മദ്യനയക്കേസ്: കേജരിവാളിനെ സിബിഐ കസ്റ്റഡിയിൽ വിട്ടു
Wednesday, June 26, 2024 7:51 PM IST
ന്യൂഡൽഹി: മദ്യനയക്കേസിൽ ഡൽഹി മുഖ്യമന്ത്രി അരവിന്ദ് കേജരിവാളിനെ മൂന്നു ദിവസത്തേക്ക് സിബിഐ കസ്റ്റഡിയില് വിട്ടു. ഡൽഹി റൗസ് അവന്യൂ കോടതിയുടേതാണ് ഉത്തരവ്.
ഇഡി കേസിൽ ജൂണ് 20ന് റൗസ് അവന്യൂ കോടതിയിലെ അവധിക്കാല ജഡ്ജി കേജരിവാളിന് ജാമ്യം അനുവദിച്ചിരുന്നു. എന്നാൽ ജാമ്യം നല്കിയ കോടതി ഉത്തരവ് ഇന്നലെ ഹൈക്കോടതി സ്റ്റേ ചെയ്തിരുന്നു.
വിചാരണ കോടതി കേസ് സംബന്ധിച്ച കാര്യങ്ങള് നന്നായി മനസിലാക്കിയില്ലെന്ന് ഹൈക്കോടതി വിമര്ശിച്ചു. ജാമ്യം സ്റ്റേ ചെയ്യണമെന്നാവശ്യപ്പെട്ട് എന്ഫോഴ്സ്മെന്റ് ഡയറക്ടറേറ്റ് നല്കിയ അപേക്ഷ പരിഗണിച്ചാണ് ഹൈക്കോടതി ഉത്തരവ്.