പ​ടി​ക​ളും സ്വീ​ക​രി​ക്ക​ണം. വി​പ​ണ​ന വാ​ണി​ജ്യ സം​വി​ധാ​ന​ങ്ങ​ൾ, സം​സ്്ക​ര​ണ ഫാ​ക്ട​റി​ക​ൾ, മൂ​ല്യ​വ​ർ​ധി​ത ഉ​ത്പ​ന്ന​ങ്ങ​ളാ​ക്കി മാ​റ്റാ​നും ക​യ​റ്റു​മ​തി​ക്കു​മു​ള്ള സം​വി​ധാ​ന​ങ്ങ​ൾ, സാ​ന്പ​ത്തി​ക സ​ഹാ​യം തു​ട​ങ്ങി​വ​യ്ക്കാ​യി സ​ർ​ക്കാ​ർ കൃ​ത്യ​വും വ്യ​ക്ത​വു​മാ​യ പ​ദ്ധ​തി​ക​ൾ ന​ട​പ്പാ​ക്കി​യേ മ​തി​യാ​കൂ.

ഓ​രോ കൃ​ഷി​യു​ടെ​യും ചെ​ല​വു​ക​ൾ ക​ണ​ക്കാ​ക്കി ക​ർ​ഷ​ക​നു ജീ​വി​ക്കാ​നാ​വ​ശ്യ​മാ​യ ലാ​ഭം ഉ​ൾ​പ്പെ​ടു​ത്തി നാ​ണ്യ​വി​ള​ക​ൾ അ​ട​ക്കം എ​ല്ലാ കാ​ർ​ഷി​കോ​ത്പ​ന്ന​ങ്ങ​ൾ​ക്കും താ​ങ്ങു​വി​ല പ്ര​ഖ്യാ​പി​ക്ക​ണം. താ​ങ്ങു​വി​ല​യി​ലും താ​ഴ്ത്തി വാ​ങ്ങു​ന്ന​വ​ർ​ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്കാ​നും വ്യ​വ​സ്ഥ ഉ​ണ്ടാ​ക​ണം. വി​ദ്യാ​ഭ്യാ​സ, ഭ​ക്ഷ്യ അ​വ​കാ​ശ​ങ്ങ​ൾ പോ​ലെ ക​ർ​ഷ​ക​ന്‍റെ അ​വ​കാ​ശ​ങ്ങ​ൾ നി​യ​മ​പ​ര​മാ​യി നി​ർ​വ​ചി​ക്കാ​നും ക​ർ​ഷ​ക​ര​ക്ഷ ഉ​റ​പ്പാ​ക്കാ​നും ചൂ​ഷ​ണ​ങ്ങ​ളി​ൽ നി​ന്നു സം​ര​ക്ഷ​ണം ന​ൽ​കാ​നും കേ​ന്ദ്ര​വും സം​സ്ഥാ​ന​വും പു​തി​യ ക​ർ​ഷ​കാ​വ​കാ​ശ നി​യ​മം ഉ​ട​ൻ കൊ​ണ്ടു​വ​ര​ണം.

ഡൽഹിഡയറി/ ജോർജ് കള്ളിവയലിൽ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.