ഗൂ​ഢാ​ലോ​ച​ന
ദു​ഷ്ട​ത​യെ അ​ഗ്ര​മൂ​ലം നി​ർ​മാ​ർ​ജ​നം ചെ​യ്യാ​ൻ വ​ന്ന​തു​കൊ​ണ്ടു​ത​ന്നെ ദു​ഷ്ട​ഹൃ​ദ​യ​ർ അ​വ​നെ ഭ​യ​ന്നു. ക്രോ​ധ​വൈ​രി​ക​ളു​ടെ ക​ഴു​ക​ൻ​ക​ണ്ണു​ക​ൾ അ​വ​നെ തി​ര​യാ​ൻ തു​ട​ങ്ങി. അ​വ​ന്‍റെ പ്ര​വൃ​ത്തി​ക​ളും പ​ദ​പ്ര​യോ​ഗ​ങ്ങ​ളും ത​ങ്ങ​ളു​ടെ മ​ന​സ​മാ​ധാ​ന​ത്തി​നും സു​ഖ​ശ​യ​ന​ത്തി​നും ഭീ​ഷ​ണി​യാ​യി അ​വ​ർ​ക്കു തോ​ന്നി. ത​ന്മൂ​ലം, അ​വ​ന്‍റെ വ​ഴി​ക​ളി​ൽ വി​രി​ക്കാ​നു​ള്ള വ​ല​ക്കെ​ണി​ക​ൾ അ​വ​ർ കൂ​ട്ടം​കൂ​ടി​യി​രു​ന്ന് കെ​ട്ടി​യു​ണ്ടാ​ക്കി.

കാ​ര​ണം, അ​വ​നെ ഉ​ൾ​ക്കൊ​ള്ളാ​ൻ അ​വ​ർ​ക്കാ​വി​ല്ലാ​യി​രു​ന്നു. അ​വ​നെ വെ​റു​തെ വി​ട്ടാ​ൽ ഉ​ണ്ടാ​കാ​വു​ന്ന വി​പ​ത്തു​ക​ളെ​പ്പ​റ്റി അ​വ​ർ​ക്കു വ്യ​ക്ത​മാ​യ ബോ​ധ്യ​ങ്ങ​ളു​ണ്ടാ​യി​രു​ന്നു. അ​തു​കൊ​ണ്ടു​ത​ന്നെ അ​വ​നെ ഇ​ല്ലാ​യ്മ​ചെ​യ്യാ​ൻ ര​ഹ​സ്യ​ത​ന്ത്ര​ങ്ങ​ൾ മെ​ന​ഞ്ഞു. ദൈ​വം ന​മു​ക്കു ഏ​തെ​ങ്കി​ലും വി​ധ​ത്തി​ൽ ഒ​രു ഭീ​ഷ​ണി​യാ​ണോ? അ​വി​ടു​ത്തെ ചി​ല ഇ​ട​പെ​ട​ലു​ക​ൾ ന​മ്മി​ൽ അ​സ​ഹി​ഷ്ണുത​യ്ക്കും അ​സ്വ​സ്ഥ​ത​യ്ക്കും ഹേ​തു​വാ​കു​ണ്ടോ? ഉ​ണ്ടെ​ങ്കി​ൽ, നാം ​അ​വി​ടു​ത്തെ ഇ​നി​യും അ​റി​ഞ്ഞി​ട്ടി​ല്ല എ​ന്നു​ള്ള​താ​ണ്. അ​വി​ടു​ത്തെ ചെ​യ്തി​ക​ളെ​ല്ലാം ന​മ്മു​ടെ ര​ക്ഷ​യ്ക്കു​വേ​ണ്ടി​യാ​ണെ​ന്ന് ക​രു​തി​യാ​ൽ പി​ന്നെ അ​വ​നെ​തി​രെ ഒ​രു പ​ട​യൊരുക്ക​ത്തി​നു പ്ര​സ​ക്തി​യേ​യി​ല്ല.

