ഉടലകന്നും ഉയിരടുത്തുമിരിക്കട്ടെ
ഡല്‍ഹിഡയറി / ജോ​ർ​ജ് ക​ള്ളി​വ​യ​ലി​ൽ

ഉ​ട​ൽകൊ​ണ്ട് അ​ക​ന്നും ഉ​യി​ര്കൊ​ണ്ട് അ​ടു​ത്തു​മി​രു​ന്നു ക​രു​ത​ലും ജാ​ഗ്ര​ത​യും പു​ല​ർ​ത്തേ​ണ്ട ഒ​രു കൊ​റോ​ണക്കാ​ല​ത്തി​ലൂ​ടെ​യാ​ണു നാം ​ക​ട​ന്നുപോ​കു​ന്ന​ത്. കോ​വി​ഡ്-19​ന്‍റെ സാ​മൂ​ഹി​ക വ്യാ​പ​നം ത​ട​യാ​ൻ നാം ​കൂ​ടു​ത​ൽ ശ്ര​ദ്ധി​ക്കാം. വ്യ​ക്തി​ക​ൾ ത​മ്മി​ലു​ള്ള അ​ക​ലം ക​ർ​ശ​ന​മാ​യി പാ​ലി​ക്കു​ക. കു​ടും​ബ​ത്തി​ലെ എ​ല്ലാ​വ​രു​മാ​യും അ​റി​ഞ്ഞും അ​റി​യാ​തെ​യും നാം ​കൂ​ടു​ത​ൽ അ​ടു​ക്കു​കകൂ​ടി​യാ​ണ്.

ലോ​ക​മ​ഹാ​യു​ദ്ധ​ത്തേ​ക്കാ​ൾ നാ​ശം വി​ത​ച്ച കോ​വി​ഡ്-19 മ​ഹാ​മാ​രി​യി​ലും ന​ന്മ​യു​ടെ വ​ശ​ങ്ങ​ളെ​ക്കു​റി​ച്ചു ചി​ന്തി​ക്കു​ക. പ്ര​തി​സ​ന്ധി​ക​ൾ​ക്കും ദു​രി​ത​ങ്ങ​ൾ​ക്കും ശേ​ഷ​വും ലോ​ക​വും ജ​ന​ത​യും മു​ന്നോ​ട്ടു​പോ​കും. നോ​വ​ൽ കൊ​റോ​ണ വൈ​റ​സ് എ​ന്ന കോ​വി​ഡ്-19​നു കാ​ര​ണ​മാ​കു​ന്ന സാ​ർ​സ്- കോ- ​വി 2 ബാ​ധ​യെ​ക്കു​റി​ച്ച് മൂ​ന്നു മാ​സം മു​ന്പ് ആ​ർ​ക്കും അ​റി​വു​ണ്ടാ​യി​രു​ന്നി​ല്ല. ഇ​പ്പോ​ഴ​ത് ലോ​ക​ത്തെ ഏ​താ​ണ്ടെല്ലാ ​രാ​ജ്യ​ങ്ങ​ളി​ലേ​ക്കും വ്യാ​പി​ച്ചു. ഇ​ന്ത്യ​യി​ൽ വൈ​റ​സ് ബാ​ധ സ്ഥി​രീ​ക​രി​ക്ക​പ്പെ​ട്ട​വ​ർ 750നോ​ട് അ​ടു​ക്കു​ന്നു. മ​ര​ണം കൂ​ടാ​തി​രി​ക്ക​ട്ടെ.

ലോ​ക​മാ​കെ 199 രാ​ജ്യ​ങ്ങ​ളി​ലെ​ത്തി​യ കോ​വി​ഡ്-19 കാ​ൽ ല​ക്ഷ​ത്തോ​ളം പേ​രു​ടെ ജീ​വ​ൻ ക​വ​ർ​ന്നു. ലോ​ക​ത്താ​കെ അ​ഞ്ച​ര ല​ക്ഷ​ത്തോ​ളം കൊ​റോ​ണ വൈ​റ​സ് കേ​സു​ക​ൾ സ്ഥി​രീ​ക​രി​ച്ചു. ഇ​തി​ലേ​റെ​യാ​ളു​ക​ൾ (രോ​ഗി പോ​ലും അ​റി​യാ​തെ) ലോ​ക​രാ​ജ്യ​ങ്ങ​ളി​ൽ ഉ​ണ്ടാ​കു​മെ​ന്നാ​ണു ശാ​സ്ത്ര​ജ്ഞ​രു​ടെ വി​ല​യി​രു​ത്ത​ൽ.

ലോ​ക്ക് ഡൗ​ണ്‍ അ​നി​വാ​ര്യം

കോ​വി​ഡ്-19​നെ തു​ട​ർ​ന്നു രാ​ജ്യ​മാ​കെ ന​ട​പ്പി​ലാ​ക്കി​യ ലോ​ക്ക് ഡൗ​ണ്‍ പൂ​ർ​ണ​മാ​യി വി​ജ​യി​പ്പി​ച്ചേ മ​തി​യാ​കൂ. സാ​മൂ​ഹ്യ അ​ക​ലം ഉ​റ​പ്പാ​ക്കാ​ൻ മ​റ്റു മാ​ർ​ഗ​ങ്ങ​ളി​ല്ല. ഓ​രോ​രു​ത്ത​രും അ​വ​ര​വ​രു​ടെ വ​സ​തി​ക​ളി​ൽ സു​ര​ക്ഷി​ത​രാ​യി ഇ​രി​ക്കു​ക​യാ​ണ് മു​ഖ്യം. ദ​ശ​ല​ക്ഷ​ക്ക​ണ​ക്കി​നു കോ​ടി രൂ​പ​യു​ടെ ന​ഷ്ട​ങ്ങ​ളും അ​തി​ലേ​റെ വ​ലി​യ പ്ര​യാ​സ​ങ്ങ​ളും ഉ​ണ്ടാ​കു​മെ​ന്ന് അ​റി​ഞ്ഞു​കൊ​ണ്ടുത​ന്നെ​യാ​ണ് ഇ​ന്ത്യ​യി​ൽ ഏ​പ്രി​ൽ 14 വ​രെ സ​ന്പൂ​ർ​ണ അ​ട​ച്ചി​ട​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി പ്ര​ഖ്യാ​പി​ച്ച​ത്. വ​ലി​യ ദു​ര​ന്തം ത​ട​യു​ക​യാ​ണു പ്ര​ധാ​നം.

രോ​ഗ​ബാ​ധ പ​ട​ർ​ന്നു തു​ട​ങ്ങി​യ ശേ​ഷം വി​ദേ​ശ​ത്തു നി​ന്നെ​ത്തി​യ​വ​ർ നി​ർ​ബ​ന്ധ​മാ​യും സ്വ​യം ക്വാ​റ​ന്‍റൈ​നി​ൽ പ്ര​വേ​ശി​ക്കു​ക​യും രോ​ഗ​ല​ക്ഷ​ണ​ങ്ങ​ൾ ഉ​ണ്ടെങ്കി​ൽ വി​ശ​ദപ​രി​ശോ​ധ​ന ന​ട​ത്തു​ക​യും വേ​ണ​മെ​ന്ന സ​ർ​ക്കാ​രി​ന്‍റെ നി​ർ​ദേ​ശം പാ​ലി​ക്കാ​ത്ത​വ​ർ രാ​ജ്യ​ദ്രോ​ഹ​മാ​ണു ന​ട​ത്തി​യ​ത്. കോ​വി​ഡ്-19 രോ​ഗി​ക​ളു​മാ​യി പ​ല​ത​ര​ത്തി​ൽ ബ​ന്ധ​പ്പെ​ട്ട മു​ഴു​വ​ൻ ആ​ളു​ക​ളെ​യും കൊ​റോ​ണ കെ​യ​ർ സെ​ന്‍റ​റു​ക​ളി​ലും രോ​ഗ​ബാ​ധ​യു​ള്ള​വ​രെ ആ​ശു​പ​ത്രി​ക​ളി​ലും എ​ത്തി​ക്കേ​ണ്ടതു​ണ്ട്.

വി​ദ്യാ​ഭ്യാ​സ​വും വി​വ​ര​വും ഉ​ണ്ടാ​കേ​ണ്ട, ലോ​കം ക​ണ്ടവ​രാ​ണ് ചൈ​ന​യ്ക്കു പു​റ​ത്ത് എ​ല്ലാ​യി​ട​ത്തും രോ​ഗം പ​ട​ർ​ത്തി​യ​തെ​ന്ന​തു ദുഃ​ഖ​ക​ര​മാ​ണ്. വി​ദേ​ശ ഇ​ന്ത്യ​ക്കാ​രും വി​ദേ​ശി​ക​ളും ഒ​രു​പോ​ലെ അ​ശ്ര​ദ്ധ കാ​ണി​ച്ചു. വീ​ട്ടി​ലി​രി​ക്കാ​തെ യ​ഥേ​ഷ്ടം യാ​ത്ര ചെ​യ്യു​ക​യും മ​റ്റു​ള്ള​വ​രു​മാ​യി ഇ​ട​പെ​ടു​ക​യും ചെ​യ്ത ചി​ല​രെ​ങ്കി​ലും കൊ​ടി​യ പാ​ത​ക​മാ​ണു ചെ​യ്ത​ത്.

