നി​ന​ച്ചി​രി​ക്കാ​തെ ഒ​രു നാ​ടി​നെ അ​തേ​പോ​ലെ വി​ഴു​ങ്ങി​യ മ​ഹാ​വി​പ​ത്തി​ൽ വ​യ​നാ​ട് ഒ​റ്റ​യ്ക്ക​ല്ലെ​ന്ന് തെ​ളി​യി​ക്കു​ക​യാ​ണ് മ​ല​യാ​ളി​ക​ള‌​ട​ക്കം മ​നു​ഷ്യ​ത്വ​മു​ള്ള​വ​രെ​ല്ലാം. താ​ങ്ങും ത​ണ​ലു​മാ​യി വ​യ​നാ​ടി​ന്‍റെ വീ​ണ്ടെ​ടു​പ്പി​നാ‌​യി ന​ട​ൻ മ​മ്മൂ​ട്ടി​യും മ​ക​ൻ ദു​ൽ​ഖ​റും ചേ​ർ​ന്ന് ന​ൽ​കി‌​യ​ത് 35 ല​ക്ഷം രൂ​പ. ആ​ദ്യ​ഘ​ട്ടം എ​ന്ന നി​ല​യി​ലാ​ണ് ഈ ​തു​ക കൈ​മാ​റി​യ​ത്. സ​ഹാ​യ​ധ​നം മ​ന്ത്രി പി.​രാ​ജീ​വ് ഏ​റ്റു​വാ​ങ്ങി. മ​മ്മൂ​ട്ടി കെ​യ​ർ ഫൗ​ണ്ടേ​ഷ​ന്‍റെ ഭാ​ഗ​മാ​യാ​ണ് തു​ക കൈ​മാ​റി​യ​ത്.

വൈ​കാ​രി​ക​മാ​യ കു​റി​പ്പി​നൊ​പ്പ​മാ​ണ് മോ​ഹ​ൻ​ലാ​ൽ ത​ന്‍റെ സ​ഹാ​യ​ഹ​സ്തം പ്ര​ഖ്യാ​പി​ച്ച​ത്. 25 ല​ക്ഷം രൂ​പ​യാ​ണ് വ​യ​നാ‌​ടി​നാ​യി താ​രം ന​ൽ​കി​യ​ത്. ഇ​തി​ന് മു​ന്‍​പും വെ​ല്ലു​വി​ളി​ക​ളെ അ​ഭി​മു​ഖീ​ക​രി​ക്കു​ക​യും കൂ​ടു​ത​ല്‍ ശ​ക്ത​രാ​കു​ക​യും ചെ​യ്ത​വ​രാ​ണ് ന​മ്മ​ള്‍ മ​ല​യാ​ളി​ക​ളെ​ന്ന് മോ​ഹ​ന്‍​ലാ​ല്‍ കു​റി​ച്ചു.

മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക് ടൊ​വീ​നോ തോ​മ​സ് 25 ല​ക്ഷം രൂ​പ​യാ​ണ് സം​ഭാ​വ​ന ചെ​യ​ത​ത്. ഉ​ണ്ണി മു​കു​ന്ദ​ൻ ചി​ത്രം മാ​ർ​ക്കോ​യു​ടെ നി​ർ​മാ​താ​വ് ഷെ​രീ​ഫ് മു​ഹ​മ്മ​ദ് പ​ത്തു​ല​ക്ഷം രൂ​പ, മ​ഞ്ജു വാ​ര്യ​ർ അ​ഞ്ചു​ല​ക്ഷം, ഗാ​യി​ക റീ​മി ടോ​മി അ​ഞ്ചു​ല​ക്ഷം, പേ​ളി മാ​ണി അ​ഞ്ചു ല​ക്ഷം, ന​വ്യ നാ​യ​ർ ഒ​രു ല​ക്ഷം എന്നിങ്ങനെ ന​ൽ​കി.

കാ​ർ​ത്തി​യും സൂ​ര്യ​യും ജ്യോ​തി​ക​യും ചേ​ർ​ന്ന് 50 ല​ക്ഷം രൂ​പ ന​ൽ​കു​ക​യു​ണ്ടാ​യി. ന​ട​ന്മാ​രാ​യ ക​മ​ൽ​ഹാ​സ​ൻ, വി​ക്രം എ​ന്നി​വ​ര്‍ 20 ല​ക്ഷം രൂ​പ​യും ന​ടി ര​ശ്മി​ക മ​ന്ദാ​ന 10 ല​ക്ഷം രൂ​പ​യും ന​ൽ​കി. ഫ​ഹ​ദ് ഫാ​സി​ലും ന​സ്രി​യ​യും ചേ​ർ​ന്നും 25 ല​ക്ഷം ന​ൽ​കു​ക​യു​ണ്ടാ​യി.