ലേ​ഡി സൂ​പ്പ​ർ സ്റ്റാ​ർ എ​ന്ന പ​ദ​വി ബാ​ധ്യ​ത​യാ​ണെ​ന്നും ആ ​ടൈ​റ്റി​ലി​ൽ അ​റി​യ​പ്പെ​ടാ​ൻ ആ​ഗ്ര​ഹ​മി​ല്ലെ​ന്നും ന​ടി ന​യ​ൻ​താ​ര. ഒ​രു സു​പ്ര​ഭാ​ത​ത്തി​ൽ താ​ൻ ഇ​ട്ട പേ​ര​ല്ല ലേ​ഡി സൂ​പ്പ​ർ​സ്റ്റാ​ർ മ​റി​ച്ച് ത​ന്നെ ഇ​ഷ്ട​പ്പെ​ടു​ന്ന പ്രേ​ക്ഷ​ക​ർ ആ​ണ് ത​നി​ക്ക് ആ ​പ​ട്ടം ചാ​ർ​ത്തി​ത്ത​ന്ന​തെ​ന്നും ന​യ​ൻ​താ​ര പ​റ​യു​ന്നു.

താ​ൻ ലേ​ഡി സൂ​പ്പ​ർ സ്റ്റാ​ർ എ​ന്ന​റി​യ​പ്പെ​ടു​പ്പോ​ൾ സ​ഹ​പ്ര​വ​ർ​ത്ത​ക​രാ​യ പു​രു​ഷ​ന്മാ​ർ​ക്ക് അ​സൂ​യ​യോ പ​ക​യോ ഒ​ക്കെ തോ​ന്നു​ന്ന​ത് ത​നി​ക്ക് അ​നു​ഭ​വ​പ്പെ​ടാ​റു​ണ്ടെ​ന്നും സ്ത്രീ​ക​ൾ മു​ൻ​നി​ര​യി​ൽ വ​രു​ന്ന​ത് എ​ന്തു​കൊ​ണ്ട് ഇ​വ​രെ ഭ​യ​പ്പെ​ടു​ത്തു​ന്നു എ​ന്ന​റി​യി​ല്ലെ​ന്നും ന​യ​ൻ​താ​ര പ​റ​ഞ്ഞു. ദ് ​ഹോ​ളി​വു​ഡ് റി​പ്പോ​ർ​ട്ട​ർ ഇ​ന്ത്യ​യ്ക്കു ന​ൽ​കി​യ അ​ഭി​മു​ഖ​ത്തി​ലാ​ണ് ലേ​ഡി സൂ​പ്പ​ർ സ്റ്റാ​ർ എ​ന്ന പ​ദ​വി​യെ​ക്കു​റി​ച്ചു​ള്ള ത​ന്‍റെ അ​ഭി​പ്രാ​യം ന​യ​ൻ​താ​ര വ്യ​ക്ത​മാ​ക്കി​യ​ത്.

""എ​ന്‍റെ ജീ​വി​ത​ത്തി​ൽ ഉ​ണ്ടാ​യ മ​റ്റൊ​രു വി​വാ​ദ​മാ​ണ് ലേ​ഡി സൂ​പ്പ​ർ സ്റ്റാ​ർ എ​ന്ന വി​ളി​പ്പേ​ര്. ഈ ​ടൈ​റ്റി​ൽ എ​നി​ക്ക് ഉ​ണ്ടാ​ക്കി​യ ബു​ദ്ധി​മു​ട്ടു​ക​ൾ വി​വ​രി​ക്കാ​ൻ പോ​ലും ക​ഴി​യി​ല്ല. ഇ​ത് എ​നി​ക്ക് ഒ​രു എ​ക്സ്ട്രാ ബാ​ഗേ​ജ് ആ​ണ്. ക​ഴി​ഞ്ഞ അ​ഞ്ചാ​റു വ​ർ​ഷ​മാ​യി ഞാ​ൻ എ​ന്‍റെ എ​ല്ലാ നി​ർ​മാ​താ​ക്ക​ളോ​ടും സം​വി​ധാ​യ​ക​രോ​ടും പ​റ​യു​ന്ന​താ​ണ്, ദ​യ​വു ചെ​യ്ത ആ ​ടൈ​റ്റി​ൽ കാ​ർ​ഡ് ഇ​ട​രു​തെ​ന്ന്.

