പാ​ർ​ല​മെ​ന്‍റി​ലും മു​ന്നി​ലു​ള്ള പാ​ർ​ല​മെ​ന്‍റ് സ്ട്രീ​റ്റി​ലും ഇ​ന്ന​ലെ​യു​ണ്ടാ​യ പ്ര​തി​പ​ക്ഷ എം​പി​മാ​രു​ടെ പ്ര​തി​ഷേ​ധം പ​തി​വി​ൽ​നി​ന്നു വ്യ​ത്യ​സ്ത​മാ​യി​രു​ന്നു. രാ​ജ്യ​ത​ല​സ്ഥാ​നം ക​ണ്ട എം​പി​മാ​രു​ടെ ഏ​റ്റ​വും ശ​ക്ത​മാ​യ പ്ര​തി​ഷേ​ധം. രാ​ജ്യ​ത്താ​കെ ച​ല​ന​മു​ണ്ടാ​ക്കാ​ൻ സം​യു​ക്ത പ്ര​തി​പ​ക്ഷ സ​മ​ര​ത്തി​നാ​യി.

ലോ​ക്സ​ഭ​യി​ലെ പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി പു​റ​ത്തു​വി​ട്ട വോ​ട്ട് കൊ​ള്ള​യ്ക്കും ബി​ഹാ​റി​ലെ വോ​ട്ട​ർ​പ​ട്ടി​ക​യു​ടെ തീ​വ്ര​പ​രി​ഷ്ക​ര​ണ​ത്തി​ന്‍റെ മ​റ​വി​ൽ 65 ല​ക്ഷം വോ​ട്ട​ർ​മാ​രെ പു​റ​ത്താ​ക്കു​ന്ന​തി​നു​മെ​തി​രേ​യാ​യി​രു​ന്നു അ​ഭൂ​ത​പൂ​ർ​വ​മാ​യ വ​ൻ ​പ്ര​തി​ഷേ​ധം. ഭ​ര​ണ​ഘ​ട​ന​യും ജ​നാ​ധി​പ​ത്യ​വും സം​ര​ക്ഷി​ക്കാ​നാ​ണു സ​മ​ര​മെ​ന്നും പി​ന്നോ​ട്ടി​ല്ലെ​ന്നും രാ​ഹു​ലും കേ​ര​ള എം​പി​മാ​രും പ​റ​ഞ്ഞു.

ഉ​ന്തും ത​ള്ളും വ​നി​താ എം​പി​മാ​രു​ടെ ബോ​ധ​ക്ഷ​യ​വും ബ​ല​പ്ര​യോ​ഗ​ത്തി​ലൂ​ടെ​യു​ള്ള ക​സ്റ്റ​ഡി​യെ​ടു​ക്ക​ലു​മൊ​ന്നും എം​പി​മാ​രെ പി​ന്തി​രി​പ്പി​ച്ചി​ല്ല. വി​ദ്യാ​ർ​ഥി-യു​വ​ജ​ന സ​മ​ര​ത്തി​ൽ കാ​ണാ​റു​ള്ള ആ​വേ​ശ​ത്തി​ലാ​യി​രു​ന്നു പ​ല​രും. മു​ൻ യു​പി മു​ഖ്യ​മ​ന്ത്രി അ​ഖി​ലേ​ഷ് യാ​ദ​വ് അ​ട​ക്ക​മു​ള്ള നേ​താ​ക്ക​ൾ പോ​ലീ​സ് ബാ​രി​ക്കേ​ഡ് ചാ​ടി​ക്ക​ട​ന്നു റോ​ഡി​ൽ കു​ത്തി​യി​രു​ന്നാ​ണ് പ്ര​തി​ഷേ​ധി​ച്ച​ത്. മ​ഹു​വ മൊ​യ്ത്ര അ​ട​ക്കം മൂ​ന്നു വ​നി​താ എം​പി​മാ​രാണ് കു​ഴ​ഞ്ഞു​വീ​ണത്. ഡ​ൽ​ഹി പോ​ലീ​സി​നു പു​റ​മെ വ​നി​ത​ക​ള​ട​ക്കം നൂ​റു​ക​ണ​ക്കി​ന് അ​ർ​ധ​സൈ​നി​ക വി​ഭാ​ഗ​ക്കാ​രെ​യും ദ്രു​ത​ക​ർ​മ സേ​ന​യെ​യു​മെ​ല്ലാം ഇ​റ​ക്കി​യി​ട്ടും രോ​ഷാ​ഗ്നി​യി​ൽ തി​ള​ച്ചു​മ​റി​യു​ക​യാ​യി​രു​ന്നു ത​ല​സ്ഥാ​ന ന​ഗ​രം.

