1977ൽ ​റി​ലീ​സ് ചെ​യ്ത സു​ജാ​ത എ​ന്ന ചി​ത്ര​ത്തി​ലെ കാ​ളി​ദാ​സ​ന്‍റെ കാ​വ്യ​ഭാ​വ​ന​യെ കാ​ൽ​ച്ചി​ല​ന്പ​ണി​യി​ച്ച സൗ​ന്ദ​ര്യ​മേ.. എ​ന്ന ഗാ​നം ഇ​ക്കാാ​ല​ത്തും ഗാ​നാ​സ്വാ​ദ​ക​രും നി​രൂ​പ​ക​രും നെ​ഞ്ചേ​റ്റു​ന്ന ഗാ​ന​മാ​ണ്. പ്ര​ണ​യ​ത്തി​ന്‍റെ ഏ​തോ യു​ഗ​ത്തി​ലേ​ക്ക് പ​റ​ന്നു​പോ​കു​ന്ന അ​നു​ഭൂ​തി​യാ​ണ് കേ​ൾ​ക്കു​ന്പോ​ൾ ഉ​ണ്ടാ​വു​ക.

പ്രേം​ന​സീ​റും ജ​യ​ഭാ​ര​തി​യും അ​ഭി​ന​യി​ച്ച ഈ ​ഗാ​ന​രം​ഗം സ​മൂ​ഹ​മാ​ധ്യ​മ​ങ്ങ​ളി​ലെ സം​ഗീ​ത​ഗ്രൂ​പ്പു​ക​ളി​ൽ വീ​ണ്ടും വീ​ണ്ടും എ​ത്തു​ന്പോ​ൾ പ​ല ആ​സ്വാ​ദ​ക​രും പ​റ​യു​ന്ന​ത് മ​ങ്കൊ​ന്പ് ഗോ​പാ​ല കൃ​ഷ്ണ​ന്‍റെ ഈ ​ഗാ​നം ഒ​രു ഗ​ന്ധ​ർ​വ​ലോ​ക​ത്തേ​ക്ക് ത​ങ്ങ​ളെ കൂ​ട്ടി​ക്കൊ​ണ്ടു​പോ​കു​ന്നു​വെ​ന്നാ​ണ്. മ​ങ്കൊ​ന്പി​ന്‍റെ പ്ര​ണ​യ​മു​തി​രു​ന്ന വ​രി​ക​ൾ, ര​വീ​ന്ദ്ര ജ​യി​ൻ എ​ന്ന മ​ഹാ​പ്ര​തി​ഭ​യു​ടെ ക​ര​ളി​ൽ തൊ​ടു​ന്ന സം​ഗീ​തം, പ്രേം​ന​സീ​റി​ന്‍റെ ക​ണ്ണു​ക​ളി​ലെ സ്നേ​ഹ​തീ​വ്ര​ത ... അ​ക്ഷ​രാ​ർ​ത്ഥ​ത്തി​ൽ ഗ​ന്ധ​ർ​വ​ലോ​കം ത​ന്നെ.

ഇ​തേ മു​ഗ്ധ​ലാ​വ​ണ്യ​മു​ണ്ട് മ​ങ്കൊ​ന്പി​ന്‍റെ എ​ല്ലാ പ്ര​ണ​യ​ഗാ​ന​ങ്ങ​ൾ​ക്കും. "നാ​ട​ൻ പാ​ട്ടി​ന്‍റെ മ​ടി​ശീ​ല കി​ലു​ങ്ങും നാ​ട്ടി​ൻ​പു​റ​മൊ​രു യു​വ​തി...,' "രാ​ജ​സൂ​യം ക​ഴി​ഞ്ഞു...,' "പാ​ല​രു​വി ന​ടു​വി​ൽ...,' "ന​വ​നീ​ത ച​ന്ദ്രി​കെ തി​രി​താ​ഴ്ത്തു...'​അ​ങ്ങ​നെ നീ​ളു​ന്നു ഗാ​ന​ങ്ങ​ൾ. ഈ ​ഗാ​ന​ങ്ങ​ളി​ലെ​ല്ലാം മ​ങ്കൊ​ന്പ് സ്വ​പ്ന​ത്തി​ന്‍റെ പാ​ലാ​ഴി​യി​ൽ നീ​ന്തു​ന്ന ക​വി​യാ​ണ്.

