കൊ​ളം​ബോ: ഐ​സി​സി വനിത ഏ​ക​ദി​ന ലോ​ക​ക​പ്പ് ക്രി​ക്ക​റ്റി​ൽ ഇ​ന്ത്യ​യ്ക്ക് ത​ക​ർ​പ്പ​ൻ ജ​യം. പാ​ക്കി​സ്ഥാ​നെ 88 റ​ണ്‍​സി​ന് കീ​ഴ്പ്പെ​ടു​ത്തി​യാ​ണ് ഇ​ന്ത്യ വി​ജ​യം ആ​ഘോ​ഷി​ച്ച​ത്.

ഇ​ന്ത്യ ഉ​യ​ർ​ത്തി​യ 248 റ​ണ്‍​സ് വി​ജ​യ​ല​ക്ഷ്യം പി​ന്തു​ട​ർ​ന്ന പാ​ക്കി​സ്ഥാ​ൻ 43 ഓ​വ​റി​ൽ 159 റ​ണ്‍​സി​ന് ഓ​ൾ​ഔ​ട്ടാ​യി. ക്രാ​ന്തി ഗാ​ഡി​ന്‍റെ​യും ദീ​പ്തി ശ​ർ​മ​യു​ടെ​യും മി​ന്നു​ന്ന പ്ര​ക​ട​ന​മാ​ണ് പാ​ക്കി​സ്ഥാ​നെ ത​ക​ർ​ത്ത​ത്.

പാ​ക്കി​സ്ഥാ​നാ​യി സി​ദ്ര അ​മീ​ൻ 106 പ​ന്തി​ൽ 81 റ​ണ്‍​സു​മാ​യി മി​ക​ച്ച പ്ര​ക​ട​നം കാ​ഴ്ച​വ​ച്ചു. ന​താ​ലി​യ പ​ർ​വേ​സ് 33 റ​ണ്‍​സും സി​ദ്ര ന​വാ​സ് 14 റ​ണ്‍​സും നേ​ടി. പാ​ക് നി​ര​യി​ൽ മ​റ്റാ​ർ​ക്കും ര​ണ്ട​ക്കം കാ​ണാ​ൻ ക​ഴി​ഞ്ഞി​ല്ല.

ഇ​ന്ത്യ​യ്ക്കാ​യി ക്രാ​ന്തി ഗാ​ഡും ദീ​പ്തി ശ​ർ​മ​യും മൂ​ന്ന് വി​ക്ക​റ്റു​ക​ൾ വീ​തം വീ​ഴ്ത്തി. സ്നേ​ഹ റാ​ണ ര​ണ്ട് വി​ക്ക​റ്റും പി​ഴ്തു.

ടോ​സ് ന​ഷ്ട​പ്പെ​ട്ട് ആ​ദ്യം ബാ​റ്റ് ചെ​യ്ത ഇ​ന്ത്യ ഹ​ർ​ലീ​ൻ ഡി​യോ​ളി​ന്‍റെ പോ​രാ​ട്ട​ത്തി​ലാ​ണ് മികച്ച നി​ല​യി​ലെ​ത്തി​യ​ത്. 65 പ​ന്തു​ക​ൾ നേ​രി​ട്ട ഹ​ർ​ലീ​ൻ 46 റ​ണ്‍​സെ​ടു​ത്താ​ണ് മ​ട​ങ്ങി​യ​ത്. ഇ​ന്ത്യ​യ്ക്കാ​യി ഓ​പ്പ​ണ​റു​മാ​രാ​യ പ്ര​തീ​ക റാ​വ​ലും സ്മൃ​തി മ​ന്ദാ​ന​യും ചേ​ർ​ന്ന് 48 റ​ണ്‍​സെ​ടു​ത്തു. റാ​വ​ൽ 31 റ​ണ്‍​സും മ​ന്ദാ​ന 23 റ​ണ്‍​സു​മെ​ടു​ത്താ​ണ് മ​ട​ങ്ങി​യ​ത്.

ജെ​മി​മ റോ​ഡ്രി​ഗ​സ് 32, ഹ​ർ​മ​ൻ​പ്രീ​ത് കൗ​ർ 19, ദീ​പ്തി ശ​ർ​മ 25, സ്നേ​ഹ റാ​ണ 20 റ​ണ്‍​സും നേ​ടി. റി​ച്ചാ ഗോ​ഷ് പു​റ​ത്താ​കാ​തെ 35 റ​ണ്‍​സെ​ടു​ത്തു.

പാ​ക്കി​സ്ഥാ​നാ​യി ഡ​യാ​ന ബെ​യ്ഗ് നാ​ല് വി​ക്ക​റ്റ് നേ​ടി. സാ​ദി​യ ഇ​ക്ബാ​ലും ഫാ​ത്തി​മ സ​ന​യും ര​ണ്ട് വി​ക്ക​റ്റ് വീ​ത​വും വീ​ഴ്ത്തി.

ജ​യ​ത്തോ​ടെ ഇ​ന്ത്യ പോ​യി​ന്‍റ് ടേ​ബി​ളി​ൽ ര​ണ്ട് മ​ത്സ​ര​ങ്ങ​ളി​ൽ​നി​ന്നും നാ​ല് പോ​യി​ന്‍റു​മാ​യി ഒ​ന്നാം സ്ഥാ​ന​ത്തെ​ത്തി.