ജ​റു​സ​ലം: സ്വ​ന്തം സു​ര​ക്ഷ​യ്ക്കാ​യി ഗാ​സ ന​ഗ​രം വി​ട്ടുപോകുന്നവരുടെ എണ്ണം കൂടുന്നു. വ്യോ​മാ​ക്ര​മ​ണം ശ​ക്ത​മാ​ക്കി​യ​തി​നെ​ത്തു​ട​ർ​ന്ന് ക​ഴി​ഞ്ഞ ദി​വ​സ​ങ്ങ​ളി​ൽ ര​ണ്ട​ര ല​ക്ഷ​ത്തി​ല​ധി​കം പേ​രാണ് ഗാ​സ ന​ഗ​രം വി​ട്ടുപോ​യതെന്ന് ഇ​സ്ര​യേ​ൽ സൈ​ന്യം അ​റി​യി​ച്ചു.

ഗാ​സ​യി​ൽ തു​ട​ർ​ച്ച​യാ​യി വ്യോ​മാ​ക്ര​മ​ണ​ങ്ങ​ൾ റി​പ്പോ​ർ​ട്ട് ചെ​യ്ത​തോ​ടെ ശ​നി​യാ​ഴ്ച പ​ടി​ഞ്ഞാ​റ​ൻ ജി​ല്ല​ക​ളി​ലെ താ​മ​സ​ക്കാ​രെ ഒ​ഴി​പ്പി​ക്കാ​ൻ ആ​ഹ്വാ​നം ചെ​യ്യു​ന്ന ല​ഘു​ലേ​ഖ​ക​ൾ ഇ​സ്ര​യേ​ൽ സൈ​ന്യം വി​ത​ര​ണം ചെ​യ്തി​രു​ന്നു. ഹ​മാ​സി​നെ നേ​രി​ടാ​ൻ സൈ​ന്യം ദൃ​ഢ​നി​ശ്ച​യം ചെ​യ്തി​രി​ക്കു​ന്നതിനാൽ നി​ങ്ങ​ളു​ടെ പ്ര​ദേ​ശ​ത്ത് ഇ​സ്ര​യേ​ൽ ശ​ക്ത​മാ​യ ആ​ക്ര​മ​ണ​ത്തി​ന് ഒ​രു​ങ്ങു​ക​യാ​ണെന്നും നി​ങ്ങ​ളു​ടെ സു​ര​ക്ഷ​യ്ക്കാ​യി ഗാ​സ​യു​ടെ തെ​ക്ക് ഭാ​ഗ​ത്തു​ള്ള അ​ൽ-​റാ​ഷി​ദ് സ്ട്രീ​റ്റ് വ​ഴി ഉ​ട​ൻ ഒ​ഴി​ഞ്ഞു​പോ​കാനുമാണ് ല​ഘു​ലേ​ഖ​യി​ൽ പ​റ​യു​ന്ന​ത്.

അ​തേ​സ​മ​യം, ഗാ​സ സി​റ്റി​യി​ൽ തു​ട​രു​ന്ന‌ ഇ​സ്ര​യേ​ൽ ആ​ക്ര​മ​ണ​ത്തി​ൽ ഇ​ന്ന​ലെ 32 പേ​ർ കൂ​ടി കൊ​ല്ല​പ്പെ​ട്ടു. 12 പേ​ർ കു​ട്ടി​ക​ളാ​ണ്. ഇ​ന്ന​ലെ ഏഴ് പേ​ർ കൂ​ടി മ​രി​ച്ച​തോ​ടെ ഗാ​സ​യി​ൽ പ​ട്ടി​ണി​മ​ര​ണ​ങ്ങ​ൾ 420 ആ​യി. യ​മ​ൻ ത​ല​സ്ഥാ​ന​മാ​യ സ​നാ​യി​ൽ ഹൂ​തി​ക​ൾ​ക്കെ​തി​രെ ഇ​സ്ര​യേ​ൽ ന​ട​ത്തി​യ വ്യോ​മാ​ക്ര​മ​ണ​ത്തി​ൽ താ​മ​സ​കേ​ന്ദ്ര​ങ്ങ​ൾ ത​ക​ർ​ന്ന​ടി​ഞ്ഞു. ബു​ധ​നാ​ഴ്ച മാ​ത്രം 46 പേ​ർ കൊ​ല്ല​പ്പെ​ട്ടു.