സെർവിക്കൽ കാൻസർ: എച്ച്പിവി വാക്‌സിനേഷൻ എന്തിന്?

സെർവിക്കൽ ഇൻട്രാ എപ്പിത്തീലിയൽ നിയോപ്ലാസിയ (സിഐഎൻ)

ഗർഭാശയമുഖത്തുണ്ടാകുന്ന കോശവ്യതിയാനങ്ങൾ സെർവിക്കൽ കാൻസർ ആകുന്നതിന്‍റെ മുൻപേയുള്ള ഘട്ടങ്ങളെയാണ് സിഐ എൻ എന്നുപറയുന്നത്. സിഐഎൻ കാൻസറായി മാറാൻ ഏകദേശം 10 വർഷമെങ്കിലും എടുക്കും.

സി ഐഎൻ ലീഷൻ സ്ക്രീനിംഗ് ടെസ്റ്റുകളിലൂടെ കണ്ടെത്തിയാൽ ലീപ്(LEEP), ക്രയോതെറാപ്പി(CRYOTHERAPY) തുടങ്ങിയ ലഘുവായ ചികിത്സാരീതികളിലൂടെ എളുപ്പത്തിൽ നിർമാർജനം ചെയ്യാൻ പറ്റും.

ക്രയോതെറാപ്പി 10 മിനിറ്റ് കൊണ്ട് ചെയ്യാൻ പറ്റുന്ന ലഘുവായ ചികിത്സാരീതിയാണ്. സിഐഎൻ ബാധിച്ച ഭാഗത്തെ ലീപ് ഇലൺ കൊണ്ട് നിർമാർജനം ചെയ്യുന്ന രീതിയാണ് ലീപ് സർജറി.

മുൻകൂട്ടി കണ്ടെത്തി ചികിത്സ അവലംബിക്കുന്നതിലൂടെയും എച്ച്പിവി കുത്തിവയ്പ് എല്ലാവർക്കും എത്തിക്കുന്നതിലൂടെയും ഗർഭാശയള കാൻസർ ഒരു പരിധി വരെ നമുക്ക് തടയാനാകും.

എച്ച്പിവി വാക്‌സിനേഷൻ

80 ശതമാനം ഗർഭാശയഗള കാൻസറിന്‍റെയും പ്രധാന കാരണം HPV 16 &18 (Human Papilloma Virus)വൈറസുകൾ ആണ്. ഈ വൈറസിനെതിരെയുള്ള വാക്‌സിൻ ആണ് എച്ച്പിവി വാക്‌സിൻ. ആൺകുട്ടികളിലും പെൺകുട്ടികളിലും ഈ വാക്സിനേഷൻ ഫലപ്രദമാണ്.

9 തൊട്ട് 14 വയസു വരെയുള്ള കുട്ടികളിൽ രണ്ട് ഡോസായാണ് വാക്സിനേഷൻ നൽകേണ്ടത്. ആദ്യ ഡോസ് കഴിഞ്ഞ് ആറുമാസത്തിനും 12 മാസത്തിനും ഇടയിലാണ് രണ്ടാമത്തെ ഡോസ് നൽകേണ്ടത്. മുതിർന്നവരിൽ 15 മുതൽ 26 വയസു വരെയുള്ളവർ 3 ഡോസായാണ് വാക്സിനേഷൻ നൽകുന്നത്.

ആദ്യ ഡോസ് കഴിഞ്ഞ് 2 മാസം കഴിഞ്ഞ് രണ്ടാമത്തെ ഡോസും രണ്ടാമത്തെ ഡോസ് കഴിഞ്ഞ് 4 മാസം കഴിഞ്ഞുമാണ് മൂന്നാമത്തെ ഡോസ് നൽകേണ്ടത്. 26 നും 45 നും വയസിനിടയ്ക്കും ഈ വാക്‌സിനേഷൻ ഒരു വിദഗ്ധ ഡോക്ടറുടെ നിർദേശപ്രകാരം എടുക്കാവുന്നതാണ്.

ഇപ്പോൾ ഏകദേശം 2000 മുതൽ 3000 വരെ രൂപ വരും ഒരു ഡോസിന്. എച്ച്പിവി വാക്‌സിനേഷൻ എല്ലാവരിലും എത്തിക്കുന്നതിലൂടെ ഗർഭാശയള കാൻസർ ഒരു പരിധി വരെ നമുക്ക് തടയാകും.

കേരളത്തിലെ മിക്കവാറും എല്ലാ പ്രധാന ആശുപത്രികളിലും കാൻസർ പ്രിവെന്‍റീവ് ഹെൽത്ത് സെന്‍ററുകളിലും എച്ച്പിവി വാക്സിനേഷൻ ലഭ്യമാണ്. ഈ കാര്യങ്ങൾ ശ്രദ്ധിച്ചാൽ സെർവിക്കൽ കാൻസർ ഒരു പരിധി വരെ നമുക്ക് തടയാൻ സാധിക്കും.