ഒ​രാ​ളു​ടെ അ​ശ്ര​ദ്ധ മ​റ്റു​ള്ള​വ​ർ​ക്കു വ​ലി​യ വി​ന​യാ​കു​മെ​ന്ന് പ്ര​ധാ​ന​മ​ന്ത്രി ഓ​ർ​മി​പ്പി​ച്ചു. എ​ന്നി​ട്ടും ഐ​എ​എ​സ്, ഐ​പി​എ​സ് ഉ​ദ്യോ​ഗ​സ്ഥ​രും സ്വ​യം ഉ​ത്ത​ര​വാ​ദി​ത്വം കാ​ട്ടേ​ണ്ട നി​ര​വ​ധി മ​ല​യാ​ളി​ക​ളും ക​ർ​ശ​ന​മാ​യി പാ​ലി​ക്കേ​ണ്ട പ്രോ​ട്ടോ​ക്കോ​ൾ ലം​ഘി​ച്ചു​വെ​ന്ന​തു നി​സാ​ര​മ​ല്ല. മ​ന്ത്രി​യെ​ന്നോ, ഉ​ദ്യോ​ഗ​സ്ഥ​നെ​ന്നോ, മ​ത​മേ​ല​ധ്യ​ക്ഷ​നെ​ന്നോ, സെ​ലി​ബ്രി​റ്റി​യെ​ന്നോ, സാ​ധാ​ര​ണ​ക്കാ​ര​നെ​ന്നോ ഉ​ള്ള വ്യ​ത്യാ​സം കൊ​റോ​ണ വൈ​റ​സി​ന് ഇ​ല്ല. ചാ​ൾ​സ് രാ​ജ​കു​മാ​ര​നും ബ്രി​ട്ടീ​ഷ് പ്ര​ധാ​ന​മ​ന്ത്രി ബോ​റി​സ് ജോ​ണ്‍സ​ണും കോ​വി​ഡ്-19 സ്ഥി​രീ​ക​രി​ച്ച​വ​രി​ൽ ഉ​ൾ​പ്പെ​ടു​ന്നു.

പ്ര​തി​രോ​ധ​നി​ര​യി​ലെ ക​രു​ത​ൽ

കൊ​റോ​ണ രോ​ഗി​ക​ളെ ചി​കി​ത്സി​ക്കാ​നും വേ​ണ്ട ക​രു​ത​ലു​ക​ളൊ​രു​ക്കാ​നും ഡോ​ക്ട​ർ​മാ​രും ന​ഴ്സു​മാ​രും ആ​ശു​പ​ത്രി​ക​ളി​ലെ​യും പ​രി​ശോ​ധ​നാ വി​ഭാ​ഗ​ങ്ങ​ളി​ലെ​യും മ​റ്റു ജീ​വ​ന​ക്കാ​രും ഏ​റെ പ്ര​യാ​സ​പ്പെ​ടു​ന്നു​ണ്ട്. സ്വ​ന്തം ജീ​വ​ൻ പോ​ലും അ​പ​ക​ട​ത്തി​ലാ​ക്കി​യാ​ണ് ആ​രോ​ഗ്യ​പ്ര​വ​ർ​ത്ത​ക​രെ​ല്ലാം സ​മൂ​ഹ​ന​ന്മ​യ്ക്കും രാ​ജ്യ​ത്തി​നു​മാ​യി വി​ശ്ര​മ​മി​ല്ലാ​തെ ജോ​ലിചെ​യ്യു​ന്ന​ത്. അ​വ​രോ​ട് പ്ര​ത്യേ​ക ആ​ദ​ര​വും സ്നേ​ഹ​വും ക​രു​ത​ലും പ്ര​ക​ട​മാ​ക്കാ​ൻ സ​ർ​ക്കാ​രു​ക​ൾ​ക്കും പൊ​തു​സ​മൂ​ഹ​ത്തി​നും വ​ലി​യ ഉ​ത്ത​ര​വാ​ദി​ത്വ​മു​ണ്ട്.

