രാ​ഷ്‌​ട്രീ​യ​ത്തി​ല്‍ ശ​ത്രു​വി​ന്‍റെ ശ​ത്രു മി​ത്രം. സ്ഥി​രം ശ​ത്രു​ക്ക​ളും മി​ത്ര​ങ്ങ​ളു​മി​ല്ല. അ​ധി​കാ​രം പി​ടി​ക്കാ​ന്‍ ആ​രെ കൂ​ടെ​ക്കൂ​ട്ടാ​നും ആ​രു​ടെ​കൂ​ടെ കൂ​ടാ​നും ആ​ര്‍​ക്കും മ​ടി​യി​ല്ല. പ​ര​സ്യ​മാ​യ സ​ഖ്യ​ത്തി​നു പു​റ​മെ ചി​ല ര​ഹ​സ്യ​ധാ​ര​ണ​ക​ളു​മു​ണ്ട്. ജാ​തി​യും മ​ത​വും വ​ര്‍​ഗ​വും പ്രാ​ദേ​ശി​ക​വാ​ദ​വും അ​ട​ക്കം മു​ത​ലെ​ടു​പ്പി​നു​ള്ള ഒ​രു വ​ഴി​യും ആ​രും വേ​ണ്ടെ​ന്നു വ​യ്ക്കാ​റി​ല്ല. തീ​വ്ര, വ​ര്‍​ഗീ​യ ഗ്രൂ​പ്പു​ക​ളു​മാ​യി സ​ന്ധി​ചെ​യ്യാ​നും മി​ക്ക നേ​താ​ക്ക​ളും മ​ടി​ക്കാ​റി​ല്ല. ജാ​തിരാ​ഷ്‌​ട്രീ​യം കൊ​ടി​കു​ത്തി വാ​ഴു​ന്ന ബി​ഹാ​റി​ല്‍ ഇ​ത്ത​വ​ണ​ത്തെ തെ​ര​ഞ്ഞെ​ടു​പ്പി​ലും ഇ​വ​യെ​ല്ലാ​മു​ണ്ട്.

വോ​ട്ട​വ​കാ​ശ​മാ​ണു പൗ​ര​ന്‍റെ മ​റ്റെ​ല്ലാ അ​വ​കാ​ശ​ങ്ങ​ളു​ടെ​യും അ​ടി​സ്ഥാ​നം. ജ​നാ​ധി​പ​ത്യ​ത്തി​ല്‍ പൗ​ര​നു​ള്ള ഏ​റ്റ​വും ശ​ക്ത​വും വി​ല​പ്പെ​ട്ട​തും പ​വി​ത്ര​വു​മാ​യ അ​ഹിം​സാ​ത്മ​ക ഉ​പ​ക​ര​ണ​മാ​ണ് വോ​ട്ട്. തീ​വ്ര വോ​ട്ട​ര്‍​പ​ട്ടി​ക പ​രി​ഷ്‌​ക​ര​ണ​ത്തി​ന്‍റെ (എ​സ്‌​ഐ​ആ​ര്‍) പേ​രി​ല്‍ ബി​ഹാ​റി​ൽ ല​ക്ഷ​ക്ക​ണ​ക്കി​നാ​ളു​ക​ളു​ടെ വോ​ട്ട​വ​കാ​ശം ക​വ​ര്‍​ന്നു​വെ​ന്നാ​ണ് പ്ര​തി​പ​ക്ഷം ആ​രോ​പി​ക്കു​ന്ന​ത്. ദ​ളി​ത​ര്‍, ആ​ദി​വാ​സി​ക​ള്‍, ന്യൂ​ന​പ​ക്ഷ​ങ്ങ​ള്‍ എ​ന്നി​വ​രു​ടെ വോ​ട്ട​വ​കാ​ശ​മാ​ണു കൊ​ള്ള​യ​ടി​ച്ച​തെ​ന്ന് പ്ര​തി​പ​ക്ഷ നേ​താ​വ് രാ​ഹു​ല്‍ ഗാ​ന്ധി പ​റ​യു​ന്നു. രാ​ഹു​ലി​ന്‍റെ നേ​തൃ​ത്വ​ത്തി​ല്‍ ഇ​ന്ത്യ സ​ഖ്യം ബി​ഹാ​റി​ല്‍ ന​ട​ത്തി​യ വോ​ട്ട് അ​ധി​കാ​ര്‍ യാ​ത്ര​യ്ക്കു ല​ഭി​ച്ച ജ​ന​പി​ന്തു​ണ വോ​ട്ടാ​യി മാ​റു​മോ​യെ​ന്നു ക​ണ്ട​റി​യ​ണം.