വ​ഴി​പി​രി​ഞ്ഞ​വ​രെ​യും ഒ​ന്നി​പ്പി​ച്ചു

രാ​ജ്യ​സ​ഭ​യി​ലെ പ്ര​തി​പ​ക്ഷ നേ​താ​വ് മ​ല്ലി​കാ​ർ​ജു​ൻ ഖാ​ർ​ഗെ​യും എ​ൻ​സി​പി നേ​താ​വ് ശ​ര​ദ് പ​വാ​റും അ​ട​ക്ക​മു​ള്ള നേ​താ​ക്ക​ളും പ്രാ​യം മ​റ​ന്നാ​ണ് ഇ​ന്ന​ല​ത്തെ പ്ര​തി​ഷേ​ധമാ​ർ​ച്ചി​ൽ പ​ങ്കെ​ടു​ത്ത​ത്. അ​റ​സ്റ്റ് വ​രി​ച്ച് ബ​സി​ൽ പോ​ലീ​സ് സ്റ്റേ​ഷ​നി​ലേ​ക്കു കൊ​ണ്ടു​പോ​കു​ന്പോ​ഴും രാ​ഹു​ൽ ഗാ​ന്ധി​യും സ​ഹോ​ദ​രി പ്രി​യ​ങ്ക ഗാ​ന്ധി വ​ദ്ര​യും അ​ഖി​ലേ​ഷ് യാ​ദ​വും ഉ​ൾ​പ്പെ​ടെ​യു​ള്ള​വ​ർ ആ​വേ​ശം വി​ടാ​തെ മു​ദ്രാ​വാ​ക്യം വി​ളി​ച്ചു. ഡെ​റി​ക് ഒ​ബ്രി​യ​ൻ, ടി.​ആ​ർ. ബാ​ലു, ശ​ശി ത​രൂ​ർ, കെ.​സി. വേ​ണു​ഗോ​പാ​ൽ തു​ട​ങ്ങി​യ​വ​ർ മു​ത​ൽ ഇ​ന്ത്യ സ​ഖ്യം വി​ട്ടു​പോ​യ ആം ​ആ​ദ്മി പാ​ർ​ട്ടി​യു​ടെ സ​ഞ്ജ​യ് സിം​ഗ് അ​ട​ക്ക​മു​ള്ള 300 പ്ര​തി​പ​ക്ഷ എം​പി​മാ​രാ​ണ് ബി​ജെ​പി​ക്കു വേ​ണ്ടി​യു​ള്ള തെ​ര​ഞ്ഞെ​ടു​പ്പു ക​മ്മീ​ഷ​നെ​തി​രേ അ​ണി​നി​ര​ന്ന​ത്.

വോ​ട്ട​ർ​പ​ട്ടി​ക പ്ര​ശ്ന​ങ്ങ​ളി​ൽ വി​ട്ടു​വീ​ഴ്ച വേ​ണ്ടെ​ന്നാ​ണു കോ​ണ്‍​ഗ്ര​സ് ദേ​ശീ​യ അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ ഇ​ന്ന​ലെ രാ​ത്രി പ്ര​തി​പ​ക്ഷ എം​പി​മാ​ർ​ക്കാ​യി ന​ട​ത്തി​യ അ​ത്താ​ഴ​വി​രു​ന്നി​ലും നേ​താ​ക്ക​ളോട് വ്യ​ക്ത​മാ​ക്കി​യ​ത്. പ്ര​തി​പ​ക്ഷ എം​പി​മാ​ർ​ക്കും നേ​താ​ക്ക​ൾ​ക്കു​മാ​യി രാ​ഹു​ൽ ഗാ​ന്ധി ക​ഴി​ഞ്ഞ​യാ​ഴ്ച ന​ട​ത്തി​യ അ​ത്താ​ഴ​വി​രു​ന്നി​ലെ വി​കാ​ര​വും സ​മാ​നം. രാ​ജ്യ​ത്തെ 25 പ്ര​തി​പ​ക്ഷ പാ​ർ​ട്ടി​ക​ളാ​ണ് ബി​ജെ​പി​ക്കും തെ​ര​ഞ്ഞെ​ടു​പ്പു ക​മ്മീ​ഷ​നു​മെ​തി​രേ യോ​ജി​ച്ച പോ​രാ​ട്ട​ത്തി​നി​റ​ങ്ങി​യ​ത്. ത​ക​ർ​ച്ച​യി​ലാ​യി​രു​ന്ന ഇ​ന്ത്യ സ​ഖ്യ​ത്തെ വീ​ണ്ടും ഒ​ന്നി​പ്പി​ക്കാ​ൻ വോ​ട്ട​ർ​പ​ട്ടി​ക, വോ​ട്ടു​കൊ​ള്ള പ്ര​ശ്നം കാ​ര​ണ​മാ​യ​തും അ​പ്ര​തീ​ക്ഷി​ത​മാ​യി.

