കു​ന്നം​കു​ളം: കു​ന്നം​കു​ളം ലോ​ക്ക​പ്പ് മ​ർ​ദ​ന കേ​സ് ഒ​തു​ക്കി​ത്തീ​ർ​ക്കാ​ൻ പോ​ലീ​സ് ന​ട​ത്തി​യ ഒ​ത്തു​തീ​ർ​പ്പ് ശ്ര​മ​ങ്ങ​ൾ പു​റ​ത്തു​വ​രു​ന്നു. കേ​സി​ൽ നി​ന്ന് ഒ​ഴി​വാ​കാ​ൻ പ്ര​തി​ക​ളാ​ക്ക​പ്പെ​ട്ട പോ​ലീ​സ് ഉ​ദ്യോ​ഗ​സ്ഥ​ർ 20 ല​ക്ഷം രൂ​പ​വ​രെ വാ​ഗ്ദാ​നം ചെ​യ്തി​രു​ന്ന​താ​യി മ​ർ​ദ​ന​മേ​റ്റ യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​ൻ സു​ജി​ത് വെ​ളി​പ്പെ​ടു​ത്തി.

കേ​സു​മാ​യി ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ ഇ​ട​നി​ല​ക്കാ​ർ മു​ഖേ​ന ത​ന്നെ സ​മീ​പി​ച്ചെ​ന്നും കേ​സി​ൽ നി​ന്ന് പി​ന്മാ​റ​ണ​മെ​ന്ന് ആ​വ​ശ്യ​പ്പെ​ട്ടെ​ന്നും സു​ജി​ത് പ​റ​ഞ്ഞു. വ​ലി​യ തു​ക​യാ​ണ് അ​വ​ർ വാ​ഗ്ദാ​നം ചെ​യ്ത​തെ​ങ്കി​ലും നി​യ​മ​പോ​രാ​ട്ട​ത്തി​ൽ​നി​ന്ന് പി​ന്നോ​ട്ടി​ല്ലെ​ന്നും സു​ജി​ത് വ്യ​ക്ത​മാ​ക്കി.

2023 ഏ​പ്രി​ലി​ൽ ന​ട​ന്ന സം​ഭ​വ​ത്തി​ന്‍റെ സി​സി​ടി​വി ദൃ​ശ്യ​ങ്ങ​ൾ അ​ടു​ത്തി​ടെ​യാ​ണ് പൊ​തു​സ​മൂ​ഹ​ത്തി​ന് മു​ന്നി​ലെ​ത്തി​യ​ത്. ലോ​ക്ക​പ്പി​നു​ള്ളി​ൽ യു​വാ​വ് ക​ടു​ത്ത ശാ​രീ​രി​ക പീ​ഡ​ന​ത്തി​ന് ഇ​ര​യാ​യി​ട്ടും പോ​ലീ​സ് ദു​ർ​ബ​ല​മാ​യ വ​കു​പ്പു​ക​ൾ ചു​മ​ത്തി​യാ​ണ് കേ​സെ​ടു​ത്ത​ത്. പ​ര​മാ​വ​ധി ര​ണ്ട് വ​ർ​ഷം മാ​ത്രം ശി​ക്ഷ ല​ഭി​ക്കാ​വു​ന്ന കു​റ്റ​ങ്ങ​ളാ​ണ് ചു​മ​ത്തി​യ​ത്. ഉ​ദ്യോ​ഗ​സ്ഥ​രു​ടെ പ്രൊ​മോ​ഷ​ൻ മൂ​ന്ന് വ​ർ​ഷ​ത്തേ​ക്ക് ത​ട​ഞ്ഞെ​ന്നും ഇ​ൻ​ക്രി​മെ​ന്‍റ് ര​ണ്ട് വ​ർ​ഷ​ത്തേ​ക്ക് മ​ര​വി​പ്പി​ച്ചെ​ന്നു​മാ​ണ് ന​ട​പ​ടി​യാ​യി പോ​ലീ​സ് വി​ശ​ദീ​ക​രി​ക്കു​ന്ന​ത്. എ​ന്നാ​ൽ ഇ​തേ പോ​ലീ​സ് ഉ​ദ്യോ​ഗ​സ്ഥ​ർ ഇ​പ്പോ​ഴും ജി​ല്ല​യി​ൽ ക്ര​മ​സ​മാ​ധാ​ന ചു​മ​ത​ല​യി​ൽ തു​ട​രു​ക​യാ​ണ്.