പോ​ലീ​സു​കാ​രും സു​ര​ക്ഷാ ഉ​ദ്യോ​ഗ​സ്ഥ​രും അ​ട​ക്ക​മു​ള്ള​വ​രും പൊ​തു​സു​ര​ക്ഷ​യ്ക്കും ന​ന്മ​യ്ക്കു​മാ​യാ​ണു തെ​രു​വി​ലി​റ​ങ്ങി ജോ​ലി നി​ർ​വ​ഹി​ക്കു​ന്ന​ത്. പ്ര​യാ​സ​ക​ര​മാ​യ സാ​ഹ​ച​ര്യ​ത്തി​ലും വീ​ഴ്ച കൂ​ടാ​തെ പ​ണി​യെ​ടു​ക്കു​ന്ന പോ​ലീ​സു​കാ​രോ​ടു ത​ട്ടി​ക്ക​യ​റാ​നും മ​ർ​ദി​ക്കാ​നും ചി​ല​ർ ത​യാ​റാ​യെ​ന്ന​ത് അ​പ​മാ​ന​ക​ര​വും ദുഃ​ഖ​ക​ര​വു​മാ​ണ്. പാ​ലും പ​ച്ച​ക്ക​റി​ക​ളും അ​രി​യും ധാ​ന്യ​ങ്ങ​ളും പ​ത്ര​വും മു​ത​ൽ മ​രു​ന്നു​ക​ൾ വ​രെ വി​ത​ര​ണം ചെ​യ്യു​ന്ന​വ​ർ മു​ത​ൽ വി​ശ്ര​മ​മി​ല്ലാ​തെ ജോ​ലി ചെ​യ്യേ​ണ്ടി​വ​രു​ന്ന മാ​ധ്യ​മ​പ്ര​വ​ർ​ത്ത​ക​ർ വ​രെ​യു​ള്ള​വ​രെ മാ​നി​ക്കാ​നും ന​മു​ക്കു ക​ഴി​യ​ണം. സ​മൂ​ഹ​മാ​ധ്യ​മ​ങ്ങ​ളി​ലൂ​ടെ​യും അ​ല്ലാ​തെ​യും പ​ല​ത​രം ഉൗ​ഹാ​പോ​ഹ​ങ്ങ​ളും വ്യാ​ജ​വാ​ർ​ത്ത​ക​ളും പ്ര​ച​രി​ക്കു​ന്പോ​ഴും ശ​രി​യാ​യ വി​വ​ര​ങ്ങ​ൾ ജ​ന​ങ്ങ​ളി​ലെ​ത്തി​ക്കു​ന്ന​ത് അ​ച്ച​ടി-​ദൃ​ശ്യ മാ​ധ്യ​മ​ങ്ങ​ളാ​ണ്.

ഇ​ന്ത്യ​യി​ലെ ക്രൈ​സ്ത​വ ആ​ശു​പ​ത്രി​ക​ളെ​ല്ലാം കോ​വി​ഡ്-19 ചി​കി​ത്സ​യ്ക്കും മ​റ്റു​മാ​യി വി​ട്ടു​ന​ൽ​കാ​ൻ കാ​ണി​ച്ച മാ​തൃ​ക പി​ന്തു​ട​ർ​ന്നു കൂ​ടു​ത​ൽ സ്വ​കാ​ര്യ ആ​ശു​പ​ത്രി​ക​ളും വ്യ​വ​സാ​യ പ്ര​മു​ഖ​രും സ​ഹാ​യ​വാ​ഗ്ദാ​ന​വു​മാ​യെ​ത്തി​യ​തു ശു​ഭ​വാ​ർ​ത്ത​യാ​ണ്. അ​വ​ശ്യ​സേ​വ​ന​ങ്ങ​ളി​ൽ ഉ​ൾ​പ്പെ​ട്ട​വ​രോ​ടും വി​വി​ധ മേ​ഖ​ല​ക​ളി​ലെ സ​ന്ന​ദ്ധ പ്ര​വ​ർ​ത്ത​ക​രോ​ടും കേ​ന്ദ്ര, സം​സ്ഥാ​ന സ​ർ​ക്കാ​രു​ക​ളോ​ടു​മെ​ല്ലാം രാ​ജ്യ​വും ജ​ന​ങ്ങ​ളും ക​ട​പ്പെ​ട്ടി​രി​ക്കു​ന്നു.

മ​റ്റു​ള്ള​വ​ർ സ്വ​ന്തം വീ​ടു​ക​ളി​ൽ കു​ടും​ബാം​ഗ​ങ്ങ​ളോ​ടൊ​ത്തു ക​ഴി​യു​ന്പോ​ഴാ​ണ് ഇ​വ​രെ​ല്ലാം രാ​പ​ക​ലി​ല്ലാ​തെ ക​ഷ്ട​പ്പെ​ടു​ന്ന​ത്. സാ​ന്പ​ത്തി​ക സ​ഹാ​യ​ങ്ങ​ളും ആ​നു​കൂ​ല്യ​ങ്ങ​ളും പ്ര​ഖ്യാ​പി​ക്കു​ന്പോ​ൾ വി​സ്മ​രി​ക്ക​പ്പെ​ടു​ന്ന പ​ല​രു​ടെ​യും സേ​വ​നം വി​ല​പ്പെ​ട്ട​താ​ണെ​ന്ന് ഈ ​മ​ഹാ​മാ​രി കാ​ലം തെ​ളി​യി​ച്ചു. എ​ല്ലാ​വ​ർ​ക്കും രാ​ജ്യ​ത്തി​ന്‍റെ സ​ല്യൂ​ട്ട് ന​ല്കാം.