ഉ​ട​നെ കെ​ട്ട​ട​ങ്ങി​ല്ല ‘വോ​ട്ട് ചോ​രി’

തെ​ര​ഞ്ഞെ​ടു​പ്പു ക​മ്മീ​ഷ​നി​ലേ​ക്കു​ള്ള മാ​ർ​ച്ചി​നു മു​ന്പും ഉ​ച്ച​ക​ഴി​ഞ്ഞു പാ​ർ​ല​മെ​ന്‍റ് സ്ട്രീ​റ്റ് പോ​ലീ​സ് സ്റ്റേ​ഷ​നി​ൽ​നി​ന്നു വി​ട്ട​യ​ച്ച ശേ​ഷ​വും ഇ​ന്ത്യ സ​ഖ്യം എം​പി​മാ​ർ ലോ​ക്സ​ഭ​യി​ലും രാ​ജ്യ​സ​ഭ​യി​ലും പ്ര​തി​ഷേ​ധം തു​ട​ർ​ന്ന​തും സ​മീ​പ​കാ​ല​ത്തൊ​ന്നും ക​ണ്ടി​ട്ടി​ല്ല. ബി​ഹാ​ർ വോ​ട്ട​ർപ​ട്ടി​ക പ്ര​ശ്ന​വും രാ​ഹു​ൽ ഗാ​ന്ധി ചൂ​ണ്ടി​ക്കാ​ട്ടി​യ വോ​ട്ട്കൊ​ള്ള (വോ​ട്ട് ചോ​രി) പ്ര​ശ്ന​വും പാ​ർ​ല​മെ​ന്‍റി​ൽ ച​ർ​ച്ച ചെ​യ്യ​ണ​മെ​ന്ന പ്ര​തി​പ​ക്ഷ ആ​വ​ശ്യം സ​ർ​ക്കാ​ർ ത​ള്ളി. തെ​ര​ഞ്ഞെ​ടു​പ്പു ക​മ്മീ​ഷ​ന്‍റെ കാ​ര്യം ച​ർ​ച്ച ചെ​യ്യാ​നാ​കി​ല്ലെ​ന്ന തൊ​ടു​ന്യാ​യ​മാ​ണു സ​ർ​ക്കാ​ർ നി​ര​ത്തി​യ​ത്. എ​ന്നാ​ൽ, വോ​ട്ട​ർ​മാ​രു​ടെ കാ​ര്യം ച​ർ​ച്ച ചെ​യ്യേ​ണ്ട​തു ജ​നാ​ധി​പ​ത്യ​ത്തി​ൽ അ​നി​വാ​ര്യ​മാ​ണെ​ന്നു പ്ര​തി​പ​ക്ഷം പ​റ​യു​ന്നു. മു​ന്പും ഇ​ത്ത​രം വി​ഷ​യ​ങ്ങ​ൾ ച​ർ​ച്ച ചെ​യ്ത കീ​ഴ്‌വ​ഴ​ക്ക​മു​ണ്ടെ​ന്നും മു​ൻ ഉ​പ​രാ​ഷ്‌​ട്ര​പ​തി ജ​ഗ്ദീ​പ് ധ​ൻ​ക​ർ റൂ​ളിം​ഗി​ലൂ​ടെ ഇ​ക്കാ​ര്യം​പ​റ​ഞ്ഞി​ട്ടു​ണ്ടെ​ന്നും പ്ര​തി​പ​ക്ഷം ചൂ​ണ്ടി​ക്കാ​ട്ടി.

