തൃ​ശൂ​ർ: ക​ണ്ടി​ൻ​ജ​ന്‍റ് ജീ​വ​ന​ക്കാ​രു​ടെ പെ​ൻ​ഷ​ൻ വി​ഹി​തം പെ​ൻ​ഷ​ൻ അ​ക്കൗ​ണ്ടി​ലേ​ക്ക് അ​ട​യ്ക്കാ​തെ ത​ന​ത് ഫ​ണ്ടി​ൽ നി​ല​നി​ർ​ത്തി തൃ​ശൂ​ർ കോ​ർ​പ​റേ​ഷ​ൻ ജീ​വ​ന​ക്കാ​രെ വ​ഞ്ചി​ച്ച​താ​യി റി​പ്പോ​ർ​ട്ട്. കോ​ർ​പ​റേ​ഷ​നി​ലെ 135 ക​ണ്ടി​ൻ​ജ​ന്‍റ് ജീ​വ​ന​ക്കാ​രു​ടെ പെ​ൻ​ഷ​ൻ വി​ഹി​ത​മാ​യ 2.18 കോ​ടി​യാ​ണ് പെ​ൻ​ഷ​ൻ അ​ക്കൗ​ണ്ടി​ലേ​ക്ക് അ​ട​യ്ക്കാ​തെ ത​ന​ത് ഫ​ണ്ടി​ൽ നി​ല​നി​ർ​ത്തി​യ​ത്. ഇ​തു​മൂ​ലം ഇ​വ​ർ​ക്കാ​ർ​ക്കും വി​ര​മി​ച്ച ആ​നു​കൂ​ല്യ​ങ്ങ​ളോ പെ​ൻ​ഷ​നോ കി​ട്ടി​ല്ല.

ഇ​വ​രി​ൽ​നി​ന്ന് നി​യ​മ​പ്ര​കാ​ര​മു​ള്ള പെ​ൻ​ഷ​ൻ വി​ഹി​തം കോ​ർ​പ​റേ​ഷ​ൻ പി​രി​ച്ചെ​ടു​ത്തി​രു​ന്നു. ഈ ​തു​ക അ​വ​രു​ടെ പെ​ൻ​ഷ​ൻ അ​ക്കൗ​ണ്ട് ന​മ്പ​ർ കി​ട്ടും വ​രെ കോ​ർ​പ​റേ​ഷ​ന്‍റെ ത​ന​ത് ഫ​ണ്ടി​ൽ സൂ​ക്ഷി​ക്കാ​ൻ വ്യ​വ​സ്ഥ​യു​ണ്ട്. എ​ന്നാ​ൽ പ​ര​മാ​വ​ധി ര​ണ്ടു മാ​സ​ത്തി​നു​ള്ളി​ൽ അ​ത​ത് പെ​ൻ​ഷ​ൻ അ​ക്കൗ​ണ്ടി​ലേ​ക്ക് മാ​റ്റ​ണം. ഇ​ത് മാ​റ്റാ​തെ​യാ​ണ് 2.18 കോ​ടി കോ​ർ​പ​റേ​ഷ​ൻ ത​ന​ത് ഫ​ണ്ടി​ൽ പി​ടി​ച്ചു​വ​ച്ച​ത്.

ഇ​ത്ര​യും വ​ലി​യ തു​ക ര​ണ്ടു​മു​ത​ൽ അ​ഞ്ചു​വ​ർ​ഷം വ​രെ നി​ല​നി​ർ​ത്തി​യാ​ണ് അ​നാ​സ്ഥ കാ​ണി​ച്ച​ത്. ഇ​ക്കാ​ര്യം ജീ​വ​ന​ക്കാ​ര​റി​ഞ്ഞി​ട്ടി​ല്ല. ഇ​തി​ന് കോ​ർ​പ​റേ​ഷ​നെ പെ​ൻ​ഷ​ൻ ഫ​ണ്ട് റെ​ഗു​ലേ​റ്റ​റി ആ​ൻ​ഡ് ഡെ​വ​ല​പ്‌​മെ​ന്‍റ് അ​തോ​റി​റ്റി ശി​ക്ഷി​ക്ക​ണ​മെ​ന്നും അ​ക്കൗ​ണ്ട്‌​സ് ജ​ന​റ​ൽ (ഓ​ഡി​റ്റ്) ന​ൽ​കി​യ പ​രി​ശോ​ധ​നാ റി​പ്പോ​ർ​ട്ടി​ൽ പ​റ​യു​ന്നു. ക​ൺ​ട്രോ​ള​ർ ആ​ൻ​ഡ് ഓ​ഡി​റ്റ​ർ ജ​ന​റ​ൽ നി​യ​മ​പ്ര​കാ​രം 2023-24 സാ​മ്പ​ത്തി​ക വ​ർ​ഷ​ത്തെ ക​ണ​ക്കു​ക​ളാ​ണ് പ​രി​ശോ​ധി​ച്ച​ത്.