ദീ​പി​ക​യി​ൽ ഒ​ന്ന​ര ദ​ശാ​ബ്ദ​ത്തോ​ളം പ​ത്രാ​ധി​പ​സ​മി​തി​യം​ഗം ആ​യി​രു​ന്ന​ശേ​ഷ​മാ​ണ് ഞാ​ൻ സ​ർ​ക്കാ​ർ സ​ർ​വീ​സി​ലെ​ത്തു​ന്ന​തും തു​ട​ർ​ന്ന് 2004ൽ ​മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യു​ടെ പ്ര​സ് സെ​ക്ര​ട്ട​റി​യാ​യി ചു​മ​ത​ല​യേ​ല്ക്കു​ന്ന​തും. തി​ക​ച്ചും ആ​ക​സ്മി​ക​മാ​യി കി​ട്ടി​യ അ​വ​സ​രം വി​നി​യോ​ഗി​ക്കാ​നു​ള്ള ആ​ത്മ​വി​ശ്വാ​സം ഉ​ണ്ടാ​യ​ത് ദീ​പി​ക​യി​ൽ​നി​ന്നു ല​ഭി​ച്ച പ​രി​ശീ​ല​ന​വും അ​നു​ഭ​വ​സ​മ്പ​ത്തും മൂ​ല​മാ​ണ്. കം​പ്യൂ​ട്ട​റി​ൽ പ​ത്രം ആ​ദ്യം ത​യാ​റാ​ക്കി​യ​തും ഓ​ണ്‍​ലൈ​ൻ പ​ത്രം തു​ട​ങ്ങി​യ​തും ദീ​പി​ക​യാ​ണ​ല്ലോ. എ​ഡി​റ്റ​ർ​മാ​ർ സ്വ​ന്ത​മാ​യി ടൈ​പ് ചെ​യ്യ​ണ​മെ​ന്നു നി​ഷ്ക​ർ​ഷി​ച്ച​തും ദീ​പി​ക​യാ​ണ്.

ചെ​ന്ന​തി​ന്‍റെ തൊ​ട്ട​ടു​ത്ത ദി​വ​സം ത​ന്നെ സു​കു​മാ​ർ അ​ഴീ​ക്കോ​ടി​ന് മ​റു​പ​ടി ത​യാ​റാ​ക്ക​ണം എ​ന്ന ജോ​ലി​യാ​ണ് ആ​ദ്യം കി​ട്ടി​യ​ത്. മാ​ഷി​നാ​യി​രു​ന്നു ആ ​വ​ർ​ഷ​ത്തെ എ​ഴു​ത്ത​ച്ഛ​ൻ പു​ര​സ്കാ​രം. അ​ദ്ദേ​ഹ​മ​ത് മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യി​ൽ​നി​ന്ന് സ്വീ​ക​രി​ക്കി​ല്ലെ​ന്നു പ്ര​ഖ്യാ​പി​ച്ചു. കോ​ഴി​ക്കോ​ട് ജ​യി​ലി​ന​ടു​ത്തു​ള്ള ഒ​രു കെ​ട്ടി​ടം മു​ഖ്യ​മ​ന്ത്രി ഉ​ദ്ഘാ​ട​നം ചെ​യ്യു​ന്ന​തി​ൽ പ്ര​തി​ഷേ​ധി​ച്ചാ​യി​രു​ന്നു അ​ത്. ച​ട്ടം ലം​ഘി​ച്ചാ​ണ് കെ​ട്ടി​ടം നി​ർ​മി​ച്ച​ത് എ​ന്നാ​ണ് മാ​ഷി​ന്‍റെ നി​ല​പാ​ട്. മ​ഹാ​പ​ണ്ഡി​ത​നാ​യ മാ​ഷി​നെ അ​നു​ന​യി​പ്പി​ക്കാ​ൻ എ​ന്തെ​ഴു​ത​ണം എ​ന്നാ​യി​രു​ന്നു എ​ന്‍റെ സ​മ​സ്യ. കോ​ഴി​ക്കോ​ട് ജി​ല്ലാ ക​ള​ക്ട​റി​ൽ​നി​ന്നു പ​ര​മാ​വ​ധി വി​ശ​ദാം​ശ​ങ്ങ​ൾ സ​മാ​ഹ​രി​ച്ച്, ച​ട്ട​ലം​ഘ​നം ന​ട​ന്നി​ട്ടി​ല്ല എ​ന്നു തെ​ളി​യി​ക്കാ​നാ​യി​രു​ന്നു എ​ന്‍റെ ശ്ര​മം. അ​ങ്ങ​നെ ത​യാ​റാ​ക്കി​യ ക​ത്തി​ന്‍റെ ക​ര​ടു​മാ​യി ഞാ​ൻ മു​ഖ്യ​മ​ന്ത്രി​യു​ടെ അ​ടു​ത്തെ​ത്തി. അ​ദ്ദേ​ഹം പ​തി​വു​പോ​ലെ ആ​ൾ​ക്കൂ​ട്ട​ത്തി​ന്‍റെ ന​ടു​വി​ലാ​ണ്. ക​ത്ത് ഓ​ടി​ച്ചു​നോ​ക്കി​യി​ട്ട് അ​ദ്ദേ​ഹം ക​സേ​ര​യി​ലി​രു​ന്നു. പി​ന്നെ പേ​ന​യെ​ടു​ത്ത് ഒ​രു ഖ​ണ്ഡി​ക എ​ഴു​തി​ച്ചേ​ർ​ത്തു: “എ​ഴു​ത്ത​ച്ഛ​ൻ പു​ര​സ്കാ​രം എ​ന്‍റെ കൈ​യി​ൽ​നി​ന്നു വാ​ങ്ങി​ല്ലെ​ന്ന് മാ​ധ്യ​മ​ങ്ങ​ളി​ലൂ​ടെ അ​റി​യാ​ൻ ക​ഴി​ഞ്ഞു. അ​ത് അ​ങ്ങ​യു​ടെ പൂ​ർ​ണ​മാ​യ സ്വാ​ത​ന്ത്ര്യ​ത്തി​ലു​ള്ള കാ​ര്യ​മാ​ണ്. മ​ല​യാ​ളഭാ​ഷ​യു​ടെ പി​താ​വാ​യ എ​ഴു​ത്ത​ച്ഛ​ന്‍റെ പേ​രി​ലു​ള്ള പു​ര​സ്കാ​രം അ​ങ്ങേ​ക്കു ത​ന്നെ ല​ഭി​ക്ക​ണ​മെ​ന്ന് ഉ​റ​ച്ചു വി​ശ്വ​സി​ക്കു​ന്ന ആ​ളാ​ണ് ഞാ​ൻ. അ​ത് ആ​രു​ടെ കൈ​യി​ൽ​നി​ന്നു വാ​ങ്ങു​മെ​ന്നു പ​റ​ഞ്ഞാ​ൽ അ​തും അ​നു​സ​രി​ക്കാ​ൻ ത​യാ​റാ​ണ്. അ​ല്ലെ​ങ്കി​ൽ അ​ങ്ങ​യു​ടെ വീ​ട്ടി​ൽ പു​ര​സ്കാ​രം എ​ത്തി​ക്കാ​നു​ള്ള ഏ​ർ​പ്പാ​ടു​ക​ൾ ചെ​യ്യാ​ൻ ഒ​രു​ക്ക​മാ​ണെ​ന്നും അ​റി​യി​ക്ക​ട്ടെ.”

