കേരളത്തെ പഞ്ചാബാക്കരുത്
ഉള്ളതു പറഞ്ഞാൽ / കെ. ​ഗോ​പാ​ല​കൃ​ഷ്ണ​ൻ

പ്ര​ശ​സ്ത ബോ​ളി​വു​ഡ് ന​ട​ൻ സു​ശാ​ന്ത് സിം​ഗി​ന്‍റെ മ​ര​ണം ആ​ത്മ​ഹ​ത്യ​യാ​ണോ കൊ​ല​പാ​ത​ക​മാ​ണോ എ​ന്ന​തി​നെ​ക്കു​റി​ച്ചാ​യി​രു​ന്നു അ​ന്വേ​ഷ​ണം. ആ​റാ​ഴ്ച​ത്തെ അ​ന്വേ​ഷ​ണം ക​ഴി​ഞ്ഞി​ട്ടും എ​ഫ്ഐ​ആ​ർ ത​യാ​റാ​ക്കാ​ൻ പോ​ലും മും​ബൈ പോ​ലീ​സി​നു ക​ഴി​ഞ്ഞി​ല്ല. ഒ​ടു​വി​ൽ പ​ര​മോ​ന്ന​ത കോ​ട​തി​യു​ടെ ഉ​ത്ത​ര​വ് പ്ര​കാ​രം കേ​ന്ദ്ര അ​ന്വേ​ഷ​ണ ഏ​ജ​ൻ​സി കേ​സ് ഏ​റ്റെ​ടു​ത്തു. ആ​ഴ്ച​ക​ൾ​ക്ക​കം പു​രോ​ഗ​തി​യു​ണ്ടാ​കു​ക​യും താ​മ​സി​യാ​തെ ദേ​ശീ​യ അ​ന്വേ​ഷ​ണ ഏ​ജ​ൻ​സി​ക്കൊ​പ്പം എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റും (ഇ​ഡി) നാ​ർ​ക്കോ​ട്ടി​ക് ക​ൺ​ട്രോ​ൾ ബ്യു​റോ​യും (എ​ൻ​സി​ബി​യും) ചേ​ർ​ന്നു. സ​ക​ല​രെ​യും അ​ന്പ​ര​പ്പി​ക്കു​ന്ന കാ​ര്യം, മ​യ​ക്കു​മ​രു​ന്ന് മാ​ഫി​യ​യു​ടെ സ്പ​ർ​ശം എ​ല്ലാ​യി​ട​ത്തും വ്യാ​പി​ച്ചി​രി​ക്കു​ന്നു​വെ​ന്ന​തും സ​മൂ​ഹ​ത്തെ അ​ടി​മു​ടി വ​ല​യം ചെ​യ്തി​രി​ക്കു​ന്നു​വെ​ന്ന​തു​മാ​ണ്. പ്ര​ബ​ല​രും ക​രു​ത്ത​രും മു​ഖ്യ​പ​ങ്കു​വ​ഹി​ക്കു​ന്ന അ​ത്യ​ന്തം ക​രു​ത്തു​റ്റ സം​ഘ​ത്തി​ൽ ഇ​ര​ക​ളു​മു​ണ്ട്.

ഏ​റെ പി​ടി​പാ​ടു​ള്ള ഒ​രു സം​ഘം യു​എ​ഇ​യി​ൽ​നി​ന്ന് ഇ​വി​ടേ​ക്ക് സ്വ​ർ​ണ ക​ള്ള​ക്ക​ട​ത്തു ന​ട​ത്തി​യ കേ​സി​ന്‍റെ അ​ന്വേ​ഷ​ണ​ത്തി​ന് കേ​ര​ള സ​ർ​ക്കാ​രി​ന്‍റെ അ​ഭ്യ​ർ​ഥ​ന​പ്ര​കാ​രം കേ​ന്ദ്രം നാ​ഷ​ണ​ൽ ഇ​ൻ​വെ​സ്റ്റി​ഗേ​ഷ​ൻ ഏ​ജ​ൻ​സി​യെ (എ​ൻ​ഐ​എ) നി​യോ​ഗി​ക്കു​ക​യും എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റും ക​സ്റ്റം​സും അ​ന്വേ​ഷ​ണ​ത്തോ​ടു ചേ​രു​ക​യും ചെ​യ്തു. സ്വ​ർ​ണ​ക്ക​ട​ത്തി​ലൂ​ടെ​യു​ണ്ടാ​ക്കി​യ പ​ണം മ​ല​യാ​ള​ത്തി​ലെ​യും ക​ന്ന​ഡ​യി​ലെ​യും സി​നി​മാ​രം​ഗ​ത്തെ പ്ര​ശ​സ്ത​ർ ഉ​ൾ​പ്പെ​ട്ട​തും ബം​ഗ​ളൂ​രു കേ​ന്ദ്ര​മാ​യി തു​ട​ങ്ങി മ​റ്റി​ട​ങ്ങ​ളി​ലേ​ക്കു വ്യാ​പി​പ്പി​ച്ച​തു​മാ​യ അ​ന​ധി​കൃ​ത മ​യ​ക്കു​മ​രു​ന്നു വ്യാ​പാ​ര​ത്തി​ൽ നി​ക്ഷേ​പി​ച്ചി​രി​ക്കു​ന്ന​തി​നാ​ൽ എ​ൻ​സി​ബി​യും അ​ന്വേ​ഷ​ണ​ത്തി​നെ​ത്തി. കേ​ര​ള​ത്തി​ലെ മു​ൻ ആ​ഭ്യ​ന്ത​ര മ​ന്ത്രി​യും മു​തി​ർ​ന്ന സി​പി​എം നേ​താ​വു​മാ​യ ആ​ളി​ന്‍റെ മ​ക​നു​ൾ​പ്പെ​ടെ ക​രു​ത്ത​രാ​യ ആ​ളു​ക​ളാ​ണ് മ​യ​ക്കു​മ​രു​ന്നു മാ​ഫി​യ​യു​ടെ പി​ന്നി​ലു​ള്ള​തെ​ന്ന് ഈ ​കേ​സി​ലും ക​ണ്ടു.

