ബക്കറ്റിലെ വെള്ളത്തില് പിഞ്ചുകുഞ്ഞ് മുങ്ങിമരിച്ചു
Sunday, September 22, 2024 10:58 PM IST
കാസര്ഗോഡ്: ശുചിമുറിയിലെ ബക്കറ്റിലെ വെള്ളത്തില് വീണു പിഞ്ചുകുഞ്ഞ് മുങ്ങിമരിച്ചു. മഞ്ചേശ്വരം കടമ്പാറിലെ ഹാരിസിന്റെയും ഖൈറുന്നീസയുടെയും ഒരു വയസും രണ്ടു മാസവും പ്രായമുള്ള മകള് ഫാത്തിമയാണ് മരിച്ചത്.
വീട്ടുകാര് വരാന്തയില് ഇരുന്ന് സംസാരിക്കുന്നതിനിടയില് വീട്ടിനകത്ത് കളിച്ചുകൊണ്ടിരുന്ന ഫാത്തിമ വീട്ടുകാര് അറിയാതെ ശുചിമുറിയില് എത്തുകയായിരുന്നു. ഇതിനിടെ കുട്ടിയെ കാണാത്തതിനെത്തുടര്ന്ന് വീട്ടുകാര് തെരയുന്നതിനിടയിലാണ് ശുചിമുറിയിലെ ബക്കറ്റിലെ വെള്ളത്തില് കുട്ടിയെ മുങ്ങിയ നിലയില് കണ്ടത്.
കുഞ്ഞിനെ ഉടന് തന്നെ ആശുപത്രിയിലെത്തിച്ചുവെങ്കിലും രക്ഷിക്കാന് കഴിഞ്ഞില്ല. സംഭവത്തില് മഞ്ചേശ്വരം പോലീസ് അസ്വാഭാവിക മരണത്തിനു കേസെടുത്തു.