ത​ട​സ​മി​ല്ലാ​തെ എ​സ്‌​ഐ​ആ​ര്‍

ബി​ഹാ​റി​ലെ എ​സ്‌​ഐ​ആ​റി​ല്‍ നീ​ക്കി​യ​തും പു​തു​താ​യി ചേ​ര്‍​ത്ത​തു​മാ​യ വോ​ട്ട​ര്‍​മാ​രു​ടെ പ​ട്ടി​ക തെ​ര​ഞ്ഞെ​ടു​പ്പു ക​മ്മീ​ഷ​ന്‍ ഇ​നി​യും പ്ര​സി​ദ്ധീ​ക​രി​ച്ചി​ട്ടി​ല്ല. പ്ര​സി​ദ്ധീ​ക​രി​ക്കാ​നു​ള്ള ന​ട​പ​ടി​ക​ള്‍ പൂ​ര്‍​ത്തി​യാ​ക്കു​ക​യാ​ണെ​ന്നാ​ണു ക​ഴി​ഞ്ഞ ദി​വ​സം സു​പ്രീം​കോ​ട​തി​യി​ല്‍ ക​മ്മീ​ഷ​ന്‍ പ​റ​ഞ്ഞ​ത്. ഏ​താ​യാ​ലും പു​തു​ക്കി​യ വോ​ട്ട​ര്‍​പ​ട്ടി​ക​യു​ടെ അ​ടി​സ്ഥാ​ന​ത്തി​ലാ​കും ന​വം​ബ​ര്‍ ആ​റി​നും 11നും ​ന​ട​ക്കു​ന്ന ബി​ഹാ​ര്‍ നി​യ​മ​സ​ഭാ തെ​ര​ഞ്ഞെ​ടു​പ്പ്. എ​സ്‌​ഐ​ആ​റി​നെ ചോ​ദ്യം ചെ​യ്ത് അ​സോ​സി​യേ​ഷ​ന്‍ ഓ​ഫ് ഡെ​മൊ​ക്രാ​റ്റി​ക് റി​ഫോം​സ് (എ​ഡി​ആ​ര്‍) ന​ല്‍​കി​യ ഹ​ര്‍​ജി ന​വം​ബ​ര്‍ നാ​ലി​നു മാ​ത്ര​മേ സു​പ്രീം​കോ​ട​തി ഇ​നി പ​രി​ഗ​ണി​ക്കു​ക​യു​ള്ളൂ.

തെ​ര​ഞ്ഞെ​ടു​പ്പു ക​മ്മീ​ഷ​ന്‍ അ​വ​രു​ടെ ഉ​ത്ത​ര​വാ​ദി​ത്വം നി​റ​വേ​റ്റു​മെ​ന്ന​തി​ല്‍ സം​ശ​യ​മി​ല്ല. നീ​ക്കി​യ​തും ചേ​ര്‍​ത്ത​തു​മാ​യ വോ​ട്ട​ര്‍​മാ​രു​ടെ പ​ട്ടി​ക പ്ര​സി​ദ്ധീ​ക​രി​ക്കാ​ന്‍ അ​വ​ര്‍ ബാ​ധ്യ​സ്ഥ​രാ​ണെ​ന്നാ​ണ് സു​പ്രീം​കോ​ട​തി​യി​ലെ ജ​സ്റ്റീ​സു​മാ​രാ​യ സൂ​ര്യകാ​ന്തും ജോ​യ്മ​ല്യ ബാ​ഗ്ചി​യും പ​റ​ഞ്ഞ​ത്. ക​ര​ടു​പ​ട്ടി​ക​യി​ലെ പു​തി​യ വോ​ട്ട​ര്‍​മാ​രു​ടെ പൂ​ര്‍​ണലി​സ്റ്റ് അ​വ​ര്‍ വെ​ളി​പ്പെ​ടു​ത്തി​യി​ട്ടി​ല്ലെ​ന്നും നീ​ക്കം​ചെ​യ്ത വോ​ട്ട​ര്‍​മാ​ര്‍ ആ​രൊ​ക്കെ​യെന്നാ​ണു വെ​ളി​പ്പെ​ടു​ത്താ​ത്ത​തെ​ന്നും എ​ഡി​ആ​റി​നുവേ​ണ്ടി ഹാ​ജ​രാ​യ അ​ഭി​ഭാ​ഷ​ക​ന്‍ പ്ര​ശാ​ന്ത് ഭൂ​ഷ​ണ്‍ ചൂ​ണ്ടി​ക്കാ​ട്ടി. വോ​ട്ടെ​ടു​പ്പ് അ​ടു​ത്തി​ട്ടും അ​ന്തി​മ വോ​ട്ട​ര്‍​പ​ട്ടി​ക വൈ​കു​ന്ന​തു ദു​രൂ​ഹ​മാ​ണ്.