പൂ​ട്ടി​ടേ​ണ്ടതു ​വ്യാ​ജ​പ്ര​ചാ​ര​ണം

കൊ​റോ​ണ വൈ​റ​സു​ക​ൾ വാ​യു​വി​ലൂ​ടെ പ​ക​രു​മോ, കോ​വി​ഡ്-19 മ​നു​ഷ്യ​നി​ർ​മി​ത ജൈ​വാ​യു​ധം ആ​ണോ തു​ട​ങ്ങി എ​ന്തെ​ല്ലാം സം​ശ​യ​ങ്ങ​ളും വ്യാ​ജ​പ്ര​ചാ​ര​ണ​ങ്ങ​ളു​മാ​ണു ചി​ല​ർ ന​ട​ത്തി​യ​ത്. തെ​റ്റി​ദ്ധാ​ര​ണ​ക​ൾ പ​ര​ത്തു​ന്ന​തും വ്യാ​ജ​ചി​കി​ൽ​സ വ​രെ വാ​ഗ്ദാ​നം ചെ​യ്യു​ന്ന​തു​മാ​യ പ​ല അ​വ​കാ​ശ​വാ​ദ​ങ്ങ​ളും തെ​റ്റാ​യ പ്ര​ചാ​ര​ണ​ങ്ങ​ളും സ​മൂ​ഹ​മാ​ധ്യ​മ​ങ്ങ​ളി​ലൂ​ടെ​യും വാ​ട്ട്സ്ആ​പ് സ​ന്ദേ​ശ​ങ്ങ​ളി​ലൂ​ടെ​യും ഇ​പ്പോ​ഴും ചി​ല​ർ ന​ട​ത്തു​ന്നു. ഇ​വ​യെ​ല്ലാം ക്രി​മി​ന​ൽ കു​റ്റ​മാ​ണെ​ന്നു സ​ർ​ക്കാ​ർ വ്യ​ക്ത​മാ​ക്കി​യ​താ​ണ്.


നോ​വ​ൽ കൊ​റോ​ണ വൈ​റ​സ് വാ​യു​വി​ലൂ​ടെ പ​ക​രി​ല്ലെ​ന്നു ലോ​കാ​രോ​ഗ്യ സം​ഘ​ട​ന​യും ശാ​സ്ത്ര​ജ്ഞ​രും വ്യ​ക്ത​മാ​ക്കി​യി​ട്ടു​ണ്ട്. വാ​യു​വി​ലൂ​ടെ പ​ക​ർ​ന്നി​രു​ന്നെ​ങ്കി​ൽ ലോ​ക​ജ​ന​സം​ഖ്യ​യു​ടെ പാ​തി​യോ​ളം ഒ​രു​പ​ക്ഷേ നി​ർ​മാ​ജ​നം ചെ​യ്യ​പ്പെ​ടു​മാ​യി​രു​ന്നു​വെ​ന്ന​തു സാ​മാ​ന്യ​ബു​ദ്ധി​യി​ൽ മ​ന​സി​ലാ​ക്കാം.

ആ​ശു​പ​ത്രി​ക​ളി​ലും മ​റ്റും രൂ​പ​പ്പെ​ടാ​നി​ട​യു​ള്ള എ​യ​റോ​സോ​ളു​ക​ളെ ആ​രോ​ഗ്യ​പ്ര​വ​ർ​ത്ത​ക​ർ സൂ​ക്ഷി​ക്ക​ണ​മെ​ന്ന ഒ​രു വാ​ർ​ത്ത​യി​ലെ മു​ന്ന​റി​യി​പ്പാ​ണു ചി​ല​ർ വ​ള​ച്ചൊ​ടി​ച്ച് തെ​റ്റി​ദ്ധാ​ര​ണ പ​ര​ത്താ​നാ​യി ഉ​പ​യോ​ഗി​ച്ച​ത്. ശ്വാ​സ​കോ​ശ രോ​ഗ​ങ്ങ​ളി​ൽ ചി​ല​തൊ​ഴി​കെ മി​ക്ക​വ​യും വാ​യു​വി​ലൂ​ടെ പ​ക​രു​ന്ന​വ​യ​ല്ലെ​ന്നു ഡോ​ക്ട​ർ​മാ​രും സാ​ക്ഷ്യ​പ്പെ​ടു​ത്തു​ന്നു. മ​നു​ഷ്യ​രി​ലേ​ക്ക് അ​ടു​ത്ത സ​ന്പ​ർ​ക്കം മു​ഖേ​ന​യും പ​റ​ന്നുന​ട​ക്കാ​ൻ ക​ഴി​യാ​ത്ത ശ്വ​സ​ന സ്ര​വ​ങ്ങ​ളു​ടെ വ​ലി​യ തു​ള്ളി​ക​ൾ മു​ഖേ​ന​യു​മാ​ണു കോ​വി​ഡ്-19 പ​ക​ർ​ന്ന​തെ​ന്നാ​ണു ക​ണ്ടത്ത​ൽ.