ഞാ​ൻ അ​ക്ഷ​രാ​ർ​ത്ഥ​ത്തി​ൽ അ​വ​രോ​ട് അ​പേ​ക്ഷി​ച്ചി​ട്ടു​ണ്ട്. കാ​ര​ണം, എ​ന്‍റെ ക​രി​യ​റി​ൽ ഞാ​ൻ അ​ത് അ​ർ​ഹി​ക്കു​ന്നു​ണ്ടോ എ​ന്ന് ഞാ​ൻ ഭ​യ​പ്പെ​ടു​ന്നു. ഞാ​ൻ നി​ർ​വ​ചി​ച്ച ഒ​രു വി​ളി​പ്പേ​ര​ല്ല, ഞാ​ൻ ആ​രു​ടേ​യും സ്ഥാ​നം ത​ട്ടി​യെ​ടു​ക്കാ​ൻ ശ്ര​മി​ച്ചി​ട്ടു​മി​ല്ല. ഈ ​ടൈ​റ്റി​ലു​ക​ളൊ​ന്നും ഞാ​ൻ ആ​ഗ്ര​ഹി​ക്കു​ന്നി​ല്ല. പ​ക്ഷേ, ആ​ളു​ക​ൾ​ക്ക് എ​ന്നോ​ട് ഉ​ള്ള സ്നേ​ഹ​വും ബ​ഹു​മാ​ന​വും ആ​യി​രി​ക്കാം ഇ​ത്ത​ര​ത്തി​ൽ എ​ന്നെ വി​ളി​ക്കാ​ൻ ഇ​ഷ്ട​പ്പെ​ടു​ന്ന​ത് എ​ന്നു​ള്ള​തു​കൊ​ണ്ട് എ​നി​ക്ക് അ​ത് ത​ട്ടി​ക്ക​ള​യാ​നും ക​ഴി​യു​ന്നി​ല്ല.

ഏ​റെ സ്മാ​ർ​ട്ടാ​യ ഒ​രു ലോ​ക​ത്താ​ണ് ന​മ്മ​ൾ ജീ​വി​ക്കു​ന്ന​ത്. ഇ​വി​ടെ നി​ങ്ങ​ൾ​ക്ക് പ്രേ​ക്ഷ​ക​രെ ക​ബ​ളി​പ്പി​ക്കാ​ൻ ക​ഴി​യി​ല്ല. നി​ങ്ങ​ൾ​ക്ക് സ്വ​ന്ത​മാ​യി ഇ​ത്ത​ര​ത്തി​ൽ ഒ​ന്നും ചെ​യ്യാ​ൻ ക​ഴി​യി​ല്ല. ഇ​തൊ​ക്കെ ത​നി​യെ സം​ഭ​വി​ക്കേ​ണ്ട​താ​ണ്. ഞാ​ൻ ഇ​ന്ത്യ​യി​ലെ ഏ​റ്റ​വും മി​ക​ച്ച ന​ടി​യോ ന​ർ​ത്ത​കി​യോ ഏ​റ്റ​വും മി​ക​ച്ച വ്യ​ക്തി​യോ ആ​ണെ​ന്ന് അ​വ​കാ​ശ​പ്പെ​ടു​ന്നി​ല്ല.

പ​ക്ഷേ ഞാ​ൻ ഇ​വി​ടെ​യു​ണ്ട്. എ​ന്‍റെ ക​ഠി​നാ​ധ്വാ​നം കൊ​ണ്ടാ​ണ് ഞാ​ൻ ഇ​വി​ടെ എ​ത്തി​ച്ചേ​ർ​ന്ന​ത് എ​ന്ന് നി​ങ്ങ​ൾ​ക്ക​റി​യാം. ആ​ളു​ക​ൾ എ​ന്നെ ഇ​ഷ്ട​പ്പെ​ടു​ന്ന​തു​കൊ​ണ്ടോ എ​ന്നി​ൽ ഇ​ഷ്ട​പ്പെ​ടു​ന്ന​ത് എ​ന്തോ ഉ​ള്ള​തു കൊ​ണ്ടോ ആ​കാം എ​ന്നെ അ​ത്ത​ര​ത്തി​ൽ വി​ളി​ക്കു​ന്ന​ത്. പ​ക്ഷേ, എ​നി​ക്ക് ഭ​യ​മാ​ണ്.

