കാ​ൻ​സ​ർ പ്രതിരോധത്തിന് ഇ​നി പ​റ​യു​ന്ന കാ​ര്യ​ങ്ങ​ൾ കൂടി ശ്ര​ദ്ധി​ക്കേ​ണ്ട​താ​ണ്.

ലഹരി ഉപേക്ഷിക്കാം

ല​ഹ​രി​ക​ളൊ​ന്നും ശീ​ലി​ക്കാ​തി​രി​ക്കു​ക. നൈ​മി​ഷി​ക സു​ഖം ത​രു​ന്ന ല​ഹ​രി​ക​ളു​ടെ ഉ​പ​യോ​ഗം നി​മി​ത്തം എ​ത്ര​യെ​ത്ര കു​ടും​ബ​ങ്ങ​ളാ​ണ് ത​ക​ർ​ന്ന​ടി​യു​ന്ന​ത്. പു​ക​വ​ലി​യും മ​ദ്യ​പാ​ന​വും നി​മി​ത്തം ഉ​ണ്ടാ​കു​ന്ന ആ​രോ​ഗ്യ പ്ര​ശ്ന​ങ്ങ​ളും സാ​മ്പ​ത്തി​ക​ച്ചെ​ല​വു​ക​ളും ആ​ഘാ​ത​ങ്ങ​ളും അ​വ​യു​ടെ വി​പ​ണി​ സൃ​ഷ്ടി​ക്കു​ന്ന വ​രു​മാ​ന​ത്തേ​ക്കാ​ൾ പ​തി​ന്മ​ട​ങ്ങാ​ണെന്ന് ഓർക്കുക.

നോ​ൺ - സ്റ്റി​ക് പാ​ത്ര​ങ്ങ​ൾ ഉപയോഗിക്കുന്പോൾ...

നോ​ൺ - സ്റ്റി​ക് പാ​ത്ര​ങ്ങ​ളു​ടെ അ​ശാ​സ്ത്രീ​യ ഉ​പ​യോ​ഗ​വും കാ​ൻ​സ​റി​നു കാ​ര​ണ​മാ​കാം. ഈ ​പാ​ത്ര​ങ്ങ​ൾ കൂ​ടു​ത​ൽ ചൂ​ടാ​ക്കു​മ്പോ​ൾ പു​റ​ത്തുവ​രു​ന്ന വി​ഷ​വാ​ത​കം ഭ​ക്ഷ​ണ​ത്തി​ൽ ക​ല​ർ​ന്ന് കാ​ൻ​സ​റി​നു കാ​ര​ണ​മാ​കാം. ഇ​ത്ത​രം പാ​ത്ര​ങ്ങ​ൾ ജ​ലാം​ശ​മു​ള്ള ഭ​ക്ഷ​ണ​ങ്ങ​ൾ മാ​ത്രം പാ​​കം ചെ​യ്യാ​ൻ ഉ​പ​യോ​ഗി​ക്കു​ന്ന​താ​ണ് അ​ഭി​കാ​മ്യം.

അ​ന്ത​രീ​ക്ഷ മ​ലി​നീ​ക​ര​ണം കുറയ്ക്കാം

ഇ​ല​ക്്ട്രി​ക് - സൗ​രോ​ർ​ജ വാ​ഹ​ന​ങ്ങ​ളി​ലേ ക്കു​ള്ള മാ​റ്റം അ​നി​വാ​ര്യം. ഡീ​സ​ൽ, പെ​ട്രോ​ൾ വാ​ഹ​ന​ങ്ങ​ൾ ഉ​ണ്ടാ​ക്കു​ന്ന അ​ന്ത​രീ​ക്ഷ മ​ലി​നീ​ക​ര​ണം അ​ർ​ബു​ദ രോ​ഗി​ക​ളു​ടെ എ​ണ്ണം, പ്ര​ത്യേ​കി​ച്ച് ന​ഗ​ര​ങ്ങ​ളി​ൽ വ​ർ​ധി​ക്കാ​ൻ കാ​ര​ണ​മാ​കു​ന്നു​ണ്ട്.