വ​ൻ​തോ​തി​ലു​ള്ള ലാ​ഭ​മാ​ണ് സ്വ​ർ​ണ​ക്ക​ട​ത്തി​ലും മ​യ​ക്കു​മ​രു​ന്നു​ക​ട​ത്തി​ലു​മൊ​ക്കെ റി​സ്ക് ഏ​റ്റെ​ടു​ക്കാ​ൻ ക്രി​മി​ന​ലു​ക​ളെ പ്രേ​രി​പ്പി​ക്കു​ന്ന​ത്. വ​ർ​ധി​ച്ചു​വ​രു​ന്ന ഡി​മാ​ൻ​ഡും ഒ​രു പ്രേ​ര​ണ​യാ​ണ്. ഇ​തി​നെ​ല്ലാ​മു​പ​രി​യാ​ണ് കേ​സ് പ​ഴു​തി​ല്ലാ​ത്ത​വി​ധം ത​യാ​റാ​ക്കാ​ൻ പ്രോ​സി​ക്യൂ​ട്ടിം​ഗ് ഏ​ജ​ൻ​സി​ക​ൾ എ​ടു​ക്കു​ന്ന കാ​ല​താ​മ​സം. മി​ക്ക കേ​സു​ക​ളി​ലും ഉ​ൾ​പ്പെ​ടു​ന്ന​തു സ​മൂ​ഹ​ത്തി​ലെ ഉ​ന്ന​ത​രും അ​ധി​കാ​ര​സ്ഥാ​ന​ങ്ങ​ളി​ലു​ള്ള​വ​രും ആ​യ​തി​നാ​ൽ കേ​സു​മാ​യി മു​ന്നോ​ട്ടു പോ​കു​ന്പോ​ൾ അ​ന്വേഷ​ണോ​ദ്യോ​ഗ​സ്ഥ​ർ​ക്ക് ശ​ക്ത​മാ​യ സ​മ്മ​ർ​ദം നേ​രി​ടേ​ണ്ടി​വ​രും.

രാ​ജ്യ​ത്തി​നു ഭീ​ഷ​ണി

എ​ന്തൊ​ക്കെ​യാ​യാ​ലും സ്വ​ർ​ണ ക​ള്ള​ക്ക​ട​ത്തും മ​യ​ക്കു​മ​രു​ന്നു വ്യാ​പാ​ര​വും രാ​ജ്യ​ത്തി​നു വ​ലി​യ ഭീ​ഷ​ണി​ക​ളാ​ണ്. റി​പ്പോ​ർ​ട്ടു​ക​ള​നു​സ​രി​ച്ച് ഇ​തി​ൽ​നി​ന്നു​ള്ള പ​ണ​ത്തി​ന്‍റെ വ​ലി​യൊ​രു പ​ങ്ക് ദേ​ശ​വി​രു​ദ്ധ പ്ര​വ​ർ​ത്ത​ന​ങ്ങ​ൾ​ക്കാ​ണ് പോ​കു​ന്ന​ത്, പ്ര​ത്യേ​കി​ച്ച് തീ​വ്ര​വാ​ദ സം​ഘ​ട​ന​ക​ളി​ലേ​ക്ക്.
ചി​ല പ്ര​ശ​സ്ത​ർ പ​റ​യു​ന്ന​ത​നു​സ​രി​ച്ച്, അ​ഭി​പ്രാ​യ​ത്തി​ൽ നി​ര​വ​ധി കേ​സു​ക​ളി​ൽ ഷൂ​ട്ടിം​ഗി​നു​മു​ന്പ് ഒ​ന്നോ ര​ണ്ടോ ഗു​ളി​ക​ക​ൾ ന​ല്കു​ക​യും അ​ത​വ​രെ ഉ​ഷാ​റാ​ക്കു​ക​യും ന​ന്നാ​യി അ​ഭി​ന​യി​ക്കാ​നു​ള്ള മാ​ന​സി​കാ​വ​സ്ഥ​യു​ണ്ടാ​ക്കു​ക​യും ചെ​യ്യു​ന്നു. ചി​ല​ർ​ക്കു മ​യ​ക്കി​ക്കി​ട​ത്താ​ൻ പാ​ക​ത്തി​ലു​ള്ള ഗു​ളി​ക ന​ല്കു​ക​യും അ​തു ചി​ല​പ്പോ​ൾ ചൂ​ഷ​ണ​ത്തി​ലേ​ക്കു ന​യി​ക്കു​ക​യും ചെ​യ്യു​മെ​ന്ന് ഇ​ര​യും ഇ​പ്പോ​ൾ സൂ​പ്പ​ർ​സ്റ്റാ​റു​മാ​യ ഒ​രാ​ൾ അ​ഭി​മു​ഖ​ത്തി​ൽ ആ​രോ​പി​ച്ചി​രു​ന്നു.

