ഏ​ത്ത​പ്പ​ഴ​ത്തി​ൽ ഉ​ള്ളതി​ന്‍റെ മൂ​ന്നി​ര​ട്ടി പൊ​ട്ടാ​സ്യം മു​രി​ങ്ങ​യി​ല​യി​ലു​ണ്ട്. ​ത​ല​ച്ചോ​റ്, നാ​ഡി​ക​ൾ എ​ന്നി​വ​യു​ടെ ആ​രോ​ഗ്യ​ത്തി​ന് പൊ​ട്ടാ​സ്യം കൂ​ടി​യേ തീ​രൂ. ഉ​യ​ർ​ന്ന ബി​പി, സ്ട്രോ​ക്ക് എ​ന്നി​വ ത​ട​യാ​ൻ സഹായകം.

വിറ്റാമിൻ എ

കാ​ര​റ്റി​ലു​ള​ള​തി​ലും നാ​ലി​ര​ട്ടി വി​റ്റാ​മി​ൻ എ ​മു​രി​ങ്ങ​യി​ല​യി​ലു​ണ്ട്. ക​ണ്ണ്, ച​ർ​മം, ഹൃ​ദ​യം എ​ന്നി​വ​യെ രോ​ഗ​ങ്ങ​ളി​ൽ നി​ന്നു സം​ര​ക്ഷി​ക്കാ​ൻ വി​റ്റാ​മി​ൻ എ സഹായകം.

ഓട്സിലും ചേർക്കാം - ഓ​ട്സ് കാ​ച്ചുന്പോൾ അ​തി​ലും ഒ​രു പി​ടി മു​രി​ങ്ങ​യി​ല ചേ​ർ​ക്കാം. ഗോ​ത​ന്പു​പൊ​ടി കു​ഴ​ച്ച് അ​പ്പ​മു​ണ്ടാ​ക്കു​ന്പോൾ അതിൽ തേ​ങ്ങ ചി​ര​കി​യ​ത്, ഉ​ള​ളി, ഇ​ഞ്ചി, ക​റി​വേ​പ്പി​ല എന്നിവയ്ക്കൊപ്പം അ​ല്പം മു​രി​ങ്ങ​യി​ല കൂ​ടി ചേർത്ത് ആരോഗ്യദായകമാക്കാം.

മുരിങ്ങയില തോരൻ വയ്ക്കാം

ക​ടു​വ​റു​ക്കുക. മുരിങ്ങയി​ല അതി​ലി​ട്ട് ന​ന്നാ​യി ഇ​ള​ക്കി​ക്കൊ​ടു​ക്ക​ണം. തു​ട​ർ​ച്ച​യാ​യി ഇ​ള​ക്കി​യി​ല്ലെ​ങ്കി​ൽ തോ​ര​ൻ പാ​ത്ര​ത്തി​ന്‍റെ അ​ടി​ക്കു പി​ടി​ക്കാ​നും തോ​ര​ൻ ക​ട്ട​ക​ളാ​യി രൂ​പ​പ്പെ​ടാ​നും സാ​ധ്യ​ത ഏ​റെ​യാ​ണ്. ഇ​ല​യു​ടെ പ​ച്ച​ചു​വ മാ​റി​ക്കി​ട്ടി​യാ​ൽ തേ​ങ്ങ ചി​ര​കി​യ​ത്്, വെ​ളു​ത്തു​ള​ളി, ജീ​ര​കം, മു​ള​ക് എ​ന്നി​വ ചേ​ർ​ത്ത് അ​ര​ച്ചെ​ടു​ത്ത​തു ചേ​ർ​ത്ത് ഇ​ള​ക്കി​ക്കൊ​ടു​ക്ക​ണം. തോ​ര​നാ​ക്കു​ന്പോ​ൾ അ​തി​നൊ​പ്പം ചെ​റു​പ​യ​ർ വേ​വി​ച്ച​തു കൂ​ടി ചേ​ർ​ത്താ​ൽ ക​യ്പ്പു കു​റ​യും. മ​റ്റു പ​ച്ച​ക്ക​റി​ക​ൾ ചേ​ർ​ക്കു​ന്ന​തും ന​ന്ന്. കാ​ര​റ്റും ച​ക്ക​യു​ടെ സീ​സ​ണ​ിൽ ​ച​ക്ക​ക്കു​രു​വും വേ​വി​ച്ചു ചേ​ർ​ക്കു​ന്ന​തു ക​യ്പു കു​റ​യ്ക്കാ​നും രു​ചി കൂ​ട്ടാ​നും സ​ഹാ​യ​കം.

മൾട്ടിവിറ്റാമിൻ ചെടി!

മ​ൾ​ട്ടി​വി​റ്റാ​മി​ൻ ഗു​ളി​ക​ക​ൾ​ക്കു പി​ന്നാ​ലെ പാ​യു​ന്ന​വ​ർ സ്വ​ന്തം പ​റ​ന്പി​ൽ നി​ല്ക്കു​ന്ന മു​രി​ങ്ങ​യെ മ​റ​ക്കു​ക​യാ​ണ്. വി​റ്റാ​മി​ൻ​ എ, ബി1, ​ബി2, ബി3, ​സി, കാ​ൽ​സ്യം, ക്രോ​മി​യം, കോ​പ്പ​ർ, നാ​രു​ക​ൾ, ഇ​രു​ന്പ്, മാം​ഗ​നീ​സ്, മ​ഗ്നീ​ഷ്യം, ഫോ​സ്ഫ​റ​സ്, പൊ​ട്ടാ​സ്യം, പ്രോ​ട്ടീ​ൻ, സി​ങ്ക് എ​ന്നി​വ​യു​ടെ അ​ക്ഷ​യ​പാ​ത്ര​മാ​യ മു​രി​ങ്ങ​യി​ല​യെ മൾട്ടിവിറ്റാമിൻ ഇല എന്നല്ലാതെ എ​ന്താ​ണു വി​ളി​ക്കേ​ണ്ട​ത്!