കൊ​റോ​ണ വൈ​റ​സു​ക​ൾ

പു​തി​യ കൊ​റോ​ണ വൈ​റ​സ് ശ​രീ​ര​ത്തി​ൽ പ്ര​വേ​ശി​ച്ചാ​ൽ ഭൂ​രി​പ​ക്ഷം പേ​രി​ലും 14 ദി​വ​സ​ത്തി​നു​ള്ളി​ൽ രോ​ഗ​ല​ക്ഷ​ണ​ങ്ങ​ൾ ക​ണ്ടു​തു​ട​ങ്ങും. അ​തി​നാ​ലാ​ണ് ഈ 14 ​ദി​വ​സം ഇ​ൻ​ക്യു​ബേ​ഷ​ൻ പീ​രി​യ​ഡ് ആ​യി അ​റി​യ​പ്പെ​ടു​ന്ന​ത്. സാ​ധാ​ര​ണ പ​നി​യും ജ​ല​ദോ​ഷ​വും വ​യ​റി​ള​ക്ക​വും ശ്വാ​സം​മു​ട്ട​ലും നി​മോ​ണി​യ​യും വ​രെ​യു​ള്ള​വ കോ​വി​ഡ്-19 രോ​ഗ​ല​ക്ഷ​ണ​ങ്ങ​ൾ ആ​യേ​ക്കാ​മെ​ന്നു വ്യ​ക്ത​മാ​യി​ട്ടു​ണ്ട്.

ജ​ല​ദോ​ഷ​പ്പ​നി മു​ത​ൽ സാ​ർ​സ് (സി​വി​യ​ർ അ​ക്യൂ​ട്ട് റെ​സ്പി​റേ​റ്റ​റി സി​ൻ​ഡ്രോം), മെ​ർ​സ് (മി​ഡി​ൽ ഈ​സ്റ്റ് റെ​സ്പി​റേ​റ്റ​റി സി​ൻ​ഡ്രോം, എ​ബോ​ള, പോ​ളി​യോ, റാ​ബീ​സ്, ഹെ​പ്പ​റ്റൈ​റ്റി​സ് സി, ​ഇ, ഇ​ൻ​ഫ്ളൂ​വെ​ൻ​സ എ​ന്നി​വ​യെ​ല്ലാം ഉ​ണ്ടാക്കു​ന്ന ഒ​രു കൂ​ട്ടം വൈ​റ​സു​ക​ളാ​ണു പൊ​തു​വേ കൊ​റോ​ണ വൈ​റ​സു​ക​ളെ​ന്ന് അ​റി​യി​പ്പെ​ട്ടി​രു​ന്ന​ത്. ആ​ർ​എ​ൻ​എ (റി​ബോ​ന്യൂ​ക്ലി​യി​ക് ആ​സി​ഡ്) വൈ​റ​സ് കു​ടും​ബ​ത്തി​ൽ പെ​ട്ട​വ​യാ​ണ് പൊ​തു​വേ ഇ​വ. മൈ​ക്രോ​സ്കോ​പ്പി​ലൂ​ടെ നോ​ക്കി​യാ​ൽ ഗോ​ളാ​കൃ​തി​യി​ൽ കി​രീ​ട​ംപോലെ കാണപ്പെടുന്ന കൊ​റോ​ണ വൈ​റ​സി​നെ 1960-ക​ളി​ൽ ക​ണ്ടെ ത്തി​യി​രു​ന്നു. വ​വ്വാ​ലു​ക​ൾ പോ​ലെ​യു​ള്ള പ​ക്ഷി​ക​ളി​ലും മൃ​ഗ​ങ്ങ​ളി​ലും രോ​ഗ​മു​ണ്ടാ​ക്കു​ന്ന ഈ ​വൈ​റ​സ് മ​നു​ഷ്യ​രി​ലേ​ക്കും പ​ക​രാ​റു​മു​ണ്ട്.

പ്ര​കൃ​ത്യാ ഉ​ള്ള മാ​റ്റ​ങ്ങ​ളി​ലൂ​ടെ രൂ​പം പ്രാ​പി​ച്ച​താ​ണ് സാ​ർ​സ്- കോ-​വി2 എ​ന്ന കൊ​റോ​ണ വൈ​റ​സ് എ​ന്നാ​ണ് നേ​ച്ച​ർ മെ​ഡി​സി​ൻ ജേ​ണ​ലി​ൽ പ്ര​സി​ദ്ധീ​ക​രി​ച്ച പ​ഠ​നം വെ​ളി​പ്പെ​ടു​ത്തി​യ​ത്. കൊ​റോ​ണ വൈ​റ​സു​ക​ൾ നി​ര​ന്ത​ര​മാ​യ മാ​റ്റ​ങ്ങ​ൾ​ക്കു വി​ധേ​യ​വു​മാ​കു​ന്നു​ണ്ട്. കോ​വി​ഡ്-19 രോ​ഗ​ത്തി​നു കാ​ര​ണ​മാ​കു​ന്ന സാ​ർ​സ്- കോ- ​വി2 വൈ​റ​സ് മ​നു​ഷ്യ​നി​ർ​മി​ത​മ​ല്ലെ​ന്നു ശാ​സ്ത്ര​ജ്ഞ​ർ വ്യ​ക്ത​മാ​ക്കി​യി​ട്ടു​ണ്ട്.