തെ​ര​ഞ്ഞെ​ടു​പ്പു ക​മ്മീ​ഷ​ന്‍റെത​ന്നെ വോ​ട്ട​ർ​പ​ട്ടി​ക ഉ​യ​ർ​ത്തി രാ​ഹു​ൽ ചൂ​ണ്ടി​ക്കാ​ട്ടിയ ‘വോ​ട്ട് ചോ​രി’ ഉ​ട​നെ കെ​ട്ട​ട​ങ്ങി​ല്ല. ബം​ഗ​ളൂ​രു സെ​ൻ​ട്ര​ൽ ലോ​ക്സ​ഭാ മ​ണ്ഡ​ല​ത്തി​ൽ​പ്പെ​ട്ട മ​ഹാ​ദേ​വ​പു​ര നി​യ​മ​സ​ഭാ മ​ണ്ഡ​ല​ത്തി​ൽ മാ​ത്രം ഒ​രു ല​ക്ഷ​ത്തി​ലേ​റെ വോ​ട്ടു​ക​ളു​ടെ കൃ​ത്രി​മം ന​ട​ന്ന​താ​യാ​ണു തെ​ളി​വു​ക​ൾ സ​ഹി​തം രാ​ഹു​ൽ സ​മ​ർ​ഥി​ച്ച​ത്. ബി​ഹാ​റി​ലെ സ​മ​ഗ്ര വോ​ട്ട​ർ​പ​ട്ടി​ക പ​രി​ഷ്ക​ര​ണ​ത്തി​ന്‍റെ (എ​സ്ഐ​ആ​ർ) പേ​രി​ൽ 65 ല​ക്ഷം വോ​ട്ട​ർ​മാ​രു​ടെ സ​മ്മ​തി​ദാ​നാ​വ​കാ​ശം റ​ദ്ദാ​ക്കു​ന്ന നീ​ക്ക​വും സം​ശ​യ​ക​രം. ബി​ജെ​പി​ക്കു വോ​ട്ടു​ചെയ്യാ​ൻ സാ​ധ്യ​ത​യി​ല്ലാ​ത്ത ന്യൂ​ന​പ​ക്ഷ​ങ്ങ​ളു​ടെ പേ​രു​ക​ളാ​ണു നീ​ക്കി​യ​തെ​ന്നു പ്ര​തി​പ​ക്ഷം പ​റ​യു​ന്നു.

ആ​രു​ടെ​യും വാ​ലാ​ക​രു​ത് ക​മ്മീ​ഷ​ൻ

ജ​നാ​ധി​പ​ത്യ​ത്തി​ന്‍റെ അ​ടി​ത്ത​റ ത​ക​ർ​ക്കു​ന്ന സം​ഭ​വ​വി​കാ​സ​ങ്ങ​ളാ​ണു രാ​ജ്യ​ത്താ​കെ കോ​ളി​ള​ക്ക​മാ​യ​ത്. ഒ​രാ​ൾ​ക്ക് ഒ​രു വോ​ട്ട് എ​ന്ന അ​ടി​സ്ഥാ​ന ത​ത്വം പാ​ലി​ച്ചേ മ​തി​യ​ാകൂ. തെ​ര​ഞ്ഞെ​ടു​പ്പു​ക​ളു​ടെ വി​ശ്വാ​സ്യ​ത​യെ​ക്കു​റി​ച്ചു​ള്ള ആ​ശ​ങ്ക​ക​ൾ പ​രി​ഹ​രി​ക്ക​ണ​മെ​ന്ന് കോ​ണ്‍​ഗ്ര​സ് എം​പി ഡോ. ​ശ​ശി ത​രൂ​ർ ആ​വ​ശ്യ​പ്പെ​ട്ട​ത് ഇ​തേ കാ​ര​ണ​ത്താ​ലാ​ണ്. തെ​ര​ഞ്ഞെ​ടു​പ്പു​ക​ളെ​ക്കു​റി​ച്ചു പൊ​തു​ജ​ന​ങ്ങ​ളു​ടെ മ​ന​സി​ൽ ഒ​രു സം​ശ​യ​വും അ​വ​ശേ​ഷി​ക്ക​രു​തെ​ന്ന ഉ​ത്ത​ര​വാ​ദി​ത്വം​കൂ​ടി ക​മ്മീ​ഷ​നു​ണ്ടെ​ന്ന് ത​രൂ​ർ ഓ​ർ​മി​പ്പി​ക്കു​ന്നു.