ഒ​രു മാ​സ്റ്റ​ർ സ്ട്രോ​ക്ക്. അ​ഴീ​ക്കോ​ട് മാ​ഷ് വ​ഴ​ങ്ങി. അ​ദ്ദേ​ഹം സെ​ക്ര​ട്ടേ​റി​യ​റ്റി​ലെ ദ​ർ​ബാ​ർ ഹാ​ളി​ൽ വ​ന്ന് മു​ഖ്യ​മ​ന്ത്രി​യി​ൽ​നി​ന്ന് അ​വാ​ർ​ഡ് വാ​ങ്ങി. ഉ​മ്മ​ൻ ചാ​ണ്ടി​യെ​ക്കു​റി​ച്ച് ന​ല്ല വാ​ക്കു​ക​ൾ പ​റ​ഞ്ഞു. സ​മ്മാ​ന​മാ​യി ല​ഭി​ച്ച ഒ​രു ല​ക്ഷം രൂ​പ മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ​നി​ധി​യി​ലേ​ക്കു സം​ഭാ​വ​ന ചെ​യ്തു. എ​നി​ക്കും പ്ര​യോ​ജ​നം കി​ട്ടി; 2006ൽ ​ഞാ​ൻ എ​ഴു​തി​യ "തു​റ​ന്നി​ട്ട വാ​തി​ൽ' എ​ന്ന ഉ​മ്മ​ൻ ചാ​ണ്ടി​യു​ടെ ജീ​വ​ച​രി​ത്ര​ത്തി​നു മ​നോ​ഹ​ര​മാ​യ അ​വ​താ​രി​ക​ എ​ഴു​തി​ത്ത​ന്നു.

ഞാ​ൻ ഒ​രു വി​സ്മ​യ​ത്തി​ന്‍റെ കൂ​ടെ​യാ​ണ് ജീ​വി​ക്കാ​ൻ പോ​കു​ന്ന​തെ​ന്ന് മ​ന​സി​ൽ അ​ന്നു കു​റി​ച്ചി​ട്ട​താ​ണ്. അ​ദ്ദേ​ഹം മ​ര​ണ​മ​ട​ഞ്ഞ 2023 ജൂ​ലൈ 18 വ​രെ ഇ​ത്ത​രം വി​സ്മ​യ​ക്കാ​ഴ്ച​ക​ൾ അ​ടു​ത്തു നി​ന്നു കാ​ണാ​ൻ ക​ഴി​ഞ്ഞു. അ​ന്ത്യ​വി​ശ്ര​മം കൊ​ള്ളു​മ്പോ​ൾ പോ​ലും അ​ദ്ദേ​ഹ​മൊ​രു മ​ഹാ​വി​സ്മ​യ​മാ​യി​രു​ന്നു. മ​ര​ണാ​ന​ന്ത​ര ബ​ഹു​മ​തി​യാ​യി ന​ല്കു​ന്ന ഗ​ണ്‍ സ​ല്യൂ​ട്ട് വേ​ണ്ടെ​ന്ന് നി​ർ​ദേ​ശി​ച്ചി​ട്ടാ​ണ് മു​ൻ മു​ഖ്യ​മ​ന്ത്രി ക​ണ്ണ​ട​ച്ച​ത്. പ​ക​രം, ജ​ന​ല​ക്ഷ​ങ്ങ​ൾ അ​ദ്ദേ​ഹ​ത്തി​ന് ഹൃ​ദ​യ​സ​ല്യൂ​ട്ട് ന​ല്കി​യാ​ണ് വി​ട​ചൊ​ല്ലി​യ​ത്.

നി​മി​ഷ​പ്രി​യ

യെ​മ​നി​ൽ മ​ല​യാ​ളി ന​ഴ്സ് നി​മി​ഷ​പ്രി​യ​യു​ടെ വ​ധ​ശി​ക്ഷ ഒ​ഴി​വാ​ക്കാ​ൻ ശ്ര​മി​ക്കു​മ്പോ​ൾ, ഉ​മ്മ​ൻ ചാ​ണ്ടി ഉ​ണ്ടാ​യി​രു​ന്നെ​ങ്കി​ൽ എ​ന്ന് ആ​ഗ്ര​ഹി​ച്ചു​പോ​കു​ന്നു. രോ​ഗ​ഗ്ര​സ്ത​നാ​യു​ള്ള അ​വ​സാ​ന​നാ​ളു​ക​ളി​ൽ​പ്പോ​ലും അ​ദ്ദേ​ഹം നി​മി​ഷ​പ്രി​യ​യു​ടെ മോ​ച​ന​ത്തി​നു