ക​ര​ക​യ​റ​ണം, ഒ​റ്റ​ക്കെ​ട്ടാ​യി

പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും മു​ഖ്യ​മ​ന്ത്രി പി​ണ​റാ​യി വി​ജ​യ​നും ത​മ്മി​ലു​ള്ള മ​ത്സ​ര​മ​ല്ല കോ​വി​ഡ്-19 പ്ര​തി​രോ​ധം എ​ന്നെ​ങ്കി​ലും മ​ല​യാ​ളി​ക​ൾ മ​ന​സി​ലാ​ക്ക​ണം. ഭ​ര​ണ​നേ​താ​ക്ക​ളു​ടെ ന​ല്ല ന​ട​പ​ടി​ക​ൾ​ക്കു പൂ​ർ​ണ പി​ന്തു​ണ​യും സ​ഹ​ക​ര​ണ​വും ന​ൽ​കു​ക​യാ​ണു വേ​ണ്ടത്. ​ദു​ര​ന്ത​ത്തി​നി​ട​യി​ലും രാ​ഷ്‌​ട്രീ​യ​വും മ​ത​പ​ര​വു​മാ​യ മു​ത​ലെ​ടു​പ്പി​നും അ​പ​കീ​ർ​ത്തി​പ്പെ​ടു​ത്ത​ലു​ക​ൾ​ക്കും ചി​ല​ർ ന​ട​ത്തു​ന്ന മ്ലേ​ച്ഛ​മാ​യ ശ്ര​മ​ങ്ങ​ൾ​ക്കു പു​റ​മേ​യാ​ണ് ഇ​ത്ത​രം ദു​ര​ന്ത​ങ്ങ​ളും സ​മൂ​ഹ​ത്തി​ൽ നി​ല​നി​ൽ​ക്കു​ന്ന​ത്. അ​ത്യാ​പ​ത്തി​ന്‍റെ സ​മ​യ​ത്ത് എ​ല്ലാ​വ​രും ഒ​റ്റ​ക്കെ​ട്ടാ​യി, ഒ​രേ മ​ന​സോ​ടെ, ഒ​രേ ല​ക്ഷ്യ​ത്തോ​ടെ പ്ര​വ​ർ​ത്തി​ക്കു​ക​യാ​ണു വേ​ണ്ട ത്.

കോ​വി​ഡ്-19 മ​ഹാ​മാ​രി​യു​ടെ വ​രും​വ​രാ​യ്ക​കളും വ്യ​ക്ത​മാ​യ പ്ര​ത്യാ​ഘാ​ത​ങ്ങ​ളും ആ​ർ​ക്കും ഇ​പ്പോ​ൾ കൃ​ത്യ​മാ​യി പ​റ​യാ​നാ​കി​ല്ല. പ​ക്ഷേ സാ​ധാ​ര​ണ​ക്കാ​ർ മു​ത​ൽ സ​ർ​ക്കാ​രു​ക​ളും രാ​ജ്യ​ങ്ങ​ളും വ​രെ സ​മ​സ്ത മേ​ഖ​ല​ക​ളെ​യും വ​ള​രെ ദോ​ഷ​ക​ര​മാ​യി ബാ​ധി​ച്ചു​വെ​ന്ന​തി​ൽ സം​ശ​യ​മി​ല്ല. ചെ​റു​കി​ട, ഇ​ട​ത്ത​രം, വ​ൻ​കി​ട വ്യ​വ​സാ​യി​ക​ളും ക​ർ​ഷ​ക​രും വ്യാ​പാ​രി​ക​ളും ടൂ​റി​സം, വ്യോ​മ​യാ​നം, സ്പോ​ട്സ്, മീ​ഡി​യ എ​ന്നി​വ​യെ​ല്ലാം പ്ര​തി​സ​ന്ധി​യി​ലാ​യി​ക്ക​ഴി​ഞ്ഞു.

കേ​ന്ദ്ര​സ​ർ​ക്കാ​ർ പ്ര​ഖ്യാ​പി​ച്ച 1,70,000 കോ​ടി​യു​ടെ ക്ഷേ​മ​പ​ദ്ധ​തി​ക​ളും റി​സ​ർ​വ് ബാ​ങ്ക് പ്ര​ഖ്യാ​പി​ച്ച പ​ലി​ശ​യി​ള​വ് അ​ട​ക്ക​മു​ള്ള​വ​യും കേ​ര​ള സ​ർ​ക്കാ​രി​ന്‍റെ 20,000 കോ​ടി രൂ​പ​യു​ടെ പാ​ക്കേ​ജു​മെ​ല്ലാം ന​ല്ല​താ​ണ്. സാ​ന്പ​ത്തി​ക ഉ​ത്തേ​ജ​ന​ത്തി​നാ​യി ജി-20 ​ഉ​ച്ച​കോ​ടി പ്ര​ഖ്യാ​പി​ച്ച അ​ഞ്ചു ട്രി​ല്യ​ണ്‍ ഡോ​ള​റി​ന്‍റെ (ഏ​ക​ദേ​ശം 375 ല​ക്ഷം കോ​ടി രൂ​പ) ഉ​ത്തേ​ജ​ക പ​ദ്ധ​തി​യും മ​തി​യാ​കി​ല്ല. അ​മേ​രി​ക്ക പ്ര​ഖ്യാ​പി​ച്ച ര​ണ്ടു ട്രി​ല്യ​ണ്‍ ഡോ​ള​ർ (150 ല​ക്ഷം കോ​ടി രൂ​പ) ഉ​ത്തേ​ജ​ക പാ​ക്കേ​ജു​ക​ൾ പോ​ലും വ​രാ​നി​രി​ക്കു​ന്ന മാ​ന്ദ്യ​ത്തി​ൽനി​ന്നു ക​ര​ക​യ​റാ​ൻ പ​ര്യാ​പ്ത​മാ​കി​ല്ല.