ഡ്യൂ​പ്ലി​ക്ക​റ്റ് വോ​ട്ടിം​ഗ്, വ്യാ​ജവോ​ട്ടു​ക​ൾ, ഒ​രേ വി​ലാ​സ​ത്തി​ലെ വോ​ട്ട​ർ​മാ​ർ, ക​ന്നി​വോ​ട്ട​ർ​മാ​രു​ടെ പേ​രി​ലെ ത​ട്ടി​പ്പു​ക​ൾ തു​ട​ങ്ങി വ്യ​ക്ത​മാ​യ ഫോ​ട്ടോ​യും വിലാസവും ഇ​ല്ലാ​ത്ത​വ അ​ട​ക്കം പ്ര​തി​പ​ക്ഷ നേ​താ​വ് ചൂ​ണ്ടി​ക്കാ​ട്ടി​യ കാ​ര്യ​ങ്ങ​ളി​ലൊ​ന്നും വ്യ​ക്ത​മാ​യ ഉ​ത്ത​രം ഇ​നി​യു​മി​ല്ല. ഒ​രാ​ൾ​ക്കു താ​മ​സി​ക്കാ​വു​ന്ന ഒ​റ്റ​മു​റി വി​ലാ​സ​ത്തി​ൽ 80 വോ​ട്ടു​ക​ൾ ചേ​ർ​ത്ത​താ​യി രാ​ഹു​ൽ പ​റ​ഞ്ഞ​തു ശ​രി​യാ​ണെ​ന്നു തെ​ളി​ഞ്ഞു. ശ​കു​ൻ റാ​ണി​യെ​ന്ന​യാ​ൾ​ക്കു വോ​ട്ട​ർ​പ​ട്ടി​ക​യി​ൽ ഡ്യൂ​പ്ലി​ക്ക​റ്റ് വോ​ട്ട് ഉ​ണ്ടെ​ന്നും ര​ണ്ടു രീ​തി​യി​ലു​ള്ള ഫോ​ട്ടോ ഉ​പ​യോ​ഗി​ച്ച് ഇ​വ​ർ ര​ണ്ടു വോ​ട്ട​ർ തി​രി​ച്ച​റി​യ​ൽ കാ​ർ​ഡു​ക​ൾ ഉ​ണ്ടാ​ക്കി​യെ​ന്ന​തും ശ​രി​യാ​ണെ​ന്നു തെ​ളി​ഞ്ഞു.


മ​ഹാ​ദേ​വ​പു​ര​യി​ലെ 341-ാം ന​ന്പ​ർ ബൂ​ത്തി​ൽ ശ​കു​ൻ റാ​ണി ര​ണ്ടു ത​വ​ണ വോ​ട്ട് ചെ​യ്ത​തി​ന്‍റെ രേ​ഖ രാ​ഹു​ൽ പ്ര​ദ​ർ​ശി​പ്പി​ച്ചി​രു​ന്നു. എ​ന്നാ​ൽ, ഒ​രു വോ​ട്ട് മാ​ത്ര​മേ ചെ​യ്തു​ള്ളൂ​വെ​ന്ന് ശ​കു​ൻ റാ​ണി പ​റ​ഞ്ഞു​വെ​ന്നാ​ണു തെ​ര​ഞ്ഞെ​ടു​പ്പു ക​മ്മീ​ഷ​ന്‍റെ തൊ​ടു​ന്യാ​യം. ര​ണ്ടാ​മ​ത്തെ വോ​ട്ട് ആ​രാ​ണു ചെ​യ്ത​തെ​ന്നു ക​മ്മീ​ഷ​ൻ പ​റ​യു​ന്നു​മി​ല്ല. ശ​കു​ൻ റാ​ണി​യി​ൽ​നി​ന്നു സ​ത്യ​വാ​ങ്മൂ​ലം ഒ​പ്പി​ട്ടു വാ​ങ്ങാ​തെ​യാ​ണി​ത്. വോ​ട്ടെ​ടു​പ്പു ക​ഴി​ഞ്ഞു മാ​സ​ങ്ങ​ൾ​ക്കു ശേ​ഷം ഏ​തെ​ങ്കി​ലു​മൊ​രു വോ​ട്ട​റോ​ട് ര​ണ്ടു വോ​ട്ട് ചെ​യ്തോ​യെ​ന്നു ചോ​ദി​ക്കാ​ൻ തെ​ര​ഞ്ഞെ​ടു​പ്പു ക​മ്മീ​ഷ​നു ച​ട്ട​മി​ല്ല. എ​ന്നി​ട്ടും ബി​ജെ​പി വ​ക്താ​വി​ന്‍റെ പ്ര​സ്താ​വ​ന പോ​ലെ​യാ​ണു തെ​ര​ഞ്ഞെ​ടു​പ്പു ക​മ്മീ​ഷ​ൻ ശ​കു​ൻ റാ​ണി​യെ ഉ​ദ്ധ​രി​ച്ച് പ്ര​തി​പ​ക്ഷ നേ​താ​വി​നോ​ടു മ​റു​ചോ​ദ്യം ഉ​ന്ന​യി​ച്ച​ത്.

