വിജയ്–സഞ്ജയ് ദത്ത് എന്നിവരുടെ കഥാപാത്രങ്ങളുമായി ‘ലിയോ’യുടെ പുതിയ പോസ്റ്റർ എത്തി. പ്രതികാരമെന്ന രൂപേണ സഞ്ജയ് ദത്തിന്റെ കഴുത്തിൽ മുറുക്കിപിടിച്ചിരിക്കുന്ന വിജയിയെയാണ് ചിത്രത്തിൽ കാണാനാകുക.
ശാന്തമായി യുദ്ധത്തിന് തയാറെടുക്കുക എന്നയാതിരുന്നു ഇതിന് മുൻപ് പുറത്തിറങ്ങിയ പോസ്റ്ററിൽ നൽകിയിരുന്നതെങ്കിൽ ഇപ്പോൾ ‘ശാന്തനായി പിശാചിനെ അഭിമുഖീകരിക്കുക’ എന്ന സന്ദേശമാണ് നൽകുന്നത്.
സെവൻ സ്ക്രീൻ സ്റ്റുഡിയോ, ദി റൂട്ട് എന്നിവയുടെ ബാനറുകളിൽ ലളിത് കുമാറും ജഗദീഷ് പളനിസാമിയും ചേർന്നാണ് ലിയോ നിർമിക്കുന്നത്. ഗോകുലം ഗോപാലന്റെ ഗോകുലം ഫിലിംസ് ആണ് കേരളത്തിലെ വിതരണാവകാശം സ്വന്തമാക്കിയത്.
തൃഷ, സഞ്ജയ് ദത്ത്, അർജുൻ സർജ, ഗൗതം മേനോൻ, മിഷ്കിൻ, മാത്യു തോമസ്, മൻസൂർ അലി ഖാൻ, പ്രിയ ആനന്ദ്, സാൻഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങി വമ്പൻ താര നിരയാണ് ലിയോയിൽ അണിനിരക്കുന്നത്.അനിരുദ്ധ് സംഗീതം ഒരുക്കുന്നു.
ഡിഒപി: മനോജ് പരമഹംസ, ആക്ഷൻ: അൻപറിവ്, എഡിറ്റിംഗ്: ഫിലോമിൻ രാജ്. ഒക്ടോബർ 19 ന് തിയറ്ററുകളിലെത്തുന്ന ചിത്രം കേരളത്തിലെ തീയേറ്ററുകളിലേക്കെത്തിക്കുന്നത് ഗോകുലം ഫിലിംസിന്റെ ഡിസ്ട്രിബൂഷൻ പാർട്നർ ആയ ഡ്രീം ബിഗ് ഫിലിംസ് ആണ്. പിആർഓ: പ്രതീഷ് ശേഖർ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.