ശ്ര​മി​ച്ച​താ​ണ്. ശ​ബ്ദം തീ​രെ ദു​ർ​ബ​ല​മാ​യി​രി​ക്കു​മ്പോ​ഴും പ​ല​രെ​യും ഫോ​ണി​ൽ വി​ളി​ക്കു​ക​യും ഇ​ട​പെ​ടാ​ൻ ശ്ര​മി​ക്കു​ക​യു​മൊ​ക്കെ ചെ​യ്തു. അ​ദ്ദേ​ഹം വി​ദേ​ശ​ത്തു വ​ധ​ശി​ക്ഷ​യ്ക്കു വി​ധി​ക്ക​പ്പെ​ട്ട എ​ത്ര​യോ മ​ല​യാ​ളി​ക​ളെ തൂ​ക്കു​ക​യ​റി​ൽ​നി​ന്ന് ഊ​രി​ക്കൊ​ണ്ടു വ​ന്നു. സൗ​ദി​യി​ൽ തൂ​ക്കു​മ​ര​ത്തി​ലേ​ക്കു ന​ട​ന്നു​നീ​ങ്ങി​യ കൊ​ല്ലം പ​ള്ളി​മു​ക്ക് സ്വ​ദേ​ശി​ക​ളാ​യ മൂ​ന്നു​പേ​രെ ര​ക്ഷി​ക്ക​ണമെ​ന്നാ​വ​ശ്യ​പ്പെ​ട്ട് ബ​ന്ധു​ക്ക​ൾ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യു​ടെ ഓ​ഫീ​സി​ലെ​ത്തി​യ​പ്പോ​ൾ അ​ദ്ദേ​ഹം ‘സോ​ളാ​റിന്‍റെ’ ചൂ​ടി​ൽ നി​ന്നു​രു​കു​ക​യാ​യി​രു​ന്നു. സൊ​മാ​ലി​യ​ൻ കൊ​ള്ള​ക്കാ​രു​ടെ പി​ടി​യി​ൽ​നി​ന്ന് കൂ​ത്താ​ട്ടു​കു​ളം സ്വ​ദേ​ശി ജോ​ർ​ജ് ജോ​സ​ഫി​നെ ര​ക്ഷി​ക്കാ​നു​ള്ള ക​ത്ത് പ്ര​ധാ​ന​മ​ന്ത്രി​ക്കു ത​യാ​റാ​ക്കി ന​ല്കി​യ​ത് കൊ​ച്ചി​യി​ൽ ആ​ഗോ​ള സം​ഗ​മ​ത്തി​നി​ട​യി​ലാ​ണ്. ഒ​രി​ക്ക​ൽ, ദു​ബാ​യ് സ​ന്ദ​ർ​ശ​ന​ത്തി​നി​ടെ അ​നേ​കം ഔ​ദ്യോ​ഗി​ക പ​രി​പാ​ടി​ക്കി​ട​യിലും പ്രാ​മു​ഖ്യം ന​ല്കി​യ​ത് അ​വി​ടെ ജ​യി​ലി​ൽ ക​ഴി​യു​ന്ന ജോ​യി ജോ​സ​ഫി​ന്‍റെ മോ​ച​ന​ത്തി​നാ​യി​രു​ന്നു. കു​വൈ​റ്റ് ജ​യി​ലി​ൽ വ​ധ​ശി​ക്ഷ കാ​ത്തു​കി​ട​ന്ന ആ​ല​പ്പു​ഴ തോ​ട്ട​പ്പ​ള്ളി സി​മി​ലി​നെ​യും, സൗ​ദി ജ​യി​ലി​ൽ സ​മാ​ന​മാ​യ അ​വ​സ്ഥ​യി​ലൂ​ടെ ക​ട​ന്നു​പോ​യ ച​ങ്ങ​നാ​ശേ​രി സ്വ​ദേ​ശി സി​നോ​യ് മാ​ത്യു​വി​നെ​യും ചേ​ർ​ത്തു​പി​ടി​ച്ചു. ഇ​വ​ർ​ക്കെ​ല്ലാം ബ്ല​ഡ് മ​ണി ഏ​ർ​പ്പാ​ടാ​ക്കി​യും ത​ന്‍റെ വി​പു​ല​മാ​യ നെ​റ്റ്‌​വ​ർ​ക്ക് ഉ​പ​യോ​ഗി​ച്ചു​മാ​ണ് മോ​ച​നം സാ​ധ്യ​മാ​ക്കി​യ​ത്.