തെ​ര​ഞ്ഞെ​ടു​പ്പു ക​മ്മീ​ഷ​ൻ കോ​ട​തി​യ​ല്ല

രാ​ജ്യ​ത്തെ പ്ര​തി​പ​ക്ഷ നേ​താ​വി​നോ​ടു സ​ത്യ​വാ​ങ്മൂ​ലം ഒ​പ്പി​ട്ടു ന​ൽ​കി തെ​ളി​വു ഹാ​ജ​രാ​ക്ക​ണ​മെ​ന്ന് തെ​ര​ഞ്ഞെ​ടു​പ്പു ക​മ്മീ​ഷ​ൻ ആ​വ​ശ്യ​പ്പെ​ട്ട​താ​ണു ത​മാ​ശ. വോ​ട്ട​ർപ​ട്ടി​ക​യി​ൽ കൃ​ത്രി​മ​ത്തെ​ക്കു​റി​ച്ചു പ​രാ​തി എ​ഴു​തി ഒ​പ്പി​ട്ടു ന​ൽ​ക​ണ​മെ​ന്ന ക​മ്മീ​ഷ​ന്‍റെ ആ​വ​ശ്യം നി​ര​ർ​ഥ​ക​മാ​ണെ​ന്ന് ലോ​ക്സ​ഭ​യു​ടെ മു​ൻ സെ​ക്ര​ട്ട​റി ജ​ന​റ​ലും ഭ​ര​ണ​ഘ​ട​നാ നി​യ​മ വി​ദ​ഗ്ധ​നു​മാ​യ പി.​ഡി.​ടി. ആ​ചാ​രി ചൂ​ണ്ടി​ക്കാ​ട്ടി. ക​ര​ടു പ​ട്ടി​ക പ്ര​സി​ദ്ധീ​ക​രി​ച്ച് 30 ദി​വ​സ​ത്തി​നു​ശേ​ഷം മാ​ത്ര​മേ ഈ ​നി​യ​മ​ങ്ങ​ൾ ബാ​ധ​ക​മാ​കൂ. ഇ​പ്പോ​ഴ​ത്തെ സാ​ഹ​ച​ര്യ​ത്തി​ൽ ഈ ​നി​യ​മ​ങ്ങ​ൾ ബാ​ധ​ക​മ​ല്ലെ​ന്ന് ആ​ചാ​രി പ​റ​ഞ്ഞു.

ക​ര​ടു വോ​ട്ട​ർ​പ​ട്ടി​ക പ്ര​സി​ദ്ധീ​ക​രി​ച്ച് 30 ദി​വ​സ​ത്തി​നു​ള്ളി​ൽ പ​രാ​തി സ​മ​ർ​പ്പി​ച്ചാ​ൽ മാ​ത്ര​മേ സാ​ധു​ത​യു​ള്ളൂ. അ​തി​നാ​ൽ​ത​ന്നെ, പ​രാ​തി​യും തെ​ളി​വു​ക​ളും സ​ത്യ​പ്ര​സ്താ​വ​ന​യാ​യി സ​മ​ർ​പ്പി​ക്കാ​ൻ ആ​വ​ശ്യ​പ്പെ​ട്ട് ക​ർ​ണാ​ട​ക, മ​ഹാ​രാ​ഷ്‌​ട്ര, ഹ​രി​യാ​ന ചീ​ഫ് ഇ​ല​ക്‌​ട​റ​ൽ ഓ​ഫീ​സ​ർ​മാ​രു​ടെ ആ​വ​ശ്യം​ത​ന്നെ അ​തി​ശ​യി​പ്പി​ക്കു​ന്ന​താ​ണ്. തെ​ര​ഞ്ഞെ​ടു​പ്പു ക​മ്മീ​ഷ​ൻ കോ​ട​തിയ​ല്ലെ​ന്ന് മു​ൻ കേ​ന്ദ്ര​മ​ന്ത്രി പി. ​ചി​ദം​ബ​രം ഓ​ർ​മി​പ്പി​ച്ച​തും ശ​രി​യാ​ണ്. ഹ​ർ​ജി​ക​ളും പ​രാ​തി​ക​ളും സ്വീ​ക​രി​ക്കു​ന്ന​തി​ൽ കോ​ട​തി​യെ​പ്പോ​ലെ പെ​രു​മാ​റാ​ൻ ക​ഴി​യി​ല്ല. സ്വ​ത​ന്ത്ര​വും നീ​തി​യു​ക്ത​വു​മാ​യ തെ​ര​ഞ്ഞെ​ടു​പ്പു ന​ട​ത്തു​ന്ന​തി​ന് ഉ​ത്ത​ര​വാ​ദി​ത്വ​മു​ള്ള ഭ​ര​ണസ്ഥാ​പ​ന​മാ​ണി​ത്.