നി​തീ​ഷ് കു​മാ​റി​ന്‍റെ ക​ളി​ക​ള്‍

മാ​ര്‍​ച്ച് ഒ​ന്നി​ന് 75 വ​യ​സു തി​ക​യു​ന്ന മു​ഖ്യ​മ​ന്ത്രി നി​തീ​ഷ് കു​മാ​റാ​ണ് ഇ​പ്പോ​ഴും ബി​ഹാ​റി​ലെ കിം​ഗ് മേ​ക്ക​ര്‍. നി​തീ​ഷി​ന്‍റെ ചാ​ഞ്ചാ​ട്ട​ത്തി​ന​നു​സ​രി​ച്ച് അ​ദ്ദേ​ഹ​ത്തി​ന്‍റെ ഐ​ക്യ​ ജ​ന​താ​ദ​ളും പ​ക്ഷം മാ​റു​ന്നു. ബി​ഹാ​റി​ല്‍ ഏ​റ്റ​വും കൂ​ടു​ത​ല്‍ കാ​ലം അ​ധി​കാ​ര​ത്തി​ലി​രു​ന്ന മു​ഖ്യ​മ​ന്ത്രി​ക്ക് ഇ​നി​യും കൊ​തി മാ​റി​യി​ട്ടി​ല്ല. ഇ​ട​യ്ക്കു രാ​ജി​വ​ച്ചു മു​ന്ന​ണി മാ​റി​യ​ത​ട​ക്കം ഒ​മ്പ​തു ത​വ​ണ​യാ​ണു നി​തീ​ഷ് മു​ഖ്യ​മ​ന്ത്രി​യാ​യി പ്ര​തി​ജ്ഞ​യെ​ടു​ത്ത​ത്. പ​ക്ഷേ, ജ​യി​ച്ചാ​ലും തോ​റ്റാ​ലും നി​തീ​ഷി​ന്‍റെ അ​വ​സാ​ന മു​ഖ്യ​മ​ന്ത്രി പ​ദ​മാ​കും ഇ​പ്പോ​ഴ​ത്തേ​തെ​ന്നാ​ണു ബി​ജെ​പി​യു​ടെ ക​ണ​ക്കു​കൂ​ട്ട​ല്‍.

വി​ക​സ​ന നാ​യ​ക​നാ​യ സോ​ഷ്യ​ലി​സ്റ്റ് നേ​താ​വ് എ​ന്ന പ്ര​തി​ച്ഛാ​യ നി​തീ​ഷി​നു ന​ഷ്‌​ട​മാ​യി. അ​വ​സ​ര​വാ​ദി​യും അ​ധി​കാ​ര​മോ​ഹി​യും എ​ന്ന പേ​രു വീ​ണ​തൊ​ന്നും നി​തീ​ഷി​നു പ്ര​ശ്‌​ന​മ​ല്ല. നി​തീ​ഷി​ന്‍റെ നേ​തൃ​ത്വ​ത്തി​ലാ​ണ് എ​ന്‍​ഡി​എ ഇ​ത്ത​വ​ണ​യും മ​ത്സ​രി​ക്കു​ന്ന​ത്. എ​ന്‍​ഡി​എ​യ്ക്കു വീ​ണ്ടും ഭൂ​രി​പ​ക്ഷം കി​ട്ടി​യാ​ല്‍ മു​ഖ്യ​മ​ന്ത്രിസ്ഥാ​ന​ത്തി​നു ബി​ജെ​പി പി​ടി​മു​റു​ക്കും. തെ​ര​ഞ്ഞെ​ടു​പ്പി​നു​ശേ​ഷ​മാ​കും ബി​ജെ​പി​യും സ​ഖ്യ​ക​ക്ഷി​ക​ളും ചേ​ര്‍​ന്നു മു​ഖ്യ​മ​ന്ത്രി​യെ തീ​രു​മാ​നി​ക്കു​ക​യെ​ന്ന് കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ ​പ​റ​ഞ്ഞ​തി​ല്‍ എ​ല്ലാ​മു​ണ്ട്. ബി​ഹാ​റി​ലെ 243 അം​ഗ നി​യ​മ​സ​ഭ​യി​ലേ​ക്കു ന​ട​ക്കു​ന്ന തെ​ര​ഞ്ഞെ​ടു​പ്പി​ന്‍റെ വോ​ട്ടെ​ണ്ണു​ന്ന ന​വം​ബ​ര്‍ 14ന് ​കാ​ര്യ​ങ്ങ​ളി​ല്‍ വ്യ​ക്ത​ത കൈ​വ​രും.