ഇ​റാ​ഖി​ലെ തി​ക്രി​ത്തി​ൽ​നി​ന്ന് മ​ല​യാ​ളി ന​ഴ്സു​മാ​രു​ടെ മോ​ച​നം സാ​ധി​ച്ച​ത് ഉ​മ്മ​ൻ ചാ​ണ്ടി ദി​വ​സ​ങ്ങ​ളോ​ളം ന​ട​ത്തി​യ ക​ഠി​നാ​ധ്വാ​ന​ത്തി​ലൂടെയാ​ണ്. അ​ദ്ദേ​ഹം ഡ​ൽ​ഹി​യി​ൽ ത​മ്പ​ടി​ച്ച് വി​ദേ​ശ​കാ​ര്യ​മ​ന്ത്രി സു​ഷ​മ സ്വ​രാ​ജു​മാ​യി സ​ഹ​ക​രി​ച്ചു ന​ട​ത്തി​യ ഓ​പ്പ​റേ​ഷ​നാ​യി​രു​ന്നു അ​ത്. ന​ഴ്സു​മാ​ർ താ​മ​സി​ക്കു​ന്ന കെ​ട്ടി​ട​ത്തി​ൽ സ്ഫോ​ട​ക​വ​സ്തു​ക്ക​ൾ വ​ച്ചി​ട്ടു​ണ്ടെ​ന്നും ബ​സി​ൽ ക​യ​റി​യാ​ൽ സു​ര​ക്ഷി​ത​മാ​യ സ്ഥ​ല​ത്ത് എ​ത്തി​ക്കാ​മെ​ന്നും പ​റ​ഞ്ഞ് ഭീ​ക​ര​ർ വ​ന്ന​തോ​ടെ​യാ​ണ് മ​റീ​ന ജോ​സ് എ​ന്ന ന​ഴ്സ് മു​ഖ്യ​മന്ത്രി ഉ​മ്മ​ൻ ചാ​ണ്ടി​യെ വി​ളി​ക്കു​ന്ന​ത്. ന​ഴ്സു​മാ​രെ ത​ട്ടി​ക്കൊ​ണ്ടു​പോ​കാ​നാ​ണോ എ​ന്നാ​യി​രു​ന്നു ഇ​വി​ടെ​യു​ള്ള​വ​രു​ടെ ഭ​യം. ഉ​മ്മ​ൻ ചാ​ണ്ടി ഉ​ട​ൻതന്നെ ഡ​ൽ​ഹി​യി​ലെ​ത്തി കേ​ന്ദ്ര​മ​ന്ത്രി സു​ഷ​മ സ്വ​രാ​ജി​ന്‍റെ ഓ​ഫീ​സി​ൽ ത​മ്പ​ടി​ച്ചു. നാ​ലാം ദി​വ​സ​വും ഭീ​ക​ര​ർ വ​ന്ന​പ്പോ​ൾ സു​ഷ​മ പ​റ​ഞ്ഞു; “മി​സ്റ്റ​ർ ഉ​മ്മ​ൻ ചാ​ണ്ടീ, താ​ങ്ക​ൾ​കൂ​ടി സ​മ്മ​തി​ച്ചാ​ൽ ന​മു​ക്ക് അ​വ​രെ ഒ​ഴി​പ്പി​ക്കാം. അ​വ​ർ ബ​സി​ൽ ക​യ​റ​ട്ടെ.” അ​തി​വേ​ഗം തീ​രു​മാ​ന​മെ​ടു​ക്കു​ന്ന ഉ​മ്മ​ൻ ചാ​ണ്ടി പക്ഷെ അപ്പോൾ ഒ​ന്നു പ​ത​റി. ഈ​ശ്വ​ര​വി​ശ്വാ​സി​യാ​യ അ​ദ്ദേ​ഹം അ​ല്പ​നേ​രം പ്രാ​ർ​ഥി​ച്ചു. എ​ന്നി​ട്ടു പ​റ​ഞ്ഞു: “ഒ​ഴി​പ്പി​ക്കാം.” 