എ​ല്ലാം അ​നു​കൂ​ല​മാ​ക്കി ബി​ജെ​പി

പോ​ളിം​ഗ് ബൂ​ത്തി​ലെ സി​സി​ടി​വി, വെ​ബ്കാ​സ്റ്റിം​ഗ്, വീ​ഡി​യോ, ഫോ​ട്ടോ എ​ന്നീ തെ​ളി​വു​ക​ൾ ക​മ്മീ​ഷ​ന്‍റെ പ​ക്ക​ലാ​ണു​ള്ള​ത്. ഈ ​തെ​ളി​വു​ക​ൾ 45 ദി​വ​സ​ത്തി​ന​കം ന​ശി​പ്പി​ക്കാ​ൻ നി​ർ​ദേ​ശി​ച്ച​തും ക​മ്മീ​ഷ​നാ​ണ്. തെ​ളി​വു ന​ശി​പ്പി​ക്കാ​നാ​ണി​തെ​ന്ന​താ​ണു ഗു​രു​ത​ര പ്ര​ശ്നം. ഉ​ള്ള തെ​ളി​വു​ക​ൾകൂ​ടി ന​ശി​പ്പി​ച്ച ശേ​ഷം പ​രാ​തി ഉ​ന്ന​യി​ച്ച​യാ​ളോ​ടു തെ​ളി​വു ഹാ​ജ​രാ​ക്കാ​ൻ നി​ർ​ദേ​ശി​ച്ച​തി​ലെ കാ​പ​ട്യ​വും ക​ള്ള​വും വ്യ​ക്തം. തെ​ര​ഞ്ഞെ​ടു​പ്പു ക​മ്മീ​ഷ​ന്‍റെ​ത​ന്നെ വോ​ട്ട​ർ​പ​ട്ടി​ക​യി​ലെ ക്ര​മ​ക്കേ​ടു​ക​ളാ​ണു രാ​ഹു​ൽ അ​ക്ക​മി​ട്ടു നി​ര​ത്തി​യ​ത്. വോ​ട്ടു​കൊ​ള്ള തെ​റ്റാ​ണെ​ന്നു തെ​ളി​യി​ക്കാ​ൻ ക​മ്മീ​ഷ​ന് ഇ​നി​യും ക​ഴി​ഞ്ഞി​ട്ടി​ല്ല. ആ​രോ​പ​ണ​ങ്ങ​ൾ ശ​രി​യാ​ണെ​ന്നു സ​മ്മ​തി​ക്കു​ന്ന​തി​നു തു​ല്യ​മാ​ണി​ത്.

തെ​ര​ഞ്ഞെ​ടു​പ്പു ക​മ്മീ​ഷ​ണ​ർ​മാ​രു​ടെ മൂ​ന്നം​ഗ നി​യ​മ​ന സ​മി​തി​യി​ൽ​നി​ന്നു സു​പ്രീം​കോ​ട​തി ചീ​ഫ് ജ​സ്റ്റീ​സി​നെ നീ​ക്കാ​നാ​യി പ്ര​ത്യേ​ക നി​യ​മം പാ​സാ​ക്കി​യ​തും ബോ​ധ​പൂ​ർ​വ​മാ​ണ്. പ്ര​ധാ​ന​മ​ന്ത്രി ന​രേ​ന്ദ്ര മോ​ദിയും അ​മി​ത് ഷാ​യും ചേ​ർ​ന്നു നി​യ​മി​ച്ച​താ​ണ് തെ​ര​ഞ്ഞെ​ടു​പ്പ് ക​മ്മീ​ഷ​ണ​ർ​മാ​രെ. ബി​ജെ​പി​ക്കുവേ​ണ്ടി ന​ട​പ്പാ​ക്കി​യ കോ​ടി​ക​ളു​ടെ ഇ​ല​ക്‌​ട​റ​ൽ ബോ​ണ്ടു​ക​ൾ സു​പ്രീം​കോ​ട​തി റ​ദ്ദാ​ക്കി​യ​തും മ​റ​ക്ക​രു​ത​ല്ലോ.