മാ​റു​ന്ന ബി​ഹാ​ര്‍ രാ​ഷ്‌​ട്രീ​യം

നി​തീ​ഷി​ന്‍റെ ജെ​ഡി​യു​വും ലാ​ലുപ്ര​സാ​ദി​ന്‍റെ ആ​ര്‍​ജെ​ഡി​യുമാ​ണ് മൂ​ന്ന​ര പ​തി​റ്റാ​ണ്ടാ​യി ബി​ഹാ​ര്‍ രാ​ഷ്‌​ട്രീ​യം അ​ട​ക്കി​വാ​ണി​രു​ന്ന​ത്. 1990ലാ​ണ് ബി​ഹാ​റി​ല്‍ കോ​ണ്‍​ഗ്ര​സി​ന് അ​വ​സാ​ന മു​ഖ്യ​മ​ന്ത്രി ഉ​ണ്ടാ​യി​രു​ന്ന​ത്. അ​ഴി​മ​തി, സ്വ​ജ​ന​പ​ക്ഷ​പാ​തം, അ​വ​സ​ര​വാ​ദം തു​ട​ങ്ങി​യ​വ​കൊ​ണ്ട് ആ​ര്‍​ജെ​ഡി​യും ജെ​ഡി​യു​വും ക്ഷീ​ണി​ച്ചുതു​ട​ങ്ങി. കേ​ന്ദ്ര​ഭ​ര​ണ​ത്തി​ന്‍റെ പി​ന്‍​ബ​ല​ത്തി​ലും രാ​ഷ്‌​ട്രീ​യ ത​ന്ത്ര​ങ്ങ​ളും​കൊ​ണ്ടു ബി​ജെ​പി​യാ​ണു നേ​ട്ട​മു​ണ്ടാ​ക്കി​യ​ത്. 2020ല്‍ ​ബി​ജെ​പി​യേ​ക്കാ​ള്‍ അ​ഞ്ചു സീ​റ്റ് കൂ​ടു​ത​ൽ കി​ട്ടി​യ ജെ​ഡി​യു​വി​ന് ഇ​ത്ത​വ​ണ ബി​ജെ​പി​ക്കൊ​പ്പം 101 സീ​റ്റി​ലൊ​തു​ങ്ങേ​ണ്ടി വ​ന്നു.

അ​ടു​ത്ത മാ​സം ആ​റി​നു വോ​ട്ടെ​ടു​പ്പു ന​ട​ത്തു​ന്ന ആ​ദ്യ​ഘ​ട്ട​ത്തി​ലെ 121 മ​ണ്ഡ​ല​ങ്ങ​ളി​ലേ​ക്കു പ​ത്രി​ക സ​മ​ര്‍​പ്പി​ക്കാ​നു​ള്ള അ​വ​സാ​ന ദി​വ​സം ഇ​ന്ന​ലെ​യാ​യി​രു​ന്നു. എ​ന്നി​ട്ടും ഭ​ര​ണ​ക​ക്ഷി​യാ​യ എ​ന്‍​ഡി​എ​യി​ലും പ്ര​തി​പ​ക്ഷ മ​ഹാ​സ​ഖ്യ​ത്തി​ലും പ്ര​ധാ​ന പാ​ര്‍​ട്ടി​ക​ളി​ലും ആ​ശ​യ​ക്കു​ഴ​പ്പ​വും പ​രാ​തി​ക​ളും പ​രി​ഭ​വ​ങ്ങ​ളും തീ​ര്‍​ന്നി​ല്ല. ക​ഷ്‌​ടി​ച്ച് ഒ​പ്പി​ച്ചെ​ടു​ത്ത സീ​റ്റുവി​ഭ​ജ​ന​ത്തി​ലും സ്ഥാ​നാ​ര്‍​ഥിനി​ര്‍​ണ​യ​ത്തി​ലും ഇ​രു​മു​ന്ന​ണി​ക​ളി​ലും പ്ര​ശ്‌​ന​ങ്ങ​ളേ​റെ​യാ​ണ്. ചി​രാ​ഗ് പ​സ്വാ​ന്‍റെ എ​ല്‍​ജെ​പി​ക്കും ജി​തി​ന്‍ റാം ​മാ​ഞ്ജി​യു​ടെ ഹി​ന്ദു​സ്ഥാ​നി അ​വാം മോ​ര്‍​ച്ച​യ്ക്കും ഉ​പേ​ന്ദ്ര കു​ഷ്‌​വാ​ഹ​യു​ടെ രാ​ഷ്‌​ട്രീ​യ ലോ​ക് മോ​ര്‍​ച്ച​യ്ക്കും ഒ​തു​ങ്ങാ​തെ വ​ഴി​യി​ല്ലാ​യി​രു​ന്നു.