46 ന​ഴ്സു​മാ​ർ ഉ​മ്മ​ൻ ചാ​ണ്ടി​യു​ടെ വാ​ക്ക് വി​ശ്വ​സി​ച്ച് കെ​ട്ടി​ട​ത്തി​ൽ​നി​ന്നി​റ​ങ്ങി ഭീ​ക​ര​ർ കൊ​ണ്ടു​വ​ന്ന ബ​സി​ൽ ക​യ​റി. വ​ണ്ടി പു​റ​പ്പെ​ട്ട് മി​നി​റ്റു​ക​ൾ​ക്ക​കം ആ​ശു​പ​ത്രിക്കെ​ട്ടി​ടം ബോം​ബ് സ്ഫോ​ട​ന​ത്തി​ൽ ത​ക​ർ​ന്നു. ന​ഴ്സു​മാ​ർ അ​വി​ടെ​നി​ന്നു പോ​ന്ന​ശേ​ഷം ഉ​മ്മ​ൻ ചാ​ണ്ടി കേ​ര​ള​ത്തി​ലേ​ക്കു മ​ട​ങ്ങി. ആ​ലു​വ ഗ​സ്റ്റ് ഹൗ​സി​ൽ എ​ത്തു​മ്പോ​ൾ പു​ല​ർ​ച്ചെ ഒ​രു മ​ണി. അ​പ്പോ​ഴാ​ണ് ന​ഴ്സു​മാ​രെ കൊ​ണ്ടു​വ​രാ​ൻ പോ​യ എ​യ​ർ ഇ​ന്ത്യ വി​മാ​ന​ത്തി​ന് ഇ​റാ​ന്‍റെ ഖു​ർ​ദ് മേ​ഖ​ല​യി​ലു​ള്ള ഇ​ർ​ബി​ൽ വി​മാ​ന​ത്താ​വ​ള​ത്തി​ൽ ഇ​റ​ങ്ങാ​ൻ അ​നു​മ​തി നി​ഷേ​ധി​ച്ച​ത്. വി​മാ​നം തി​രി​ച്ചു​പോ​രു​ക​യാ​ണ്. അ​സ​മ​യ​ത്താ​ണെ​ങ്കി​ലും സു​ഷ​മ സ്വ​രാ​ജി​നെ വീ​ണ്ടും വി​ളി​ച്ചു​ണ​ർ​ത്തി. തു​ട​ർ​ന്നാ​ണ് വി​മാ​നം അ​വ​രെ കൊ​ണ്ടു​പോ​ന്ന​ത്. ഉ​മ്മ​ൻ ചാ​ണ്ടി പി​ന്നെ ഉ​റ​ങ്ങി​യി​ല്ല. പു​ല​ർ​ച്ചെ നാ​ല​ര​യ്ക്ക് നെ​ടു​മ്പാ​ശേ​രി​യി​ൽ എ​ത്തേ​ണ്ട വി​മാ​ന​ത്തി​നു കാ​ത്തി​രു​ന്നു. പ​ക്ഷേ വി​മാ​നം വ​ന്ന​ത് 9.30ന്. ​വ​ലി​യൊ​രു തു​ക ബ്ല​ഡ് മ​ണി ന​ല്കേ​ണ്ടിവ​ന്നു. അ​ത് ആ​രു ന​ല്കി​യെ​ന്ന​ത് സു​ഷ​മ സ്വ​രാ​ജി​നും ഉ​മ്മ​ൻ ചാ​ണ്ടി​ക്കും മാ​ത്ര​മ​റി​യാ​വു​ന്ന ര​ഹ​സ്യം.