വി​ശ്വാ​സ്യ​ത ന​ഷ്ട​മാ​യാ​ൽ ദു​ര​ന്തം

പ്ര​ധാ​ന​മ​ന്ത്രി​യു​ടേ​തി​നു സ​മാ​ന​മാ​യ സ്ഥാ​ന​മാ​ണു പാ​ർ​ല​മെ​ന്‍റ​റി ജ​നാ​ധി​പ​ത്യ​ത്തി​ൽ പ്ര​തി​പ​ക്ഷ നേ​താ​വി​ന്‍റേ​ത്. പ്ര​തി​പ​ക്ഷ നേ​താ​വ് പാ​ർ​ല​മെ​ന്‍റി​ലും പു​റ​ത്തും പ​റ​ഞ്ഞ കാ​ര്യ​ങ്ങ​ളി​ൽ അ​ന്വേ​ഷ​ണ​ത്തി​ന് ഉ​ത്ത​ര​വി​ടാ​ൻ തെ​ര​ഞ്ഞെ​ടു​പ്പു ക​മ്മീ​ഷ​നു ത​ട​സ​മി​ല്ല. സാ​ങ്കേ​തി​ക ത​ട​സം ഉ​യ​ർ​ത്തി ഒ​ളി​ക്കാ​ന​ല്ല ക​മ്മീ​ഷ​ൻ ശ്ര​മി​ക്കേ​ണ്ട​ത്. മു​ൻ തെ​ര​ഞ്ഞെ​ടു​പ്പു ക​മ്മീ​ഷ​ണ​ർ​മാ​രെ അ​ന്വേ​ഷ​ണ​ത്തി​നു നി​യോ​ഗി​ച്ചാ​ൽ ക​മ്മീ​ഷ​ന്‍റെ വി​ശ്വാ​സ്യ​ത​യാ​കും ഉ​യ​രു​ക. തെ​ളി​വു ന​ശി​പ്പി​ച്ച ശേ​ഷം കു​റ്റാ​രോ​പി​ത​ർ ന​ട​ത്തു​ന്ന അ​ന്വേ​ഷ​ണ​ത്തി​ന് പ്ര​സ​ക്തി​യി​ല്ലെ​ന്ന പ്ര​ശ്ന​മു​ണ്ട്.

പ്ര​തി​പ​ക്ഷ നേ​താ​വ് ഉ​ന്ന​യി​ച്ച ആ​ശ​ങ്ക​ക​ൾ​ക്കു വി​ശ്വ​സ​നീ​യ​മാ​യ രീ​തി​യി​ൽ ഉ​ത്ത​ര​ങ്ങ​ൾ തെ​ര​ഞ്ഞെ​ടു​പ്പു ക​മ്മീ​ഷ​ൻ രാ​ജ്യ​ത്തെ അ​റി​യി​ക്കേ​ണ്ട​തു​ണ്ട്. സം​ശ​യം ദൂരീ​ക​രി​ക്കാ​നും തെ​ര​ഞ്ഞെ​ടു​പ്പു​ക​ളു​ടെ വി​ശ്വാ​സ്യ​ത ജ​ന​ങ്ങ​ളെ ബോ​ധ്യ​പ്പെ​ടു​ത്താ​നും ക​ഴി​യ​ണം. അ​തി​നു പ​ക​രം സാ​ങ്കേ​തി​ക​ത്വം ഉ​യ​ർ​ത്തു​ന്പോ​ൾ രാ​ഹു​ൽ പ​റ​ഞ്ഞ​തു ശ​രി​യാ​ണെ​ന്നു ജ​നം ക​രു​തും. ജ​ന​വി​ധി അ​ട്ടി​മ​റി​ക്ക​പ്പെ​ടാ​ൻ സാ​ധ്യ​ത​യു​ണ്ടെ​ന്ന സം​ശ​യം പോ​ലും ദു​ര​ന്ത​മാ​കും. തെ​ര​ഞ്ഞെ​ടു​പ്പു​ക​ളു​ടെ വി​ശ്വാ​സ്യ​ത വീ​ണ്ടെ​ടു​ത്തി​ല്ലെ​ങ്കി​ൽ ജ​നാ​ധി​പ​ത്യ​വും ഭ​ര​ണ​ഘ​ട​ന​യും അ​ർ​ഥ​മി​ല്ലാ​ത്തതാ​കും.