ന​ല്ല​തി​ലേ​ക്കു ക​ഴു​കി​ത്തെ​ളി​യാം

അ​ട​ച്ചി​ട​ൽ മൂ​ല​വും ഇ​ന്ത്യ​യി​ലെ സാ​ന്പ​ത്തി​ക മേ​ഖ​ല​യി​ൽ പൊ​തു​വാ​യും ഉ​ണ്ടാ​യ ക​ടു​ത്ത പ്ര​തി​സ​ന്ധി​യി​ൽ ത​ക​ർ​ച്ച​യി​ലാ​യ എ​ല്ലാ മേ​ഖ​ക​ളി​ലെ​യും ആ​ളു​ക​ൾ​ക്കും വി​വി​ധ​ങ്ങ​ളാ​യ മേ​ഖ​ല​ക​ൾ​ക്കും കൂ​ടി സ​ഹാ​യം ന​ൽ​കു​മെ​ന്ന പ്ര​ത്യാ​ശ​യെ​ങ്കി​ലും സ​ർ​ക്കാ​ർ ന​ൽ​കേ​ണ്ടതു​ണ്ട്. ക​ന്പ​നി​ക​ളും കൃ​ഷി​യും ബി​സി​ന​സും വ്യ​വ​സാ​യ​ങ്ങ​ളും മി​ക്ക​തും ന​ഷ്ട​ത്തി​ലാ​കു​ന്പോ​ൾ ജോ​ലി ന​ഷ്ട​പ്പെ​ടു​മെ​ന്ന ഭീ​തി​യി​ലാ​ണ് ല​ക്ഷ​ക്ക​ണ​ക്കി​നാ​ളു​ക​ൾ. ദു​രി​ത​ങ്ങ​ൾ​ക്കി​ട​യി​ലും എ​ല്ലാ​വ​ർ​ക്കും ആ​ശ്വാ​സ​വും പ്ര​തീ​ക്ഷ​യും പ്ര​ത്യാ​ശ​യും ന​ൽ​കാ​ൻ ക​ഴി​യ​ട്ടെ.

ആ​രോ​ഗ്യ​മേ​ഖ​ല​യ്ക്കും പൊ​തു​ശു​ചി​ത്വ​ത്തി​നും വ​ലി​യ പ്ര​ാധാ​ന്യം ന​ൽ​കാ​ൻ കൂ​ടി മ​ഹാ​മാ​രി​ക്കു ശേ​ഷം വ​ഴി​യൊ​രു​ക്ക​ണം. സോ​പ്പ് ഉ​പ​യോ​ഗി​ച്ച് കൈ​ക​ഴു​കു​ന്ന രീ​തി​യും പ​തി​വാ​ക​ട്ടെ. മ​ലീ​മ​സ​മാ​യ മ​ത്​സ്യ, മാം​സ ച​ന്ത​ക​ൾ അ​ട​ക്ക​മു​ള്ള പൊ​തു​സ്ഥ​ല​ങ്ങ​ൾ ആ​ധു​നി​ക​വ​ത്ക​രി​ക്കാ​നും ശു​ചി​ത്വം ഉ​റ​പ്പാ​ക്കാ​നും ഇ​നി​യും അ​മാ​ന്തം പാ​ടി​ല്ല. ജീ​വി​ത​ശൈ​ലി​ക​ളി​ലേ​ത് അ​ട​ക്കം ന​ല്ല രീ​തി​ക​ളി​ലേ​ക്കു​ള്ള മാ​റ്റ​ത്തി​നും ജാ​തി, മ​ത, രാ​ഷ്‌​ട്രീ​യ തി​രി​വു​ക​ളി​ല്ലാ​തെ സ​ഹ​ജീ​വി​ക​ളെ സ്നേ​ഹി​ക്കാ​നും സ​ഹാ​യി​ക്കാ​നും ലോ​ക്ക് ഡൗ​ണ്‍ ദി​വ​സ​ങ്ങ​ളും തു​ട​ർ​ന്നു​ള്ള കാ​ല​വും വ​ഴി​തെ​ളി​ക്ക​ട്ടെ.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.