മാനസിക സമ്മർദം കുറയ്ക്കാം

മാ​ന​സി​കാ​രോ​ഗ്യം പ്ര​ധാ​നം. അ​ർ​ബു​ദ​മു​ൾ​പ്പ​ടെ എ​ല്ലാ ജീ​വി​ത​ശൈ​ലീ​രോ​ഗ​ങ്ങ​ളു​ടെ​യും പ്ര​ധാ​ന കാ​ര​ണം മാ​ന​സി​ക സ​മ്മ​ർ​ദ​ങ്ങ​ൾ കൂ​ടി​യാ​ണ്. ഹൈ​ടെ​ക് യു​ഗ​ത്തി​ൽ അ​തി​വേ​ഗ​ത്തി​ലു​ള്ള യാ​ന്ത്രി​ക ജീ​വി​ത​ത്തി​ൽ പ​ല​പ്പോ​ഴും മാ​ന​സി​കാ​രോ​ഗ്യം അ​വ​ഗ​ണി​ക്ക​പ്പെ​ടു​ന്നു. വ്യാ​യാ​മം, പ്രാ​ണാ​യാ​മം, യോ​ഗ, ധ്യാ​നം മു​ത​ലാ​യ​വ ശീ​ല​മാ​ക്കു​ന്ന​ത് മാ​ന​സി​കാ​രോ​ഗ്യ​ത്തി​ന് അ​ഭി​കാ​മ്യ​മാ​ണ്.

ന​ല്ല കാ​ര്യ​ങ്ങ​ളി​ൽ വ്യാ​പൃ​ത​രാ​വു​ക - ക​രു​ണ, ത്യാ​ഗം, ശ​രീ​ര -വാ​ഗ് -മ​ന​സു​ക​ളു​ടെ സൂ​ക്ഷ്മ​മാ​യ വി​വേ​ച​ന​ബു​ദ്ധി​യോ​ടെ​യു​ള്ള പ്ര​യോ​ഗം, മ​റ്റു​ള്ള ജീ​വി​ക​ൾ​ക്കും ഗു​ണ​ക​ര​മാ​കു​ന്ന രീ​തി​യി​ലു​ള്ള പ്ര​വൃത്തി​ക​ൾ മു​ത​ലാ​യ​വ​യാ​ണ് ആ​യു​ർ​വേ​ദം അ​നു​ശാ​സി​ക്കു​ന്ന സ​ദ് വൃ​ത്ത​ങ്ങ​ൾ. ഇവ ശീ​ലി​ച്ചാ​ൽ ആ​യു​സും ആ​രോ​ഗ്യ​വും പ്രാ​പി​ക്കാം. അ​ർ​ബു​ദ​മി​ല്ലാ​ത്ത ലോ​കം സാ​ധ്യ​മാ​ക​ണ​മെ​ങ്കി​ൽ പ്ര​കൃ​തിനി​യ​മ​ങ്ങ​ളെ ആ​ദ​രി​ച്ച് സ​ഹ​ജീ​വി​ക​ളോ​ടി​ണ​ങ്ങി ശ​രീ​ര മ​ന​സു​ക​ളെ വേ​ണ്ട രീ​തി​യി​ൽ പ​രി​പാ​ല​നം ചെ​യ്ത് ജീ​വി​ക്ക​ണ​മെ​ന്നു സാ​രം.

വി​വ​ര​ങ്ങ​ൾ​ക്കു ക​ട​പ്പാ​ട്:
ഡോ. ബി. ഹേമചന്ദ്രൻ
സീനിയ‌ർ ഫിസിഷ്യൻ, കോട്ടയ്ക്കൽ ആര്യ വൈദ്യശാല, കോട്ടയം.