ആ​രു​ടെ​യെ​ങ്കി​ലും ആ​ത്മീ​യ​മോ ഭൗ​തി​ക​മോ ആ​യ കെ​ടു​തി​യെ ലാ​ക്കാ​ക്കി​യു​ള്ള ഗൂ​ഢാ​ലോ​ച​ന​ക​ൾ ന​മ്മു​ടെ ജീ​വി​ത​ത്തി​ന്‍റെ ഭാ​ഗ​മാ​യി​ട്ടു​ണ്ടോ? ഓ​ർ​ക്ക​ണം, ഗൂ​ഢാ​ലോ​ച​ന മ​നു​ഷ്യ​ർ​ക്കു ചേ​ർ​ന്ന​ത​ല്ല. അ​തു മ​റ്റു​ള്ള​വ​രെ ന​ശി​പ്പി​ക്കു​ന്ന​തി​ന്‍റെ ആ​ദ്യ​ഘ​ട്ട​വും അ​തി​നാ​ൽ​ത്ത​ന്നെ കു​റ്റ​കൃ​ത്യ​വു​മാ​ണ്. അ​തേ​ക്കു​റി​ച്ചു​ള്ള ആ​ലോ​ച​ന​യി​ൽ​നി​ന്നു പോ​ലും നാം ​വി​ട്ടു​നി​ല്ക്ക​ണം. ഗൂ​ഢ​മ​ല്ല, ഗാ​ഢ​മാ​യി​രി​ക്ക​ട്ടെ ന​മ്മു​ടെ ആ​ലോ​ച​ന​ക​ൾ. അ​വ ദൈ​വി​ക​വും ക്രി​സ്തീ​യ​വു​മാ​യി​രി​ക്ക​ണം. ഭീ​രു​ക്ക​ൾ​ക്കും സ​ത്യ​ത്തെ അ​ഭി​മു​ഖീ​ക​രി​ക്കാ​ൻ ച​ങ്കൂ​റ്റ​മി​ല്ലാ​ത്ത​വ​ർ​ക്കു​മൊ​ക്കെ പ​റ​ഞ്ഞി​ട്ടു​ള്ള​താ​ണ് നി​ഗൂ​ഢ​നി​രൂ​പ​ണ​ങ്ങ​ളും കു​ത​ന്ത്ര​ങ്ങ​ളും. ഗൂ​ഢാ​ലോ​ച​ന മ​റ്റു​ള്ള​വ​രു​മാ​യു​ള്ള ര​ഹ​സ്യാ​ലോ​ച​ന മാ​ത്ര​മ​ല്ല, ഹൃ​ദ​യ​ത്തി​ൽ നാം ​നാ​മു​മാ​യി ന​ട​ത്തു​ന്ന​തു കൂ​ടി​യാ​ണ്. അ​ന്യ​രു​ടെ അ​ധ:​പ​ത​ന​ത്തി​നു​വേ​ണ്ടി​യു​ള്ള ആ​ഗ്ര​ഹം പോ​ലും ഗൂ​ഢാ​ലോ​ച​ന ത​ന്നെ.


ചി​ന്ത​ക​ളെ​യും ചെ​യ്തി​ക​ളെ​യും നേ​രി​ന്‍റെ നി​ര​ത്തി​ലൂ​ടെ തെ​ളി​ച്ചു​കൊ​ണ്ടു​പോ​കാ​ൻ പ​രി​ശ്ര​മി​ക്കാം. ന​മ്മു​ടേ​തു​പോ​ലെ ചു​റ്റു​മു​ള്ള​വ​രു​ടെ​യും ന​ന്മ​യും മേ​ന്മ​യും ആ​ശി​ക്കാം. ആ​രു​ടെ​യും വീ​ഴ്ച​യെ ന​മ്മു​ടെ വാ​ഴ്ച​യ്ക്കും വ​ള​ർ​ച്ച​യ്ക്കും വ​ള​മാ​ക്ക​രു​ത്. മ​നോ​ഭാ​വ​ങ്ങ​ൾ മാ​ന്യ​മാ​യി​രി​ക്ക​ട്ടെ. നെ​ഞ്ച​കം ന​ല്ല വി​ചാ​ര​ങ്ങ​ളു​ടെ വി​ള​നി​ല​മാ​ക​ട്ടെ. മ​റ്റു​ള്ള​വ​രു​ടെ ക്ഷേ​മ​ത്തെ​യും, ഐ​ശ്വ​ര്യ​ത്തെ​യും കാം​ക്ഷിച്ചു​കൊ​ണ്ടു​ള്ള​വ​യാ​യി​രി​ക്ക​ട്ടെ ന​മ്മു​ടെ മ​നോ​വ്യാ​പാ​ര​ങ്ങ​ൾ. ര​ക്ഷ​ക​ന്‍റെ വ​ള​ർ​ത്തു​പി​താ​വി​ന്‍റേ​തു​പോ​ലെ ന​മ്മു​ടെ ആ​ലോ​ച​ന​ക​ൾ സ്വ​ർ​ഗ​വു​മാ​യി മാ​ത്രം ആ​യി​രി​ക്ക​ട്ടെ. അ​പ്പോ​ൾ അ​വ സ​ർ​വ​രു​ടെ​യും ര​ക്ഷ​യ്ക്കാ​യി ഭ​വി​ക്കും. ഹൃ​ദ​യ​വി​ചാ​ര​ങ്ങ​ളെ വി​ശു​ദ്ധി​ക​രി​ക്കാ​നു​ള്ള ആ​ഹ്വാ​ന​മാ​ണ് അ​ന്പ​തു​നോ​ന്പി​ന്‍റേ​ത്. ഒ​പ്പം, ന​മ്മു​ടെ ജീ​വി​ത​ത്തി​ന്‍റെ നി​ഗൂ​ഢ​ത​യു​ടെ ചു​രു​ളു​ക​ൾ അ​ഴി​ക്കാ​ൻ ധൈ​ര്യ​പ്പെ​ടാം. അ​ത് സ്വ​ല്പം കൂ​ടി സു​താ​ര്യ​മാ​ക​ട്ടെ.

ഫാ. ​തോ​മ​സ് പാ​ട്ട​ത്തി​ൽ​ചി​റ സി​എം​എ​ഫ്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.