കാ​ര​ണം എ​നി​ക്ക​റി​യാം. എ​ന്നെ അ​ത്ത​ര​ത്തി​ൽ ആ​രെ​ങ്കി​ലും വി​ളി​ക്കു​ന്ന​ത് കാ​ണു​മ്പോ​ൾ പ​ല​ർ​ക്കും അ​സൂ​യ ഉ​ണ്ടാ​കാ​റു​ണ്ടെ​ന്ന് ഞാ​ൻ മ​ന​സ്സി​ലാ​ക്കു​ന്നു​ണ്ട്. കാ​ര​ണം പ​ല​ർ​ക്കും, പ്ര​ത്യേ​കി​ച്ച് പു​രു​ഷ​ന്മാ​ർ​ക്ക് ഒ​രു സ്ത്രീ ​വി​ജ​യി​ച്ച് കാ​ണു​ക​യോ അ​ല്ലെ​ങ്കി​ൽ അ​വ​രെ​ക്കാ​ൾ ഉ​യ​ർ​ന്ന സ്ഥാ​ന​ത്ത് എ​ത്തി എ​ന്നു തോ​ന്നു​മ്പോ​ഴോ ഒ​രു​ത​രം പ​ക ഉ​ണ്ടാ​യി വ​രു​ന്നു​ണ്ടെ​ന്ന് തോ​ന്നാ​റു​ണ്ട്.

വി​ജ​യി​ച്ച ഒ​രു സ്ത്രീ​യെ കാ​ണു​മ്പോ​ൾ എ​ന്താ​ണ് ഇ​വ​ർ​ക്ക് പ്ര​ശ്നം എ​ന്ന് മ​ന​സി​ലാ​ക്കാ​ൻ ഞാ​ൻ എ​പ്പോ​ഴും ശ്ര​മി​ക്കാ​റു​ണ്ട്. പ​ക്ഷേ, അ​തി​നു​ത്ത​രം കി​ട്ടാ​റി​ല്ല. എ​ന്താ​യാ​ലും അ​ത്ത​ര​ത്തി​ലൊ​രു പ്ര​ശ്നം ഉ​ണ്ട്.

അ​ത് ഒ​രു​ത​രം അ​സൂ​യ​യോ പ​ക​യോ എ​ന്തോ ആ​ണ്. ആ ​വി​കാ​രം എ​ങ്ങ​നെ പ​റ​യ​ണ​മെ​ന്ന് എ​നി​ക്ക​റി​യി​ല്ല. പു​രു​ഷ​ന്മാ​രേ​ക്കാ​ൾ കൂ​ടു​ത​ൽ ഒ​രു സ്ത്രീ ​വി​ജ​യി​ക്കു​ന്ന​ത് കാ​ണു​മ്പോ​ൾ ആ​ളു​ക​ൾ​ക്കു​ള്ളി​ൽ ഉ​റ​പ്പാ​യും എ​ന്തോ സം​ഭ​വി​ക്കു​ന്നു​ണ്ട്.

ഞാ​ൻ 20 വ​ർ​ഷ​ത്തി​ലേ​റെ​യാ​യി മു​ൻ​നി​ര​യി​ൽ ത​ന്നെ ഉ​ണ്ട്. അ​ത് അ​ത്ര എ​ളു​പ്പ​മ​ല്ല. ഞാ​ൻ തു​ട​ങ്ങി​യ​പ്പോ​ൾ എ​ന്‍റെ സം​വി​ധാ​യ​ക​രും നി​ർ​മാ​താ​ക്ക​ളും എ​ന്നോ​ട് പ​റ​ഞ്ഞ​ത് ഞാ​ൻ ഇ​പ്പോ​ഴും ഓ​ർ​ക്കു​ന്നു. ആ​ദ്യ​ത്തെ 5 വ​ർ​ഷം നി​ങ്ങ​ൾ പ്ര​യോ​ജ​ന​പ്പെ​ടു​ത്തൂ, അ​ത്ര​യേ ഉ​ള്ളൂ ഒ​രു ആ​ർ​ടി​സ്റ്റി​ന്‍റെ ലൈ​ഫ്.