ഇ​ത്ത​രം സം​ഘ​ങ്ങ​ൾ സ​മൂ​ഹ​ത്തി​ൽ ന​ന്നാ​യി ഇ​ട​പ​ഴ​കു​ക​യും കു​റെ​ക്ക​ഴി​ഞ്ഞു​മാ​ത്രം ഇ​വ​രു​ടെ പ്ര​വൃ​ത്തി​ക​ൾ നി​യ​മ​ത്തി​ന്‍റെ ശ്ര​ദ്ധ​യി​ൽ പെ​ടു​ക​യും ചെ​യ്യു​ന്നു. പ​കി​ട്ടേ​റി​യ തൊ​ഴി​ലു​ക​ളി​ൽ ഏ​ർ​പ്പെ​ട്ടി​രി​ക്കു​ന്ന സ്ത്രീ-​പു​രു​ഷ​ന്മാ​ർ സു​ര​ക്ഷ ഉ​റ​പ്പാ​ക്കി​യും അ​ധി​കാ​രി​ക​ളി​ൽ​നി​ന്ന് സു​ര​ക്ഷി​ത അ​ക​ലം ഉ​റ​പ്പാ​ക്കി​യു​മാ​ണ് ഇ​ത്ത​രം കൂ​ടി​ച്ചേ​ര​ലു​ക​ൾ​ക്കു പോ​കു​ന്ന​ത്.

ഇ​തി​ന്‍റെ സാ​രാം​ശം, ഇ​ത്ത​രം ഉ​ല്പ​ന്ന​ങ്ങ​ൾ ന​ന്നാ​യി വി​ല്ക്ക​പ്പെ​ടു​ന്നു​വെ​ന്ന​തും ധാ​രാ​ളം ക​ള്ള​പ്പ​ണം സൃ​ഷ്ടി​ക്ക​പ്പെ​ടു​ന്നു​വെ​ന്ന​തു​മാ​ണ്. ഇ​തൊ​ക്കെ ഉ​പ​യോ​ഗി​ക്കു​ന്ന​ത് സാ​ധ​ന​ങ്ങ​ളു​ടെ പൂ​ഴ്ത്തി​വ​യ്പ്, ബി​നാ​മി സ്വ​ത്തു​ക​ളു​ടെ സ​ന്പാ​ദ​നം, ബി​നാ​മി നി​ക്ഷേ​പ​ങ്ങ​ൾ തു​ട​ങ്ങി​യ നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ​ക്കാ​ണ്. മ​റ്റൊ​ര​പ​ക​ടം, തീ​വ്ര​വാ​ദ​പ്ര​വ​ർ​ത്ത​ന​ത്തി​നു സാ​ന്പ​ത്തി​ക​സ​ഹാ​യം ല​ഭി​ക്കു​ന്നു​വെ​ന്ന​താ​ണ്. രാ​ഷ്‌​ട്ര​താ​ത്പ​ര്യ​ങ്ങ​ൾ​ക്കും സു​ര​ക്ഷ​യ്ക്കും സാ​ന്പ​ത്തി​ക​ഭ​ദ്ര​ത​യ്ക്കും ഹാ​നി​ക​ര​മാ​ണ് ഇ​തൊ​ക്കെ. അ​തോ​ടൊ​പ്പം ഹാ​നി​ക​ര​മാ​ണ് ഇ​ത്ത​രം മാ​ര​ക-​രാ​സ​ഗു​ളി​ക​ക​ൾ​ക്കും കാ​പ്സ്യൂ​ളു​ക​ൾ​ക്കും അ​ടി​മ​ക​ളാ​കു​ന്ന രാ​ജ്യ​ത്തെ യു​വാ​ക്ക​ൾ​ക്ക് ഉ​ണ്ടാ​കു​ന്ന വി​നാ​ശം. ഇ​ത്ത​രം ദു​ശീ​ല​ങ്ങ​ളി​ൽ​നി​ന്ന് ത​ങ്ങ​ളു​ടെ മ​ക്ക​ളെ എ​ങ്ങ​നെ മോ​ചി​പ്പി​ക്ക​ണ​മെ​ന്ന​റി​യാ​തെ നി​ര​വ​ധി മാ​താ​പി​താ​ക്ക​ൾ അ​വ​രു​ടെ ജീ​വി​ത​സാ​യാ​ഹ്ന​ത്തി​ൽ വി​ഷ​മി​ക്കു​ന്നു. അ​തി​ന്‍റെ വി​ശ​ദാം​ശ​ങ്ങ​ൾ പി​ന്നീ​ട്.

