ഡോ. ഉണ്ണികൃഷ്ണൻ
നമ്മളെ അനാരോഗ്യത്തിലേക്ക് നയിക്കുന്ന വൈവിധ്യമാര്‍ന്ന കാരണങ്ങളില്‍, സാംക്രമികമല്ലാത്തതും സാംക്രമികവുമായ രോഗങ്ങള്‍, കാന്‍സര്‍, അപകടങ്ങള്‍ എന്നിവയാണ് മുന്‍നിരയിലുള്ളത്. 'ജീവിതശൈലി രോഗങ്ങള്‍' എന്നും ചില സാംക്രമികേതര രോഗങ്ങൾ അറിയപ്പെടുന്നുണ്ട്.
ജീവിതശൈലി രോഗങ്ങളുടെ അപകട ഘടകങ്ങള്‍
- പുരുഷന്മാരില്‍ 60 വയസ്സിനു ശേഷമുള്ള പുകവലി, പ്രമേഹം, അമിതവണ്ണം, ഉയര്‍ന്ന കൊളസ്ട്രോളിന്റെ അളവ്, ഉയര്‍ന്ന രക്തസമ്മര്‍ദം, ശാരീരിക നിഷ്‌ക്രിയത്വം എന്നിവയാണ്.
രക്ത ചംക്രമണ വ്യവസ്ഥ
നമ്മുടെ ശരീരത്തിലെ എല്ലാ സംവിധാനങ്ങളും സൂക്ഷ്മമായും അവിശ്വസനീയമായും രൂപകല്‍പന ചെയ്തിരിക്കുന്നു. മമ്മുടെ രക്തചംക്രമണ (Blood Circulation) വ്യവസ്ഥയുടെ മൂന്ന് ഘടകങ്ങളാണ് - ഹൃദയം, രക്തം, അവ വഹിക്കുന്ന രക്തക്കുഴലുകളുടെ വളരെ വിപുലമായ ഒരു ശൃംഖല (ധമനികള്‍ - ശുദ്ധമായ രക്തം വഹിക്കുന്നവ, സിരകള്‍ - അശുദ്ധ രക്തം വഹിക്കുന്നവ) എന്നിവ.
വാസ്‌കുലര്‍ & എന്‍ഡോവാസ്‌കുലര്‍
രക്തക്കുഴലുകളുടെ രോഗനിര്‍ണയം, ചികിത്സ, പ്രതിരോധ മാര്‍ഗങ്ങള്‍, ഗവേഷണ പ്രവര്‍ത്തനങ്ങള്‍, രക്തക്കുഴലുകളുടെ രോഗങ്ങളെക്കുറിച്ചുള്ള പഠനം എന്നിവയുമായി ബന്ധപ്പെട്ടതാണ് വാസ്‌കുലര്‍ & എന്‍ഡോവാസ്‌കുലര്‍.. രക്തക്കുഴലുകളെയും ഞരമ്പുകളുടെയും ബാധിക്കുന്ന പ്രതികൂല അവസ്ഥകളാണ് 95% ത്തിലധികം രോഗങ്ങള്‍ക്ക് കാരണമാകുന്നത്.
ആർട്ടീരിയോസ്ളീറോസിസ്
രക്തക്കുഴലില്‍ കൊഴുപ്പടിഞ്ഞ് അവ ചുരുങ്ങുന്ന അവസ്ഥയാണ് ആർട്ടീരിയോ സ്ളീറോ സിസ്(Atherosclerosis). ഇത് പ്രധാനമായും ബാധിക്കുന്നത് അയോര്‍ട്ടയെയാണ് (അയോര്‍ട്ട / മഹാധമനി- ശുദ്ധരക്തവും ധമനികളുടെ ശാഖകളും വഹിക്കുന്ന ഏറ്റവും വലിയ രക്തക്കുഴല്‍).
അന്യൂറിസം
അയോര്‍ട്ടയെ സാധാരണയായി ബാധിക്കുന്ന രോഗങ്ങള്‍ അന്യൂറിസവും (ധമനി വീക്കം), ധമനികളില്‍ കൊഴുപ്പടിഞ്ഞ് ഉള്ളിലേക്ക് ചുരുങ്ങുന്നതുമാണ്. അന്യൂറിസം എന്ന രോഗാവസ്ഥ കൃത്യസമയത്ത് ചികിത്സിച്ചില്ലെങ്കില്‍ രക്തധമനിയുടെ ഭിത്തി വലുപ്പംകൂടി അവ തകരുകയും മരണത്തിനു കാരണമാവുകയും ചെയ്യും.
(തുടരും)
ഡോ. ഉണ്ണികൃഷ്ണൻ
സീനിയർ വാസ്കുലാർ സർജൻ,
എസ്‌യുറ്റി ഹോസ്പിറ്റൽ, പട്ടം
തിരുവനന്തപുരം.