ക​ൽ​പ്പ​റ്റ: ബ​ത്തേ​രി അ​ര്‍​ബ​ന്‍ ബാ​ങ്കി​ല്‍ നി​യ​മ​ന​ത്തി​ന് കോ​ഴ​വാ​ങ്ങി​യെ​ന്ന ആ​രോ​പ​ണ​ത്തി​നു വി​ധേ​യ​നാ​യ ഐ.​സി. ബാ​ല​കൃ​ഷ്ണ​ന്‍ എം​എ​ല്‍​എ​യ്‌​ക്കെ​തി​രേ വി​ജി​ല​ന്‍​സ് കേ​സ്.

വ​യ​നാ​ട് ഡി​സി​സി മു​ന്‍ പ്ര​സി​ഡ​ന്‍റു​മാ​യ ബാ​ല​കൃ​ഷ്ണ​നെ പ്ര​തി​യാ​ക്കി മീ​ന​ങ്ങാ​ടി വി​ജി​ല​ന്‍​സ് എ​ഫ്‌​ഐ​ആ​ര്‍ ഇ​ട്ടു. കോ​ൺ​ഗ്ര​സ് ഭ​രി​ക്കു​ന്ന സ​ഹ​ക​ര​ണ ബാ​ങ്കു​ക​ളി​ൽ നി​യ​മ​ന​ത്തി​നാ​യി കോ​ഴ വാ​ങ്ങി​യ​തി​ൽ എം​എ​ൽ​എ​യ്ക്ക് പ​ങ്കു​ണ്ടെ​ന്ന് ആ​രോ​പ​ണം ഉ​യ​ർ​ന്നി​രു​ന്നു. എ​ൻ.​എം. വി​ജ​യ​ന്‍റെ ആ​ത്മ​ഹ​ത്യ​യു​മാ​യി ബ​ന്ധ​പ്പെ​ട്ട പ്രാ​ഥ​മി​ക അ​ന്വേ​ഷ​ണ​ത്തി​നു ശേ​ഷ​മാ​ണ് കേ​സ് ര​ജി​സ്റ്റ​ർ ചെ​യ്ത​ത്.

നി​യ​മ​ന​ക്കോ​ഴ​യു​മാ​യി ബ​ന്ധ​പ്പെ​ട്ട വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ് എ​ഫ്ഐ​ആ​ർ ഇ​ട്ട​ത്. ഇ​തു​മാ​യി ബ​ന്ധ​പ്പെ​ട്ട് വി​ജി​ല​ൻ​സ് പ്രാ​ഥ​മി​ക അ​ന്വേ​ഷ​ണം പൂ​ർ​ത്തി​യാ​ക്കി. വി​ജി​ല​ൻ​സ് ഡ​യ​റ​ക്ട​റു​ടെ അ​നു​മ​തി​യെ​ത്തു​ട​ർ​ന്നാ​ണ് കേ​സ് എ​ടു​ത്തി​രി​ക്കു​ന്ന​ത്.

എ​ൻ.​എം. വി​ജ​യ​ന്‍റെ​യും മ​ക​ന്‍റെ​യും മ​ര​ണ​ത്തി​ൽ സു​ൽ​ത്താ​ൻ ബ​ത്തേ​രി എം​എ​ൽ​എ ഐ.​സി. ബാ​ല​കൃ​ഷ്ണ​ൻ, വ​യ​നാ​ട് ഡി​സി​സി അ​ധ്യ​ക്ഷ​ൻ എ​ൻ.​ഡി. അ​പ്പ​ച്ച​ൻ, കെ.​കെ. ഗോ​പി​നാ​ഥ​ൻ എ​ന്നി​വ​രെ ആ​ത്മ​ഹ​ത്യാ പ്രേ​ര​ണാ​ക്കു​റ്റം ചു​മ​ത്തി പ്ര​തി ചേ​ർ​ത്തി​രു​ന്നു.

എ​ൻ.​എം. വി​ജ​യ​ന്‍റെ ആ​ത്മ​ഹ​ത്യ കു​റി​പ്പി​ൽ നാ​ല് നേ​താ​ക്ക​ളു​ടെ പേ​രാ​ണ് പ​റ​യു​ന്ന​ത്. ഇ​തി​ൽ ഒ​രാ​ൾ മ​രി​ച്ചി​രു​ന്നു. ബാ​ക്കി മൂ​ന്ന് പേ​ർ​ക്കെ​തി​രേ​യാ​ണ് പോ​ലീ​സ് പ്ര​തി ചേ​ർ​ത്ത​ത്. എ​ൻ.​എം. വി​ജ​യ​ന്‍റെ​യും മ​ക​ന്‍റെ​യും മ​ര​ണ​ത്തി​ൽ ഐ.​സി. ബാ​ല​കൃ​ഷ്ണ​ൻ ഉ​ൾ​പ്പെ​ടെ​യു​ള്ള​വ​ർ​ക്കെ​തി​രേ കു​ടും​ബം ഗു​രു​ത​ര ആ​രോ​പ​ണ​ങ്ങ​ളാ​യി​രു​ന്നു ഉ​ന്ന​യി​ച്ചി​രു​ന്ന​ത്.