വോ​റ​യു​ടെ ക​ണ്ടെ​ത്ത​ൽ

ഈ ​മ​യ​ക്കു​മ​രു​ന്നു വ്യാ​പാ​രി​ക​ൾ രാ​ജ്യ​ത്തെ ഉ​ന്ന​ത​രും സ്വാ​ധീ​ന​ശ​ക്തി​യു​ള്ള​വ​രു​മാ​യി ഒ​രു അ​വി​ശു​ദ്ധ കൂ​ട്ടു​കെ​ട്ട് വ​ള​ർ​ത്തി അ​പ​ക​ട​ക​ര​വും എ​ന്നാ​ൽ അ​മി​ത​ലാ​ഭ​മു​ള്ള​തു​മാ​യ ക​ച്ച​വ​ടം തു​ട​രു​ക​യാ​ണ്. 1993-ൽ ​മു​ൻ ആ​ഭ്യ​ന്ത​ര സെ​ക്ര​ട്ട​റി എ​ൻ.​എ​ൻ. വോ​റ രാ​ജ്യ​ത്തെ കു​റ്റ​വാ​ളി-​രാ​ഷ്‌​ട്രീ​യ-​പോ​ലീ​സ് അ​വി​ശു​ദ്ധ കൂ​ട്ടു​കെ​ട്ട് മൂ​ല​മു​ള്ള പ്ര​ശ്ന​ങ്ങ​ളെ​ക്കു​റി​ച്ച് പ​ഠി​ച്ചു പ​റ​ഞ്ഞി​രു​ന്നു.

“സി​ബി​ഐ ഡ​യ​റ​ക്ട​റെ​പ്പോ​ലെ ഡി​ഐ​ബി (ഡ‍യ​റ​ക്ട​ർ ഇ​ന്‍റ​ലി​ജ​ൻ​സ് ബ്യൂ​റോ) പ​റ​ഞ്ഞ​ത്, രാ​ജ്യ​ത്തെ കു​റ്റ​വാ​ളി​സം​ഘ​ങ്ങ​ൾ, സാ​യു​ധ​സം​ഘ​ങ്ങ​ൾ, മ​യ​ക്കു​മ​രു​ന്നു മാ​ഫി​യ, ക​ള്ള​ക്ക​ട​ത്തു​സം​ഘ​ങ്ങ​ൾ, മ​യ​ക്കു​മ​രു​ന്നു ക​ച്ച​വ​ട​ക്കാ​ർ, സാ​ന്പ​ത്തി​ക ഉ​പ​ജാ​പ​ക​ർ എ​ന്നി​വ​രു​ടെ അ​തി​വേ​ഗ​ത്തി​ലു​ള്ള വ്യാ​പ​ന​വും വ​ള​ർ​ച്ച​യും ഉ​ണ്ടെ​ന്നും അ​വ​ർ വ​ർ​ഷ​ങ്ങ​ൾ​കൊ​ണ്ട് ഉ​ദ്യോ​ഗ​സ്ഥ​ർ, പ്രാ​ദേ​ശി​ക​ത​ല​ത്തി​ലു​ള്ള സ​ർ​ക്കാ​ർ സം​വി​ധാ​ന​ങ്ങ​ൾ, രാ​ഷ്‌​ട്രീ​യ​ക്കാ​ർ, മാ​ധ്യ​മ​പ്ര​വ​ർ​ത്ത​ക​ർ, സ​ർ​ക്കാ​രി​ത​ര ത​ന്ത്ര​പ്ര​ധാ​ന സ്ഥാ​ന​ങ്ങ​ളി​ലു​ള്ള വ്യ​ക്തി​ക​ൾ എ​ന്നി​വ​രു​മാ​യി ബ​ന്ധ​ങ്ങ​ളു​ടെ വി​പു​ല​മാ​യ ശൃം​ഖ​ല വി​ക​സി​പ്പി​ച്ചെ​ടു​ത്തി​ട്ടു​ണ്ട്’’ എ​ന്നു​മാ​ണ്. ഇ​ത്ത​രം ചി​ല സം​ഘ​ങ്ങ​ൾ​ക്ക് വി​ദേ​ശ ര​ഹ​സ്യാ​ന്വേ​ഷ​ണ ഏ​ജ​ൻ​സി​ക​ൾ ഉ​ൾ​പ്പെ​ടെ​യു​ള്ള​വ​രു​മാ​യി അ​ന്താ​രാ​ഷ്‌​ട്ര ബ​ന്ധ​വു​മു​ണ്ട്. ഈ ​സാ​ഹ​ച​ര്യ​ത്തി​ൽ, ഡി​ഐ​ബി താ​ഴെ​പ്പ​റ​യു​ന്ന ഉ​ദാ​ഹ​ര​ണ​ങ്ങ​ളും ന​ല്കി:

