ന​ഗ്ന​ത
ദാ​സ​ന്‍റെ വേ​ഷം ധ​രി​ച്ചു വി​വ​സ്ത്ര​രെ ഉ​ടു​പ്പി​ക്കാ​ൻ വ​ന്ന​വ​ന്‍റെ ദി​വ്യ​വ​സ്ത്രം പ​ക​യു​ടെ ദാ​ഹം പൂ​ണ്ട വൈ​രി​ക​ൾ നി​ർ​ദ​യം ഉ​രി​ഞ്ഞെ​ടു​ത്തു. മ​നു​ഷ്യ​ക്കു ചെ​യ്യാ​വു​ന്ന മ്ലേ​ച്ഛ​ത​യു​ടെ മൂ​ർ​ധ​ന്യ​ഭാ​വം! ഭി​ക്ഷു​വി​ന്‍റെ പോ​ലും ഭാ​ണ്ഡ​ത്തി​ൽ ഒ​ന്നി​ല​ധി​കം ഉ​ടു​പ്പു​ക​ൾ ഉ​ണ്ടാ​യി​രു​ന്ന ഭൂ​മി​യി​ൽ സ​ർ​വ​തി​ന്‍റെ​യും ഉ​ട​യോ​നാ​യ​വ​നു താ​ൻ ത​റ​യ്ക്ക​പ്പെ​ടാ​ൻ പോ​കു​ന്ന ത​ടി​ക്കു​രി​ശി​നു ചാ​രെ ഒ​രു​വേ​ള ഉ​ടു​വ​സ്ത്ര​മി​ല്ലാ​തെ നി​ല്ക്കേ​ണ്ടി​വ​ന്നു. മ​നു​ഷ്യ​ന്‍റെ അ​ടി​സ്ഥാ​ന ആ​വ​ശ്യ​ങ്ങ​ളി​ലൊ​ന്നാ​യ വ​സ്ത്രം പോ​ലും ആ ​ദു​ഷ്ട​ഹൃ​ദ​യ​ർ അ​വ​നു നി​ഷേ​ധി​ച്ചു. അ​വ​നെ ഉ​ടു​പ്പി​ക്കാ​ൻ അ​വി​ടെ ആ ​മി​ല്ലാ​യി​രു​ന്നു. എ​ന്നാ​ൽ, ഉ​രി​ഞ്ഞു​മാ​റ്റ​പ്പെ​ട്ട അ​വ​ന്‍റെ വ​സ്ത്ര​ങ്ങ​ൾ വീ​തം വ​യ്ക്കാ​നും, പു​റ​ക്കു​പ്പാ​യ​ത്തി​നു​വേ​ണ്ടി കു​റി​യി​ടാ​നും കൂ​ടു​ത​ൽ പേ ​ണ്ടാ​യി​രു​ന്നു. അ​വ​ൻ ന​ഗ്ന​നാ​ക്ക​പ്പെ​ട്ട​ത് ന​മ്മെ ഉ​ടു​പ്പി​ക്കാ​ൻ വേ​ണ്ടി​യാ​യി​രു​ന്നു.

അ​ന്ത്യ​ഭോ​ജ​ന​മാ​യി ത​ന്‍റെ മെ​യ്യ് നി​ണ​ങ്ങ​ൾ പ​കു​ത്തു​കൊ​ടു​ത്ത​വ​ൻ അ​ന്ത്യ​ശ്വാ​സ​ത്തി​നു​മു​ന്പ് ത​ന്‍റെ വ​സ്ത്ര​ങ്ങ​ളും ഭാ​ഗി​ച്ചെ​ടു​ക്കാ​നാ​യി വി​ട്ടു​ന​ല്കി. ത​ന്‍റെ ന​ഗ്ന​ത​യാ​ൽ അ​വ​ൻ ന​ര​കു​ല​ത്തി​ന്‍റെ നാ​ണം മ​റ​ച്ചു.​അ​തേ, ലൗ​കി​ക​മാ​യ ഒ​ന്നി​നോ​ടും അ​വ​നു ആ​ർ​ത്തി​യും അ​ഭി​നി​വേ​ശ​വും ഇ​ല്ലാ​യി​രു​ന്നു. ന​ശ്വ​ര​മാ​യ സ​ക​ല​തി​ൽ​നി​ന്നും വി​ര​ക്തി​യു​ടെ ഒ​രു ക​ല്ലേ​റ​ക​ലം അ​വ​ൻ കാ​ത്തു​സൂ​ക്ഷി​ച്ചി​രു​ന്നു. വാ​രി​ക്കൂ​ട്ടു​ന്ന​തി​ല​ല്ല, വീ​തി​ച്ചു​കൊ​ടു​ക്കു​ന്ന​തി​ലാ​യി​രു​ന്നു അ​വ​ന്‍റെ തൃ​പ്തി മു​ഴു​വ​ൻ.