2030 ഓടെ സെർവിക്കൽ കാൻസർ തുടച്ചുനീക്കുക എന്നതാണ് ലോകാരോഗ്യ സംഘടനയുടെ ലക്ഷ്യം. ഇതിനായി മുന്നോട്ടുവച്ച മൂന്നുമാർഗങ്ങൾ

1.15 വയസിനു മുൻപ് 90 ശതമാനം കുട്ടികളിലെങ്കിലും എച്ച്പിവി വാക്‌സിനേഷൻ എത്തിക്കുക
2. 70 ശതമാനം പേരും ജീവിതത്തിൽ രണ്ടു തവണയെങ്കിലും സെർവിക്കൽ കാൻസർ ഇല്ലെന്നു ഉറപ്പു വരുത്തുന്ന സ്ക്രീനിംഗ് ടെസ്റ്റുകൾ ചെയ്യുക .
3. നേരത്തെ രോഗം കണ്ടെത്തിയവരിൽ 90 ശതമാനം പേരെയും ചികിത്സയിലെത്തിക്കുക.

വിവരങ്ങൾ: ഡോ. ദീപ്തി ടി. ആർ.
സ്പെഷലിസ്റ്റ് ഇൻ ഏർലി കാൻസർ ഡിറ്റക്ഷൻ ആൻഡ് പ്രിവൻഷൻ,
ഓൺക്യൂർ പ്രിവന്‍റീവ് ആൻഡ് ഹെൽത്ത് കെയർ സെന്‍റർ, കണ്ണൂർ.
ഫോൺ - 6238265965

വയറിളക്കരോഗങ്ങൾക്കു പാനീയചികിത്സ

ലോകത്ത് അഞ്ച് വയസിന് താഴെയുള്ള കുട്ടികളുടെ മരണങ്ങളില്‍ രണ്ടാമത്തെ മരണകാരണം

പ്ലേറ്റ്‌ലെറ്റ് കൗണ്ട് വര്‍ധിപ്പിക്കാം; ഈ ഭക്ഷണങ്ങള്‍ കഴിച്ചാല്‍ മതി...

പ്ലേറ്റ്‌ലെറ്റ് അല്ലെങ്കില്‍ ത്രോംബോസൈറ്റുകള്‍ നമ്മുടെ രക്തത്തില്‍ കാണപ്പെടുന്ന

ആൽസ്ഹൈമേഴ്സ് ബാധിതരെ പരിചരിക്കുമ്പോൾ

ആൽസ്ഹൈമേഴ്സ് ബാധിതരെ പരിചരി ക്കുമ്പോൾ താഴെ പറയുന്ന കാര്യങ്ങൾ പ്രത്യേകം ശ്രദ്ധിക്കുക.

കൊഞ്ച് കഴിച്ചാല്‍ അലര്‍ജി ഉണ്ടാകാറുണ്ടോ...? എന്തുകൊണ്ട് അലര്‍ജി, കാരണങ്ങള്‍ ഇവയാണ്...

കൊഞ്ചും ചെമ്മീനുമൊക്കെ കഴിക്കുമ്പോള്‍ ചിലര്‍ക്ക് അലര്‍ജി പ്രശ്‌നം ഉണ്ടാകാറുണ്ട്

ആൽസ്ഹൈമേഴ്സ്: ചെറിയ ഓർമപ്പിശകിൽ തുടക്കം

ആൽസ്ഹൈമേഴ്സ് അഥവാ മറവിരോഗത്തെ ക്കുറിച്ചുള്ള തെറ്റിദ്ധാരണകൾ മാറ്റി ആളുകളെ ബോ

ശ്രദ്ധിക്കുക; ഹൃദ്രോഗം നേരത്തേ തിരിച്ചറിയാന്‍ സഹായിക്കുന്ന ലക്ഷണങ്ങള്‍ ഇവയാണ്...

ഹൃദ്രോഗം ഇപ്പോള്‍ സര്‍വസാധാരണമാണ്. ജീവിതശൈലി മൂലവും പാരമ്പര്യം മൂലവുമെല്ലാ

ക്ഷയരോഗചികിത്സ - എങ്ങനെ, എവിടെ നിന്ന്‍?

ക്ഷയരോഗ പരിശോധനകളും ചികിത്സയും പൂർണമായും സൗജന്യമാണ്. ഇതിൽ നിന്നു തന്നെ വ്യ

അസിഡിറ്റികൊണ്ട് വിഷമിക്കുന്നവരാണോ...? എങ്കില്‍ ഈ ഭക്ഷണങ്ങള്‍ ട്രൈ ചെയ്ത് നോക്കൂ...

"നെഞ്ചെരിച്ചില്‍, പുളിച്ചു തെകട്ടല്‍... ഹൊ എന്തൊരു കഷ്ടമാണിത്' എന്നു സ്വയം പറഞ്ഞ

ഹെപ്പറ്റൈറ്റിസ് പ്രതിരോധം എങ്ങനെ?

ഹെപ്പറ്റൈറ്റിസ്-എ മുതല്‍ ഇ വരെ പലതരത്തിലുള്ള വൈറസുകള്‍ ഉണ്ടെങ്കിലും ഹെപ്പറ്റ

ശ്രദ്ധിക്കുക, സ്ത്രീകളിലെ പിസിഒഎസ് സാധ്യത വര്‍ധിപ്പിക്കാന്‍ ഇവ കാരണമാകുന്നു...

നിലവില്‍ സ്ത്രീകളില്‍ വര്‍ധിച്ചുവരുന്ന ഒരു ഹോര്‍മോണ്‍ തകരാറാണ് പിസിഒഎസ് അഥ

പിത്താശയ കല്ലുകൾ: ആരോഗ്യകരമായ ശരീരഭാരം നിലനിർത്താം

പിത്തസഞ്ചിയില്‍ ദഹന ദ്രാവകം (പിത്തരസം) കട്ടിയാകുന്നതു മൂലമാണ് പിത്താശയ കല്ലു