1. ബി​ഹാ​ർ, ഹ​രി​യാ​ന, യു​പി പോ​ലെ​യു​ള്ള ചി​ല സം​സ്ഥാ​ന​ങ്ങ​ളി​ൽ ഇ​ത്ത​രം സം​ഘ​ങ്ങ​ൾ​ക്ക് പാ​ർ​ട്ടി ഭേ​ദ​മി​ല്ലാ​തെ പ്രാ​ദേ​ശി​ക രാ​ഷ്‌​ട്രീ​യ​ക്കാ​ർ ര​ക്ഷാ​ധി​കാ​രി​ക​ളാ​കു​ക​യും സ​ർ​ക്കാ​ർ സം​വി​ധാ​ന​ങ്ങ​ളു​ടെ സു​ര​ക്ഷ ല​ഭി​ക്കു​ക​യും ചെ​യ്യു​ന്നു​ണ്ട്. ചി​ല രാ​ഷ്‌​ട്രീ​യ​നേ​താ​ക്ക​ൾ ഇ​ത്ത​രം സം​ഘ​ങ്ങ​ളു​ടെ​യും സാ​യു​ധ​സം​ഘ​ങ്ങ​ളു​ടെ​യും ത​ല​വ​ന്മാ​രാ​യി​ത്തീ​രു​ക​യും വ​ർ​ഷ​ങ്ങ​ൾ ക​ഴി​യു​ന്പോ​ൾ പ്രാ​ദേ​ശി​ക ഭ​ര​ണ​സ​മി​തി​ക​ളി​ലേ​ക്കും നി​യ​മ​സ​ഭ​ക​ളി​ലേ​ക്കും പാ​ർ​ല​മെ​ന്‍റി​ലേ​ക്കും തെ​ര​ഞ്ഞെ​ടു​ക്ക​പ്പെ​ടു​ക​യും ചെ​യ്യു​ന്നു. പ​രി​ണ​ത​ഫ​ല​മാ​യി ഇ​ത്ത​രം ശ​ക്തി​ക​ൾ ഗ​ണ്യ​മാ​യ രാ​ഷ്‌​ട്രീ​യ സ്വാ​ധീ​ന​മു​ണ്ടാ​ക്കു​ക​യും സു​ഗ​മ​മാ​യ ഭ​ര​ണ​നി​ർ​വ​ഹ​ണ​ത്തെയും സാ​ധാ​ര​ണ​ക്കാ​രു​ടെ ജീ​വ​ന്‍റെ​യും സ്വ​ത്തി​ന്‍റെ​യും സു​ര​ക്ഷ​യെ​യും ഗൗ​ര​വ​മാ​യ​വി​ധ​ത്തി​ൽ അ​പ​ക​ട​പ്പെ​ടു​ത്തു​ക​യും ജ​ന​ങ്ങ​ൾ​ക്കി​ട​യി​ൽ നി​രാ​ശാ​ബോ​ധ​ത്തി​നും അ​ക​ൽ​ച്ച​ക്കും കാ​ര​ണ​മാ​കു​ക​യും ചെ​യ്യു​ന്നു.


2. വ​ലി​യ ക​ള്ള​ക്ക​ട​ത്തു​സം​ഘ​ങ്ങ​ൾ അ​ന്താ​രാ​ഷ്‌​ട്ര​ബ​ന്ധ​ങ്ങ​ളി​ലൂ​ടെ ഹ​വാ​ല ഇ​ട​പാ​ടു​ക​ളും ക​ള്ള​പ്പ​ണ വി​ത​ര​ണ​വും രാ​ജ്യ​ത്തി​ന്‍റെ സാ​ന്പ​ത്തി​ക കെ​ട്ടു​റ​പ്പി​ന് ഗു​രു​ത​ര​മാ​യ അ​പ​ക​ട​മു​ണ്ടാ​ക്കു​ന്ന സ​മാ​ന്ത​ര സാ​ന്പ​ത്തി​ക ഇ​ട​പാ​ടു​ക​ളും ഉ​ൾ​പ്പെ​ടെ​യു​ള്ള വ്യ​ത്യ​സ്ത​മാ​യ ദു​ഷി​ച്ച സാ​ന്പ​ത്തി​ക പ്ര​വ​ർ​ത്ത​ന​ങ്ങ​ൾ വ്യാ​പ​ക​മാ​ക്കു​ന്നു. ഈ ​സം​ഘ​ങ്ങ​ൾ ദൃ​ഢ​മാ​യ സാ​ന്പ​ത്തി​ക-​കാ​യി​ക ശ​ക്തി​യും സാ​മൂ​ഹി​ക അം​ഗീ​കാ​ര​വും നേ​ടു​ക​യും സ​ർ​ക്കാ​ർ സം​വി​ധാ​ന​ങ്ങ​ളെ എ​ല്ലാ ത​ല​ത്തി​ലും വി​ജ​യ​ക​ര​മാ​യി ദു​ഷി​പ്പി​ക്കു​ക​യും ചെ​യ്തി​ട്ടു​ണ്ട്. അ​ന്വേ​ഷ​ണ-​വി​ചാ​ര​ണ ഏ​ജ​ൻ​സി​ക​ളു​ടെ ജോ​ലി ക​ഠി​ന​ത​ര​മാ​ക്കാ​ൻ ത​ക്ക​വി​ധം സ്വാ​ധീ​നം ചെ​ലു​ത്താ​നും ഇ​വ​ർ​ക്കു ക​ഴി​ഞ്ഞി​ട്ടു​ണ്ട്. കോ​ട​തി സം​വി​ധാ​ന​ങ്ങ​ളി​ലെ അം​ഗ​ങ്ങ​ളും ഈ ​മാ​ഫി​യ​യു​ടെ പി​ടി​യി​ൽ​നി​ന്നു ര​ക്ഷ​പ്പെ​ട്ടി​ട്ടി​ല്ല.

