തി​രു​വ​ന​ന്ത​പു​രം: സ്കൂ​ളി​ലെ കു​ട്ടി​ക​ളെ കൊ​ണ്ടു​പോ​കു​ന്ന സ്വ​കാ​ര്യ മി​നി വാ​ൻ മോ​ഷ്ടി​ച്ച കേ​സി​ൽ നാ​ല് യു​വാ​ക്ക​ൾ അ​റ​സ്റ്റി​ൽ. ഊ​രൂ​ട്ടു​മ്പ​ലം ഗ​വ. എ​ൽ​പി സ്കൂ​ളി​ലെ കു​ട്ടി​ക​ളെ കൊ​ണ്ടു​പോ​കു​ന്ന സ്വ​കാ​ര്യ മി​നി വാ​ൻ മോ​ഷ്ടി​ച്ച കേ​സി​ലാ​ണ് യു​വാ​ക്ക​ൾ അ​റ​സ്റ്റി​ലാ​യ​ത്.

ഊ​രൂ​ട്ടു​മ്പ​ലം വേ​ലി​ക്കോ​ട് സ്വ​ദേ​ശി​ക​ളാ​യ അ​ഖി​ൽ ബാ​ബു (20), എ​സ്. ജ​യ​സൂ​ര്യ (18), കി​ടാ​പ​ള്ളി സ്വ​ദേ​ശി ജെ. ​സ​ജി​ൻ (21) എ​ന്നി​വ​രും പ്രാ​യ​പൂ​ർ​ത്തി​യാ​കാ​ത്ത ഒ​രാ​ളു​മാ​ണ് പി​ടി​യി​ലാ​യ​ത്. മാ​റ​ന​ല്ലൂ​ർ പോ​ലീ​സാ​ണ് ഇ​വ​രെ അ​റ​സ്റ്റ് ചെ​യ്ത​ത്.

മു​ക്കം പാ​ലാ​മൂ​ട് സ്വ​ദേ​ശി ഫി​ലോ​മി​ന​യു​ടെ ഉ​ട​മ​സ്ഥ​ത​യി​ലു​ള്ള മ​ഹേ​ന്ദ്ര വാ​ൻ ചൊ​വ്വാ​ഴ്ച പു​ല​ർ​ച്ചെ​യാ​ണ് മോ​ഷ​ണം പോ​യ​ത്. ക​ഴി​ഞ്ഞ ഒ​രു മാ​സ​മാ​യി നീ​റാ​മ​ൺ​കു​ഴി​യി​ലു​ള്ള അ​ജു എ​ന്ന​യാ​ൾ വാ​ട​ക​യ്ക്ക് എ​ടു​ത്താ​ണ് ഈ ​വാ​ഹ​നം സ്കൂ​ൾ കു​ട്ടി​ക​ളെ കൊ​ണ്ടു​പോ​കാ​ൻ ഉ​പ​യോ​ഗി​ച്ചി​രു​ന്ന​ത്.

ഊ​രൂ​ട്ടു​മ്പ​ലം ജം​ഗ്ഷ​നി​ലാ​ണ് വാ​ൻ പാ​ർ​ക്ക് ചെ​യ്തി​രു​ന്ന​ത്. ചൊ​വ്വാ​ഴ്ച രാ​വി​ലെ 7:30ന് ​വാ​ഹ​നം എ​ടു​ക്കാ​നെ​ത്തി​യ​പ്പോ​ഴാ​ണ് അ​ജു മോ​ഷ​ണ​വി​വ​രം അ​റി​യു​ന്ന​ത്.

തു​ട​ർ​ന്ന് സ​മീ​പ​ത്തെ സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ച ശേ​ഷം മാ​റ​ന​ല്ലൂ​ർ പോ​ലീ​സി​ൽ പ​രാ​തി ന​ൽ​കി. പോ​ലീ​സ് അ​ന്വേ​ഷ​ണം ആ​രം​ഭി​ച്ച​തി​നി​ടെ, സം​ശ​യം തോ​ന്നി​യ നാ​ട്ടു​കാ​ർ നെ​യ്യാ​റ്റി​ൻ​ക​ര​യി​ൽ വെ​ച്ച് ഇ​വ​രെ ത​ട​ഞ്ഞു​വ​ച്ച് പോ​ലീ​സി​ന് കൈ​മാ​റു​ക​യാ​യി​രു​ന്നു. കോ​വ​ളം കാ​ണാ​നാ​ണ് വാ​ഹ​നം മോ​ഷ്ടി​ച്ച​തെ​ന്ന് പ്ര​തി​ക​ൾ പോ​ലീ​സി​നോ​ട് സ​മ്മ​തി​ച്ചു.