നി​ങ്ങ​ളു​ടെ ആ​ദ്യ​ത്തെ അ​ഞ്ച് വ​ർ​ഷം നി​ങ്ങ​ളു​ടെ ഷെ​ൽ​ഫ് ലൈ​ഫ് ആ​ണ്. നി​ങ്ങ​ളു​ടെ മാ​ത്ര​മ​ല്ല ഏ​തൊ​രു നാ​യി​ക​യു​ടെ​യും ഷെ​ൽ​ഫ് ലൈ​ഫ് അ​താ​ണ്. നി​ങ്ങ​ൾ​ക്ക് ഒ​രു വ​ർ​ഷം കൂ​ടി ചി​ല​പ്പോ​ൾ ല​ഭി​ക്കും, അ​താ​ണ് പ​ര​മാ​വ​ധി.

അ​പ്പോ​ൾ മു​ത​ൽ ഞാ​ൻ അ​ഞ്ചു വ​ർ​ഷം ആ​കു​ന്ന​ത് നോ​ക്കി​യി​രു​ന്നു, പി​ന്നെ ആ​റാ​യി, ഒ​രു വ​ർ​ഷം കൂ​ടി കി​ട്ടി​യ​ല്ലോ എ​ന്ന് ഞാ​ൻ ക​രു​തി. പി​ന്നീ​ട് ഞാ​ൻ വ​ർ​ഷ​ങ്ങ​ൾ എ​ണ്ണി​ക്കൊ​ണ്ടി​രു​ന്നു. ഇ​പ്പോ​ൾ 20 വ​ർ​ഷ​ത്തി​ലേ​റെ​യാ​യി. അ​തൊ​രു ഭാ​ഗ്യം ത​ന്നെ​യാ​ണ്.

എ​ന്‍റെ ജീ​വി​ത​ത്തി​ൽ എ​ല്ലാം എ​ല്ലാ​യ്പ്പോ​ഴും ഒ​രു 50/50 ആ​ണ്. പ​കു​തി സ​മ​യ​ത്ത് ഞാ​ൻ സ​ന്തോ​ഷി​ക്കു​ക​യും പ​കു​തി സ​മ​യ​ത്ത് ഞാ​ൻ അ​സ്വ​സ്ഥ​പ്പെ​ടു​ത്തു​ന്ന സം​ഭ​വ​ങ്ങ​ളി​ലൂ​ടെ ക​ട​ന്നു​പോ​വു​ക​യും ചെ​യ്തി​ട്ടു​ണ്ട്.

ഞാ​ൻ ഒ​പ്പം അ​ഭി​ന​യി​ച്ച നാ​യ​ക​ന്മാ​രെ ആ​ശ്ര​യി​ച്ചു നി​ൽ​ക്കു​ന്ന ഒ​രാ​ള​ല്ല. എ​ന്‍റെ സ്ത്രീ ​കേ​ന്ദ്രീ​കൃ​ത സി​നി​മ​ക​ൾ എ​ല്ലാം വി​ജ​യി​ച്ചി​ട്ടു​ണ്ടെ​ന്ന് എ​നി​ക്ക് ഉ​റ​പ്പു​ണ്ട്. ക​രി​യ​റി​ന്റെ തു​ട​ക്ക​ത്തി​ൽ ത​ന്നെ ഞാ​ൻ ഇ​ന്ത്യ​യി​ലെ ഏ​റ്റ​വും വ​ലി​യ സൂ​പ്പ​ർ താ​ര​ങ്ങ​ൾ​ക്കൊ​പ്പ​മാ​ണ് അ​ഭി​ന​യി​ച്ചി​ട്ടു​ള്ള​ത്. ഏ​റ്റ​വും മി​ക​ച്ച സ​ഹ​താ​ര​ങ്ങ​ളോ​ടും വ്യ​ക്തി​ക​ളോ​ടും ഒ​പ്പം അ​ഭി​ന​യി​ക്കാ​നു​ള്ള ഭാ​ഗ്യം എ​നി​ക്ക് കി​ട്ടി​യി​ട്ടു​ണ്ട്.

