വാ​ഷിം​ഗ്‌‌​ട​ൺ ഡി​സി: റഷ്യ-യുക്രെയ്ൻ യുദ്ധത്തെത്തുടർന്ന് നഷ്ടപ്പെട്ട ഭൂ​പ്ര​ദേ​ശ​ങ്ങ​ൾ റഷ്യയിൽനിന്ന് തിരിച്ചുപിടിക്കാൻ യു​ക്രെ​യ്നു സാ​ധി​ക്കു​മെ​ന്നു യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ്. യു​ക്രെ​യ്ൻ പ്ര​സി​ഡ​ന്‍റ് വ്ളോ​ഡി​മി​ർ സെ​ലെ​ൻ​സ്‌​കി​യു​മാ​യി ന​ട​ത്തി​യ കൂ​ടി​ക്കാ​ഴ്ച​ക്കു പി​ന്നാ​ലെ​യാ​ണ് ട്രൂ​ത്ത് സോ​ഷ്യ​ലി​ലൂ​ടെ ട്രം​പി​ന്‍റെ വാ​ക്കു​ക​ൾ. ക്രെ​മി​യ ഉ​ൾ​പ്പെ​ടെ റ​ഷ്യ പി​ടി​ച്ചെ​ടു​ത്ത ഭൂ​മി യു​ക്രെ​യ്ന് തി​രി​കെ ല​ഭി​ക്കി​ല്ലെ​ന്നാ​യി​രു​ന്നു ട്രം​പ് നേ​ര​ത്തെ പ​റ​ഞ്ഞി​രു​ന്ന​ത്.

2014ൽ യു​ക്രെ​യ്നി​ൽ​നി​ന്നു ​റ​ഷ്യ പി​ടി​ച്ചെ​ടു​ത്ത ക്രെ​മി​യ തി​രി​ച്ചു ന​ല്‍​കു​ന്ന​തു ച​ർ​ച്ച​യാ​ക്കി​ല്ലെ​ന്നാ​യി​രു​ന്നു നേ​ര​ത്തെ ട്രം​പി​ന്‍റെ നി​ല​പാ​ട്. ഇ​ക്കാ​ര്യം പ​ര​സ്യ​മാ​യി പ്ര​ഖ്യാ​പി​ച്ച ട്രം​പ് യു​ക്രെ​യ്ന് മു​ന്നി​ൽ നാ​റ്റോ​യു​ടെ വാ​തി​ൽ തു​റ​ക്കി​ല്ലെ​ന്ന സൂ​ച​ന​യും ന​ൽ​കി​യി​രു​ന്നു. എ​ന്നാ​ൽ ഇ​ക്കാ​ര്യ​ങ്ങ​ളി​ൽ നി​ല​പാ​ട് മാ​റ്റ​വു​മാ​യാ​ണ് ട്രം​പി​ന്‍റെ പു​തി​യ പ്ര​സ്താ​വ​ന.

യു​ക്രെ​യ്‌നിന്‍റെ​യും റ​ഷ്യ​യു​ടെ​യും സൈ​നി​ക​വും സാ​മ്പ​ത്തി​ക​വു​മാ​യ സാ​ഹ​ച​ര്യം അ​വ​ലോ​ക​നം ചെ​യ്യു​മ്പോ​ൾ, ന​ഷ്ട​പ്പെ​ട്ട ഭൂ​പ്ര​ദേ​ശ​ങ്ങ​ൾ യൂ​റോ​പ്യ​ൻ യൂണിയ​ന്‍റെ സ​ഹാ​യ​ത്തോ​ടെ തി​രി​ച്ചു​പി​ടി​ക്കാ​ൻ യു​ക്രെ​യ്ന് സാ​ധി​ക്കു​മെ​ന്നാ​ണ് ക​രു​തു​ന്ന​തെന്ന് ട്രംപ് പറഞ്ഞു. സ​മ​യ​വും ക്ഷ​മ​യും യൂ​റോ​പ്പി​ന്‍റെ​യും നാ​റ്റോ​യു​ടെ​യും സ​ഹാ​യ​വു​മു​ണ്ടെ​ങ്കി​ൽ യുദ്ധത്തിന് മുന്പ് എ​ങ്ങ​നെ​യാ​യി​രു​ന്നോ ആ ​നി​ല​യി​ലേ​ക്ക് യു​ക്രെ​യ്ന് തി​രി​കെ വ​രാ​നാ​കും. നാ​റ്റോ​യ്ക്ക് ആ​യു​ധം ന​ൽ​കു​ന്ന​ത് തു​ട​രുമെന്നും എ​ന്തു​ ചെ​യ്യ​ണ​മെ​ന്ന് നാ​റ്റോ തീ​രു​മാ​നി​ക്കുമെന്നും ട്രം​പ് ട്രൂ​ത്ത് സോ​ഷ്യ​ലി​ൽ പോ​സ്റ്റ് ചെ​യ്തു.