3. മാ​ഫി​യ​ക​ളി​ലെ ചി​ല ഘ​ട​ക​ങ്ങ​ൾ മ​യ​ക്കു​മ​രു​ന്ന്-​ല​ഹ​രി-​ആ​യു​ധ ക​ള്ള​ക്ക​ട​ത്തി​ലേ​ക്കു ചു​വ​ടു​മാ​റ്റു​ക​യും ജ​മ്മു-​കാ​ഷ്മീ​ർ, പ​ഞ്ചാ​ബ്, ഗു​റാ​ത്ത്, മ​ഹാ​രാ​ഷ്‌​ട്ര സം​സ്ഥാ​ന​ങ്ങ​ളി​ൽ മ​യ​ക്കു​മ​രു​ന്ന്-​തീ​വ്ര​വാ​ദ ശൃം​ഖ​ല​ക​ൾ സ്ഥാ​പി​ക്കു​ക​യും ചെ​യ്തി​ട്ടു​ണ്ട്. തെ​ര​ഞ്ഞെ​ടു​പ്പ് പ്ര​ചാ​ര​ണ ചെ​ല​വു​ക​ൾ രാ​ഷ്‌​ട്രീ​യ​ക്കാ​രെ ഇ​ത്ത​ര​ക്കാ​രു​ടെ വ​ല​യ​ത്തി​ലാ​ക്കു​ക​യും നി​രോ​ധ​ന-​കു​റ്റാ​ന്വേ​ഷ​ണ ഉ​ദ്യോ​ഗ​സ്ഥ​രെ ക​ഠി​ന​മാ​യ വി​ട്ടു​വീ​ഴ്ച​ക​ൾ ന​ട​ത്തു​ന്ന​തി​ലേ​ക്കു ന​യി​ക്കു​ക​യും ചെ​യ്യും. രാ​ജ്യ​ത്തെ മി​ക്ക​വാ​റും എ​ല്ലാ കേ​ന്ദ്ര​ങ്ങ​ളി​ലേ​ക്കും ഈ ​വൈ​റ​സ് വ്യാ​പി​ച്ചു​ക​ഴി​ഞ്ഞു. തീ​ര-​അ​തി​ർ​ത്തി സം​സ്ഥാ​ന​ങ്ങ​ളി​ൽ പ്ര​ത്യേ​കി​ച്ചും.

4. മും​ബൈ സ്ഫോ​ട​ന​ക്കേ​സും സൂ​റ​റ്റി​ലെ​യും അ​ഹ​മ്മ​ദാ​ബാ​ദി​ലെ​യും വ​ർ​ഗീ​യ ക​ലാ​പ​ങ്ങ​ളും വെ​ളി​പ്പെ​ടു​ത്തി​യ കാ​ര്യം, എ​ങ്ങ​നെ​യാ​ണ് ഇ​ന്ത്യ​യി​ലെ അ​ധോ​ലോ​ക​ത്തെ പാ​ക്കി​സ്ഥാ​ൻ ഐ​എ​സ്ഐ​യും അ​വ​രു​ടെ യു​എ​ഇ​യി​ലെ ശൃം​ഖ​ല​യും ഇ​ന്ത്യ​യി​ൽ വി​വി​ധ​യി​ട​ങ്ങ​ളി​ൽ വി​ധ്വം​സ​ക​പ്ര​വ​ർ​ത്ത​ന​ത്തി​നും അ​ട്ടി​മ​റി​ക്കും വ​ർ​ഗീ​യ ഏ​റ്റു​മു​ട്ട​ലു​ക​ൾ​ക്കും വേ​ണ്ടി ചൂ​ഷ​ണം ചെ​യ്യു​ന്ന​ത് എ​ന്ന​താ​ണ്. സ​ർ​ക്കാ​ർ ഏ​ജ​ൻ​സി​ക​ൾ, രാ​ഷ്‌​ട്രീ​യ വൃ​ത്ത​ങ്ങ​ൾ, വ്യാ​പാ​ര മേ​ഖ​ല​ക​ൾ, സി​നി​മാ​ലോ​കം എ​ന്നി​വ​യു​മാ​യി അ​ധോ​ലോ​ക​ത്തി​നു​ള്ള ബ​ന്ധം മും​ബൈ സ്ഫോ​ട​ന​ക്കേ​സി​ലെ അ​ന്വേ​ഷ​ണ​ത്തി​ലൂ​ടെ വെ​ളി​ച്ച​ത്തു​വ​ന്നി​രു​ന്നു. ‘’