ഒ​രു​പാ​ട് ആ​രാ​ധ​ക​രു​ള്ള അ​വ​രു​ടെ സ്റ്റാ​ർ​ഡം എ​ന്നെ​യും സ​ഹാ​യി​ച്ചി​ട്ടു​ണ്ടെ​ന്ന് ഞാ​ൻ ക​രു​തു​ന്നു. അ​വ​രു​ടെ ആ​രാ​ധ​ക​രെ​ല്ലാം എ​ന്‍റെ​യും ആ​രാ​ധ​ക​രാ​യി മാ​റി​യി​ട്ടു​ണ്ടാ​കാം. അ​ജി​ത് സാ​റി​നൊ​പ്പം അ​ഭി​ന​യി​ച്ച​പ്പോ​ൾ അ​ദ്ദേ​ഹ​ത്തി​ന്റെ ആ​രാ​ധ​ക​ർ എ​ന്നെ​യും ഇ​ഷ്ട​പ്പെ​ട്ടു തു​ട​ങ്ങി. അ​തു​പോ​ലെ​യാ​ണ് ര​ജ​നി സാ​റി​നോ​ടും വി​ജ​യ് സാ​റി​നോ​ടു​മൊ​പ്പം, അ​തു​പോ​ലെ മ​റ്റു സ​ഹ​താ​ര​ങ്ങ​ളോ​ടു​മൊ​പ്പം അ​ഭി​ന​യി​ച്ച​പ്പോ​ൾ സം​ഭ​വി​ച്ച​ത്.

അ​തു​കൊ​ണ്ട് ത​ന്നെ എ​ന്‍റെ ജീ​വി​ത​ത്തി​ൽ സം​ഭ​വി​ച്ച ന​ല്ല കാ​ര്യ​ങ്ങ​ൾ​ക്ക് ഞാ​ൻ 50% എ​ന്നോ​ടൊ​പ്പം അ​ഭി​ന​യി​ച്ച സൂ​പ്പ​ർ​താ​ര​ങ്ങ​ളോ​ടും ക​ട​പ്പെ​ട്ടി​രി​ക്കു​ന്നു. ബാ​ക്കി 50% ഞാ​ൻ എ​ന്റെ ക​ഴി​വ് ത​ന്നെ​യാ​ണെ​ന്ന് ക​രു​തു​ന്നു. പ​ണ്ട് സി​നി​മാ സെ​റ്റി​ൽ സ്ത്രീ​ക​ൾ അ​വ​ഗ​ണ​ന നേ​രി​ടു​ന്ന​ത് ഞാ​ൻ ശ്ര​ദ്ധി​ച്ചി​ട്ടു​ണ്ട്. അ​സി​സ്റ്റ​ന്‍റ് ഡ​യ​റ​ക്ട​ർ​മാ​രി​ൽ പ​ല​ർ​ക്കും സ്ത്രീ​ക​ളാ​യ പു​തു​മു​ഖ​ങ്ങ​ളെ അം​ഗീ​ക​രി​ക്കാ​ൻ ബു​ദ്ധി​മു​ട്ടാ​ണ്.

ഞാ​ൻ ഒ​രു ന​ല്ല പൊ​സി​ഷ​നി​ൽ എ​ത്തി​യ​പ്പോ​ൾ എ​നി​ക്ക് അ​ർ​ഹി​ക്കു​ന്ന ബ​ഹു​മാ​നം നേ​ടി​യെ​ടു​ക്കാ​ൻ ഞാ​ൻ ശ്ര​മി​ച്ചു. എ​ന്നോ​ട് മാ​ത്ര​മ​ല്ല എ​ല്ലാ സ്ത്രീ​ക​ളോ​ടും എ​ല്ലാ മ​നു​ഷ്യ​രോ​ടും ന​മ്മ​ൾ ബ​ഹു​മാ​ന​ത്തോ​ടെ പെ​രു​മാ​റ​ണം.