പു​റ​മെ ശാ​ന്തം; ഉ​ള്ളി​ല്‍ പു​ക


ആ​ര്‍​ജെ​ഡി​യു​മാ​യു​ള്ള ത​ര്‍​ക്കം പ​രി​ഹ​രി​ക്കാ​നാ​കാ​തെ നീ​ളു​ന്ന​തി​നി​ട​യി​ല്‍ 48 സ്ഥാ​നാ​ര്‍​ഥി​ക​ളെ ക​ഴി​ഞ്ഞ ദി​വ​സം രാ​ത്രി കോ​ണ്‍​ഗ്ര​സ് പ്ര​ഖ്യാ​പി​ച്ചു. പ​ത്രി​കാ സ​മ​ര്‍​പ്പ​ണം ഇ​ന്ന​ലെ ക​ഴി​യു​ന്ന​തി​നാ​ല്‍ മ​റ്റു വ​ഴി​ക​ള്‍ ഉ​ണ്ടാ​യി​ല്ല. 2020ല്‍ ​മ​ത്സ​രി​ച്ച 70ല്‍ ​ഒ​രു സീ​റ്റു മാ​ത്ര​മേ വി​ട്ടു​കൊ​ടു​ക്കൂ​വെ​ന്നാ​ണ് കോ​ണ്‍​ഗ്ര​സ് പ​റ​യു​ന്ന​ത്. 60 സീ​റ്റി​ല്‍ കൂ​ടു​ത​ല്‍ പ​റ്റി​ല്ലെ​ന്ന് ആ​ര്‍​ജെ​ഡി വാ​ശി​പി​ടി​ച്ച​തോ​ടെ സീ​റ്റു​വി​ഭ​ജ​നം നീ​ണ്ടു. മു​ന്ന​ണി വി​ടു​മെ​ന്ന ഭീ​ഷ​ണി​ക്കൊ​ടു​വി​ല്‍ 13-14 സീ​റ്റു ന​ല്‍​കി മു​കേ​ഷ് സ​ഹാ​നി​യു​ടെ വി​കാ​സ്ഷീ​ല്‍ ഇ​ന്‍​സാ​ന്‍ പാ​ര്‍​ട്ടി​യെ (വി​ഐ​പി) മെ​രു​ക്കി​യെ​ന്നാ​ണ് ആ​ര്‍​ജെ​ഡി പ​റ​യു​ന്ന​ത്. സി​പി​ഐ-​എം​എ​ല്‍, സി​പി​എം പാ​ര്‍​ട്ടി സ്ഥാ​നാ​ര്‍​ഥി​ക​ളും ഇ​ന്ന​ലെ പ​ത്രി​ക ന​ല്‍​കി. സി​പി​എ​മ്മി​നു നാ​ലു സീ​റ്റാ​ണു കി​ട്ടി​യ​ത്.

മു​ഖ്യ​മ​ന്ത്രി​യാ​കാ​ന്‍ മോ​ഹി​ക്കു​ന്ന തേ​ജ​സ്വി യാ​ദ​വി​നെ ഐ​ആ​ര്‍​സി​ടി​സി ഹോ​ട്ട​ല്‍ അ​ഴി​മ​തി​ക്കേ​സി​ല്‍ ഡ​ല്‍​ഹി​യി​ലെ വി​ചാ​ര​ണക്കോ​ട​തി കു​റ്റ​ക്കാ​ര​നാ​ക്കി​യ​ത് ആ​ര്‍​ജെ​ഡി​ക്കും മ​ഹാ​സ​ഖ്യ​ത്തി​നും തി​രി​ച്ച​ടി​യാ​യി. തീ​വ്ര വോ​ട്ട​ര്‍പ​ട്ടി​ക പ​രി​ഷ്‌​ക​ര​ണ​ത്തി​ലൂ​ടെ ന​ഷ്‌​ട​മാ​കു​ന്ന വോ​ട്ടു​ക​ളി​ലേ​റെ​യും മ​ഹാ​സ​ഖ്യ​ത്തി​ന്‍റേ​താ​കും. ഭ​ര​ണ​വി​രു​ദ്ധ വി​കാ​ര​വും നി​തീ​ഷി​ന്‍റെ ചാ​ഞ്ചാ​ട്ട​ങ്ങ​ളും പ്രാ​യ​വു​മെ​ല്ലാം നേ​ട്ട​മാ​കേ​ണ്ട പ്ര​തി​പ​ക്ഷ​ത്തി​ന് ഒ​ന്നും ഉ​റ​പ്പി​ക്കാ​നാ​കാ​ത്ത നി​ല. പു​റ​മെ കാ​ണു​ന്ന​തി​ലും പ്ര​ശ്‌​ന​ങ്ങ​ള്‍ എ​ന്‍​ഡി​എ​യി​ലു​മു​ണ്ട്.