പ്ര​ശ്നം വി​ശ​ദ​മാ​യി പ​രി​ശോ​ധി​ച്ച വോ​റ ക​മ്മി​റ്റി റി​പ്പോ​ർ​ട്ട് സാ​ഹ​ച​ര്യ​ത്തെ നേ​രി​ടാ​ൻ നി​ര​വ​ധി നി​ർ​ദേ​ശ​ങ്ങ​ളും ശി​പാ​ർ​ശ​ചെ​യ്യു​ന്നു​ണ്ട്. എ​ന്നി​രു​ന്നാ​ലും അ​വ തൃ​പ്തി​ക​ര​മാ​യി ന​ട​പ്പാ​ക്കാ​തി​രു​ന്ന​തി​നാ​ൽ, സാ​ഹ​ച​ര്യ​ങ്ങ​ൾ ഇ​പ്പോ​ഴും വ്യ​വ​സ്ഥി​തി​ക്കു ഭീ​ഷ​ണി​യാ​യി തു​ട​രു​ന്നു. കു​റ്റ​വാ​ളി​ക​ളും രാ​ഷ്‌​ട്രീ​യ​ക്കാ​രും ഉ​ദ്യോ​ഗ​സ്ഥ​രും ത​മ്മി​ലു​ള്ള അ​പ​ക​ട​ക​ര​മാ​യ കൂ​ട്ടു​കെ​ട്ട് മി​ക്ക​വാ​റും എ​ല്ലാ​യി​ട​ത്തും വ്യാ​പി​ക്കു​ക​യും ചെ​യ്തി​ട്ടു​ണ്ട്.

പാ​ക്കി​സ്ഥാ​ൻ ബ​ന്ധം

അ​ന​ന്ത​ര​ഫ​ല​മാ​യി സ്വ​ർ​ണ​ക്കള്ള​ക്ക​ട​ത്ത് - മ​യ​ക്കു​മ​രു​ന്നു​മാ​ഫി​യ​ക​ൾ​ക്ക് അ​ധി​കാ​ര​ത്തി​ലു​ള്ള​വ​രും നി​ർ​ണാ​യ​ക സ്ഥാ​ന​ങ്ങ​ളി​ലു​ള്ള​വ​രു​മാ​യു​ള്ള അ​ടു​പ്പ​വും സ്വാ​ധീ​ന​വും രാ​ജ്യ​ത്തെ​ന്പാ​ടും ഈ ​ഘ​ട​ക​ങ്ങ​ൾ​ക്ക് സാ​ന്നി​ധ്യ​മു​റ​പ്പി​ക്കാ​ൻ ഇ​ട​യാ​ക്കി​യി​ട്ടു​ണ്ട്. മ​യ​ക്കു​മ​രു​ന്ന്-​ല​ഹ​രി മാ​ഫി​യ പാ​ക്കി​സ്ഥാ​നു​മാ​യി ദീ​ർ​ഘ​മാ​യി അ​തി​ർ​ത്തി പ​ങ്കി​ടു​ന്ന ജ​മ്മു-​കാ​ഷ്മീ​രി​ലും പ​ഞ്ചാ​ബി​ലും എ​ങ്ങ​നെ​യാ​ണു പ്ര​വ​ർ​ത്തി​ച്ച​തെ​ന്നു നാം ​ക​ണ്ടി​ട്ടു​ണ്ട്. ഈ ​മാ​ര​ക​മാ​യ വ​ള​ർ​ച്ച രാ​ജ്യ​ത്തെ ഭീ​ക​ര​പ്ര​സ്ഥാ​ന​ങ്ങ​ളെ വ​ള​രെ​യ​ധി​കം സ​ഹാ​യി​ച്ചു. എ​ന്നു മാ​ത്ര​മ​ല്ല, പ​ഞ്ചാ​ബി​ൽ വി​വി​ധ മ​യ​ക്കു​മ​രു​ന്ന് ഉ​ത്പ​ന്ന​ങ്ങ​ളു​ടെ വി​ല്പ​ന അ​വി​ട​ത്തെ നി​ര​വ​ധി യു​വാ​ക്ക​ളെ മ​യ​ക്കു​മ​രു​ന്നി​ന്‍റെ ബ​ലി​യാ​ടു​ക​ളാ​ക്കു​ക​യും സം​സ്ഥാ​ന​ത്തെ ആ​യി​ര​ക്ക​ണ​ക്കി​നു കു​ടും​ബ​ങ്ങ​ളെ ന​ശി​പ്പി​ക്കു​ക​യും ചെ​യ്തു. ഇ​തി​നെ അ​ടി​ച്ച​മ​ർ​ത്താ​ൻ സം​സ്ഥാ​ന​സ​ർ​ക്കാ​ർ ശ്ര​മി​ച്ചെ​ങ്കി​ലും മാ​ഫി​യ​യ്ക്ക് പ​ഞ്ചാ​ബി​ലും സ​മീ​പ​പ്ര​ദേ​ശ​ങ്ങ​ളി​ലും ഇ​പ്പോ​ഴും വ​ലി​യ സ്വാ​ധീ​ന​മു​ള്ള​തി​നാ​ൽ വി​ജ​യി​ച്ചി​ട്ടി​ല്ല. ഈ ​ലേ​ഖ​ക​ൻ ര​ണ്ടു വ​ർ​ഷം പ​ഞ്ചാ​ബി​ൽ സ​ന്ദ​ർ​ശ​നം ന​ട​ത്തി​യ​പ്പോ​ഴും കേ​ട്ട​ത് മ​യ​ക്കു​മ​രു​ന്നി​ന് അ​ടി​മ​ക​ളാ​യ യു​വാ​ക്ക​ളു​ടെ അ​വ​സ്ഥ​മൂ​ലം ക​ഷ്ട​പ്പെ​ടു​ന്ന നി​ര​വ​ധി കു​ടും​ബ​ങ്ങ​ളു​ടെ ഹൃ​ദ​യ​ഭേ​ദ​ക​മാ​യ ക​ഥ​ക​ളാ​ണ്. ഇ​തു സം​സ്ഥാ​ന​ത്തു​ട​നീ​ളം വ്യാ​പി​ച്ചി​രി​ക്കു​ന്നു​വെ​ന്ന​താ​ണു ദുഃ​ഖ​ക​ര​മാ​യ വ​സ്തു​ത.