ത​മി​ഴ് പ​ത്ര​പ്ര​വ​ർ​ത്ത​ക​ർ

2011 മേ​യി​ൽ ഉ​മ്മ​ൻ ചാ​ണ്ടി വീ​ണ്ടും അ​ധി​കാ​ര​മേ​റ്റയു​ടൻ മു​ല്ല​പ്പെ​രി​യാ​ർ വി​ഷ​യം ജ്വ​ലി​ച്ചു. ന​വം​ബ​റി​ൽ ആ​ശ​ങ്കാ​ജ​ന​ക​മാം വി​ധം ജ​ല​നി​ര​പ്പ് ഉ​യ​ർ​ന്നു. ച​പ്പാ​ത്തി​ൽ ജ​ന​പ്ര​തി​നി​ധി​ക​ൾ സ​മ​രം ആ​രം​ഭി​ച്ചു. അ​ണ​ക്കെ​ട്ട് പ​രി​സ​ര​ത്ത് ഉ​ണ്ടാ​യ ഭൂ​ക​മ്പം ഭീ​തി പ​ട​ർ​ത്തി. "ഡാം 999' ​സി​നി​മ എ​രി​തീ​യി​ൽ എ​ണ്ണ​യൊ​ഴി​ച്ചു. മു​ല്ല​പ്പെ​രി​യാ​ർ മു​ത​ൽ എ​റ​ണാ​കു​ളം വ​രെ മ​നു​ഷ്യ​മ​തി​ൽ ഉ​യ​ർ​ന്നു. പു​തി​യ ഡാം ​നി​ർ​മി​ക്ക​ണ​മെ​ന്നു കേ​ര​ള നി​യ​മ​സ​ഭ ഒ​റ്റ​ക്കെ​ട്ടാ​യി പ്ര​മേ​യം പാ​സാ​ക്കി. ത​മി​ഴ്നാ​ടി​നെ​തി​രേ കേ​ര​ള​ത്തി​ലും കേ​ര​ള​ത്തി​നെ​തി​രേ ത​മി​ഴ്നാ​ട്ടി​ലും വി​കാ​രം ആ​ളി​ക്ക​ത്തി. ത​മി​ഴ്നാ​ട്ടി​ൽ ചി​ല അ​നി​ഷ്ട സം​ഭ​വ​ങ്ങ​ളു​ണ്ടാ​യി. കേ​ര​ള​ത്തി​ലും സ​മാ​ന സം​ഭ​വ​ങ്ങ​ളു​ണ്ടാ​യെ​ന്ന് ക​ള്ള​പ്ര​ചാ​ര​ണ​വും ഉ​യ​ർ​ന്നു. ശ​ബ​രി​മ​ല സീ​സ​ണ്‍ ആ​രം​ഭി​ച്ച് വ​ലി​യ തോ​തി​ൽ അ​വി​ടെ​നി​ന്ന് ആ​ളു​ക​ൾ വ​രു​ന്ന സ​മ​യം. "ത​മി​ഴ്നാ​ടി​നു വെ​ള്ളം, കേ​ര​ള​ത്തി​നു സു​ര​ക്ഷ' എ​ന്ന മു​ദ്രാ​വാ​ക്യം ഉ​മ്മ​ൻ ചാ​ണ്ടി ഉ​യ​ർ​ത്തി. പ​ത്ര​ങ്ങ​ളി​ൽ പ​ര​സ്യം ന​ല്കി.

തു​ട​ർ​ന്ന് മീ​ഡി​യ​യി​ലൂ​ടെ പ്ര​ചാ​ര​ണം ന​ട​ത്താ​ൻ തീ​രു​മാ​നി​ച്ചു. ത​മി​ഴ് പ​ത്ര​പ്ര​വ​ർ​ത്ത​ക​രെ തി​രു​വ​ന​ന്ത​പു​ര​ത്ത് കൊ​ണ്ടു​വ​ന്ന് ച​ർ​ച്ച ന​ട​ത്തി. ഡ​ൽ​ഹി കേ​ര​ള ഹൗ​സി​ൽ ത​മി​ഴ് പ​ത്ര​പ്ര​വ​ർ​ത്ത​ക​രു​ടെ യോ​ഗം വി​ളി​ച്ചു. മു​ഖ്യ​മ​ന്ത്രി​യു​ടെ മു​റി​യി​ൽ പ​ത്ര​ക്കാ​ർ​ക്ക് ആ​വ​ശ്യ​ത്തി​ന് ക​സേ​ര​ക​ളി​ടാ​ൻ സ്ഥ​ലം ഇ​ല്ലാ​യി​രു​ന്നു. അ​വ​ർ മു​ഖ്യ​മ​ന്ത്രി​യു​ടെ തൊ​ട്ട​ടു​ത്തൊ​ക്കെ​യാ​ണ് ഇ​രു​ന്ന​ത്. പൊ​തു​വെ വി​കാ​ര​ജീ​വി​ക​ളെ​ന്നു ക​രു​ത​പ്പെ​ടു​ന്ന ത​മി​ഴ് പ​ത്ര​പ്ര​വ​ർ​ത്ത​ക​ർ അ​ക്ര​മോ​ത്സു​ക​രാ​യി​രി​ക്കു​മെ​ന്നു പ്ര​തീ​ക്ഷി​ച്ചി​രു​ന്നു. പ​ക്ഷേ ന​ല്ല ഒ​രു ച​ർ​ച്ച​യാ​യി അ​തു മാ​റി. പ​ത്ര​സ​മ്മേ​ള​നം ക​ഴി​ഞ്ഞി​ട്ടും അ​വ​ർ പി​രി​ഞ്ഞു​പോ​കു​ന്നി​ല്ല. അ​വ​ര​ങ്ങ​നെ ഇ​രി​ക്കു​ക​യാ​ണ്. എ​ന്തോ ഒ​രു ഗ്രാ​മ​ർ മി​സ്റ്റേ​ക്ക് ഉ​ണ്ട​ല്ലോ എ​ന്നു ക​രു​തി​യ​പ്പോ​ൾ അ​തി​ലൊ​രാ​ൾ പ​റ​ഞ്ഞു: “ഞ​ങ്ങ​ളി​ങ്ങ​നെ ഒ​രു മു​ഖ്യ​മ​ന്ത്രി​യു​ടെ അ​ടു​ത്തി​രി​ക്കു​ന്ന​ത് ആ​ദ്യ​മാ​യാ​ണ്. ഞ​ങ്ങ​ളു​ടെ മു​ഖ്യ​മ​ന്ത്രി​യെ ഞങ്ങൾ ക​ണ്ടി​ട്ടു​പോ​ലു​മി​ല്ല -” ഉ​മ്മ​ൻ ചാ​ണ്ടി ഉ​ൾ​പ്പെ​ടെ എ​ല്ലാ​വ​രും പൊ​ട്ടി​ച്ചി​രി​ച്ചു.

കൂ​ഞ്ഞൂ​ഞ്ഞി​ന്‍റെ തോ​ളി​ൽ കൈ​യി​ട്ട് കൂ​ട്ടു​കാ​ര​നെ​പ്പോ​ലെ പു​തു​പ്പ​ള്ളി പെ​രു​ന്നാ​ളി​ന് പോ​യ കാ​ര്യം മ​മ്മൂ​ട്ടി അ​നു​സ്മ​രി​ച്ചി​ട്ടു​ണ്ട്. എ​ല്ലാ​വ​രു​ടെ​യും തോ​ളി​ൽ കൈ​യി​ട്ടു ന​ട​ന്ന കൂ​ട്ടു​കാ​ര​നാ​യി​രു​ന്നു ഉ​മ്മ​ൻ ചാ​ണ്ടി. എ​ല്ലാ​വ​ർ​ക്കും അ​ദ്ദേ​ഹ​ത്തി​ന്‍റെ തോ​ളി​ൽ കൈ​യി​ട്ടു ന​ട​ക്കാ​മാ​യി​രു​ന്നു. ഒ​രു കൂ​ട്ടു​കാ​ര​നെ​യാ​ണ് ന​മു​ക്കു ന​ഷ്ട​പ്പെ​ട്ട​ത്. ഭ​ര​ണാ​ധി​കാ​രി​ക​ൾ കൂ​ട്ടു​കാ​ര​നെ​പ്പോ​ലെ​യാ​യി​രി​ക്ക​ണം. ന​മു​ക്ക് തോ​ളി​ൽ ക​യ്യി​ട്ടു ന​ട​ക്കാ​വു​ന്ന ഒ​രു കൂ​ട്ടു​കാ​ര​ൻ!

(ലേ​ഖ​ക​ൻ ഉ​മ്മ​ൻ ചാ​ണ്ടി​യു​ടെ മു​ൻ പ്ര​സ് സെ​ക്ര​ട്ട​റി​യാ​ണ്)