കു​മി​ള​യാ​യി പ്ര​ശാ​ന്ത് കി​ഷോ​ര്‍

തെ​ര​ഞ്ഞെ​ടു​പ്പു ത​ന്ത്ര​ജ്ഞ​നാ​യ പ്ര​ശാ​ന്ത് കി​ഷോ​റി​ന്‍റെ ജ​ന്‍ സു​രാ​ജ് പാ​ര്‍​ട്ടി​യു​ടെ രം​ഗ​പ്ര​വേ​ശം വോ​ട്ട​ര്‍​മാ​രെ എ​ത്ര​ക​ണ്ടു സ്വാ​ധീ​നി​ക്കു​മെ​ന്ന​താ​ണ് നി​രീ​ക്ഷ​ക​ര്‍ ഉ​റ്റു​നോ​ക്കു​ന്ന​ത്. ആ​ര്‍​ജെ​ഡി നേ​താ​വ് തേ​ജ​സ്വി യാ​ദ​വി​നെ​തി​രേ ര​ഘോ​പു​രി​ല്‍ മ​ത്സ​രി​ക്കു​ന്ന​തി​ല്‍​നി​ന്നു പി​ന്മാ​റി​യ​തി​ലൂ​ടെ കി​ഷോ​ര്‍ സെ​ല്‍​ഫ് ഗോ​ള്‍ അ​ടി​ച്ചു​വെ​ന്നാ​ണു ചി​ല​രെ​ങ്കി​ലും ക​രു​തു​ന്ന​ത്. ഗോ​ലി​യാ​ത്തി​നെ വെ​ല്ലു​വി​ളി​ക്കു​ന്ന ദാ​വീ​ദാ​യി കി​ഷോ​ര്‍ സ്വ​യം വ​ര​ച്ചു​കാ​ട്ടി​യ പ്ര​തി​ച്ഛാ​യ​യ്ക്കാ​ണ് ഇ​ടി​വു​ണ്ടാ​യ​ത്. ഒ​ന്നു​കി​ല്‍ 150 സീ​റ്റ് അ​ല്ലെ​ങ്കി​ല്‍ 10 സീ​റ്റ് ത​ന്‍റെ പാ​ര്‍​ട്ടി​ക്കു കി​ട്ടു​മെ​ന്ന കി​ഷോ​റി​ന്‍റെ പ്ര​സ്താ​വ​ന​യും സ്വ​ന്തം ഗോ​ള്‍​പോ​സ്റ്റി​ലെ ഗോ​ള​ടി​യാ​യി.

ആ​കെ​യു​ള്ള 243 സീ​റ്റി​ലും മ​ത്സ​രി​ക്കു​മെ​ങ്കി​ലും ബി​ഹാ​റി​ല്‍ ജ​ൻ സു​രാ​ജി​ന് പ്ര​തീ​ക്ഷ മ​ങ്ങു​ക​യാ​ണ്. ഡ​ല്‍​ഹി​യി​ല്‍ ആം ​ആ​ദ്മി പാ​ര്‍​ട്ടി​യും കേ​ജ​രി​വാ​ളും ആ​ദ്യം നേ​ടി​യ​തു​പോ​ലു​ള്ള ജ​ന​പി​ന്തു​ണ കി​ഷോ​റി​നു കി​ട്ടി​ല്ല. ആ​വേ​ശ​ക​ര​മാ​യ ത്രി​കോ​ണ മ​ത്സ​രം പ്ര​തീ​ക്ഷി​ച്ച​വ​ര്‍​ക്കു തെ​റ്റി. എ​ന്‍​ഡി​എ​യും മ​ഹാ​സ​ഖ്യ​വും (മ​ഹാ​ഗ​ഡ്ബ​ന്ധ​ന്‍) ത​മ്മി​ലു​ള്ള ദ്വ​ന്ദ​യു​ദ്ധ​മാ​കും ബി​ഹാ​റി​ലേ​ത്. കേ​ര​ള​ത്തി​ലേ​തു​പോ​ലെ ര​ണ്ടു പ്ര​ബ​ല മു​ന്ന​ണി​ക​ള്‍ ത​മ്മി​ലു​ള്ള ധ്രു​വീ​ക​ര​ണ​ത്തി​ല്‍ മൂ​ന്നാ​മ​ത്തെ ക​ളി​ക്കാ​ര​ന് ഇ​ട​മി​ല്ല. എ​ന്നാ​ല്‍ ജ​ന്‍ സു​രാ​ജ് പാ​ര്‍​ട്ടി പി​ടി​ക്കു​ന്ന വോ​ട്ടു​ക​ള്‍ ജ​യ-പ​രാ​ജ​യ​ങ്ങ​ളെ സ്വാ​ധീ​നി​ക്കും. നി​തീ​ഷ് കു​മാ​റും ബി​ജെ​പി​യും പ​രാ​ജ​യ​പ്പെ​ടു​മെ​ന്നു കി​ഷോ​ര്‍ ത​റ​പ്പി​ച്ചു പ​റ​യു​മ്പോ​ള്‍, എ​ന്‍​ഡി​എ​യ്ക്ക് ഉ​റ​ക്കം ന​ഷ്‌​ട​പ്പെ​ടും.