കേ​ര​ള​ത്തി​ലേ​ക്കും

യ​ഥാ​ർ​ഥ​ത്തി​ൽ കേ​ര​ള​ത്തി​ലെ സ്വ​ർ​ണ​ക്ക​ട​ത്തു മാ​ഫി​യ​യു​ടെ പ്ര​വ​ർ​ത്ത​ന​ങ്ങ​ൾ മ​യ​ക്കു​മ​രു​ന്നു​സം​ഘ​ങ്ങ​ളി​ലേ​ക്കും ക​ട​ന്നി​രി​ക്കു​ന്നു​വെ​ന്ന​ത് ഏ​റെ പ​രി​ഭ്ര​മി​പ്പി​ക്കു​ന്ന കാ​ര്യ​മാ​ണ്. ഇ​പ്പോ​ൾ ഇ​വ​രു​ടെ കേ​ന്ദ്ര​കാ​ര്യാ​ല​യം ബം​ഗ​ളു​രു​വി​ൽ ആ​ണെ​ങ്കി​ലും ഈ ​സം​ഘ​ങ്ങ​ൾ കേ​ര​ള​ത്തി​ലേ​ക്കു നു​ഴ​ഞ്ഞു​ക‍യ​റു​ക​യും വി​നോ​ദ​മേ​ഖ​ല​യി​ലെ നി​ര​വ​ധി പ്ര​മു​ഖ​ർ സം​സ്ഥാ​ന​ത്തെ സ്റ്റാ​ർ ഹോ​ട്ട​ലു​ക​ളി​ൽ ന​ട​ത്ത​പ്പെ​ടു​ന്ന അ​വ​രു​ടെ പാ​ർ​ട്ടി​ക​ളി​ൽ പ​ങ്കെ​ടു​ക്കു​ക​യും ചെ​യ്യു​ന്നു. ഇ​ത് അ​പ​ക​ട​ക​ര​മാ​യ സം​ഭ​വ​വി​കാ​സ​മാ​ണ്.

ഏ​താ​നും വ​ർ​ഷം​മു​ന്പ് സം​സ്ഥാ​ന​ത്ത് മ​ദ്യ വി​ല​ക്ക് ഏ​ർ​പ്പെ​ടു​ത്തി​യ​പ്പോ​ൾ മ​യ​ക്കു​മ​രു​ന്ന് മാ​ഫി​യ​യ്ക്ക് അ​ക​ത്തു പ്ര​വേ​ശി​ക്കാ​ൻ വ​ഴി​യൊ​രു​ങ്ങി. ല​ഹ​രി​യും വി​നോ​ദ​ങ്ങ​ളു​മാ​യി സ​ന്പ​ന്ന​യു​വാ​ക്ക​ൾ പ്ര​മു​ഖ റി​സോ​ർ​ട്ടു​ക​ളി​ലും സ്റ്റാ​ർ ഹോ​ട്ട​ലു​ക​ളി​ലും ന​ട​ത്തു​ന്ന പു​ല​ർ​ച്ച​യോ​ളം നീ​ളു​ന്ന ഹൈ-​ഫൈ പാ​ർ​ട്ടി​ക​ളു​ടെ നി​ര​വ​ധി കേ​സു​ക​ൾ ഉ​ണ്ടാ​യി. ഇ​തി​ന്‍റെ സം​ഘാ​ട​ക​ർ​ക്ക് ഉ​ന്ന​ത രാ​ഷ്‌​ട്രീ​യ​ക്കാ​രു​ടെ​യും ഉ​ദ്യോ​ഗ​സ്ഥ​രു​ടെ​യും മ​ക്ക​ളു​മാ​യി ബ​ന്ധ​മു​ണ്ടെ​ന്നു വ​രു​ന്പോ​ൾ അ​തൊ​രു മു​ന്ന​റി​യി​പ്പാ​ണ്.

മാ​താ​പി​താ​ക്ക​ളും അ​ധി​കാ​രി​ക​ളും ഈ ​അ​പ​ക​ടം കാ​ര്യ​മാ​യെ​ടു​ക്കു​ന്നി​ല്ലെ​ങ്കി​ൽ കേ​ര​ളം മ​റ്റൊ​രു പ​ഞ്ചാ​ബാ​യി മാ​റും. മ​യ​ക്കു​മ​രു​ന്നി​ന്‍റെ നീ​രാ​ളി​പ്പി​ടിത്ത​ത്തി​ൽ​നി​ന്നു ര​ക്ഷ​പ്പെ​ടാ​ൻ പൊ​രു​തു​ന്ന മ​റ്റൊ​രു പ​ഞ്ചാ​ബാ​യി സം​സ്ഥാ​നം മാ​റാ​ൻ കേ​ര​ളീ​യ​ർ ആ​രും ആ​ഗ്ര​ഹി​ക്കു​ന്നി​ല്ല.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.