ജീ​വി​ത​ത്തി​ൽ പ​ക്ഷെ, ആ​ല​പ്പു​ഴ​ക്കാ​ര​ൻ ഗോ​പാ​ല​കൃ​ഷ്ണ​ൻ സ്വ​പ്ന​ലോ​ലു​പ​ൻ മാ​ത്ര​മാ​യി​രു​ന്നി​ല്ല. പ​ല അ​ഭി​മു​ഖ​ങ്ങ​ളി​ലും മ​ങ്കൊ​ന്പ് ത​ന്നെ തു​റ​ന്നു പ​റ​യു​ന്നു​ണ്ട് താ​ൻ പ്രാ​യോ​ഗി​ക​മാ​യി ചി​ന്തി​ക്കു​ന്ന വ്യ​ക്തി​യാ​ണെ​ന്ന്. ഹ​രി​ഹ​ര​ൻ എ​ന്ന അ​തു​ല്യ സം​വി​ധാ​യ​ക​നൊ​പ്പം നി​ര​വ​ധി സി​നി​മ​ക​ളി​ൽ മ​ല​യാ​ണ്മ​യു​ടെ സൗ​ന്ദ​ര്യം നി​റ​ച്ച മ​ങ്കൊ​ന്പ് ത​ന്നെ​യാ​ണ് രാ​ജ​മൗ​ലി​ക്കൊ​പ്പം കൈ​കോ​ർ​ത്ത​ത്. ബാ​ഹു​ബ​ലി​യി​ലെ മ​നോ​ഹ​രീ..., പ​ച്ച​ത്തീ​യാ​ണ് നീ... ​എ​ന്നി​വ അ​ങ്ങ​നെ പി​റ​ന്ന​താ​ണ്.

ഹ​രി​ഹ​ര​നി​ൽ നി​ന്നും രാ​ജ​മൗ​ലി​യി​ൽ എ​ത്തി​യ ഗാ​ന​യാ​ത്ര​യി​ൽ ഒ​രു വ​ലി​യ യു​ഗ​മാ​ണ് മ​ങ്കൊ​ന്പ് ക​ട​ന്നു​വ​ന്ന​ത്. എ​ന്നാ​ൽ എ​ഴു​പ​തു​ക​ളി​ലെ ആ ​ഗാ​ന​സൗ​ന്ദ​ര്യം ത​ന്നെ ര​ണ്ടാ​യി​ര​ത്തി​ന്‍റെ പു​തു​പു​ത്ത​ൻ വ​ഴി​ക​ളി​ലും മ​ങ്കൊ​ന്പ് കാ​ത്തു​സൂ​ക്ഷി​ച്ചു. മ​നോ​ഹ​രീ.., പ​ച്ച​ത്തീ​യാ​ണ് നീ... ​തു​ട​ങ്ങി​യ ഗാ​ന​രം​ഗ​ങ്ങ​ളി​ൽ മ​ങ്കൊ​ന്പി​ന്‍റെ ക​വി​ഹൃ​ദ​യ​മാ​ണ് തു​ടി​ച്ചു നി​ന്ന​ത്. പു​തി​യ കാ​ല​ത്തെ കാ​മോ​ദ്ദീ​പ​ക​മാ​യ ഐ​റ്റം ഡാ​ൻ​സു​ക​ൾ​ക്കു വേ​ണ്ടി എ​ഴു​തു​ന്പോ​ഴും മ​ങ്കൊ​ന്പി​ന് സ​ർ​ഗ​സൗ​ന്ദ​ര്യ​സ​ത്ത​യെ കൂ​ടെ​നി​ർ​ത്താ​ൻ സാ​ധി​ച്ചു.

ദ​ക്ഷി​ണാ​മൂ​ർ​ത്തി​യു​ടെ സം​ഗീ​ത​ത്തി​ലും എം​ബി​എ​സി​ന്‍റെ സം​ഗീ​ത​ത്തി​ലും ഗാ​ന​ര​ച​ന​യ്ക്ക് തു​ട​ക്കം കു​റി​ച്ച മ​ങ്കൊ​ന്പ് കീ​ര​വാ​ണി​ക്കൊ​പ്പ​വും അ​ദ്ഭു​ത​ങ്ങ​ൾ തീ​ർ​ത്തു. (ഡ​ബ്ബിം​ഗ് ചി​ത്ര​ങ്ങ​ൾ​ക്ക് അ​ന്ത​സ് ഉ​ണ്ടാ​ക്കി​യ ഗാ​ന​ര​ച​യി​താ​വും തി​ര​ക്ക​ഥാ​കൃ​ത്തും ആ​ണ്). നാ​ലു ത​ല​മു​റ​ക​ൾ മ​ങ്കൊ​ന്പി​ന്‍റെ ഗാ​ന​ങ്ങ​ൾ ആ​സ്വ​ദി​ച്ചു എ​ന്നു പ​റ​യു​ന്ന​തി​ൽ അ​തി​ശ​യോ​ക്തി ഇ​ല്ല. ദ​ക്ഷി​ണാ​മൂ​ർ​ത്തി​യു​ടെ സം​ഗീ​ത​ത്തി​ൽ "കൂ​ട്ടു​കാ​രി​യി​ൽ' തു​ട​ങ്ങു​ന്പോ​ൾ ഉ​ണ്ടാ​യി​രു​ന്ന ചെ​റു​പ്പം ത​ന്നെ​യാ​യി​രു​ന്നു ബാ​ഹു​ബ​ലി​യി​ലും.