ജാ​തി​രാ​ഷ്‌​ട്രീ​യം ത​ന്നെ മു​ന്നി​ല്‍

ബി​ഹാ​റി​ല്‍ ആ​രു ജ​യി​ക്കു​മെ​ന്ന് ഇ​പ്പോ​ള്‍ ആ​ര്‍​ക്കും തീ​ര്‍​ച്ച​പ്പെ​ടു​ത്താ​നാ​കാ​ത്ത നി​ല​യാ​ണ്. എ​ന്‍​ഡി​എ​യി​ലും മ​ഹാ​സ​ഖ്യ​ത്തി​ലും ഇ​ക്കാ​ര്യ​ത്തി​ല്‍ ആ​ശ​യ​ക്കു​ഴ​പ്പ​വും ആ​ശ​ങ്ക​യു​മു​ണ്ട്. ഇ​രു​മു​ന്ന​ണി​ക​ളും ജ​യം ഉ​റ​പ്പാ​ണെ​ന്ന് ആ​വ​ര്‍​ത്തി​ക്കു​മ്പോ​ഴും അ​വ​ര്‍​ക്കും തീ​ര്‍​ച്ച​യി​ല്ല. വി​ക​സ​ന​മി​ല്ലാ​യ്മ​യും തൊ​ഴി​ലി​ല്ലാ​യ്മ​യും കാ​ര്‍​ഷി​ക പ്ര​തി​സ​ന്ധി​യും അ​ട​ക്ക​മു​ള്ള ഭ​ര​ണ​പ​രാ​ജ​യ​ങ്ങ​ളും വി​ല​ക്ക​യ​റ്റ​വും അ​ഴി​മ​തി​യും സ്വ​ജ​ന​പ​ക്ഷ​പാ​ത​വു​മൊ​ന്നും പ്ര​ചാ​ര​ണ​ത്തി​ല്‍ മു​ന്നി​ല​ല്ല.

ജ​ന​കീ​യ പ്ര​ശ്‌​ന​ങ്ങ​ളെ മ​റി​ക​ട​ക്കാ​ന്‍ പ​തി​വു​പോ​ലെ ജാ​തി, മ​ത, പ്രാ​ദേ​ശി​ക വി​കാ​ര​ങ്ങ​ള്‍ മൂ​പ്പി​ച്ചെ​ടു​ക്കു​ക​യാ​ണു പാ​ര്‍​ട്ടി​ക​ള്‍. ബി​ഹാ​റി​ന്‍റെ മ​ന​സ​റി​യാ​ന്‍ അ​ടു​ത്ത മാ​സം 14 വ​രെ കാ​ത്തി​രു​ന്നേ മ​തി​യാ​കൂ. വോ​ട്ട​ർ​പ​ട്ടി​ക​യി​ലെ ക്ര​മ​ക്കേ​ടു​ക​ള്‍ ത​ട​യാ​ന്‍ ആ​ര്‍​ജെ​ഡി, കോ​ണ്‍​ഗ്ര​സ്, ഇ​ട​തു പാ​ര്‍​ട്ടി​ക​ള്‍​ക്ക് എ​ത്ര​മാ​ത്രം ക​ഴി​യു​മെ​ന്ന​തും ചോ​ദ്യ​ചി​ഹ്ന​മാ​ണ്. പൂ​ര്‍​ണ​മാ​യും സ്വ​ത​ന്ത്ര​വും നി​ഷ്പ​ക്ഷ​വു​മാ​യ തെ​ര​ഞ്ഞെ​ടു​പ്പ് ഉ​ണ്ടാ​കി​ല്ലെ​ന്നു പ്ര​തി​പ​ക്ഷം ആ​രോ​പി​ക്കു​ന്നു. എ​ന്നാ​ല്‍, ച​രി​ത്ര​ത്തി​ലെ ഏ​റ്റ​വും നി​ഷ്പ​ക്ഷ തെ​ര​ഞ്ഞെ​ടു​പ്പാ​കു​മെ​ന്ന് തെ​ര​ഞ്ഞെ​ടു​പ്പു ക​മ്മീ​ഷ​ന്‍ അ​വ​കാ​ശ​പ്പെ​ടു​ന്നു.