വ​സ്ത്രം മ​നു​ഷ്യ​ന്‍റെ അ​ടി​സ്ഥാ​ന അ​വ​കാ​ശ​ങ്ങ​ളി​ൽ ഒ​ന്നാ​ണ്. അ​ത് ഒ​രു വ്യ​ക്തി​യു​ടെ അ​ഭി​മാ​നം, അ​ധി​കാ​രം, അ​ന്ത​സ് എ​ന്നി​വ​യു​ടെ അ​ട​യാ​ളം കൂ​ടി​യാ​ണ്. ഒ​രാ​ളു​ടെ വ​സ്ത്രം ഉ​രി​ഞ്ഞു​മാ​റ്റു​ക എ​ന്നു പ​റ​യു​ന്പോ​ൾ ഇ​വ​യ്ക്കൊ​ക്കെ ഭം​ഗം വ ​ത്തു​ക എ​ന്നു കൂ​ടി വി​വ​ക്ഷി​ക്ക​പ്പെ​ടു​ന്നു​ണ്ട്. അ​ങ്ങ​നെ​യാ​കു​ന്പോ​ൾ ആ​ർ​ക്കെ​ങ്കി​ലു​മൊ​ക്കെ അ​ർ​ഹ​മാ​യ അ​വ​കാ​ശ​ങ്ങ​ൾ നാം ​നി​ഷേ​ധി​ച്ച​പ്പോ​ഴും, ആ​രു​ടെ​യെ​ങ്കി​ലും അ​ന്ത​സി​നും അ​ഭി​മാ​ന​ത്തി​നും ക​ള​ങ്ക​മേ​ല്പി​ച്ച​പ്പോ​ഴു​മൊ​ക്കെ അ​വ​രെ നാം ​വി​വ​സ്ത്ര​രാ​ക്കു​ക​യാ​ണ് ചെ​യ്ത​ത്. അ​ത്ത​രം പ്ര​വൃ​ത്തി​ക​ൾ മേ​ലി​ൽ ന​മു​ക്ക് അ​ന്യ​മാ​യി​രി​ക്ക​ട്ടെ. ആ​രു​ടെ​യും മാ​ന​ക്ഷ​യ​ത്തി​നു ഹേ​തു​വാ​കാ​തി​രി​ക്കാം. ന​മ്മു​ടേ​ത​ല്ലാ​ത്ത​തി​നു​വേ​ണ്ടി ന​റു​ക്കി​ടാ​തി​രി​ക്കാം. അ​തൊ​ക്കെ ദൗ​ർ​ഭാ​ഗ്യ​ങ്ങ​ളേ സ​മ്മാ​നി​ക്കൂ. ഒ​പ്പം, അ​മി​ത​മാ​യ വ​സ്ത്ര​ഭ്ര​മം ഉ​ണ്ടെ​ങ്കി​ൽ ഉ​പേ​ക്ഷി​ക്കാ​ൻ ധൈ​ര്യ​പ്പെ​ടു​ക. കാ​ലി​ത്തൊ​ഴു​ത്തു​മു​ത​ൽ ക​ല്ല​റ​വ​രെ കേ​വ​ലം ക​ച്ച​ത്തു​ണ്ടു​കൊ​ണ്ടു തൃ​പ്തി​പ്പെ​ട്ട​വ​നെ​യാ​ണ് നാം ​അ​നു​ഗ​മി​ക്കു​ന്ന​തെ​ന്ന് മ​റ​ക്ക​രു​ത്.


വേ​ഷ​ഭൂ​ഷാ​ദി​ക​ളി​ൽ ആ​സ​ക്തി​യു​ള്ള​വ​ർ​ക്കു അ​ല്പ​വ​സ്ത്ര​ധാ​രി​യാ​യ​വ​ന്‍റെ അ​നു​യാ​ത്രി​ക​രാ​കാ​ൻ ക​ഴി​യി​ല്ല. വ​സ്ത്ര​ത്തോ​ടു​ള്ള ആ​സ​ക്തി​യും അ​തി​നാ​യു​ള്ള അ​മി​ത​ച്ചി​ല​വും ന​മു​ക്കു ചേ​ർ​ന്ന​ത​ല്ല. ആ​വ​ശ്യ​ത്തി​ല​ധി​കം ഉ​ണ്ടാ​യി​ട്ടും മ​തി​വ​രാ​തെ ജീ​വി​ക്കു​ന്പോ​ൾ ഉ​ടു​തു​ണി​ക്കു മ​റു​തു​ണി​യി​ല്ലാ​ത്ത​വ​രു​ടെ​യും കൂ​ടി ലോ​ക​മാ​ണി​തെ​ന്നും, കൈ​വ​ശ​മു​ള്ള ര​ണ്ടാ​മ​ത്തെ അ​ങ്കി ഒ​ന്നു​മി​ല്ലാ​ത്ത ഒ​രാ​ളു​ടെ അ​വ​കാ​ശ​മാ​ണെ​ന്നും ഓ​ർ​ക്കു​ന്ന​തു ന​ന്ന്. പാ​ട​വ​ര​ന്പ​ത്തെ പു​ല്ലി​നെ​യും, പു​ഴ​യോ​ര​ത്തെ പൂ​മ​ര​ത്തെ​യും, കു​ന്നി​നെ​യും, കു​രു​വി​യെ​യും​വ​രെ പു​ത​പ്പി​ക്കു​ന്ന​വ​നെ, കു​പ്പാ​യം ചോ​ദി​ക്കു​ന്ന​വ​ർ​ക്കു മേ​ല​ങ്കി​കൂ​ടി കൊ​ടു​ക്കാ​ൻ പ​ഠി​പ്പി​ച്ച​വ​നെ അ​ല്പം​കൂ​ടി ആ​ത്മാ​ർ​ത്ഥ​ത​യോ​ടെ അ​നു​ധാ​വ​നം ചെ​യ്യാ​ൻ ഈ ​നോ​ന്പു​കാ​ലം ന​മ്മെ സ​ഹാ​യി​ക്ക​ട്ടെ.

താപസവഴിയേ - 42 / ഫാ. ​തോ​മ​സ് പാ​ട്ട​ത്തി​ൽ​ചി​റ സി​എം​എ​ഫ്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.