മ​ല​യാ​ള ച​ല​ച്ചി​ത്ര​ലോ​ക​ത്ത് ഇ​ത്ത​ര​ത്തി​ൽ നി​ല​നി​ന്ന മ​റ്റൊ​രു ഗാ​ന​ര​ച​യി​താ​വ് വേ​റെ ഇ​ല്ലെ​ന്നു​ത​ന്നെ പ​റ​യാം. എം.​എ​സ്. വി​ശ്വ​നാ​ഥ​നു​മൊ​ത്താ​ണ് ഏ​റ്റ​വും കൂ​ടു​ത​ൽ പാ​ട്ടു​ക​ൾ മ​ങ്കൊ​ന്പ് ചെ​യ്തി​ട്ടു​ള്ള​ത്. നാ​ട​ൻ പാ​ട്ടി​ന്‍റെ മ​ടി​ശീ​ല കി​ലു​ങ്ങും..., ഇ​വി​ട​മാ​ണീ​ശ്വ​ര സ​ന്നി​ധാ​നം... തു​ട​ങ്ങി അ​ടി​യ​ന്തി​രാ​വ​സ്ഥ കാ​ല​ത്ത് രാ​ഷ്‌​ട്രീ​യ​ക്കാ​ർ ഇ​ന്ദി​രാ​ഗാ​ന്ധി​ക്കെ​തി​രേ ആ​യു​ധ​മാ​ക്കി​യ "ത്രി​ശ​ങ്കു സ്വ​ർ​ഗ​ത്തെ ത​ന്പു​രാ​ട്ടി..'​വ​രെ എം​എ​സ്‌​വി സം​ഗീ​ത​ത്തി​ൽ പി​റ​ന്ന​താ​ണ്. പ​ദ​ങ്ങ​ൾ കൊ​ണ്ട് ക​സ​ർ​ത്തു​ക​ൾ തീ​ർ​ത്തു എ​ന്ന് മ​ങ്കൊ​ന്പ് ത​ന്നെ പ​റ​യു​ന്ന "നാ​ണം ക​ള്ള​നാ​ണം ക​ണ്ണി​ൽ ബാ​ണം കാ​മ​ബാ​ണം...'​വ​രെ ഈ ​കൂ​ട്ടു​കെ​ട്ടി​ൽ ഉ​ണ്ട്.

നി​രൂ​പ​ണ​രം​ഗ​ത്തു നി​ന്നു​മാ​ണ് മ​ങ്കൊ​ന്പ് ഗാ​ന​ര​ച​ന​യി​ലേ​ക്ക് വ​ന്ന​ത്. ക​ന്പാ​ർ​ട്മെ​ന്‍റ് മാ​റി​ക്ക​യ​റി​യ​താ​ണോ എ​ന്ന് ജി. ​ദേ​വ​രാ​ജ​ൻ ഇ​തേ​പ്പ​റ്റി ചോ​ദി​ച്ചി​ട്ടു​ണ്ട്. എ​ന്നാ​ൽ യാ​ത്ര​യാ​കും വ​രെ​യും ഗാ​ന​ലോ​കം ത​ന്നെ​യാ​യി​രു​ന്നു മ​ങ്കൊ​ന്പി​ന്‍റെ ജീ​വ​ൻ.