ആ​ര്‍​ക്കു​മൊ​ന്നി​നും ഉ​റ​പ്പി​ല്ലാ​തെ

ഇ​ന്ന​ലെ പാ​റ്റ്‌​ന​യി​ലെ​ത്തി മു​ഖ്യ​മ​ന്ത്രി നി​തീ​ഷ് കു​മാ​റി​നെ കാ​ണു​ക​യും സ​ര​നി​ല്‍ തെ​ര​ഞ്ഞെ​ടു​പ്പു റാ​ലി​യി​ല്‍ പ്ര​സം​ഗി​ക്കു​ക​യും ചെ​യ്ത അ​മി​ത് ഷാ​യ്ക്കും ആ​ശ​ങ്ക​ക​ളേ​റെ​യാ​ണ്. പ​ഹ​ല്‍​ഗാ​മി​ല്‍ കൂ​ട്ട​ക്കൊ​ല ന​ട​ത്തി​യ പാ​ക്കി​സ്ഥാ​ന്‍ ഭീ​ക​ര​ര്‍​ക്ക് അ​വ​രു​ടെ ആ​സ്ഥാ​ന​ത്തു തി​രി​ച്ച​ടി കൊ​ടു​ത്തു​വെ​ന്നാ​ണു ഷാ ​പ്ര​സം​ഗി​ച്ച​ത്. ബം​ഗ്ലാ​ദേ​ശി​ല്‍​നി​ന്നു കു​ടി​യേ​റു​ന്ന മു​സ്‌​ലിം​ക​ള്‍​ക്കെ​തി​രേ ഷാ ​വാ​ചാ​ല​നാ​യ​തി​ലും വോ​ട്ട് ധ്രു​വീ​ക​ര​ണം​ത​ന്നെ ല​ക്ഷ്യം. പി​ന്നാ​ക്ക, ദ​ളി​ത്, ആ​ദി​വാ​സി, ന്യൂ​ന​പ​ക്ഷ വോ​ട്ടു​ക​ളി​ലാ​ണ് പ്ര​തി​പ​ക്ഷ​ത്തി​ന്‍റെ ക​ണ്ണ്.

യു​പി ക​ഴി​ഞ്ഞാ​ല്‍ ദേ​ശീ​യ രാ​ഷ്‌​ട്രീ​യ​ത്തി​ല്‍ ഏ​റ്റ​വും സ്വാ​ധീ​ന​മു​ള്ള സം​സ്ഥാ​ന​മാ​ണു ബി​ഹാ​ര്‍. ബി​ഹാ​റി​ന്‍റെ ജ​ന​വി​ധി ദേ​ശീ​യ രാ​ഷ്‌​ട്രീ​യ​ത്തെ കാ​ര്യ​മാ​യി സ്വാ​ധീ​നി​ക്കും. ബി​ഹാ​റി​ല്‍ എ​ന്‍​ഡി​എ​യെ പു​റ​ത്താ​ക്കി അ​ധി​കാ​രം പി​ടി​ക്കാ​ന്‍ ഇ​ന്ത്യ സ​ഖ്യ​ത്തി​നു ക​ഴി​ഞ്ഞാ​ല്‍ മ​റ്റു സം​സ്ഥാ​ന​ങ്ങ​ളി​ലും ജ​ന​വി​ധി പ്ര​തി​ഫ​ലി​ക്കും. ജെ​ഡി​യു, ബി​ജെ​പി സ​ഖ്യം അ​ധി​കാ​ര​ത്തു​ട​ര്‍​ച്ച നേ​ടി​യാ​ല്‍ ന​രേ​ന്ദ്ര മോ​ദി​യു​ടെ​യും ബി​ജെ​പി​യു​ടെ​യും പ​ട​യോ​ട്ടം ത​ട​യാ​ന്‍ കോ​ണ്‍​ഗ്ര​സി​നും പ്ര​തി​പ​ക്ഷ​ത്തി​നും ഇ​നി​യും വ​ര്‍​ഷ​ങ്ങ​ള്‍ കാ​ത്തി​രി​ക്കേ​ണ്ടി വ​ന്നേ​ക്കാം. കോ​ണ്‍​ഗ്ര​സ് അ​ട​ക്ക​മു​ള്ള പ്ര​തി​പ​ക്ഷ​ത്തെ പ്ര​ധാ​ന പാ​ര്‍​ട്ടി​ക​ളു​ടെ നി​ല​നി​ല്‍​പി​ന്‍റെ പ്ര​ശ്‌​നം കൂ​ടി​യാ​ണ് ബി​ഹാ​റി​ലെ ജ​ന​വി​ധി.