ഞാ​ൻ സെ​റ്റി​ൽ എ​ല്ലാ​വ​രോ​ടും പ​റ​യാ​റു​ണ്ട് പു​തി​യ ആ​ളു​ക​ളാ​യാ​ലും അ​വ​രോ​ടും ന​മ്മ​ൾ വ​ള​രെ ബ​ഹു​മാ​ന​ത്തോ​ടെ പെ​രു​മാ​റ​ണം. കാ​ര​ണം നി​ങ്ങ​ൾ​ക്ക​റി​യി​ല്ല നാ​ളെ അ​വ​രാ​യി​രി​ക്കും സൂ​പ്പ​ർ താ​ര​ങ്ങ​ളാ​യി മാ​റാ​ൻ പോ​കു​ന്ന​ത്. അ​പ്പോ​ഴും നി​ങ്ങ​ൾ​ക്ക് ഇ​വ​രോ​ടൊ​പ്പം വ​ർ​ക്ക് ചെ​യ്യേ​ണ്ടി വ​രും. ഞാ​ൻ ഉ​ള്ള സെ​റ്റി​ൽ ആ​രോ​ടും ആ​രും മോ​ശ​മാ​യി പെ​രു​മാ​റു​ന്ന​ത് ഞാ​ൻ സ​ഹി​ക്കി​ല്ല.

ന​മ്മു​ടെ സ​മൂ​ഹ​ത്തി​ൽ സ്ത്രീ​ക​ൾ മു​ൻ​നി​ര​യി​ലേ​ക്ക് വ​രു​ന്ന​ത് കാ​ണു​മ്പോ​ൾ എ​നി​ക്ക് സ​ന്തോ​ഷം തോ​ന്നാ​റു​ണ്ട്. സി​നി​മ​യോ, സ്പോ​ർ​ട്സോ, രാ​ഷ്ട്രീ​യ​മോ മ​റ്റെ​ന്തെ​ങ്കി​ലു​മോ അ​ത​ത് മേ​ഖ​ല​ക​ളി​ൽ സ്ത്രീ​ക​ൾ മി​ക​ച്ച പ്ര​ക​ട​നം കാ​ഴ്ച​വ​യ്ക്കു​ന്ന​ത് കാ​ണു​മ്പോ​ൾ എ​നി​ക്ക് അ​തെ​ന്റെ വ്യ​ക്തി​പ​ര​മാ​യ വി​ജ​യ​മാ​ണെ​ന്ന് തോ​ന്നാ​റു​ണ്ട്.

അ​വ​രെ ഓ​ർ​ത്ത് എ​നി​ക്ക് വ​ള​രെ സ​ന്തോ​ഷം തോ​ന്നും. ക​ഴി​യു​മെ​ങ്കി​ൽ ഞാ​ൻ അ​വ​രെ വി​ളി​ച്ച് സം​സാ​രി​ക്കാ​ൻ ശ്ര​മി​ക്കും. അ​തി​ന് ക​ഴി​ഞ്ഞി​ല്ലെ​ങ്കി​ൽ ഞാ​ൻ അ​വ​ർ​ക്ക് വേ​ണ്ടി പ്രാ​ർ​ത്ഥി​ക്കും. ദൈ​വം അ​വ​രെ കൂ​ടു​ത​ൽ അ​നു​ഗ്ര​ഹി​ക്കു​ക​യും അ​വ​രെ കൂ​ടു​ത​ൽ സ​ന്തോ​ഷി​പ്പി​ക്കു​ക​യും അ​വ​രെ കൂ​ടു​ത​ൽ ശ​ക്ത​രാ​ക്കു​ക​യും ചെ​യ്യ​ണ​മെ​ന്ന് ഞാ​ൻ പ്രാ​ർ​ഥി​ക്കും.