ആ​ല​പ്പു​ഴ: ചേ​ർ​ത്ത​ല​യി​ലെ ഭാ​ഗ്യ​ക്കു​റി വി​ൽ​പ​ന​ശാ​ല​യി​ൽ നി​ന്ന് 2.16 ല​ക്ഷം രൂ​പ വി​ല​വ​രു​ന്ന ലോ​ട്ട​റി ടി​ക്ക​റ്റു​ക​ൾ ക​വ​ർ​ന്നു. കൗ​ണ്ട​റി​ൽ സൂ​ക്ഷി​ച്ചി​രു​ന്ന പ​തി​നാ​യി​ര​ത്തോ​ളം രൂ​പ​യും മോ​ഷ്ടാ​വ് ക​വ​ർ​ന്നി​ട്ടു​ണ്ട്.

. ചേ​ർ​ത്ത​ല ദേ​വീ ക്ഷേ​ത്ര​ത്തി​ന് സ​മീ​പ​ത്തെ പ​ള്ളി​ക്കാ​വ് വെ​ളി ല​ത ബാ​ബു​വി​ന്‍റെ ഉ​ട​മ​സ്ഥ​ത​യി​ലു​ള്ള 'ബ്ര​ദേ​ഴ്‌​സ്' ഭാ​ഗ്യ​ക്കു​റി വി​ൽ​പ​ന​ശാ​ല​യി​ലാ​ണ് മോ​ഷ​ണം ന​ട​ന്ന​ത്. തി​ങ്ക​ളാ​ഴ്ച പു​ല​ർ​ച്ചെ​യാ​ണ് സം​ഭ​വം.

സ​മീ​പ​ത്തെ വീ​ടി​ന്‍റെ ഗേ​റ്റ് ചാ​ടി​ക്ക​ട​ന്ന് ക​ട​യു​ടെ മ​തി​ലി​നു​ള്ളി​ൽ പ്ര​വേ​ശി​ച്ച മോ​ഷ്ടാ​വ്, ക​ട​യു​ടെ വ​ട​ക്കു​ഭാ​ഗ​ത്തു​ള്ള ജ​ന​ൽ പാ​ളി തു​റ​ന്ന് ക​മ്പി അ​റു​ത്തു​മാ​റ്റി, കൈ​വ​ശ​മു​ണ്ടാ​യി​രു​ന്ന ക​മ്പി​പ്പാ​ര ഉ​പ​യോ​ഗി​ച്ച് ഗ്രി​ൽ ത​ക​ർ​ത്താ​ണ് അ​ക​ത്തു​ക​ട​ന്ന​ത്.

തി​ങ്ക​ൾ, ചൊ​വ്വ, ബു​ധ​ൻ ദി​വ​സ​ങ്ങ​ളി​ൽ ന​റു​ക്കെ​ടു​ക്കു​ന്ന ഭാ​ഗ്യ​ധാ​ര, സ്ത്രീ​ശ​ക്തി, ധ​ന​ല​ക്ഷ്മി എ​ന്നി​വ​യു​ടെ 5143 ലോ​ട്ട​റി ടി​ക്ക​റ്റു​ക​ളാ​ണ് ന​ഷ്ട​പ്പെ​ട്ട​ത്. തി​ങ്ക​ളാ​ഴ്ച രാ​വി​ലെ ക​ട തു​റ​ക്കാ​നാ​യി ജീ​വ​ന​ക്കാ​ര​ൻ എ​ത്തി​യ​പ്പോ​ഴാ​ണ് മോ​ഷ​ണ വി​വ​രം അ​റി​യു​ന്ന​ത്. തു​ട​ർ​ന്ന് ചേ​ർ​ത്ത​ല പൊ​ലീ​സ് സ്ഥ​ല​ത്തെ​ത്തി.

സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ച​തി​ൽ നി​ന്നും പു​ല​ർ​ച്ചെ 2.45ന് ​മോ​ഷ്ടാ​വ് നീ​ല മ​ഴ​ക്കോ​ട്ട​ണി​ഞ്ഞ് തു​ണി​കൊ​ണ്ട് മു​ഖം മ​റ​ച്ച് എ​ത്തു​ന്ന ദൃ​ശ്യ​ങ്ങ​ൾ പോ​ലീ​സി​ന് ല​ഭി​ച്ചു. ആ​ല​പ്പു​ഴ​യി​ൽ നി​ന്ന് ഡോ​ഗ് സ്‌​ക്വാ​ഡും വി​ര​ല​ട​യാ​ള വി​ദ​ഗ്ധ​രും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.