1974ൽ ​റി​ലീ​സാ​യ അ​യ​ല​ത്തെ സു​ന്ദ​രി​യാ​ണ് മ​ങ്കൊ​ന്പി​നെ മ​ല​യാ​ള സി​നി​മാ​ലോ​ക​ത്ത് അ​ട​യാ​ള​പ്പെ​ടു​ത്തു​ന്ന​ത്. "ല​ക്ഷാ​ർ​ച്ച​ന ക​ണ്ട് മ​ട​ങ്ങു​ന്പോ​ൾ...,' "നീ​ല​മേ​ഘ​ക്കു​ട നി​വ​ർ​ത്തി...,' "ചി​ത്ര​വ​ർ​ണ പു​ഷ്പ​ജാ​ലം ഒ​രു​ക്കി വ​ച്ചു...,' "ത്ര​യം​ബ​കം വി​ല്ലൊ​ടി​ഞ്ഞു... ' തു​ട​ങ്ങി​യ ഗാ​ന​ങ്ങ​ളെ​ല്ലാം വ​ലി​യ ഹി​റ്റു​ക​ളാ​യി. വ​യ​ലാ​റി​ന്‍റേ​തെ​ന്നു പ​ല​രും ഇ​ന്നും ക​രു​തു​ന്ന "ല​ക്ഷാ​ർ​ച്ച​ന ക​ണ്ടു മ​ട​ങ്ങും...' എ​ന്ന ഗാ​നം ആ​സ്വാ​ദ​ന​ത്തോ​ടൊ​പ്പം ചെ​റി​യ വി​മ​ർ​ശ​ന​ങ്ങ​ളും നേ​രി​ട്ടി​രു​ന്നു. "മു​ഖ​ക്കു​രു മു​ള​യ്ക്കു​ന്ന ക​വി​ളി​ലെ ക​സ്തൂ​രി...' മ​ങ്കൊ​ന്പ് മ​ല​യാ​ള കാ​ൽ​പ്പ​നി​ക പ്ര​ണ​യ​ലോ​ക​ത്തി​ന് ആ​ദ്യം സ​മ്മാ​നി​ച്ച സ്നേ​ഹ​തീ​വ്ര​ത​യു​ടെ ന​ഖ​ക്ഷ​തം ആ​ണ്. മ​ല്ലി​കാ​ർ​ജു​ന ക്ഷേ​ത്ര​ത്തി​ൽ വ​ച്ച​വ​ൾ മ​ല്ലീ​ശ്വ​ര​ന്‍റെ പൂ​വ​ന്പ് കൊ​ണ്ടു...​എ​ന്ന​തി​ലെ മ​ല്ലീ​ശ്വ​ര​ൻ വ​ലി​യ ച​ർ​ച്ച​യ്ക്ക് വി​ധേ​യ​മാ​യി​രു​ന്നു.

കാ​മ​ദേ​വ​ൻ മ​ല്ലീ​ശ​ര​ൻ ആ​ണെ​ന്നും മ​ല്ലീ​ശ്വ​ര​ൻ പ​ര​മ​ശി​വ​ന്‍റെ പ​ര്യാ​യ​മാ​ണെ​ന്നും വാ​ദ​മു​യ​ർ​ന്നു. മു​ല്ല​പ്പൂ കൊ​ണ്ടു​ള്ള ശ​ര​മെ​റി​യു​ന്ന​വ​നെ മ​ല്ലീ​ശ​ര​ൻ എ​ന്ന് മ​ങ്കൊ​ന്പ് എ​ന്തു​കൊ​ണ്ട് എ​ഴു​തി​യി​ല്ല എ​ന്ന് പ​ല​രും ചോ​ദി​ച്ചു. 1977ൽ ​മ​ങ്കൊ​ന്പ് ഇ​തി​ന് മ​റു​പ​ടി പ​റ​ഞ്ഞോ എ​ന്ന​റി​യി​ല്ല. എ​ന്നാ​ൽ അ​ടു​ത്ത കാ​ല​ത്ത് ഒ​രു സ്വ​കാ​ര്യ ചാ​ന​ലി​നു ന​ൽ​കി​യ അ​ഭി​മു​ഖ​ത്തി​ൽ താ​ൻ മു​ല്ല​പ്പൂ​വി​ന്‍റെ ഈ​ശ്വ​ര​ൻ എ​ന്ന നി​ല​യ്ക്കാ​ണ് മ​ല്ലീ​ശ്വ​ര​ൻ എ​ന്ന് എ​ഴു​തി​യ​തെ​ന്ന് മ​ങ്കൊ​ന്പ് പ​റ​യു​ന്ന​ത് കേ​ട്ടു. സു​ജാ​ത എ​ന്ന ചി​ത്ര​ത്തി​ലെ എ​ല്ലാ ഗാ​ന​ങ്ങ​ളും ഇ​തു​പോ​ലെ സൂ​പ്പ​ർ ഹി​റ്റു​ക​ളാ​ണ്. ഈ ​ചി​ത്ര​ത്തി​ലെ "സ്വ​യം​വ​ര​ശു​ഭ​ദി​ന​മം​ഗ​ള​ങ്ങ​ൾ...' ആ​ശാ ബോ​സ്ലെ എ​ന്ന ഇ​തി​ഹാ​സം പാ​ടി​യ ഒ​രേ​യൊ​രു മ​ല​യാ​ള ഗാ​ന​മാ​ണ് എ​ന്ന​തും ഓ​ർ​മി​ക്കാം.